Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ТУМАН (Ала качуу, зордуктоо, сойкулукка кабылган кыргыз кызынын оор тагдыры тууралуу сериал)

№876 15-21-август, 2019


(Башы өткөн сандарда)

Ал түш көрүп жатты. Түшүнө баягы наристе кирди. Бети көпкөк, тумчукканда мурду, оозу-башы кыйшайып калган болчу. Ошол турпатында экен. Таң калычтуусу, ал Шайыр жаткан керебетти айланып басып жүрдү. Жүрөгү дүкүлдөп кабынан чыгып кетчүдөй. Коркуп жатты. Денеси кыймылга келбейт.

– Шайыр! Шайыр!- Кудай жалгап Роза ойготуп жиберди.

– Уф!- денеси чылпылдап тердеп чыгыптыр. Жүрөгү лакылдайт.

– Эмне албарсты бастыбы, аябай кыйналып жаттың?

– Ооба.

– Гуля эже бүгүн жумушка чыккыла деди экөөбүздү.

– Кардар тааптырбы?

– Ии, туристтер деди го.

ххх

Көнгөн жумуш. Кардардын көңүлүн алмай. Бардыгы шарактап жатышат. Шайыр гана терең ойго батып отурат.

– Эй, сулуу! Кел, кичине көңүлдүүрөөк отурсаң,- курсагы салаңдаган капкара эркек Шайырга кайрылды.

– Ооба, бери карачы! Өзүңчө эле башка дүйнө болуп жатасың. Деги ойлонгонуң эмне?- Роза кызып калыптыр, курбусун карап кыткылыктады.

– Мага көп акча керек болуп жатат.

– Көп акчаны мына мен берем. Ал үчүн сен жумушуңду так аткар! Мага эркеле, мени эркелет. Ха-ха-ха,- жанагы кара эркек каткырды.

– Көп акча болгондо канча?- тамекисин күйгүзүп жатып сурады Роза.

– 20 миң доллар.

– Эмне?! Аны эмне кыласың?

– Кыргызстандан бир кыз келиптир. Кичине кыз. Жүрөгү оорукчан. Ошого акча керек болуп жатат.

– Ал кыз эмне сенин тууганыңбы?

– Жок, чоочун эле адам. Бирок ал кыргыз да.

– Сен экөөбүз деле кыргызбыз. Кана, башка кыргыздардын бизге жардам бергени?

– Ал байкуш кыз жашоонун жакшылыгын көрө элек. Ага жардам бериш керек.

– Жашоонун жыргалын экөөбүз көрдүк беле? Балким, ал ошол кичинекей бойдон өлүп калганы жакшыдыр. Алдыда аны толтура турмуш сабактары күтүп турат. Андан көрө асманга учуп кеткени жакшы го.

– Барчы ары сен! Бээ десе, төө дейт!

– Кыздар, урушпагыла!- кардарлардын бири Розаны кучактай калды. Шайыр кайра өз ойлору менен алаксып кетти.

Эмне кылса экен, акчаны кайдан табат? Мээси чыңалып чыкты.

ххх

Автобуста кайрадан баягы эки курбу. Таң атканча уйку көрбөгөнгө экөө тең жүдөп калышкан.

– Сен чын эле тигил кызга жардам берейин дейсиңби?- Роза сыртты телмире тиктеп келе жаткан Шайырдан сурады.

– Мм,- баш ийкеди курбусу.

– Билесиңби…- бир нерсени айтчудай болуп барып буйдалып калды.

– Эмнени?

– Гуля эжеде акча бар деп кой. Ооба, ооба, антип таң калып караба! Ал калп эле “акча калбай калды, тиги-бу” дей берет. Бирок анын банктык картасында 50 миң доллардай акча бар. Мен өткөндө үй жыйнап жатып кагаздарды көрдүм.

– Чын элеби?

– Ооба.

– Сурасам берет болду бекен?

– Мээң жайындабы? Ал деген Гуля. Атактуу зыкым Гуля. Картанын сыр сөзүн билиш керек андан көрө.

– Аны кантип билебиз?

– Билбейм. Бирок сыр сөздү таап алсак го. Анда сен 20 миңди алып, калганын мен алып… Чиркин, айылга заңкайган особняк салдырат элем. Биздин айылда особняктар көбөйдү. Жепирейген биздин там эле калды окшойт.
И-ий, андай болсо атам кандай сүйүнөт эле. Байкушум, ал ошол үйүнөн уялып жүргөндөй.

– Кыялдана бербей сыр сөздү тапкандын айласын ойлонбойлубу?

– Эх, Шайыр, башканын акчасына көз артканыбызды кара! Ал байкуш да бир керегине жаратайын деп жүргөндүр да. Балким, анын да сен экөөбүздүкү сыяктуу кыялы бардыр. Элестет, анан ошончо акчадан бир күндө кол жууп калса.

– Тигил байкуш кичине кыздын өмүрүн сактап калсам, мен Гуля эжеге кайра баарын кайтарып бермекмин.

– Кайтарып бере албайсың анча акчаны. Анын үстүнө ал сенин тууганың болбосо, эмне кыласың жардамдашып ал кызга.

“Менин өзүмө дагы эле адам бойдон экендигимди далилдегим келип жатат. Антпесе кыйналып кеттим. Моюнумда оор жүк турат. Ал жүктү жакшылык жасоо менен гана алып сала алам” деди Шайыр. Бирок мунун баарын ичинен айтты.

– Бул оюбуздан кайтат окшойбуз! Чын эле Гуля эженин да өз көйгөйлөрү бар чыгар. Ал байкуш да бул акчаны жылдап чогулткандыр. Анан келип эле экөөбүз алып кетсек. Жок-жок! Болбойт!- деди Шайыр жанагы ойлорунан кийин. Роза да анын бул сөздөрүнө ынангандай баш ийкеди. Бирок Шайырдын ою таптакыр башка болчу. Ал жеке өзү гана сыр сөздү таап, Гулянын банктык картасын алып чыгышы керек экенин сезди. Ушул тапта Роза да дал эле Шайыр сыяктуу ойлонуп жаткан. «Капкайдагы бейтааныш бирөөгө жардам берем дейт. Өзүнүн кебетеси бул! Жок, мен ал акчаны өзүм алып кетем. 20 миңди жөн эле талаага чачкандан көрө айылга особняк салдырам, машина алам… Каап, буга айтпай эле койгондо болмок экен» ичинен бир эсе банктык карта тууралуу Шайырга ооз ачып жибергенине өкүнүп калды.

ххх

– Гуля эже, кандайсыз?- жайдарылана учурашты Шаку.

– Апей, көптөн бери жолуга элек кишидей сүйлөйсүң го. Жакшы, ай. Жумушту сагынып калгансыңбы дейм, көптөн бери чыкпай жатып?

– Ошол жумушту да сагынмак беле, коюңузчу.

Роза Шайырдын дароо өзгөргөнүн байкады. «Бул шордуу сыр сөздү таап алуунун аракетин кылып жатат. Жакшы сөз сүйлөп, Гуляны алдаганы жаткан го. Оюңду окуп койдум, Шаку! Бирок Гуля алдана турган адам эмес. Андан сыр сөздү алуу үчүн башка жол менен барыш керек» ичинен ушинтип ойлонду Роза.

ххх

Роза туура эле ойлонуптур. Шайыр жакшы сөз, жакшы мамиле менен максатына жетмекчи болду. Алдап болсо да сыр сөздү айттырат же 20 миң долларды сурап болсо да алат.

– Бүгүн ичпейлиби, Гуля эже?

– Эмне себеп?

– Себеби жок эле. Армандарды айтышып, сыр бөлүшүп, ыйлап-сооротушуп жакшы отурбайлыбы?

– Мейли. Мен да чарчап жүрөм. Бүгүн кардар да жок анын үстүнө. Бирок шарапты ким алып келет?

– Мен алып келем.

– Ай, ушу сен башкачасың, Шайыр.

– Ошону айтсаңыз. Алдап жаткандай эле сезилип жатат. Деги жагымсыз сюрприз кылбасаң болду?- «ойлоруңду окуп койгом» дегендей келекелөө менен сүйлөдү Роза. Эки кыздын ичинде тымызын күрөш башталды.

ххх

Ашкана түтүнгө толуп чыкты. Мастыкта булар тамекини өкүртө чегишет экен. Ар кайсыны сүйлөштү, ырдашты, ыйлашты, сырдашышты, армандарын төгүштү. Анан бир убакта Роза шалак эте кулап, ошол бойдон уйкуга кетти.

– Таптакыр көтөрө албайт ушу?- Гуля жактырбагандай сүйлөдү. А Шайыр болсо ушуну күтүп жаткан. Роза аз эле ичимдикке мас болуп калчу. Бул жолу ал болушунча тигил экөө менен тең тайлашууга аракет кылды. Бирок дагы алы кетип калды.

Роза эс-учун таппай калган соң Шайыр Гулянын маңдайына отуруп шараптан куйду.

– Айтсаңыз, Гуля эже, 20 миң долларыңыз бар болсо эмне кылат элеңиз?

– 20 миңге эч нерсе кыла албайсың да. Мына 100 миң доллар болсо, анда башка кеп. Анда апамды, ал багып жаткан 2 кызымды Бишкекке көчүрүп келип, аларды эч нерседен кем кылбай багыш үчүн бизнес ачмакмын. Мен ошого аракеттенип жүрбөймбү.

– Гуля эже, бир кичинекей кызга жардам керек болуп жатат. Мен сизге ачыгын эле айтайынчы. 20 миң доллар керек экен. Колуңуздан келсе ошого жардам берип турбайсызбы?

– Эмне?

– Мен кайра баарын төлөп берет элем. Бекер иштеп бермекмин сизге.

– 20 миң доллар деген кандай акча экенин билесиңби?

– Сизде бар да акча. Берип туруңуз. 20 миң доллар менен кызды сактап калабыз.

– А менин кыздарымчы? Байкуштарым жылына мени бир эле жолу көрүшөт. Аларды кандай сагынам билесиңби? Атасы бир келип абалын сурап койбойт байкуштардын. Карыган кемпир апам кыйналып-кысталып ошолорду багып жүрөт. Мага жардам берер бирөө барбы?

– Бирок…

– Шайыр, жашоо ушундай. Телегейи тегиз бирөө жок бул дүйнөдө. Ар биринин кемтиги бар.

Шайыр эмне дээрин билбей калды. Туруп шкафка жөлөнө кетти. Анан капыстан шкафтын үстүнөн бычакты көрдү. Заматта ою бузула түштү...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Башка сандарда:
Комментарийлер(2)
20.08.2019. 00:34 
Тайпасы:
Жаран
Комментарийлердин саны:
13
Катталган:
05-01-2018
Соӊку аракети:
02-09-2019 22:58
Жынысы:
Белгисиз
0
Көбүрөөк жазсаңарчы
25.08.2019. 14:14 
Тайпасы:
Конок
Комментарийлердин саны:
1
Катталган:
10-08-2019
Соӊку аракети:
27-08-2019 23:33
Жынысы:
Белгисиз
0
Окшошпой баратат го.Ашыкча көркөмдөлүп..
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: