Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ПЕРИШТЕНИН КӨЗ ЖАШЫ (Мигранттын балдары, кичинесинен бири-бирин жоготуп алган наристелер тууралуу баян)

№873 25-31 июль, 2019-ж


(Башы өткөн сандарда)

Азыр Айдар чоңоюп жигит болгондо да ошондогу Аруукенин ысык алаканынын табын сезет. Эсинде таптак сакталып калган экен. Аруукени биринчи жолу кучагына алган көз ирмем болгону 5 жаш болсо да эсинде түбөлүк сакталып калыптыр. Ал дагы аргасыздыктан чыккан. Чоң энеси менен атасынын үйүнө барып калса деле бешикте жаткан карындашын карагысы келбей терс бурулчу. Канча алдап, дүкөндөн эмне каалаганын сатып берем десе да болбой баш чайкап наристе жакка тиктебей тура берчү. Кокус эле көзүнө урунуп калса итиркейи келип, “үйгө кетеличи” деп чоң энесинин жанын койчу эмес. Апасына болгон кусасы бир аз басаңдап, мектепке даярданып, тамга таанып, кошуна балдар менен ойноп калган кези болчу. Ошол учурда туугандары чоң энесин тойго чакырып, ал аргасыз Айдарды атасынын үйүнө таштап кете турган болду. Өзүнө айтса таптакыр көнбөйт болчу. Уктап жатканда атасы көтөрүп өз үйүнө алып келиптир. Түн бир оокумда ызы-чуудан ойгонуп кетти.

– Жетет! Сүйлөбөчү мага...

– Сыртка чыгып бир аз элге аралаш, иш тапканга аракет кыл. Эмне, жата бересиңби? Картошка казыла элек, “трактор менен сүйлөшүп койдум” дедиң эле же дайын жок.

– Сенин ишиң болбосун!

– Сенин тирүүлөй өлүк абалыңдан чарчадым мен. Эмне болуп бара жатасың, жок дегенде сакалыңды кырып алчы, эшикке чыксаң балдардын жүрөгүн түшүрчүдөй болбой.

Эрнис аялынын үнүн укпаганга аракет кылып кулагына жаздыкты басып алды. Айгүл токтободу. Мурдун алып ыргытып, бышактап ыйлап, түн жарымында убакыт тапкансып сүйлөнө берди.

– Менин мугалимдик менен тапкан акчам эч нерсеге жетпейт. Жок дегенде 1-сентябрда кийип барганга тыңыраак көйнөгүм жок. Шыпты тиктеп эле үшкүрүп, онтолоп жатасың. Билем сенин дартыңды. Тигиниңди унута албай жатасың да, ээ?

– Токтоп кал дедим сага!- деди тиштенген Эрнис. Көзүн жумуп жиберди. Түн жарымында балдарды коркуткусу келбеди. Энеси “тынч болгула” деп суранып кетти эле, барган тойдо тынч отуруп эс алып келсин, Айдар коркуп кетпесин деп ойлоду. Терең дем алып ичинен сандарды санай баштады. Токтоп калса кана?!

“Асия эле, Асия”, кайда барбайын ошол желмогуздун атын угам. “Ал мындай эле, тигиндей эле, жаркылдап турчу эле. Оокатты тың кылчу эле”. Мен эч нерсе жасабай эле отургансып... Бардыгын кылып жатам, бул үйдү эптеген менмин. Канча аракет кылсам да бир Асиядай боло албадым. Бүт айылдын башын айлантып алганбы ал? Керек болсо мен андан билимдүүмүн, 5 жыл окугам. Ал укмуш болсо бир келип баласынан кабар алат эле го. Бир жылдан бери баласынан кабар алган жок.

Аял кургур азыр тыпырап муштумдун алдында каларын билсе да тилин тартпай быдылдай берди. Анткени чыдабай калган эле. Айылдагы терс көз караштан, кайын энесинин салкын көз карашынан, Эрнистин кайдыгерлигинен ызасы ташып бараткан. Эң негизгиси, сүйүктүү боло албаган аялдын ызасы эле. Кандай жол менен болсо да Эрнисти өзүнө байлай албай, айласы кеткендеги ызасы атылып чыгып жаткан кези эле. Эрнис жарым саат укту. Жини келип колдору карыша баштады. Күңкүлдөгөн аялы токточудай эмес. Такыр чыдамы кетти да, эркек ыргып туруп былч эттире бир муштады.

– Токтоп кал дедим го сени. Асия деген атты атаба дедим го сага! Башымды айлантып боозуп туруп андан ажыратып тийип алдыңбы, ия? Мына сага, көрсөтөм Асия дегенди оозуңа алган кандай экенин! Сениби шашпа!

Былч-былч урулган муштумдар. Аялдын уңулдап ыйлаган үнү. Айдар кулагын колдору менен жапты. Тээ мурункудай эт-жүрөгү титиреп коркуп кетти. Бул коркунучту бала кезиңде гана сезесиң. Түрсүлдөй соккон жүрөк алкымыңа келип, алакандарың нымдашып кетет. Ошол эле маалда ызы-чуудан Арууке ойгонуп кетип ыйлап жиберди. Атасы мунун ыйлаганын угуп бул бөлмөгө келип бизди да урат деген коркунуч пайда болду балада. Керебетинен тура калып, бөбөктү шыпылдата бешиктен чечип кучактай калды.

– Болду, Арууке, болду ыйлаба...

Кыз солуктай басылды. Көп учурда аны түн ичинде эч ким колуна алчу эмес. Ыйлап жатып, ата-энеси кырылышып жатып анын үнүн укпаганда кайра уктап калчу. Бакырайган көздөрү менен Айдарды тиктей калып тааныдыбы, дымып калды.

– Ыйлаба, тигилер дагы урушуп жатышат.

Быйтыйган алакандары менен кыз агасынын жүзүн сыйпалай берди. Айдар акырын кыңылдап, чоң энесинен көргөндөй май куйрукка таптады. Тынчый агасынын бооруна жабышкан боюнча бышылдап уктап кетти. Айдар уктаган жок. Түнү менен бөбөгүн колунда алып отурду.

xхх

Эрнис аялын уруп моокуму кангандан кийин сыртка чыгып кетти. Мындай учурда картошка каздырсам кереги тиет деп катып койгону эсине түштү. Сарайга барып катып койгон жеринен бир шише аракты алды да, оозунан эле иче баштады. Негизи ичкиликке жакын эмес болчу. Өзү эле чарт-чурт кыялы чукул неме ичкенде такыр жинди болуп калсам керек деп ойлочу. Бөлмөдө эсинен танып канга боёлуп жаткан аялын табалай ичинен күлүп койду. “Чала болот! Шиши толгон. Асия деп коёт дагы. Анын тырмагына татыбайсың сен” деп алды күбүрөнө. Көкүрөгү ачышып кетти. Эстебегенге аракет кылса да, анын элеси турганы-турган. Кайда болду экен? Бирөө-жарымды таап алса керек эмгиче. Өңдүү эмес беле. Кызганыч мээсин жеп кирди. Эрдин кесе тиштеди. Тээ ички туюмунда Асия эч качан кайтып келбесин билчү. Онтоп жиберди. Айгүл менен өзү жакындашып албаганда, боюндагы бала аныкы экенин элдин баары билбегенде, айласы кетип эки оттун ортосунда калган Эрнис кол көтөрбөгөндө кетмек эмес. Адам баарына өзүн-өзү күнөөлөгөнү жаман. Өзүн-өзү кечире албаганы жаман. Сарайдын бир бурчунда караңгыда отуруп башын дубалга ургулап жаткан Эрнистин кайгысы бир гана өзүнө белгилүү болчу.

xхх

– Жигит, канчанчы жолкусу бул? Жашагың келбесе ажырашып кет да. Соо жери калбаптыр аялыңдын,- деди врач. Эрнис эч нерсе дебеди. Кечирим да сурабады, өзүн күнөөлүүмүн деген ою да жоктой.

– Арыз жазып туруп кестирип жиберет.

– Мейли.

Кайдыгер эле баарына. Тиги эмне дээрин билбей кол шилтеп басып кетти. “Өгүз өлбөсүн, араба сынбасын” деген абал кайталана берди. Айгүл кетип калбады, Эрнис ызасын аялынан чыгаргандан тажабады. Бул арада Арууке эки жашка чыгып, көз тойгуза турган сүйкүмдүү кыз болду. Үй-бүлө мүчөлөрүнөн эң жакшы көргөнү Айдар. Көчөдө ойноп жүрсө да жазбай тааныйт. “Абака” деп атайт. Кайдан тапты бул ысымды ким билсин? Көрсө эле талпынат, жетип бети-башынан сыйпалай берген адаты бар. Айдардын жүрөгүндөгү муз да акырындан эрий баштады. Чоң энеси салып берген момпосуйларын кээде акырын чыгарып колуна кармата салат.

Жакындашып калганынын дагы бир себеби бар. Айгүл жумушка кеткенде кызын чоң энесиникине таштап кетчү. Тиричилик менен алек болгон чоң энеси “Айдар, кагылайын, Аруукени карай тур, камыр жууруй салайын, тамак жасай калайын” деп экөөнү бир бөлмөгө таштап коёт. Кыз жанына келип Айдардын көзүн чукуйт, чачын сылайт. Үстүнө чыгып алып ат кылып минет. Башында сыртын салып же сулк эле жатып берген Айдар эми анын колдорун кармалап, кээде кытыгылап күлдүрөт. Борсулдап экөө тең болбогон нерселерге каткырып калышат. Чоңдордун дүйнөсүндөгү катаалдык, өздөрү түшүнбөгөн бүтпөгөн чыр экөөнө тиешеси жоктой эки бир тууган бир дүйнө курушту. Анда адилеттик, катаалдык, кол көтөрүү, коркуу жок, керемет дүйнө болчу. Ал дүйнөдө экөө эле бар болчу. Ата-энелерине керек эмес, мээримге тойбой калган экөө бири-бирине сүйүү, жылуулук берчү. Бара-бара экөө такыр ажырашпай калышты. Айылдын эли 6 жаштагы бала аркасына көтөргөн эки жаштагы кызды ар көчөдөн көрүп жылмайып өтүшчү. Экөө тең “менин балам болсочу” деп эңсей тургандай таттуу эле. Аттиң, ошол кереметти ата-энеси сезген жок...
 

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(6)
29.07.2019. 09:33 
Тайпасы:
Жаран
Комментарийлердин саны:
209
Катталган:
26-03-2014
Соӊку аракети:
13-10-2019 01:11
Жынысы:
Белгисиз
+5
Ар бир санында ыйлап окуп келе жатам
29.07.2019. 16:39 
Тайпасы:
Жаран
Комментарийлердин саны:
2
Катталган:
19-12-2018
Соӊку аракети:
13-10-2019 23:49
Жынысы:
Белгисиз
+2
Атасы ит экенда адам эмес эле тобо, ушундай акмак эркектерден кудай сактасын жашоонун баарын олтурот
29.07.2019. 19:41 
Тайпасы:
Конок
Комментарийлердин саны:
1
Катталган:
26-07-2019
Соӊку аракети:
04-08-2019 22:24
Жынысы:
Белгисиз
+1
Барган сайын кызыгуу менен окуп жатам.
31.07.2019. 13:27 
Тайпасы:
Жаран
Комментарийлердин саны:
4
Катталган:
14-04-2016
Соӊку аракети:
13-10-2019 20:36
Жынысы:
Белгисиз
Калаасы:
Түп айылы
0
Байкуш балдарды эми тагдыр ажыратканда, даана ыйлап окуйбуз го!
31.07.2019. 14:44 
Тайпасы:
Конок
Комментарийлердин саны:
11
Катталган:
28-07-2019
Соӊку аракети:
13-10-2019 23:02
Жынысы:
Белгисиз
0
Коооптон болсо эээ.кызым айткандай соонун жерине келгенде бутуп калат
03.08.2019. 01:37 
Тайпасы:
Жаран
Комментарийлердин саны:
279
Катталган:
15-08-2017
Соӊку аракети:
12-10-2019 11:46
Жынысы:
Белгисиз
0
Мурунку санын кайсыл жактан окусак болот, айтып койгулачы
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23008;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: