«Жылдын супер ыры»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

«БИЙ ПАДЫШАСЫ» КАЙ

№872 18-24 июль, 2019-жыл


«Кээде уялчаакмын, кээде менден өткөн тентек адам жок. Бирок көпчүлүк айткандай жоош эмесмин. Кино көргөндү жактырам, Дио экөөбүз ортобузга попкорнду коюп алып кино, футбол көрчүбүз. Эми ал аскерге кетти. Жаракаты жок, аман-эсен кайтып келишин тилейм...» Мындай оюн «ЕХО» тобунун ырчысы, бийчиси Кай айтат. Сахнада так секирип бийлеп, ырдап, жылмаюусу менен кыздардын жүрөгүн «өрттөгөн» Кай тууралуу кызыктарга орун беребиз.

Аты-жөнү
– Ким Чонин

Сахнадагы лакап аты – Кай

Туулган жери – Түштүк Корея, Сеул шаары

Туулган жылы – 1994-жыл, 14-январь

Бою – 182 сантиметр

Үй-бүлөдө – 3 бир тууган, эки эжеси бар

Жашоодогу урааны – «Мен ийилем, бирок сынбайм...»

Күйөрмандык кылган футбол командасы – «Челси»

Жактырган футболчусу – Фернандо Торрес

«ЕХО» тобунун солисти, рэпер, бийчи, модель, актёр

Лейбл – SM Entertainment

Тартылган дорамалары – «Чуркап бараткан адам», «Менин кошуналарым – «ЕХО», «Шоколад банкы», «Биринчи жолку 7 өбүшүү», «Анданте», «Биз көргөн сыйкыр» жана башка

ЧЫГАРМАЧЫЛЫККА «ЩЕЛКУНЧИК» АЛЫП КЕЛГЕН

Ким Чонин үлгүлүү үй-бүлөдө чоңойгон. Ата-энеси 2 кыз, бир уулунун бардык кем-карчын камсыздап, бактылуу балалык түзүп берүүгө болгон күчүн жумшашкан. Мектепке чейинки куракта Чонинди таэквондо, пианино ийримдерине беришет. Бир-эки жолу баргандан кийин бала ал ийримдерден баш тарткан. Маданий иш-чараларга чогуу барганды жактырган үй-бүлө бир жолу «Щелкунчик» балетине барышат. Балеттен катуу таасирленген Чонин балет бийчиси болууну чечет. Ал балет бийинен сабак ала баштаганда 8 жашта болчу. Атасы баласынын бийлегенин видеого тартып алып, SM агенттигине жиберет. Бирок агенттиктен «балаңыз алынды» деген жооп келген эмес.

Ким Чонин чоңойгон сайын чыгармачылыкка болгон кызыгуусу арта берген. Аны бийчиликтен ырчылыкка азгырган «Shinhwa» тобу болгон. Топтун ырларына, бийлерине кызыккан 13 жаштагы өспүрүм SM агенттиги уюштурган сынакка катышып, бийчи катары агенттикке кабыл алынат. Агенттикте тажрыйба топтогон 5 жыл аралыгында ал вокал жагын да жана бийдин поппинг, локинг тармагын да өнүктүргөн.

АКТЁРЛУК ДЕБЮТУН 18 ЖАШЫНДА БАШТАГАН

Кыргыз жергесинде ырчылар киного тартылып жатышкандай эле, Түштүк Кореяда да ырчылар актёрлук кесипке аралашкан учурлар көп. Бирок алар бул кесипке бир топ олуттуу мамиле кылып, актёрдук чеберчилигин өнүктүрүү үчүн окуп, эмгектенип, тажрыйба топтошот. Биз жогоруда сөз кылып жаткан Кай актёрлук дебютун 18 жашында, 2012-жылы «Сендей керемет үчүн» дорамасына тартылуу менен баштаган. Анын артынан бир канча сериалдарга тартылып келе жатат. Бир гана Кореянын эмес, Япониянын да сериалдарына чакыруу алган Кайды 2018-жылы чыккан япондордун «Жаз келди» сериалынан да көрсөңүз болот.

«ЕХО’ну» ДОНАЛЬД ТРАМП КОНОККО ЧАКЫРДЫ
2011-жылдын 22-декабрында Кай каймана атын алган Ким Чонин «ЕХО» тобунун алгачкы мүчөсү катары көпчүлүккө тааныштырылган. Учурда «ЕХО» дүйнө жүзүнө канчалык популярдуу болсо, буга Кайдын да кошкон салымы чоң. «Кийин карыганда топтогу балдардын баары жакшы ырдай албай, бийлей албай каларбыз. Бирок эл мени «ушул «ЕХО» тобунун мүчөсү болчу» деп эстеп калышын каалайм. Өмүрүмдүн жарымы топтогу балдардын жанында өттү. Алар менин үй-бүлөм болуп калышты»,- дейт Кай.

Топтун популярдуулугун дагы бир жолу эске салсак, ушул жылдын июнь айынын аягында АКШнын президенти Дональд Трамп Түштүк Кореяга болгон иш сапарында «ЕХО» менен жолугушууну суранган. Атайын кечеге «ЕХО» тобунун жигиттери да чакырылып, Дональд Трамп жана анын кызы Иванка Трамп менен жолугушту. Балдары топтун күйөрмандары экенин айткан АКШ президентине жана анын кызына «ЕХО» акыркы альбомун тартуулашты. Трамп топтун мүчөлөрүн АКШга келгенде конокко келишсе, балдары абдан кубанарын айтты. Кимди эле АКШнын президенти конокко чакырып жатыптыр, ээ?

«ЕХО’нун» ЖИГИТТЕРИ КАЙ ЖӨНҮНДӨ...

«EXO» тобун, анын ичинде Кайды сахнада көргөнүбүз менен, анын сахна артындагы жашоодо кандай адам экенин бир гана чогуу жашаган балдар айтып бере алышса керек. Кайды мүнөздөп бергиле дегенде эле топтун балдары анын уйкучу экенин айтышат. Көп сүйлөбөгөн, шаан-шөкөттү жактырбаган жигит. Бирок шайыр адамдарды жактырат. Канчалык ызы-чуу болсо да уктап жаткан Кай «тооктун эти келди» дегенде ыргып турат. «Кариб деңизинин каракчылары» тасмасын көргөндөн тажабайт. Ал эми сүйүктүү ырчысы – Майкл Жексон. Топтун балдары менен чогуу мюзиклга тартылсак деген кыялы бар. Таттууну жакшы көрөт, күнүнө жок дегенде бир шоколад жеп турушу керек. «Бий кыймылдарын жаттагандан майнап чыкпайт. Бийлегенден ырахат алганда гана көркөмдүк келип чыгат. Бийледиң, ырахат алган жоксуңбу? Кайра баарын башынан башта» деген Кайды топтун жигиттери «бийдин падышасы» дешет.

ЖЕКЕ ЖАШООСУ
Ким Чонин үй-бүлөсүн коомчулукка жарыялаганды жактырбайт. Бирок анын ар бир кадамын аңдыган күйөрмандар, папараццилер үй-бүлөсү менен жолугуп, эс алып жүргөн учурларын камерага тартып алышат. Кызыгы, көпчүлүк кадрларда Кайдын үй-бүлө мүчөлөрүнө камкордук кылып жаткан мезгили чыгат. Апасынын колун жылытып, эжелерин колтуктап, кичинекей жээнин көтөрүп эркелетип, тарелкаларга тамак бөлүштүрүп берип жаткан учурлар көп. Мындан улам Кайды боорукер, адамгерчиликтүү деп баалагандар четтен чыгат.

Ал эми өзүнө келсек, 2016-2017-жылдары ырчы, актриса Чон Кристал, кийин 2018-жылы «BLACKPINK» тобунун ырчысы Женни менен кыз-жигит мамиледе болгон деген маалыматтар бар.

Асыл Орозбекова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: