Архив
897   898   899   900   901   902  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ФУТБОЛ БАЛАНЫ КЫРААКЫ КЫЛЫП ТАРБИЯЛАЙТ

№872 18-24 июль, 2019-жыл


Ата-энелер баласы эс тартып калгандан баштап «кайсы спорттук ийримге берсем?» деп ойлонуп башташат. Баланы бир гана физикалык жактан өнүктүрбөстөн, мүнөзүн калыптандырууга да жакшы таасир берген футбол спорту сиздин балаңыз үчүн эң мыкты тандоо болот. Балдар футбол менен канча жашынан баштап машыгууну баштаса болот? Аларга бул спорт түрү кандай пайда алып келет? Эмне үчүн футбол сиздин балаңыз үчүн эң оптималдуу вариант? Мындай суроолор боюнча мурдагы футболчу, учурдагы Кыргыз Республикасынын Футбол федерациясынын президенти Канатбек Маматов жооп берет.

ЭМНЕГЕ ФУТБОЛ?

– Азыркы кезде баламды футболго берсем деген ата-энелер көбөйдү. Эмнеге футбол? Футболдун баланын ден соолугун чыңдагандан сырткары да жакшы жактары бар. Ал баланы командалык ишке тарбиялайт, өзүнүн кадамдарын пландаштырганды, тез ойлонгонду үйрөтөт, мүнөзүн чыңдайт. Футболду жакшы өздөштүрсө ал балага жогорку окуу жайына өтүүдө, жумушка орношууда, дегеле турмуштун бардык тармагында бир топ жардамы тиет. Ошондой эле өтө таасирдүү себеп – бул эгерде чын дилинен машыгып, катуу аракет кылса, профессионалдык оюнчуга айланып, өзүнүн финансылык маселелерин чечет, чет жакта күчтүү жана бай клубдарда ойноп калса каржы жагын бир топ чыңдайт. Күчтүү оюнчулар дүйнөдөгү эң бай адамдардын катарына кирип жатышпайбы.

ФУТБОЛ МЕНЕН МАШЫГУУНУН ПАЙДАЛАРЫ

– Балаңыз келечекте футбол жылдызына айланып, профессионал спортчу болбосо да, машыгуулардан алган жөндөмдөрү келечегине чоң таасирин тийгизет. Жаш футболчулар өзү курактуу балдарга салыштырмалуу ден соолугу чың болуп, аз оорушат.

Мындан тышкары футболдун төмөнкүдөй пайдалары бар:

  • Жүрөктүн иштешин жакшыртат. Орточо эсеп менен футболчу 90 мүнөттүк оюнда 10 чакырымга жакын аралыкты чуркайт. Демек, оюн футболчулар үчүн кардиомашыгуу болуп саналат. Футбол менен машыккандардын жүрөк-кан тамыр жана дем алуу системдери чың болот.

  • Командада иштөөнү үйрөтөт. Футбол – командалык оюн жана анын жыйынтыгы бардык футболчулардын бири-бирин түшүнүп, уюшкандык менен оюн өткөргөндүгүнөн көз каранды. Жаш оюнчулар оюн талаасында өзүнүн командалаштарын түшүнүп жана алардын кыймылдарын сезе билгенди үйрөнүшөт.

  • Мээнин иштешине оң таасирин тийгизет. Футболчулар оюн учурунда тез чечим чыгаруулары керек. Бул бир нерсеге көңүл бурууну, концентрацияны жогорулатат. Оюнчулар ар бир секунд сайын талаадагы кырдаалга көз чаптырып турушу зарыл, бул анын ой жүгүртүүсүнүн жакшырышына зор салымын кошот.

  • Футбол оюну бүткүл дененин, өзгөчө буттун булчуңдарынын өсүшүнө жардам берет. Мындан сырткары адамды эрктүүлүккө, шамдагайлыкка, чыдамдуулукка тарбиялайт.

  • Футболдун жалгыз кемчилиги – жаракат алып калуу коркунучу бар.

КАНЧА ЖАШТАН БАШТАП?

– Баланы канча жашында футбол ийримине бериш керек? Бул суроого так жооп берүү мүмкүн эмес. Анткени баланын жөндөмүнө байланыштуу болот. Балдарды 4 жаштан баштап кабыл алган футбол мектептери жана ийримдер бар. Бирок көпчүлүк машыктыруучулар футбол менен машыгууну баштоого 6-7 жаш оптималдуу курак деп эсептешет. Анткени балдар бул куракта машыктыруучулардын тапшырмаларын аткарууга жөндөмдүү болуп калышат.

Эгер балаңыз 9-10 жашта же андан улуу болсо, ойлонуп отуруштун кажети жок. 20 жаштан өткөндө футболдук карьерасын баштап ийгилик жараткан футболчулар да жок эмес.

КАНДАЙ УЧУРДА ФУТБОЛ МЕНЕН МАШЫГУУГА БОЛБОЙТ?

– Футбол – организмге сезилерлик күч келтире турган спорт түрү. Эгер балаңыздын ден соолугу чың жана эч кандай өнөкөт оорулары жок болсо, анда аны коркпостон футбол ийримине бере бериңиз. Балаңызды машыгууларга берерден мурун спорттук дарыгерге көргөзүп алганыңыз ашыктык кылбайт.

Эгерде балаңыз төмөнкү илдеттерден жабыркаса, сөзсүз түрдө дарыгерге кайрылып, анын футбол менен машыкса болорун же болбосун тактап алыңыз:

  • Жүрөк оорусу;
  • Таяныч-кыймылдаткыч аппаратындагы көйгөйлөр;
  • Гипертония;
  • Астма;
  • Өнөкөт бронхит оорусу;
  • Нерв-психикалык оорусу;
  • Ичеги-карын оорусу;
  • Көздүн алыстыкты жакшы көрбөгөндүгү.



БАЛАҢЫЗГА КҮН ТАРТИБИН ТҮЗҮП БЕРИҢИЗ

Футбол менен машыгууда жаракат алып калуу ыктымалдуулугу бар. Жаш спортчулар көбүнчө денелерин сыйрып же көгөртүп алышат. Ал эми машыгуу учурунда аларды караган врач жанында болбой калышы да мүмкүн. Ошондуктан баланын жанында пластырь менен антисептик болгону жакшы. Балаңызга аларды кантип колдонуш керектигин үйрөтүп коюуну унутпаңыз.

Балаңыз өзүн жаман сезип жатса же температурасы жогору болсо, аны машыгууга алып барбаганыңыз оң.

Эгер балаңыз футбол менен олуттуу түрдө машыгып баштаса, күн тартибин туура түзүп бериңиз. Бала өз убагында уктап, мектеп тапшырмаларын аткарууга да жетишиши керек. Ошондой эле кичинекей футболчунун туура тамактанып жатканына көңүл буруңуз.

ЭҢ АРЗАН СПОРТ ТҮРҮ

– Эмне үчүн футбол өнүккөн өлкөлөрдө гана эмес, Африка, Түштүк Америка, Жакынкы Чыгыш өлкөлөрүндө да популярдуу? Жооп жөнөкөй. Бул спорт түрү каражатты аз талап кылган оюн.

Топ жана тегиз талаа. Футбол ойногонду үйрөнүш үчүн алгач ушул 2 нерсе гана жетиштүү. Бирок профессионалдык деңгээлдеги футболчу болуш үчүн атайын ийримдерге барып жөндөмдөргө ээ болуу зарыл. Ийримге катышуу үчүн төмөнкү экипировкалар керек.

  • Футболдук форма (орточо баасы –1300 сом)
  • Бутса (орточо баасы – 1000 сом)
  • Гетры (орточо баасы – 200 сом)
  • Бутту жаракаттан сактоочу (щитки, орточо баасы – 500 сом)

Демек, экинчи Мессини же Роналдуну тарбиялап баштоо үчүн жалпы 3000 сом гана талап кылынат. Ал эми футбол ийриминин 1 айлык акысы орточо эсеп менен 1500 сом.

Футбол – ар бир бала үчүн эң мыкты тандоо. Анткени бул жеткиликтүү, арзан, ар тараптуу жана кызыктуу спорт түрү. Кичинекей кезден футбол менен машыгуу келечекте ийгилик жаратууга фундамент болору талашсыз.

Спорттун бардык түрүнөн жаракат алып калуусу мүмкүн. Андыктан жаракат алып калат деп коркпостон, балаңызга футбол менен машыкканга мүмкүнчүлүк бериңиз.

Кубан Жумамидинов
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -2 
Комментарийлер(2)
22.07.2019. 16:41 
Тайпасы:
Жаран
Комментарийлердин саны:
4
Катталган:
04-12-2018
Соӊку аракети:
04-10-2019 11:27
Жынысы:
Белгисиз
-1
Аксы волейболчулары туурасын да макала кошсонор деле болмок ,качанатан бери кутуп ,суусап журобуз ошол командага,команда капитаны мн маек куруп бергилечи айланайындар.
22.07.2019. 17:47 
Тайпасы:
Супермодератор
Комментарийлердин саны:
881
Катталган:
19-11-2013
Соӊку аракети:
17-02-2020 17:43
Жынысы:
Белгисиз
-1
jjjjoy, саламатсызбы! Сунушуңузга рахмат, тиешелүү бөлүмгө жеткирилди.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23591;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: