«Жылдын супер саундтреги»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ДУБАЛ СЫРТЫН ЖАСАЛГАЛОО

№876 15-21-август, 2019


Үй салгандан кийин дубалдын бети жаан-чачындын айынан бузулбашы үчүн аны каптап, жасалгалоо керек болот. Бул жаатта кандай заманбап материалдар бар экендигин, айырмачылыктарын Кыргыз мамлекеттик курулуш, транспорт жана архитектура университетинин курулуш материалдарын, буюмдарын жана конструкцияларын өндүрүү жана серептөө кафедрасынын доценти Жамалидин Абдыраимов айтып берет.

САРЫ ТАШ (ТРАВЕРТИН)

Бул “ракушечник” деп да аталат. Учурда Ош облусунун Өзгөн районунан казылып келүүдө. Кенден казылып келгенден кийин плитка формасында кесилип, жылмаланат. Курамы – кальций карбонаты. Кендин жердин үстүңкү бетине жакын катмары (1-катмар) күн, жаан-чачындын таасиринен өңү күрөң-саргыч тартып, тыгыздыгы азыраак болот. Андыктан бул катмардан жасалган плиткалардын баасы арзаныраак. Үйлөрдүн, имараттардын бетин каптоого, полго колдонулат. 2-катмарынын өңү саргыч ак, тыгыздыгы бекем болгондуктан кымбатыраак. Көбүнчө үй, имараттардын сыртын каптап, кооздоого кетет.

Плитанын 1 чарчы метри 500-650 сомдун тегереги.

Артыкчылыктары:

• Экологиялык таза материал, бышык

• Дубалды күн нурунан, жаан-чаачындан сактайт

• Күн нурунан өңү өзгөрбөйт

• Узакка кызмат кылат (50 жылга чейин)

• Сыртын жууса болот

• Дем алат (майда көзөнөктөр бар)

• Күйбөйт, газ бөлүп чыгарбайт

Кемчиликтери:

• Салмагы оор. Андыктан анча салмакты кармоо үчүн мыкты, бышык пайдубал керек

• Дубалдын бетине бекиткенге металл профилдүү арматуралар, атайын клей эритме (курамы кум, цемент, пластификатор) керектелет

• Монтаждоого көп убакыт кетет

• Баасы кымбат

КЕРАМИКА ПЛИТАЛАРЫ

Булар Орусия, Кытай, Италия жана башка өлкөлөрдөн алынып келинет.

Курамы: чопо, кум, кварц, талаа шпаты жана карбонаты, күл, слюда (минералдар топтому). Плиткаларды жасоодо 2 жолу атайын бышыруудан өткөрүшөт.

Керамика плиталарынын: керамограниттүү, клинкердүү, кышка жана ташка окшоштурулуп жасалган түрлөрү бар.

1 чарчы метри – 500-1500 сом.

Артыкчылыктары:

• Экологиялык жактан таза материал

• Узакка кызмат кылат (50 жылга чейин)

• Бышык, өңү өчпөйт

• Ар түрдүү түстөгүлөрүн тапса болот

• Күйбөйт, газ бөлүп чыгарбайт

Кемчиликтери:

• Салмагы оор, андыктан анча салмакты кармоо үчүн мыкты, бышык пайдубал керек

• Морт. Сынып калгандарынын ордуна дайыма запастагылары болуусу керек

• Дубалга бекитүү үчүн темир торлор, курулуш клейи керектелет

• Монтаждоого көп убакыт кетет

ФАСАДДЫК БЕТОН ПАНЕЛДЕР

Булар Кыргызстанда чыгарылат, ошондой эле Кытай, Орусиядан алынып келинет.

Мунун кышка, ташка, тактайга, 3D форматына окшоштуруп жасалган түрлөрү бар. Курамы – цемент, фибра (жасалма жипче, кыл), кум, суу, боёктон турат. Фибра айнек буладан, базальттан жасалуусу мүмкүн. Ошого жараша панель стеклофибробетон, базальтофибробетон деп аталат. Фибра плитканы сынып кетүүдөн коргойт.

Бетон панелдердин бир чарчы метри 500-2000 сом.

Артыкчылыктары:

• Экологиялык жактан таза

• Күйбөйт, өрттөнбөйт, газ бөлүп чыгарбайт

• Бат эле коюлат (монтаждалат)

• Узакка кызмат кылат (25-40 жыл)

Кемчиликтери:

• Салмагы оор, нымды сорот

• Дубалга цемент эритме же курулуш клейи менен жабыштырылат

Эгер панелдин өлчөмү чоң болсо саморез (шуруп) менен да бекитүү керектелет

САЙДИНГ

Бул курулуш материалдары учурда Кытай, Орусия, Европа мамлекеттеринен, Түркиядан алынып келинүүдө. Жыгач, металл, винил, акрил, цемент сайдингдер бар.

Баалары – жасалган материалына жараша 1 чарчы метри 280-620 сомго чейин. 20-35 жылга чейин кызмат кылат.

Жыгач сайдингдин курамы жыгач буласынан, атайын чайырдан турат. Бети жаан-чачындан, күн нурунан коргоо үчүн бир нече жолу сырдалат же лакталат. Жыгачка окшош көрүнгөндүгү үчүн имараттын ичин кооздоодо да колдонулат.

Үйдүн сыртын каптап, кооздоо үчүн жыгач-полимердик композиттен жасалганы (жыгач буласы+полипропилен) пайдаланылат. Дубал бетине жыгач рамкалар орнотулуп, ошонун бетине жабыштырылып бекитилет.

Артыкчылыктары: нымды сорбойт, жеңил.

Кемчиликтери: өрткө туруктуу эмес (күйөт).

Винил сайдинги. Сыртынан жыгачка окшош көрүнөт. Өңүн 20 жылдан кийин да жоготпойт. Жакшы жуулат, бетине кир көп топтолбойт. Курамы: поливинилхлорид, боёк, кальций карбонаты жана башкалардан турат.

Артыкчылыктары: жаан-чачын, күн нуруна туруктуу, жарака кетпейт, чирибейт, дат баспайт, экологиялык жактан таза (курамында күйүүчү жана уулуу зат жок), монтаж жасоо оңой.

Кемчиликтери: дубалдын бетине бекиткенге металл профилдүү арматуралар керектелет, саморез менен бекитилет.

Металл сайдинги

Алюминий жана болот сайдинг болуп бөлүнөт.

Болот сайдинг көбүнчө өнөр жай имараттары, кампалар, цехтер үчүн колдонулат. Жаан-чачындан улам дат баспашы үчүн курамына атайын заттар кошулат.

Артыкчылыктары: ар кандай түстөгүлөрүн табууга болот.

Кемчиликтери: салмагынын оордугу жана катуу бир нерсе тийип кетсе мыйрыйып, кайра калыбына келбестиги.

Алюминий сайдинги

Артыкчылыктары: бекем, жеңил, оңой монтаждалат, түрдүү өңдөгүсүн тапса болот, дат баспайт, оңой жуулат.

Кемчиликтери: мындай сайдингдин бети бир нече ирет сырдала тургандыктан убакыттын өтүшү менен сыры катмарланып, өңү кете баштайт. Бирок кайра сырдаса болот. Катуу бир нерсе тийип кетсе, ошол жери мыйрыят. Дубалдын бетине металл профилдүү арматуралар аркылуу бекитилет.

Цемент сайдинги

Курамы цементтен жана целлюлоза буласынан, пигменттерден турат. Көбүнчө өрт чыгып кетүү коркунучу чоң имараттардын фасадына колдонулат.

Артыкчылыктары: бекем, бышык, сыртын жууса болот.

Кемчиликтери: салмагынын оордугу, кескенде кремний чаңы чыгат, андыктан ал өпкөгө өтпөшү үчүн респиратор кийүү керек.

Сайдингдер чакан чачтарач менен дүкөн, мончо, чарпая, гараж, мончолордун бетин каптоодо, үйдүн чатыры менен дубалдын ортосундагы ачык жерди тосууда да колдонулуп жүрөт.

Канымжан Усупбекова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23227;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: