Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ИШЕНБЕК МУХТАР УУЛУ, акын, обончу: «ЖҮРӨК СЫРЫ» ДЕГЕН ЫРЫМДЫ КӨЛДҮК СУЛУУГА АРНАГАМ»

№875 8-14-август, 2019-жыл


«Жылуулук дүйнө сендеги,
Жүрөктүн кылын термеди.
Сүйүүнү кайдан сезмекмин,
Сүйбөсөм эгер мен сени?..»
Сүйүүгө толгон бул ыр ар кандай кечелерде, тойлордо, отуруштарда көп ырдалат. Аруу сезимдер тууралуу баяндалган оданын тарыхы да кызык. Ырдын автору Ишенбек Мухтар уулу толкуп-ташкан сүйүүгө кезиккени менен, кызга даап барып сезимдерин билдире алган эмес. «Ал кыз менин сүйөрүмдү билген жок. Сүйүүмдү билдирбей калдым деп деле өкүнбөйм. Анткени менин сезимдерим ырда калды»,- дейт автор.

– Саламатсызбы, Ишенбек мырза? Алгач өзүңүздү тааныштырып өтсөңүз...

– Саламатчылык. Мен 1984-жылы 21-декабрда Кытай Эл Республикасынын Синьцзян аймагындагы Көк-Терек деген кыргыз айылында төрөлгөм. Алты бир туугандын улуусумун. Башталгыч, орто мектепти ошол жактан аяктадым. Үй-бүлөлүүмүн. Суусамырга күйөө бала болгом, ортобузда бир уулубуз бар. Учурда Бишкек шаарындагы билим берүүчү комплекс-мектепте музыка мугалими болуп эмгектенем.

– Кытайдан бери келип, музыкадан билим алышыңызга ким же эмне түрткү болду?

– Атам музыканы жакшы көрүп, баалачу. Кичинекей кезимде "сени музыка боюнча Кыргыз өлкөсүнөн окутам" деп айтар эле. «Пенденин оозунда болсо, Кудайдын кулагында» дегендей, атамдын тилеги, ата-энемдин колдоосу менен 2006-жылы Кыргыз-Кытай мамлекеттеринен билим тажрыйба алмашуу программасынын алкагында Кыргыз өлкөсүнө келгем. Алгач Караколдогу Ыбрай Туманов атындагы музыкалык окуу жайында, андан кийин Кыргыз улуттук консерваториясында окудум.

– Эми элдин жүрөгүнөн түнөк тапкан «Жүрөк сыры» деген ырыңызга токтололу. Сүйүү тууралуу бул ыр жөн жерден жаралбаса керек?

– Ооба, ыр жөн жерден чыккан жок. Караколдо окуп жүргөндө менден бир курс ылдый окуган көлдүк бир ак куу бар эле. Анын караанына ашык болуп, катуу сүйүп калдым. Мен өзүм уялчаак, тартынчаак жигит болгондуктан, даап алдына барып сезимдеримди айта алган жокмун. Сыртынан гана сүйүп, оргуштаган сезимдеримди ыр саптарына калтырдым. Сүйгөн кызым менин сүйөрүмдү билбей деле калды. Кийинки жылы жогорку билим алуу максатында Кыргыз улуттук консерваториясына тапшырдым. Бишкекке келе бергеним менен, баягы кыздын элеси көз алдымдан кетпей койду. Аны эстеп, кыялданып отуруп «Жүрөк сырымдын» обону жаралды.

– Адатта мырзалар сүйүктүүсүнө жеткенге ашыгат. Сиз аракет кылган жоксузбу?

– Жок, мага сыртынан сүйгөн жетиштүү болду. Аракет кылган жокмун деп өкүнбөйм деле. Анткени ал сүйүүм азыр ырда калды.

– Көпчүлүк бул ырды Максат Кыштобаевдин аткаруусунда билди. А бирок өзүңүз да ырдап жүрөсүз, адашпасам?

– Алгач «Жүрөк сырын» өзүм ырдап жүргөм. «Кыргыз» радиосуна» алып барсам, «Алтын фондуна» өткөрүштү. Ал жакка өтүп кеткенден кийин ырга ишеним пайда болуп, той-концерттерде аткарып жаттым. Ырдын аткаруучусу Максат Кыштобаев менен студент кезден тааныштым, жатаканада чогуу жашап калдык. Экөөбүз той, кечелерге барып ырдап жүрчүбүз.

Ырды алгач Айбек Касымов, Алтынбек Каленовдорго бергем, бирок Максатка буюрган экен, ал калың журтка таанытып, багын ачты. Максаттын аткаруусунда ыр элге жакшы сиңип калганда «бекер ырдабай калыпмын» деп өкүнгөндөр болду. Арасынан «көп убакыттан бери тааныш болуп жүрсөк да жакшы ыр чыгарып берген жоксуң» деп таарынгандар чыкты. Албетте, өзүм деле автор катары барган жерде сөзсүз ырдайм.

– Элге кеңири тараган, эл сүйүп уккан ыр болот деп күттүңүз беле?

– Чынында, бул ырды мен популярдуу болот деп ойлогон жокмун. Көөдөнүмдөгү букту чыгардым, ошого ыраазы болдум.

Негизи ырларды жазып, алар жергиликтүү гезит-журналдарга жарыяланып турчу. «Жүрөк сырына» чейин «Таарынба мага», «Айыл жыты», «Апакем» деген ырлар чыкты. Андан кийин «Арзуу ыры», «Өмүргө», Сулууга», «Бир туугандар», «Бишкек кечи» жана башка ырларым радиолордон жаңырып жүрөт. Бирок «Жүрөк сыры» аброюмду көтөрүп, эл арасында мени кадимкидей сый-урматка ээ кылды.

– Маегиңизге рахмат. Чыгармачылык ийгилик!


МАКСАТ КЫШТОБАЕВ, АТКАРУУЧУ: «АТТУУ-БАШТУУ АГАЛАРЫБЫЗДЫ КҮТҮП 2-3 ЖЫЛ ЫРДАБАЙ ЖҮРДҮМ»

– Ишенбек экөөбүз Улуттук консерваторияда окуп, жатаканада 3-4 жылдай чогуу жашап калдык. Кээде жакшылыктарга барып аккордеон менен «Жүрөк сырын» чогуу аткарып калчубуз.

Ишенбек бул ырды өзү 2010-жылы ырдап чыккан. Кийин аттуу-баштуу улуу агаларыбыз ырдайбыз деп сурап алып, ырдабай жүрүштү. Мен ырдайын десем улам бирөөсү ырдаганы жатат болуп кайра токтоп калам. Алардын жолу улуу болгондуктан, ыр талашпайын деп унчукпай кала берчүмүн. Ошентип 2-3 жыл ырдалбай жатты. 2015-жылы гана экөөбүз кеңешип, "башкалар ырдабай калышты окшойт, мен аткара берейин" деп чечтик. Кудайга шүгүр, элдин жүрөгүнөн түнөк тапкан, ийгиликтүү ыр болду.

Чынында, мени калың журтка тааныткан жана мен тааныткан ушул ыр болду. Эл мени «башка ыры жокпу?» деп ойлошпосун деп жаңы чыгармаларды деле жаздырдым. Бирок болбой эле «Жүрөк сырын» сурана беришет (күлүп). Кайда барбайын сөзсүз суранып эки жолу ырдатышат. Эгер үйдөгү жакшылыктарга барып кала турган болсом, кеминде 5 жолу ырдайм. Айтор, тойду «Жүрөк сыры» менен баштап, аягын да ошол ыр менен бүтүрөм.

«Жүрөк сыры» автор катары Ишенбектин да беделин көтөргөн ийгиликтүү ыр болду.

МАКСАТ КЫШТОБАЕВ, «ЖҮРӨК СЫРЫ»
Сөзү, обону: Ишенбек Мухтар уулунуку

Жылуулук дүйнө сендеги,

Жүрөктүн кылын термеди.

Сүйүүнү кайдан сезмекмин,

Сүйбөсөм эгер мен сени?

Көркүңө жоктой теңдеши,

Көңүлдүн сүйгөн эркеси.

Бакытты кайдан сезмекмин,

Байкабай калсам мен сени?

Жүрөктүн сезбей арзуусун,

Турмуштун баспай ашуусун.

Өтмөкмүн сени көрбөсөм,

Өмүрдүн сезбей таттуусун.

Гүлжамал Абылкасымова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(5)
12.08.2019. 10:57 
Тайпасы:
Жаран
Комментарийлердин саны:
211
Катталган:
26-01-2017
Соӊку аракети:
24-08-2019 08:05
Жынысы:
Белгисиз
+3
Сонун ыр мага жагат,айрыкча жанагы Баткендик бала ырдаган варианты мощный чыккан.
12.08.2019. 13:22 
Тайпасы:
Жаран
Комментарийлердин саны:
129
Катталган:
26-01-2016
Соӊку аракети:
24-08-2019 08:09
Жынысы:
Белгисиз
Калаасы:
♡♡♡ОШ♡♡♡
+1
Каяктан көчүрүп алсак болот?
12.08.2019. 14:08 
Тайпасы:
Жаран
Комментарийлердин саны:
117
Катталган:
05-06-2007
Соӊку аракети:
16-08-2019 17:18
Жынысы:
Белгисиз
+1
Baktyluu_bolgum_kelet,
https://www.super.kg/media/audio/227049
ушул ссылка менен кирип көчүрүп алсаңыз болот.
Гүлжамал Абылкасымова түзөттү 2019-08-12 14:08:19
16.08.2019. 07:55 
Тайпасы:
Жаран
Комментарийлердин саны:
36
Катталган:
13-09-2016
Соӊку аракети:
23-08-2019 13:26
Жынысы:
Белгисиз
0
Эн жакшы жеткире ырдаган Каныбек Дайырбек уулу дээр элем ото сонун ырдаган
16.08.2019. 09:44 
Тайпасы:
Жаран
Комментарийлердин саны:
27
Катталган:
02-04-2016
Соӊку аракети:
16-08-2019 14:37
Жынысы:
Белгисиз
Калаасы:
Ош
0
Ырдын тарыхы угарманга таасири чон. Мен буй -буй ырынын жаралуу тарыхын угуп ырдабай калган элем, бул ырдын да жаралуу тарыхы ырга туура келбейт экен, анткени мен бул ырды уй булоолук суйуу болсо кк деп ойлогон элем.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22754;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: