Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ИЧЕГИНИ ТАЗАЛОО ЭМНЕ ҮЧҮН КЕРЕК?

№873 25-31 июль, 2019-ж


“Беттеги бүдүр, аллергия, иммунитеттин төмөндөшү, ичтин көбүшү, шалдыроо, органдарда оорулардын жаралышы... Булардын баарына ичегинин шлактарга, каткан заңдарга толуп калуусу жеткирет. Андыктан ичегилерди 1 жылда 2 ирет тазалоо керек”,- дейт Бишкектеги Улуттук хирургиялык борбордун директорунун илимий иштер боюнча орун басары, медицина илимдеринин доктору Абдрасул Калжакеев.

“ИЧЕГИ ШЛАКТАРГА, КАТКАН ЗАҢДАРГА ТОЛО БАШТАСА ООРУЛАР ЖАРАЛАТ”

– Адамдын ичегилеринин жалпы узундугу 5 метрге чейин жетет жана жоон, ичке ичеги болуп бөлүнөт. Туура эмес тамактануудан, сезгенүүдөн ичеги шлактарга толуп баштаса, анда анын иштөөсү начарлайт. Ич катуудан заңдар топтолуп калса, анда мите курттар, бактериялар көбөйүп, ууларды бөлүп чыгарат. Уулар канга сиңип бүт организмге тарап, оорулар жаралат. Ичегидеги тамактын сиңүүсүнө жардам берүүчү бактериялар азайып кетсе да (дисбактериоз) тамак ичегиге жакшы сиңбей ирип-чирип, андагы зыяндуу бактериялар көбөйүп, ичегини сезгендирет.

Организмдеги жалпы оорулардын 90 пайызынын башталышы ичегилер менен байланыштуу. Ичеги өзүнүн жакшы иштебей калганын ар кыл белгилер аркылуу билдирет. Мисалы, дерматит, псориаз, аллергия, беттеги бүдүрлөр менен безетки, семирүү, кант диабети, өнөкөткө айланган ич катуу, баш оору, бат-бат суукка урунуу.

Ичегиде иммундук клеткалар, пайдалуу жана зыяндуу микроб түрлөрү да бар. Микробдордун жалпы салмагы 1,5 килограммга чейин жетет жана алардын жарымынан көбү жоон ичегиде болот. Пайдалуу микробдор зат алмашуу процессине жана уулардын организмден чыгарылышына салым кошушат. Андыктан алардын тең салмагын кармап туруу зарыл. Антибиотиктерди ичүү, инфекциялык оорулар, стресс, туура эмес тамактануудан пайдалуу микробдордун саны азаят, тамак-ашты сиңирүү жана теринин абалы начарлайт, ич өтөт, иммунитет төмөндөйт, адам шалдырайт. Андыктан ичегини убагында тазалап, антибиотикти талап кылган оорулардын алдын алып туруу зарыл. Башкача айтканда, ден соолукту сактоо жана калыбына келтирүүдө ичегилерди тазалоонун ролу чоң.

КОЛДОНУЛУУЧУ ЫКМАЛАР (ЧОҢДОР ҮЧҮН)

Ыкмалардын түрлөрү көп, бирок баарында тең натыйжа жакшы болсун үчүн тазалануу учурунда майлуу, ышталган, куурулган тамак-ашты жебей, спирт ичимдиктерин ичпей, жеңил тамактарды жеп-ичүү (көбүнчө кайнатма) сунушталат.

СОРБЕНТТЕР

1) Активдештирилген көмүр.

Жыгач көмүр, жаныбарлардын сөөгү, жаңгактын кабыгы кошулуп жасалган. Бул организмдеги, ичегидеги уулуу заттарды, шлактарды, газды жана аллергендерди, оор металлдардын туздарын чыгарат. Ууланганда жана ич көпкөндө да колдонулат.

Активдештирилген көмүр 7-10 күн катары менен адамдын салмагына жараша ичилет. Ар бир 10 килограмм салмак үчүн 1 таблетка ичүү керек. Мисалы, салмагыңыз 60 килограмм болсо 6 таблетка. Каражат тамак ичерден 1,5 саат мурда же тамак ичкенден 1,5 саат кийин ичилет. Дарыканада сатылчу “сорбекс” аттуу активдештирилген көмүрдүн таасири күчтүүрөөк.

Активдештирилген көмүр кээ бирлерде ич өтүүнү жаратуусу мүмкүн. 10 күндөн ашык ичсе организмден витаминдер, микроэлементтер чыгып кетүүсү ыктымал.

2) Смекта, полисорб, лактофильтрум каражаттары.

Канча күн ичүү керектигин врачыңыз менен кеңешиңиз.

Эскертүү: Сорбенттерди ашказандын жана ичегинин өнөкөт жарасынан жабыркагандарга, кош бойлууларга, эмчек эмизгендерге, ичегиси бүтөлгөндөргө, антибиотик ичип жаткандарга колдонууга болбойт! Ашказан-ичеги оорулары козголгон учурда да ичилбейт.

КАДИМКИ КЛИЗМА

Муну медициналык клиникалардан жасатууга же өз алдынча үйдөн жасоого болот. Жоон ичегини тазалоо үчүн колдонулат. Уу, шлактардан тышкары мите курттар, каткан заңдар да жумшарып чыгат. Көбүнчө ич катууда колдонулат.

Эсмарх кружкасын алып, ага 1-1,5 литр кайнатылып, анан муздатылган жылуу суу куюу (30-37 градус) керек. Анан кружканын түтүгүнүн учун ачып, сууну бир аз агызабыз. Бул суудагы газдын чыгышын шарттайт. Эми түтүктөгү клапанды жаап, кружканы керебеттен (кушеткадан) өйдө 70 сантиметрден 1 метрге чейинки бийиктикте асабыз. Сол капталга жатып, колго медициналык кол капты кийип, оң бутту ичке карай бир аз бүгүп (90 градуста), түтүктүн учун крем же вазелин менен майлап, көтөн чучукка киргизебиз. Эгер сууга ромашканын кайнатмасын сүзүп кошуп жиберсе, ал ичегинин сезгенүүсүнүн да алдын алат. Суу куюлуп бүткөн соң дааратканага дароо чуркабай, 5-10 мүнөт чыдоо керек. Анткени суу ичегилерди жууп чыкканга чейин күтүү зарыл.

Эскертүү: Кош бойлуу аялдарга, геморройдон жабыркагандарга колдонууга болбойт!

ТУЗДУУ КЛИЗМА

Клизманын бул түрү врач сунуштаса гана жасалат. 10 пайыздуу натрийдин хлоридинин же 20-30 пайыздуу магнийдин сульфатынын 50-100 миллилитр эритмеси көтөн чучук аркылуу резина баллончик же атайын шприц аркылуу ичегиге куюлат. Анан 20-30 мүнөт дааратканага барбай туруу зарыл. Магнийдин сульфаты адамдагы шишикти кетирүү, боорду тазалоо үчүн да колдонулат.

Клизма жасаткысы келбегендерге магний сульфатынын упасын ичүү сунушталат. Каражат 1 дозага ылайыкталып чыгарылат. Аны лимон кошулган суу же жөнөкөй 0,5 литр суу менен ичип, анан оң капталга боор тушка жылуу грелка (же жылуу суу куюлган баклажка) коюп, дааратканага барбай канчалык чыдай алса, ошончолук убакыт күтүү керек.

Өз алдынча клизманы көп колдонуудан ичегиде пайдалуу бактериялар, азык-заттар жуулуп кетет. Ичеги сезгенип, оору жаралат.

Эскертүү: Клизмалар түз ичегинин жана жүрөк-кан тамыр системинин ооруларында, ашказан-ичегинин жарасында, ракта, операциядан кийинки мезгилде колдонулбайт!

ИЧ ӨТКӨРҮҮЧҮ КАРАЖАТТАР

Айрым учурларда ич өткөрүүчү лактулоза, сенна чөбүнөн жасалган каражаттар колдонулат.

Ичегинин бүтөлүүсүнөн, ич өтүүдөн, геморройдон жапа чеккендерге, антибиотик ичип жаткандарга колдонууга болбойт!

Канча күн ичүү керек экендигин врач сизде кандай оорулар бар же жок экендигине жараша айтып берет.

ГИДРОКОЛОНОТЕРАПИЯ

Бул ыкма медициналык клиникада жүргүзүлөт жана озонго каныктырылган суу колдонулат. Атайын аппараттын учу көтөн чучукка салынып, белгилүү градуска чейин жылытылган бир нече литр суу ичегиге коё берилет. Ичегиге толгон суу керексиз былжырларды, мите курттарды, жылдап туруп калган калдыктарды (заң таштарды кошо), ууларды алып чыгат. Сеанс 30-45 мүнөткө созулат. Процедура 3-4 күн кайталанат.

Колдонулбайт: Көтөн чучукта жаракат болсо, курч кармаган геморройдо, ичегинин рак оорусунда, ашказан жана ичегинин жарасында (өзгөчө кан агуу болсо), кош бойлуулукта.

Ичегини тазалоодо пайдалуу бактериялар жуулуп кетип, саны азайбашы үчүн врачтар линекс, хилак форте, имофлора сыяктуу каражаттын бирин ичип коюуну сунушташат.

Канымжан Усупбекова
densooluk@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(8)
30.07.2019. 10:28 
Тайпасы:
Жаран
Комментарийлердин саны:
33
Катталган:
16-01-2018
Соӊку аракети:
21-10-2019 20:00
Жынысы:
Белгисиз
+3
Рахмат
30.07.2019. 20:41 
Тайпасы:
Конок
Комментарийлердин саны:
2
Катталган:
28-07-2019
Соӊку аракети:
14-08-2019 18:36
Жынысы:
Белгисиз
+1
jakshy maalymat eken
01.08.2019. 13:59 
Тайпасы:
Жаран
Комментарийлердин саны:
1
Катталган:
10-05-2013
Соӊку аракети:
28-09-2019 09:27
Жынысы:
Белгисиз
0
Ушул врачтын номери Берри койосуздарбы.
02.08.2019. 12:11 
Тайпасы:
Жаран
Комментарийлердин саны:
21
Катталган:
18-10-2017
Соӊку аракети:
20-10-2019 10:57
Жынысы:
Белгисиз
0
Эн керектуу кенеш экен.Рахмат.
02.08.2019. 12:12 
Тайпасы:
Жаран
Комментарийлердин саны:
21
Катталган:
18-10-2017
Соӊку аракети:
20-10-2019 10:57
Жынысы:
Белгисиз
0
Рахмат.
02.08.2019. 12:12 
Тайпасы:
Жаран
Комментарийлердин саны:
21
Катталган:
18-10-2017
Соӊку аракети:
20-10-2019 10:57
Жынысы:
Белгисиз
0
Мага керек болчу ушул кенеш,чон рахмат.
06.08.2019. 18:32 
Тайпасы:
Жаран
Комментарийлердин саны:
31
Катталган:
08-05-2017
Соӊку аракети:
21-10-2019 12:55
Жынысы:
Белгисиз
0
Ошондо 6 таблетканы 6 күндө ичеби????????
10.08.2019. 22:48 
Тайпасы:
Жаран
Комментарийлердин саны:
27
Катталган:
01-08-2016
Соӊку аракети:
22-10-2019 06:53
Жынысы:
Белгисиз
Калаасы:
бишкек
0
Kaninaiman, жок он же жети кун ичет. Кунуго мисалы салмагына жараша. Он кг га 1 таблетка
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23087;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: