Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Манас Ниязов, улакчы: “АМЕРИКА КУРАМАСЫН КӨЧМӨНДӨР ОЮНДАРЫНА ДАЯРДОО СУНУШУ ТҮШТҮ”

№875 8-14-август, 2019-жыл


Кыргыздын эр жүрөк жигиттеринин чыныгы демин, күчүн көрсөткөн оюн – көк бөрү. Бул оюн аркылуу аты алыска жетип, көк бөрү боюнча Америка курама командасын машыктырууга сунуш алган Манас Ниязов бүгүн биздин маек төрдө. Спортчу бул жагымдуу жаңылыгы менен бөлүшүп, алдыдагы максаттары, көк бөрүнүн келечеги тууралуу ойлорун айтты.

– Ассалому алейкум, Манас мырза! Маегибизди акыркы жаңылыктардан баштасак. Сизге АКШнын көк бөрү курама командасын машыктыруу сунушу түшүптүр. Америкалыктар менен кайдан, кантип таанышып калдыңыз?

– Алейкум ассалам! 2016-жылы Ысык-Көлдө II Дүйнөлүк көчмөндөр оюндары өтпөдү беле. Ал мелдешке америкалыктар да көк бөрү ойногону келишкен, ошондо алар менен таанышкам. Кийин, 2018-жылы III Дүйнөлүк көчмөндөр оюндарында мага белек ала келишиптир. Алар телефон номеримди сурашып, жакындан таанышып калганбыз. Кийин социалдык тармак аркылуу жазышып, “АКШ курама командасын машыктырбайсыңбы” деген сунуштарын айтышты.

Алардын негизги максаты – 2020-жылы Түркияда өтө турган Дүйнөлүк көчмөндөр оюндарында мыкты оюн көргөзүп, байгелүү орунду ээлөө экен. Алар мени ушул максатка жетиш үчүн чакырып жатышат.

– Сиздер дагы АКШ тарапка өзүңүздөрдүн талаптарыңыздарды койсоңуздар керек?

– Мен өзүмдүн талаптарымды койдум. Ал сыр бойдон калсын. Ошондой эле Кыргыз өлкөсүнүн Көк бөрү федерациясы дагы өз талаптарын айтты. Негизгиси сүйлөшүүдө эки тараптуу оюндар уюшулсун деп айтылды. Кыргыз оюнчулары АКШга барып оюн көргөзүп, америкалыктар болсо бул жакка келип ойноп турсун деген талап коюлду. Эгер АКШ ал талаптарга макул болсо, мен АКШга барууга даярмын. Аларды машыктырууга менде да кызыгуу чоң.

– Америкалыктардын оюнун жакшы бир тепкичке көтөрүүгө канча убакыт керек деп ойлойсуз?

– Менин оюмча, эки жыл жүрүп үйрөтсөк, алардын деңгээли бир топ жакшырат деп ойлойм. Эң негизгиси, аларда каалоо жана мүмкүнчүлүктөр бар.

– Үй-бүлөңүз АКШга кеткениңизге кандай көз карашта?

– Ата-энем башында кичине каршы болуп жаткан. Кийин макулдугун беришти. Эгер кете турган болсом үй-бүлөмдү кошо ала кетем деп ойлоп жатам.

– АКШда жашоону кандай элестетип жатасыз. Ал жактагы кыйынчылыктарга даярсызбы?

– Мага оор болбойт деп ишенем. Себеби менин жумушум – көк бөрүнү үйрөтүү. Ал нерсе мен үчүн оорчулук жаратпайт. Мындан тышкары АКШда кыргыздар абдан көп, алардын ичинде досторум да бар. Андыктан оңой эле көнүп кетсем керек.

– Көк бөрүнү өнүктүрүү үчүн дагы кандай кадамдарга барыш керек?

– 2016-жылдагы Дүйнөлүк көчмөндөр оюндарынан кийин көк бөрү жаңы тепкичке көтөрүлүп, жакшы өнүгүп келе жатат. Учурда бул оюнду билбеген, кызыкпаган өлкөлөр да бар. Аларга бул спорттун түрүн таанытуу зарыл. Бул үчүн алардын жерине барып же, тескерисинче, аларды бизге чакырып көк бөрү оюнун көргөзүшүбүз керек. Оюн тууралуу түшүнүк алгандан кийин кызыгуу пайда болот деп ишенем.

– Сизге Сибирден, Ооганстандан күйөрмандар келип белектерин берип кеткен учурлар бар. Чет өлкөдөн да күйөрмандар пайда болгону кубандырабы?

– Бала кезде ат майданда мыкты улакчы агаларымдын оюндарын көрүп, кыялданчумун. Жакшы оюн көргөзсөм, кыргыз элимдин намысын коргосом, элге таанылсам деп ниет кылчумун. Эмнени ниет кылсаң, Кудайым ошол ниеттерге жеткирет экен. Кудайга шүгүр, кыялдар ишке ашты. Бирок мынчалык таанымал болуп кетем деп ойлогон эмесмин. Чынын айтканда, кыргыздар гана эмес башка улуттун өкүлдөрү сага күйөрмандык кылып жатканын билгенде аябай кубанат экенсиң.

– 2018-жылы Дүйнөлүк көчмөндөр оюндарында казактардан реванш алышка катуу даярдык көрдүңүздөр эле. Ошол учурда казактардын финалга чыкпай калганын кандай кабыл алдыңыз?

– Ачыгын айтканда, биздин курам казактарды жеңиш үчүн 2 ай атайын даярдык көргөнбүз. Биздин максат алардан реванш алыш керек болчу. Алар финалга чыкпай калганда аябай жинибиз келди. Мелдешти жеңдик, бирок казактарды жеңүү андан да маанилүү болчу.

– Мындан 10 жыл мурун казак командалары Кыргыз жерине байма-бай келип ойноп кетишчү эле. Эмнеден улам казак менен кыргыздын көк бөрүдө мамилеси сууп кетти?

– Ооба, мурда казак командалары бизге келип, биз Казакстанга барып ойноп турчубуз. Алар азыр жаңы эрежелерди киргизип, көкпар деген аталыш менен ойноп жатышат. Казак туугандар тай казанды алып салышты, улактын ордуна муляжды тартып жатышат. Ошондон улам келише албай жатабыз. А мурда алар деле тай казанда ойношчу да. Казактар тай казан менен ойносо кыргыздарды ута албасына көзү жетти окшойт. Ошол себептен ушундай өзгөрүүлөрдү киргизип жатышат.

– Быйыл көк бөрү боюнча дүйнө чемпиондугу Өзбекстанда тай казаны жок, чийинде өтөт деген сөздөр айтылууда. Эгер тай казаны жок чемпиондук болсо кыргыз курамасы барыш керекпи?

– Өзбекстанда ал мелдеш болбойт деген сөздөр айтылып жатат. Негизинен тай казан менен боло турган биринчилик болсо барыш керек.

– Атты эмнесине карап тандайсыз? Алдыдагы мелдеште кайсы ат менен оюн көргөзөсүз?

– Аттардын акылдуулугуна жана күчүнө карап тандайм. Алдыдагы оюнда Бойка же Шторм менен чыгам. Мүмкүн эки күлүктү тең минем. Азырынча чечиле элек. Аттарым тууралуу айтсам, экөө тең күчтүү, күлүк. Бойка тай казанга үйрөнүп калган, экөөбүз бири-бирибизди мыкты түшүнөбүз. Шторм болсо жаңы ат. Быйыл 9-майда болгон мелдеште алгачкы ирет оюн көргөздү, жыйынтык жакшы болду.

– Өзүм дагы күлүк таптайм деп айтып келесиз. Күлүктү таптоо да өзүнчө талант болсо керек?

– Ар бир команданын өзүнүн саяпкери болот. Андыктан көк бөрү оюнуна чыга турган аттарды мен таптабайм. Ал эми үйүмдө аламан улакка түшчү аттарды даярдайм. Аламан менен көк бөрүнүн айырмасы чоң. Аламанга физикалык жактан абдан күчтүү аттар керек.

– Аламан улак деп калдыңыз. Бул спорттун түрүн дагы эл аралык деңгээлге алып чыгууга болобу?

– Учурда аламан деле жакшы өнүккөн. Казакстанда, Өзбекстанда, Тажикстанда, Ооганстанда байма-бай мелдештер болуп турат. Айыл жергесинде дээрлик күн сайын аламан болот. Бирок ал оюндар видеого тартылбай калың журтка жетпей калгандыктан көк бөрүдөй популярдуу эмес.

– Келечекте кыздар арасында көк бөрү мелдештер болуп калышы мүмкүн деп ойлойсузбу?

– Кыздар арасында болбойт го дейм. Себеби ал жерде өзүң гана эмес, ат менен да иштешиң керек. Бул өтө татаал.

– Бирок эрежесиз эр урушта, UFC`де кыздар мушташып жатат да...

– Көк бөрү UFC`ден да кыйын. Ооба кыздар октагонго чыгып, мушташып жатышат. Бирок ат чаап, улак тартып жатканын элестете албайм.

– Адамда баалаган сапатыңыз?

– Кичипейилдик.

– Спортчу биринчи кезекте кайсы сапатка ээ болушу керек?

– Спортчу болсо дагы кичипейилдик сапат биринчи орунда.

– 10 жылдан кийин өзүңүздү кандай элестетесиз?

– Дагы деле аламан улак чаап, балдарды машыктырып, күлүктөрдү таптап, көк бөрүнүн өнүгүшүнө өз салымын кошуп жүргөн адам катары элестетем.

– Жакында Эгемендүүлүк күнүнө карата көк бөрү боюнча президенттин кубогу болот. Даярдыктар тууралуу кеп кылсаңыз?

– Эгемендүүлүк күнүнө карата жыл сайын өтө турган президенттин кубогу быйыл Чолпон-Ата шаарында болот. Учурда Бишкекте даярданып жатабыз. Бир нече күндөн соң Ысык-Көлгө барып, машыгуубуз ошол жактан уланат. Буюрса, жеңиш биздики болот деп турабыз.

– Көк бөрү аркылуу кыргызды дүйнөгө таанытып жүрө бериңиз. Ишиңизге, алдыдагы оюндарга ийгилик.

Кубан Жумамидинов
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(3)
13.08.2019. 01:16 
Тайпасы:
Жаран
Комментарийлердин саны:
19
Катталган:
27-04-2019
Соӊку аракети:
23-08-2019 05:18
Жынысы:
Белгисиз
-7
Бир созун жакпай калды. Американецтерди канчалык машыктырсан дагы кыргыздай ойной албайт дегенин. Козунду чоон ач. Футбол Америкадан чыккан. Бразилия кыйын ойнойт.
13.08.2019. 23:28 
Тайпасы:
Жаран
Комментарийлердин саны:
22
Катталган:
11-01-2018
Соӊку аракети:
20-08-2019 21:38
Жынысы:
Белгисиз
+2
mister_akkuu,Саламатсызбы? Кечиресиз бирок бул интервьюдан антип айтканын окуй алган жокмун. Анан да футбол Америкадан эмес Англиядан эле чыкса керек эле. Эгер жаңылышпасам
18.08.2019. 19:20 
Тайпасы:
Жаран
Комментарийлердин саны:
58
Катталган:
29-01-2016
Соӊку аракети:
24-08-2019 09:44
Жынысы:
Белгисиз
0
Фудбол оштон алайдан чыккан
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22754;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: