«Жылдын супер актрисасы»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

МЕССИ МЕНЕН БИР КОМАНДАДА ОЙНОГУСУ КЕЛГЕН ЖАШ ФУТБОЛЧУ ГҮЛЖИГИТ АЛЫКУЛОВ МЕНЕН МАЕК

№876 15-21-август, 2019


Футбол боюнча Кыргыз курамасынын келечеги, бычакка сап боло турган оюнчулардын бири, чабуулга өңүт алган жарым коргоочу – Гүлжигит Алыкулов. Ылдамдыгы менен өзгөчөлөнгөн Гүлжигит үчүн атаандаштын бир нече футболчусун алдап өтүү маселе жаратпайт. Бул жылдын башында аталган оюнчу Беларусь чемпиондугунда ойногон «Неман» клубу менен келишим түзгөн. Аз убакыттын ичинде команданын лидерине, күйөрмандардын сүймөнчүлүгүнө айланган футболчуну кепке тарттык.

КААРМАН ТУУРАЛУУ

Толук аты-жөнү – Алыкулов Гүлжигит Жаныбекович

Туулган күнү – 25-ноябрь, 2000-жыл

Туулган жери – Бишкек шаары

Бою – 170 сантиметр

Салмагы – 60 килограмм

Амплуасы – жарым коргоочу

Ойногон клубу – «Неман»

Катар саны – 27

Үй-бүлөдө – 6 бир туугандын кенжеси

Учурда – Кыргыз курама командасынын оюнчусу

– Салам, Гүлжигит. Чет өлкөдө ийгиликтүү оюн көргөзүп жатканың кыргыз күйөрмандарыңды кубанычка бөлөп жатат.

– Саламатсыздарбы, жылуу сөзүңүздөргө чоң рахмат.

– Сөздү футболдогу алгачкы кадамдарыңдан баштасак. Канча жашыңда, кантип футболго келип калгансың?

– 11 жашымда «Дордой» футбол мектебине алгачкы жолу баргам. Мени ал жакка улуу байкем киргизген. Ага чейин мен самбо күрөшү менен профессионалдык деңгээлде машыгып, өспүрүмдөр арасында мелдештерде байгелүү орундарды да багынтып жүргөм.

– Балалыгың кайсы жакта өткөн, балалыгың тууралуу сөз кылсаң?

– Балалыгым Бишкек шаарындагы Киркомстрой конушунда өткөн. Ошол жерде жашап, алгачкы ирет №42 орто мектептин босогосун аттагам. Бала чагым аябай кызыктуу өттү десем болот. Атам чыгармачыл адам болгондуктан аны менен концерттерде, той-топурларда көп болдум. Үй-бүлөдө эң кенжеси болгондуктанбы, айтор, атамдын жанында эле ээрчип жүрө берчүмүн.

– Раматылык куудул Жаныбек Алыкулов агабыз дагы футболго кызыкчу беле? Сенин оюндарыңды көрүп калдыбы?

– Атам негизи чыгармачылыктан сырткары спортко жакын болчу. Бою өтө узун эмес болсо дагы чапчаң футбол, баскетбол, бийиктикке секирүү боюнча мыкты болчу деп аяш аталарымдан, токтогулдук жердеш байкелерден угуп калам. Балким, атамдын таасиринен улам спортко жакын болуп калгандырмын. Тилекке каршы, менин ойногон оюндарымды көргөнгө жетишпей калды.

– 2017-жылы Түркиянын алдыңкы командаларынын бири «Анталияспор» клубунун жаштар курамасында сабак алдың, ойнодуң...

– «Анталияспордо» бир жарым жыл жүрдүм. Өзүм үчүн жакшы эле тажрыйба топтодум десем болот. Тилекке каршы, документтер аягына чейин бүтпөй расмий оюндарга чыга алган жокмун. Ага карабастан ал жактан жаңы тажрыйба менен бирге жаңы досторду таптым.

– Учурда ойноп жаткан «Неман» клубуна кандайча чакыруу алып калдың?

– 2019-жылдын башында агентим аркылуу «Неман» клубуна кароого барып, клубдун окуу-машыгуу жыйындарына катыштым. Машыгуу учурунда достук оюндар болду. Алгачкы оюнда эле менин оюнум жетекчиликке жагып калыптыр. Андан соң алар мага кызматташууга келишим сунушташты. Ошентип Беларусь клубу менен 3 жылга келишим түздүм. Ал жакта бардык шарттар каралган, айлык акы, жашай турган жер жана бонустар.

– Ал жакка көнүү кыйынчылык жараткан жокпу?

– Башында чынында көнө албай жүрдүм. Себеби бул жакта футбол бир аз айырмаланып турат. Кудайга шүгүр, азыр көнүп, командалаштарым менен түшүнүшүп калдым.

– Беларусь чемпиондугунда футболдун деңгээли Кыргыз Премьер-Лигасына караганда канчалык күчтүү экен? Айырмачылыктарын байкай алдыңбы?

– Негизинен бул жакта деле ошол эле футбол. Бирок негизги айырмачылык – футболго болгон мамиле. Мамлекет тарабынан колдоо көрсөтүлүп жатканы көрүнүп турат. Бардык командалардын өздөрүнүн стадиондору бар, шарттар мыкты түзүлгөн. Ал эми оюн жагын алсак, оюндун темпи алда канча ылдам.

– Жаңы командаң сени кандай кабыл алды? Кандай кыйынчылыктар болду башында?

– Жаңы командам аябай жакшы кабыл алды. Баары менен жакшы мамиледе болуп, достошконго аракет кылам. Башында кыйынчылыктар болду. Өзүм аябай сүрдөп жаттым, бирок ал кыйынчылыкты дагы басып өттүм.

– Командалаштарың сени Гүлжигит деп айтышабы же лакап атың барбы?

– Лакап атым бар. Мени Жига деп айтышат. Ал эми команданын күйөрмандары болсо Малой же Малыш деп айтып калышат.

– Кыргыз өлкөсүн сагынганда оюңа биринчи эмнелер келет, кимди эстейсиң?

– Мекенимди сагынганда эң эле биринчи апамды, бир туугандарымды, жакын адамдарым болгон досторумду эстейм. Анан, албетте, сүйгөн шаарым Бишкек эске келет.

– Социалдык тармактарда сен жөнүндө жазылган пикирлерди окуп турасыңбы?

– Ооба, окуп турам. Жакшы сөздөрдү угуп кубанып калам. Бирок азыркы абалым мен үчүн чек эмес. Буюрса, өзүмдү мындан дагы жакшы көрсөтүп Кыргыз футболун жогорку деңгээлге көтөргүм келет.

– Ушул жылдын 11-июнунда Бишкекте Кыргызстан – Палестина достук оюну болду. Ал беттеште Гүлжигит Алыкулов улуттук курам үчүн дебюттук оюн өткөрдү. 19 жаштагы балада кандай сезимдер болду?

– Албетте, өз мамлекетиңдин улуттук курамында футбол ойноо – мен үчүн чоң бакыт. Сөз менен айта албаган башкача сезимдер болду десем болот, өзгөчө патриоттук сезимдер ойгонот экен.

– Улуттук курамдын оюнчулары сени кандай кабыл алды? Алардын кимиси менен жакындан доссуң?

– Баары менен эле жылуу мамиледемин. Кыргыз курамасынын ар бир оюнчусу мага жардам берип, колдоо көрсөтүп жатты.

– Сен үчүн идеалдуу күн кандай өтүш керек?

– Жакшы машыгуудан кийин же оюн өткөргөндөн кийин үйгө келип, апамдан «эмне тамак бар?» деп сурасам, анан апам мени даамдуу тамагы менен тойгузса, мына, ушул идеалдуу күн.

– Бош убактыңда эмне кыласың? Футболдон башка эмне менен алектенүү жагат?

– Досторум менен жолугуп чогуу компьютердик оюндарды ойнойбуз. Мечитке барып намаз окуп турам. Футболдон башка дагы эркин күрөш жана самбо күрөшү жагат. Ошондой эле UFC мелдештерин көрөм.

– Кайсы футболчу менен бир командада ойногуң келет жана эмне үчүн?

– Месси менен ойногум келет. Анткени ал оюнчунун талантына абдан баа берем.

– Дүйнөдөгү эң мыкты үч футболчу?

– Криштиану Роналду, Лионель Месси жана Эден Азар.

– Футбол ааламындагы эң мыкты машыктыруучу?

– Юрген Клопп.

– Учурдагы эң күчтүү команда?

– Мен үчүн дайыма "Барселона".

– Маек үчүн убакыт бөлгөнүңө рахмат. Гүлжигит Алыкулов деген ысым Испания, Англия, Италиянын футбол талааларында да жаңырсын.

Кубан Жумамидинов
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(4)
19.08.2019. 15:01 
Тайпасы:
Жаран
Комментарийлердин саны:
19
Катталган:
17-01-2019
Соӊку аракети:
02-11-2019 12:31
Жынысы:
Белгисиз
+5
Жонокойлугу жагат ушул баланын))) Ийгилик,сен али коптогон бийиктиктер кутуп турат
21.08.2019. 11:56 
Тайпасы:
Жаран
Комментарийлердин саны:
12
Катталган:
07-05-2012
Соӊку аракети:
08-11-2019 15:09
Жынысы:
Белгисиз
Калаасы:
Astana
+4
Жонокойлугу жагат атсы жакшы инсан деп коп угам алга Гулжигит
22.08.2019. 00:11 
Тайпасы:
Жаран
Комментарийлердин саны:
183
Катталган:
28-04-2017
Соӊку аракети:
10-11-2019 17:51
Жынысы:
Белгисиз
+2
Азамат! Кыргыздын атын чыгарган мыкты жигит бол. Биздин балабызга дагы ушундай, дунуёну дунгуроткон ийгиликтер буйрусун. Атанын баласы деген ушундай болот. Ж.Алыкулов балдарын жакшы тарбиялаптыр.
Snejana түзөттү 2019-08-22 00:15:29
22.08.2019. 00:13 
Тайпасы:
Жаран
Комментарийлердин саны:
183
Катталган:
28-04-2017
Соӊку аракети:
10-11-2019 17:51
Жынысы:
Белгисиз
+2
Ушундай жакшылыктарын атасы корсо кандай болоор эле. Аттин, бир кем дуйно.0
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: