Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ТУМАН (Ала качуу, зордуктоо, сойкулукка кабылган кыргыз кызынын оор тагдыры тууралуу сериал)

№872 18-24 июль, 2019-жыл


(Башы өткөн сандарда)

– Мен Түркияга кеткени жатам,- ашканада отуруп үн катты. Маңдайында Кумар отурган.

– Эмне? Жинди болдуңбу?

– Иштейм. Машина алам, үй алам…

– Сойку болуп иштейсиңби?

– Ооба. Аты жаман угулганы менен, акчасы сонун.

– Көк мээ турбайсыңбы?! Сага жакшылык кылайын десе…- сөгүнүп туруп чыгып кетти Кумар.

– Кеттиби?- Света коңшу бөлмөдөн башын чыгарып сурады.

– Мм. Жакшылык кылмак экен мага. Ойлорунун баары ойрон болду… Ха-ха…

Азыр Түркияда жатып ошол күнүн эстеп муңканып алды. Кеч боло электе, ошондо токтогондо эмне?! Балким, ошол милиционер жигит бактылуу кылат беле? Таптакыр теңине албай койбодубу. Эми өткөн өттү, кеткен кетти. Мезгилди артка кайтарууга мүмкүн эмес.

ххх

Тим эле Түркияга барса эле жыргачудай жөнөгөн.

– Ася деген курбум тосуп алат. Көп кыздарга жумуш таап берип жүрөт. Эми жакшы барагой… Света эжеңди унутпа!

Света менен кайдыгер гана коштошту. Аэропортто каттоодо кезекте турганда апасына телефондон СМС жазды. «Мен Түркияга кеттим. Барганда байланышам».

ххх

Булут аралай учкан учак. Кыргызстандын тээ тоолуу айылынан келген кыз Түркияны багынтууга бел байлайт деп ким ойлоптур? Эң эле жолу болду дегенде окуусун бүтүп, айылга барып 4 миң сом үчүн эртеден кечке мугалимдик жумушту аркалап, чарчап-чаалыгып жашоо өткөрмөк. Жылдар жылга алмашмак. Түйшүктөн карымак… Ырас эле башка жолду тандады. Кыска, анан калса жеңил жол. Акча да бат келет, максаттар тезирээк орундалат. Эл-жер көрөт. Балким, Кудайдан болуп ошол жактан колунда бар бирөөгө тийип деңиздин жээгинде жашап калар...

Ошондо ошентип ойлонгон. Көзү тумандаган экен, көрсө. Кана ошол кыялдары? Бири да ишке ашкан жок. Адам катары талкаланып бүттү. Же бирөөгө же өзүнө пайдасы жок. Көзүнөн жаш сызылды… Өткөндү эстеп отуруп бир топ убакытты өткөргөн экен. Сырттан Гуля эжеси менен курбусу кирип келе жатканын угуп уктамыш болуп жатып калды.

Бирок уктай албай койду. Бирөөгө бугун төгүп ыйлагысы келди. Угар киши, арманын түшүнөр киши барбы? Аны адам катары кабыл алар жан барбы бул дүйнөдө? “Мен деле сойку болуп жүрөм го. Эмне эле эзилип жатасың” дешер тигил экөө. Пайдасы жок булардын бири-бирине…

Дегеле ушул Түркияң тагдыр талкалагыч өлкө беле?! Жыргаган киши көрө элек бул жактан. Же ал өз чөйрөсүндөгүлөрдү көрүп ошентип жатабы? Ак мээнети менен иштеп нан таап жеп жүргөндөр бар чыгар. Бирок сойку болуп жыргаган киши жок.

Мына, баарына өзүнүн турмушу далил. Түркияга келип эле Светанын курбусу Асянын колуна түшкөн. Паспортун да алып алды анысы.

– Жоготуп аласың. Мен катып коёюн,- деген. Көрсө, эч жакка кетирбөөнүн гана амалын кылган экен. Кийин билбедиби бул ыкмасын. Шайырды Түркияга жөнөткөнү үчүн Света 300 доллар сыйлык алган экен бул Ася деген немеден. Келгени Асянын колунан жыргаган жок.

Ашмалтайы чыккан эски имаратта Орусиядан, Казакстандан барган кыздар менен чогуу иштеди. Тыным жок. 3 ай дегенде өзүн-өзү күзгүдөн карап чочуп кетти. Кебетеси баягы Калипа эжесиникине окшоп калыптыр. Көзүнүн оту өчкөн, жүзүндө нур жок. Капкара болуп боёлгон кашы сулуулугун эмес, жеңил ойлуулугун, ошол каш сыяктуу арзан, анан калса жасалмалуу экенин апачык көрсөтүп туруптур. А бул чаччы? Ар кайсы түскө боёп, күйгүзө бергенден түйдөк жүнгө айланыптыр. Намыстанып кетти эмнегедир. Балким, өзүнө-өзү социалдык тепкичтеги эң акыркы адам эмес экенин далилдегиси келгендир. Айтор, ишин токтотуп Асяга кайрылган.

Анысы 3 айдан берки акчаны чогултуп берем деп убадалаган.

– Ася эже, мен бир жума эс алуу алайынчы? Өзүмдү иретке келтирип дегендей… Акчамдын бир азын алып, кебетемди оңдоюнчу?

– Кебетең сопсонун эле турат!

– Жок, эс алайынчы… Азыр күзгүдөн карап өзүмдөн жийиркенип кеттим. Баягы Кулиев көчөсүндөгү кыздардан айырмам калбаптыр. Бул бойдон кардар деле албайт го, ха-ха…

– Кой, болбойт. Жакшынакай эле болуп турасың...

– Мейли, анда жок дегенде 3 күн эс алайын. Иштеген акчамдан берсеңиз айылга да бир аз акча салайын…

– Шайыр, сен али иштей элексиң. Сен азыр карызыңды гана кутулуп бүттүң.

– Кайсы карыз?

– Апей, кокуй! Келген билеттин акчасы, бул жакта жашаганың, ичкен-жегениңди эсептебейсиңби?

– Башкысы, өзүңүздүн процентиңизди алып жатасыз. Билетти болсо өзүмдүн акчама алып келгем…

– Жинди го. Светага мен акча салбадымбы?

– Алган эмесмин андан эч нерсе.

– Ал сенин маселең. Мен бергем. Сен төлөшүң керек!

– Жинге тийбей бериңиз акчамды!- ачуусу келип кыйкырып жиберди.

– Эмне аңкылдайсың?!- Ася семиз денеси менен обдулуп тура калып, колун бөйрөгүнө таяды.

– Паспортумду да, акчамды да бериңиз. 3 ай бою күнүнө 9-10 кардардан тейлеп иштедим. Кишинин мээнетин жегенден уялбайсызбы?

– Мээнет? И-ий, ары жок. Кайсы бетиң менен ошентип айтып жатасың? Сен акмак, жөн отуруп, унчукпай иштеп кал! Болбосо мен сага энеңди үч коргондон көргөзүп салам!

– Колуңуздан келеби?

Ася жооп кайтаргандын ордуна Шайырды бир башкача олурая карап алды да, анан чечкиндүү басып келип туруп, чачынан алып, бет талаштыра экинчи колу менен чаап жиберди. Чоң, семиз аял болчу. Шайырды ал аял ары-бери түрткүлөп катуу сабап салды. Бетинин ар кайсы жери торсоюп шишип чыкты.

– Кетпейсиң! Качан төлөп бүтөсүң, ошондо кетесиң! Бүгүнкү кылыгың үчүн 1 жыл бекер иштейсиң. Уктуңбу?

Улам катуу сокку жей бергенден тажаган Шайыр бетин басып улуп-уңшуп ыйлагандан башка арга тапкан жок. Ася ичке киргенде гана ордунан турууга далалат кылды. Бирок тура албай койду. Бирөө-жарым келип жөлөп-таяйбы деп ойлогон. Бирок бир адам басып келген жок. Ал күнү короодо онтоп жатып таң атырды.

ххх

Башына катуу сокку жеген экен. Эңги-деңги болуп суудан башка эч нерсе иче алган жок. Тамак оозанса эле кусчудай. Сылтып басып, тирүүнүн өлүгүнө айланып калды. Ася бул жердегилердин баарын катуу коркутуп салган экен. Бири да Шайырга жардам бергенге даай албай коюшту. Тим эле таптакыр кайдыгер баары. Эч нерсе болбогондой…

Ошентип жүргөнүнө 3 күн болгондо өзүн кичине жакшыраак сезе түштү. Тамак ичкени ашканага эптеп жетти.

– Сен эмне келдиң?- Ася аны жеп жиберчүдөй тиктеди.

Шайыр ордунда катып туруп калды. Туңгуюкта болчу ал. Кетип калайын десе, паспорту да, акчасы да жок.

– Карызга тамак жейсиңби?- шылдың менен карады. Асяны буга чейин жакшы эле аял экен деп ойлочу. Катуу жаңылыптыр.

– Эже?

– Атаңдын башы! Эсептешип жашайбыз экөөбүз мындан ары. 3 миң доллар карызсың мага. Ошону таап бересиң. Ичкен тамагыңды, жеген ар бир кесим наныңды, сууңду, жаткан жериңди, жуунган самыныңды, бүт эсептейм. Жакшылык жарашпайт турбайбы сага? Тамактын баасын чыгарып, атайын ушул үчүн өзүнчө дептер ачып карызын жазгыла!- тамак жасап берген ашпозчу аялга кайрылды. Үн ката алган жок Шайыр. Качан Ася чыгып кеткенде гана отургучка шалак эте кулады.

Ашпозчу аял аны аяй алдына тамак койду. Бирок тамакты жей алчудай эмес. Тамагынан өтпөйт го… “Мунун карызынан качан кутулам?” деп мээси чыңалып чыкты.

ххх

Мурда акча иштеп жатам деген ою болгондуктан сойкулуктун азабын анча тарткан эмес экен. Азыр жөн гана короодогу эшек сымал бирөөгө бекер иштеп жатканын сезе түшкөндөн кийин ар бир кардарын жек көрүп карачу болду. Азаптуу күндөр болгон. Кабыргасы саналып катуу арыктаган. Бир күнү капыстан Асянын колунан кутулуп кетти.

Асянын Кыргызстандагы бойго жеткен уулу келген Түркияга. Жалгыз бала болгондуктан анысы чектен ашкан эрке-талтаң неме экен. Жашабай жатып баңгиликке берилиптир. Бир күнү дозага акча таппай калып ызы-чуу чыгарды. Кыязы Ася акча бербей койгон окшойт. Ася жашаган бөлмөнү 3 көтөрүп акча издеп жатты. Улам бир сумканы аңтарып сыртты көздөй ыргытат. Ошондой ыргытылган кичинекей ак сумканын ичинен Кыргыздын көк паспорттору чачырап жерге түштү.

Шайырдын көздөрү паспорттордон өттү. Ошол 10 чакты паспорттун арасында мунуку да бардыр… Ася баласы менен кырылышып алаксып калды. Мына ыңгайлуу учур, паспортту ала калышы керек...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Башка сандарда:
Комментарийлер(6)
22.07.2019. 09:29 
Тайпасы:
Жаран
Комментарийлердин саны:
58
Катталган:
02-08-2017
Соӊку аракети:
17-10-2019 01:09
Жынысы:
Белгисиз
+1
барган сайын кызып жатат
22.07.2019. 17:17 
Тайпасы:
Жаран
Комментарийлердин саны:
235
Катталган:
11-04-2012
Соӊку аракети:
17-10-2019 11:44
Жынысы:
Белгисиз
Калаасы:
тынчтык
0
Иий кач эми кач.Артыңды карабай кач.
22.07.2019. 23:07 
Тайпасы:
Жаран
Комментарийлердин саны:
13
Катталган:
05-01-2018
Соӊку аракети:
02-09-2019 22:58
Жынысы:
Белгисиз
+3
Күнөөсүз наристеңе кылганыңдын азабын көөп тартасыңго Шайыр
23.07.2019. 19:20 
Тайпасы:
Жаран
Комментарийлердин саны:
279
Катталган:
15-08-2017
Соӊку аракети:
16-10-2019 15:02
Жынысы:
Белгисиз
0
Мурунку санын кайсыл жактан окусак болот?
24.07.2019. 16:26 
Тайпасы:
Супермодератор
Комментарийлердин саны:
82
Катталган:
19-11-2013
Соӊку аракети:
15-10-2019 22:24
Жынысы:
Белгисиз
0
nurhan2702, саламатсызбы! https://www.super.kg/article/show/48513/
23.07.2019. 23:49 
Тайпасы:
Жаран
Комментарийлердин саны:
70
Катталган:
06-02-2019
Соӊку аракети:
16-10-2019 18:01
Жынысы:
Белгисиз
0
Ата -энеңди какшатбай айтканын уксаң болмок асмандан түшсөң дагы
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: