Архив
897   898   899   900   901   902  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Манас Алыкулов, шоумен: «АТАМДЫ КҮН САЙЫН ЭСТЕЙМ»

№874 1-7-август, 2019-жыл


Айтылуу куудул Жаныбек Алыкуловдун уулу, учурда шоумен катары таанылып калган Манас Алыкулов бул сандын каарманы болду. Жең түрө ырчылыкка киришип жаткан каарманым акыркы жаңылыктары, жеке жашоосу, эстрада ырчысы гана эмес, классикалык жанрдагы ырларды ырдоого да бел байлап жатканын айтып берди.

– Салам, Манас! Иштериң кандай?

– Салам. Иштер жакшы. Жакшылыктарда кызмат кылып жүрөбүз. Той көп болсо, биздин ишибиз да жакшы жүрүшөт. Азыр баамдап эсептегениме караганда, 1 күндө Бишкекте 100дөй той өтөт. Бул элдин жашоо деңгээлинин жакшырганынан кабар берет.

– Ырчы болом деп калыптырсың. Эмнеден улам мындай каалооң ойгонду?

– Ырчы болуу кичинемден бери келаткан кыялым. Бир кезде Мураталы
Күрөңкеев атындагы музыкалык окуу жайга тапшырып өтпөй калгам. Кийин кафе-ресторандарда ырдап жүрдүм. Кийинчерээк Улуттук консерваториянын эстрада бөлүмүндө окуп, бирок бүтүрө албай калгам. Азыр чоң сахнага чыгууга аракет кылып жатам. Алтынай Нарбаева эже менен дуэт жаздырдык. Гүлнур Сатылганова эжеге да дуэт ырдоо сунушун киргизсем макул болду. Буюрса, күзүндө эже менен ырдаган жаңы ырыбыз чыгат. Муну менен чектелбейм. Профессионалдуу деңгээлде болбосо да классикалык ырларды ырдайм. Андыктан келечекте менден классикалык жанрдагы ырларды да угуп каласыздар.

Дагы бир жаңылык, күзүндө чыгармачылык кечемди бергим келип жатат. Бул идеяны канча жылдан бери бышырып жүрөм. Кече 3 бөлүктө, 3 форматта өтөт. Болуп көрбөгөндөй өзгөчө кече болот деп айта алам.

– Тилегиңе жет! Сен ырларын жактырып угуп жүргөн ырчылар кимдер?

– Кичинемден Гүлнур Сатылганова эженин ырларын угуп чоңойдум. Анын аткаруу чеберчилиги, өзүн алып жүрүүсү жагат. Мындан тышкары Мирбек Атабеков, Султан Садыралиев, Ильяз Абдыразаковду кумир тутуп жүрчүмүн. Азыр алар мени кумир тутуп жүрүшөт, тамаша!

– Шоу-бизнес өкүлдөрүнүн хайп жаратып, атын чыгарууга ашыккандарын көрүп жүрөбүз. Сен да хайптын артынан кууйсуңбу?

– Хайпты көбүнчө Амир Аскаров жаратат да. Мисалы, мен деле азыр мага Амир Аскаров жакпайт десем хайп болуп кетет да.

– Жагабы Амир Аскаров?

– Жакпайт.

– Жеке жашооңо келсек, үйлөнгөндөн кийин жашооңдо кандай өзгөрүүлөр болду?

– Үйлөнгөндө күйөрмандарым жоголуп кетет деп 35 жашка чыкканга чейин үйлөнбөй жүргөн чыгармачыл адамдарды көрүп жүрөбүз. Мен үчүн үйлөнгөнүм жакшы болду. Кудай ырыскысын берет экен. Турмуш кургандан кийин күйөрмандарым, Инстаграм баракчама жазылгандар, той, иш-чараларга буюртмалар көбөйдү. Ошондуктан күйөрмандарды жоготуп алам деп чочулагандарды түшүнбөйм.

– Артисттин аялы болуш кыйын деп айтып калышат. Жубайың экөөңдүн ортоңордо кесибиңден улам маселелер жаралбайбы?

– Кудайга шүгүр, жубайым менин ишимди түшүнөт, колдоп турат. Мен үйгө түндө келип, түшкө чейин уктайм. Келинчегим ал режимге деле көнүп калды. Кудай сактасын, азыр андай маселелер жарала элек. Тфү-тфү, көз тийбесин. Мактабай эле коёюн, бирок "кайда жүрөсүң, эмне кылып жүрөсүң?" деп чала бербейт. Каякта жүргөнүмдү Инстаграмдан эле көрүп алса керек да.

– Балаң тууралуу сүйлөшөлүчү. Балалуу болгон кандай экен?

– Балалуу болгон керемет экен. Бала өзүнчө ырахат, чарчаганда эс алдыруучу экен. 1 жарым жашка чыкты. Азыр мени ээрчип калды. Бир жакка жөнөсөм, ыйлап артымдан ээрчийт. Боорум ооруп артка кайтып, сооротуп коюп кетем.

– Баланы кандай тарбиялаш керек деген ойдосуң? Эркин коюш керекпи же чектеген туурабы?

– Балам азыр кичинекей. Ал тууралуу ойлонуу, менимче, эрте. Баламды чоң апасы, бир тууган агам болуп чогуу тарбиялайбыз. Эстесем, атам сүрдүү болчу. Бир көз карашы менен эле бизге айта турганын билдирип койчу. Биз да анын айтканын эки кылчу эмеспиз. Мен да атамдай болуп, балам аша чаап баратса, көз карашым менен токтотуп койгум келет. Балам чоңоё берсин. Кандай болсо да аны кыргыздын эр-азамат жигити кылып чоңойтконго аракет кылабыз.

– Менин түшүнгөнүмчө, балаңды коркутуп тарбиялайт экенсиң да.

– Бала үйдө бир адамдан сүрдөп турушу керек деп ойлойм.

– Кыргызда уулдарды атадан кем, атага тең жана атадан артык уул деп баалашат. Сен кандай уул боло алдым деп ойлойсуң?

– Атама тең уул болуш үчүн атамдай билим алыш керек, аскерге барып келиш керек, деги койчу, ал багындырган ийгиликтерге жетиш керек. Атам ар тараптуу адам болчу. Атама жетиш кыйын. Тең болгонго аракет кылам. Бирок бир аз кемирээкмин.

– Атаңды эстегенде кайсы образы көз алдыңа тартылат?

– Дайыма атамдын жанында жүрчүмүн. Азыр кайда барсам да атамды эстейм. Күндө мени көрүп, мени менен учурашкан адамдардын көбү атамдын кесиптештери, күйөрмандары. Жакында эле апам, бир туугандарым менен Ысык-Көлгө барып эс алып келдик. Ал жактан да жолдун жээгинде атам концерт койгон жайларды көрүп, эстедим. Апамдарга ал иш-чараларда болгон окуяларды айтып берип келдим. Мен айрым учурда
аппаратуранын кайсы бир тетигин унутуп калып, атамдан уруш угуп калчумун. Ошол кездерди эстедим. Атамды күн сайын эстейм, күн сайын куран окуп турам. Менде азыр жашоомдо баары жакшы. Бир гана атамдын эрте кеткени өкүндүрөт.

Азыр концерт, тойлордон атамдын ырларын ырдап, ал жараткан сатираларын аткарып калсам, “Жаныбек өлбөптүр” деп кыйкыргандар бар. Ушул толкундантчу учур, мындай учурда жашагың келет.

– Биз билбеген кандай өнөрлөрүң бар?

– Массажды жакшы жасайм. Атам менин укалаганымды жактырчу. Мындан тышкары тамак жасагандан ырахат алам. Өзүмдүн фантазиям менен ар кандай тамактарды жасайм. Мен жасаган тамактарды тамшанып, даамдуу экен деп жешет.

– Жакшы. Жашооңдо эң чоң кубаныч тартуулаган кайсы учур?

– Азыркы учурда кубанып турам. Анткени кичине кезимде “Супер-Инфону” калтырбай окучумун. Бүгүн башкы бетке чыгып жатканым мен үчүн эң кубанычтуу, бактылуу учурлардын бири.

– Бактылуу күндөрүң көп болсун! Ишиңе ийгилик!

Перизат Музуратбекова
star@super.kg



Манас Алыкулов, шоумен: "Аялым кайдасың деп чала бербейт"

Автор: Айжан Нурманбетова
Оператор: Айбек Алимов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(10)
05.08.2019. 10:47 
Тайпасы:
Жаран
Комментарийлердин саны:
116
Катталган:
26-01-2016
Соӊку аракети:
19-02-2020 22:42
Жынысы:
Белгисиз
Калаасы:
♡♡♡ОШ♡♡♡
+7
Ачык айрым жигит экен.Ийгилик!
05.08.2019. 11:35 
Тайпасы:
Жаран
Комментарийлердин саны:
5
Катталган:
17-06-2019
Соӊку аракети:
18-02-2020 18:33
Жынысы:
Белгисиз
+9
Молодец,чыгармачылык ийгилик.Ии баса Амир Аскаров магада жакпайт
05.08.2019. 13:51 
Тайпасы:
Жаран
Комментарийлердин саны:
29
Катталган:
08-10-2018
Соӊку аракети:
19-02-2020 23:20
Жынысы:
Белгисиз
+8
Эми Амир Аскаровдун жооп жазганын королучу.Жооп бергенге дарманы да келбесе керек.
Super TV
05.08.2019. 15:49 
Тайпасы:
Жаран
Комментарийлердин саны:
8
Катталган:
29-07-2019
Соӊку аракети:
19-02-2020 15:10
Жынысы:
Белгисиз
0
Уну куюп койгондой атасынын унуно окшош экен
05.08.2019. 16:47 
Тайпасы:
Жаран
Комментарийлердин саны:
44
Катталган:
06-09-2016
Соӊку аракети:
30-12-2019 16:51
Жынысы:
Белгисиз
+6
Азаматсын
Super TV
05.08.2019. 20:26 
Тайпасы:
Жаран
Комментарийлердин саны:
6
Катталган:
11-03-2018
Соӊку аракети:
08-02-2020 15:33
Жынысы:
Белгисиз
0
3 же 4 классымда, бир кызды жакшы корот элем. 2011 болуш керек,парламенттик шайлоо алдында,угутоо концерттери болуп жаткан. Акыркы сабактан бошотуп, концертке баргыла деди....... Ары жагын жазсам ангеме болуп кетет. Шорпону качан берет, качан ичебиз деп аягына чейин турганбыз))))
06.08.2019. 18:53 
Тайпасы:
Конок
Комментарийлердин саны:
18
Катталган:
06-06-2019
Соӊку аракети:
09-09-2019 20:48
Жынысы:
Белгисиз
-1
Тамададан аз акча таап аткан го анан ырчылык бизнеске отойун десе к.к.
07.08.2019. 17:34 
Тайпасы:
Жаран
Комментарийлердин саны:
114
Катталган:
03-12-2018
Соӊку аракети:
03-12-2019 15:08
Жынысы:
Белгисиз
+5
Шорпо,шорпо,шорпо,шорпо ичкиле!Аттин,Жаныбек Алыкулов кандай кыйын киши эле.Жаткан жери жайлуу болсун!Манаска кен келечек!
07.08.2019. 19:39 
Тайпасы:
Жаран
Комментарийлердин саны:
19
Катталган:
17-01-2019
Соӊку аракети:
02-11-2019 12:31
Жынысы:
Белгисиз
+3
Ашыкча жасалмалык жок,ачык айрым маек болуптур.Эмнегедир акыркы убакта дежурлардан тажап жаттым эле



Супер,эмнеге Аалы Туткучев,Роза Аманова, дегендерден коп ЖЫлдардан бери интервью жок болуп кетти ... Анжелика ,Самаранын кечинде кантип жаткандарын деле коро берип 36 болуп кеттиго.Сонку кабарга го кунуго чыгарасынар
08.08.2019. 03:25 
Тайпасы:
Жаран
Комментарийлердин саны:
117
Катталган:
21-09-2012
Соӊку аракети:
14-01-2020 19:39
Жынысы:
Белгисиз
-4
Орунсуз суйлогон олдоксон жигит.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23623;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: