Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ӨЖӨР, ТАЙМАНБАС, ЧЫНЧЫЛ... ӨМҮРБЕК ТЕКЕБАЕВ ТУУРАЛУУ ДОСТОРУ, АЙЫЛДАШТАРЫ СҮЙЛӨЙТ

№873 25-31 июль, 2019-ж






АКМАН АЙЫЛЫ

Жайгашкан аймагы – Жалал-Абад облусу, Базар-Коргон району

Жалпы аянты – 11 788 чарчы метр

Негизделген жылы – 1956-жыл

Калкынын саны – 13 миңге жакын (учурда)

Деңиз деңгээлинен 1000 метр бийиктикте



«БАЯГЫ БИЗ ОЙНОГОН ЖЕРЛЕРДИ САГЫНДЫМ ДЕДИ»

Жолборсбек Темирбаев, досу:

– Өмүке менен бирге ойноп, бирге жүрдүк. Кичинесинен эле өжөр, тайманбас, чындыкты бетке айткан бала эле. Анан китепти көп окучу, үйүнө качан барба, шатыда китеп окуп отурганын көрөсүң. Чиркеш аяш атабыз да китепти көп окуган, зээндүү киши эле. Өмүке бул жагынан атасын тартыптыр. Мектепте мугалимдердин катасын таап, бетине айтып таштачу. Эч тартынчу эмес. Анан балага окшоп жалган айтышты, бирөөнү алдашты билбеди. Өзү бала болсо да кыялы чоң адамдыкындай эле.

Жолукканда досторчо өткөн-кеткенди сүйлөшөбүз. Акыркы жолу айылга келгенде «Көлмөгө чейин жөө басып Кылыч досубуздун үйүнө баралы. Баягы биз ойноп жүргөн жерлерди абдан сагындым, жөө басып, бир кыдырып көрүп келели» деди эле. Айылга келгенде деле кенен сүйлөшө албай калабыз. Учурашканы эл көп келип, Өмүкенин колу бошобой калат. Эми аман-эсен чыгып келсе, кыялын орундатабыз, буюрса.

«КҮНДӨ 3 ЧАКЫРЫМ ЖОЛ БАСЫП, ИШКЕ АТАЙЫН ЖӨӨ КЕЛЧҮ»

Иманали Абдразаков, агайы:

– Акмандагы №5 мектепте Өмүрбек Текебаевди окутуп калдым. Бала кезинен өзгөчө кулк-мүнөзгө ээ. Мындай адам 100 жылда бир туулса туулат, болбосо жок. Окуучулар, керек болсо мугалимдер Өмүрбекке карап түздөнүп, ага суктанып турушар эле. Мектепте иштеп жүргөндө өзүнүн классындагы окуучуларды пахта теримге жөнөтпөй коюп бүтүндөй союздук өлкөлөргө дүң болгон. Бул бала дайым план менен жүрчү. Үйүнөн 3 чакырым жол басып мектепке сабак бергени келет. Кечикпейт, дайым бир убакытта келет. Жолдон «ала кетейин» деп токтогон машинеге такыр чыкчу эмес. Кийин Базар-Коргон элинин колдоосу менен депутаттыкка шайланып, ошол бойдон саясатта жүрөт. Биздин сыймык. Бүгүн Текебаевдин Конституциясы, мыйзамы менен жашап жатабыз деп баары моюнга алып жатышат. Убагында мамлекеттик бийликтин күчү менен Текебаевди элге жаман көрсөтүүгө аракет кылышты. Бүгүн Текебаевдин жүзү жарык, эл анын ким экенин жакшы билет. Учурда көпчүлүк «Текебаевди бошоткула, анын тажрыйбасын пайдаланып калгыла» деп бийликке чакырык таштап жатат. Сотун 21-августка жылдырып коюшту, бул күнү Текебаев абактан чыгат, майрам болот деп күтүп жатабыз.

«ОКУУЧУЛАРГА АНЕКДОТ АЙТЫП ТУРУП, АНАН САБАГЫН БАШТАЧУ»

Кадырмамат Турдуев, мурдагы кесиптеши:

– 1983-жылы Өмүке физик, мен математик катары мектепте чогуу иштеп калдык. Узун бойлуу, арык жигит эле. Мугалим психолог да болот. Өмүкенин мугалим катары бир өзгөчөлүгүн байкачумун. Сабакты баштаарда физика, турмуш жөнүндө бир-эки анекдот айтып берип, окуучулардын маанайын көтөрүп алат. Балдардын көңүлүн бир жерге топтойт. Анан гана сабак өтүүгө киришет эле.

Эл колдоп, 6 жолу депутаттыкка шайлады. Өмүке шайлоодо 10 атаандашын утуп чыккан күндөр да болду. Башка талапкерлер жолугушууга акчасы же "жолуңарга шагыл төгүп берем, ун таратам" деген убадалары менен келет. Ал эми Өмүрбек Чиркешович китептерди, мыйзамдарды көтөрүп келет. «Ун таратууну, шагыл төгүүнү башкалар жасай берсин, мен мыйзам жазам, аларды ишке ашыртам» дечү.

«БАЙГЕГЕ САЙЫЛГАН КОРОЗДУ БЕРГИЛЕ ДЕП ТУРУП АЛГАН»

Токтогул Алишов, тууганы:

– Өмүрбек экөөбүздүн чоң аталарыбыз бир тууган. Бул балада тубаса жөндөм бар. Балага окшоп чаңга оонап шоктук кылбады. Жашынан эле чынчыл. Мен 1967-жылы балалуу болуп, 1 жашында тушоо той кылдык. Ким биринчи келип баланын тушоосун кессе, байгесине 1 короз дешет. Жарышта Өмүрбек биринчи келсе, апам корозду конокко келген туугандардын баласына берип коюптур. Ошондо Өмүрбектин «эй, чоң апа, сиз оозуңуздан чыккан сөзгө ээсизби же жокпу?» деп жини келгени эсимде. "Корозду бересиңер" деп отуруп алып кеткен. Баладай болуп бирөөнү сөгүп, урушуп-талашканын эч көрбөдүм.

Илгери Жолборс казы чоң атабыз Шабдан бийге жумуштап барыптыр. Барса бийдин жанында бир сынчысы бар экен. Ошондо сынчы Жолборс казыга «3 балаңдан эч нерсе чыкпайт, кызың Уркуя ашыңды берет» деген экен. Чын эле Уркуя эжебиз атасынын ашын берди. Ошондо сынчы «Шаамырза бийдин тобунан бирөө чыгат, дүйнөгө таанымал болот» деген экен. Анда Шабдан бийге кошо барган Абдыжапар деген атабыз 13-14 жаштагы бала экен, кийин «сынчынын айтканы туура чыкты, көрсө, ошондо Өмүрбекти айткан тура» деп жүрдү.

Өмүрбек бетке айтат. Бир жолу жолугуп калганда «Бакиевге тийишпей эле, ага-ини болуп ынтымак жүрө бербейсиңби» десем, «Токтогул аке, башыңыз ордунда элеби? Бакиевдер бүт Кыргыз элин тебелеп, кордоп, шылдыңдап жатса, мен айтпаганда ким айтат? Сиздин, менин неберелеримдин келечегин ойлонбойлубу?» деди. Унчуга албай калдым.

Бир жолу той кыларда 50 миң сомго бир жылкы алды. Ошондо аксакалдар мага “Өмүрбекке айтпайсыңбы, 50 миңге 2 жылкы алса болот” деп калышты. Айтып көрөйүн деп “аксакалдар ушинтип айтышты” десем мени кагып койду. “Токтогул аке, мен Кудайга жалганчы болбоюн деп жашап жүрөм. Бир туулам, бир өлөм. 10 кило эт берсе да, 1 тонна эт берсе да ушуну алдым. Жетпесе кошумча 2 бука алып берем” деген эле.

«АГАЙЫБЫЗ МЕКТЕПТЕ ӨМҮРБЕКТИН ЧАЧЫН АЛЫП САЛГАН»

Каныбек Кабылов, классташы:

– Өмүрбек экөөбүз 10 жыл бирге окудук. Кийген кийими, баскан-турганы, сүйлөгөн сөзү менен башкалардан өзгөчөлөнүп турчу. Жашынан эле «серьёзный» адам. Азыр ого бетер олуттуу. Топ тээп, уй кайтарып жүрдүк. Кызыгы, мектепте кыздар менен такыр бир партага отурбайт эле. Мугалимдерден уруш угуп болсо да максатына жетчү.

Бир окуя эсиме түштү. Союз кезинде мектеп окуучуларына чач койдурбайт эле. 6-класс болсо керек, Өмүке чач коёт эле. Класс жетекчибиз "чачыңды алдыр" десе, Өмүке такыр көнбөйт. Бир күнү агайыбыз 2 окуучуга Өмүрбекти карматып туруп, чачын мектептен эле алып салган (күлүп). Өмүрбек жиндеп, «чыккынчылар» деп бизге таарынган. Киного, түндө башка айылга кыздарга баруу деген нерселер Өмүрбекке жат болчу. Ал эми саясий куугунтукту мектепте жүргөндө эле тарта баштады десе болот. Өмүке өзүнүн окуучуларын пахтага жөнөтпөй койгондо райкомдун катчылыгы аны кысымга алып, аскерге айдап жиберишти.

Кыргызстанда акыйкаттык жок экени Өмүрбекти камаганда далилденди. Акаев качып, Бакиев атып, Атамбаев чындыкты камап кетти. Өмүрбек Текебаев – бул тарых, аты алтын тамгалар менен жазылат. Биз бул адамды барктай албай жатабыз. Өмүр өтүп жатат, Өмүрбектей адамдарды Кыргыз жери, мамлекет үчүн пайдаланып калыш керек. Эл бүгүн 21-августту чыдамсыздык менен күтүп жатат.

«АКТАЛЫП ЧЫГАТ ДЕП ИШЕНЕБИЗ»

Асанбек Султанкулов, мурдагы кесиптеши:

– Өмүрбек калыс, реалдуу сүйлөгөн жакшы бала. Атасы да көптү билген, чынчыл адам эле. Эсимде калганы – Өмүрбек мектепке үйүнөн 3 чакырым жол басып жөө барчу. Жолдо машинеси менен баратып ала кетейин деп токтогон кишилерге «жок» деп айтчу. Айрыкча өкмөттүк кызматкерлердин машинесине отургусу келчү эмес. Өмүрбекти туура эмес эле камап коюшту. Буюрса, акталып чыгат, дагы да элге кызмат кылат деп ишенебиз.

Автандил Добулбеков
politika@super.kg



Тилла эне, Өмүрбек Текебаевдин апасы: “Бүткөндүр эми, уулум эркиндикке чыкчу күндү күтүп жатам“

Автор: Автандил Добулбеков
Оператор: Руслан Алыбаев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: