Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

МУРДАГЫ МИГРАНТ, АЗЫРКЫ СПОРТ ЖЫЛДЫЗЫ ТИЛЕК МАШРАПОВ

№869 27-июнь - 3-июль, 2019-жыл


22-июнь күнү Бишкек шаарындагы Каба уулу Кожомкул атындагы спорт сарайында Road Fighting Championship уюму уюштурган RFC-6 мелдеши өттү. 83,9 килограмм салмак чениндеги чемпиондук кур үчүн болгон беттеште мекендешибиз Тилек Машрапов 30 секунд ичинде камерундук мушкер Камше Тайсонду нокаут менен утуп, жеңүүчү аталды. Беттештен кийин кыргыз мушкери UFC`ден кийинки эң популярдуу америкалык Bellator уюму менен келишим түзгөнүн кабарлады. Улуттун сыймыгына айланып бара жаткан Тилек Машрапов акыркы ийгиликтери жана келечектеги максаттары менен бөлүштү.

МАШРАПОВ ТИЛЕК КУБАНЫЧБЕКОВИЧ
Туулган жылы – 1989-жыл, 25-сентябрь
Туулган жери – Ош облусу, Кара-Суу району, Баш-Булак айылы
Салмагы – 85 килограмм
Бою – 180 сантиметр
Учурда – үй-бүлөлүү, эки кыздын атасы
Профессионалдык беттештеринин саны – 13
Жеңиштери – 10
Жеңилүүсү – 3
Жетишкендиктери – Эрежесиз эр уруш боюнча эл аралык “JFC Fight night” (2016), “RFO-Big-Guns-24” (2017), “Battlefield” (2018) мелдештеринин жеңүүчүсү.

– Тилек мырза, жеңишиңиз кут болсун! Алгач айтсаңыз, чемпиондук курду багындыруу үчүн канча убакыт, канча эмгек сарптадыңыз?

– Чоң рахмат. Бул мелдешке даярдык максатында 2 ай Ошто, 1 ай Таиландда атайын машыгууларды өткөрдүм. Демек, бул жеңиштин аркасында 3 айлык мээнет жатат десем туура болот.

– Каршылашыңыз камерундук спортчу тууралуу маалыматыңыз бар беле? Беттешке чейин каршылашты аз убакыт ичинде жеңип алам деген ойлор болгонбу?

– Мелдештин уюштуруучулары мага "камерундук Камше Тайсон менен беттешке чыгасыңбы?" деп сунуш кылганда дароо кабыл алгам. Алгач анын беттештерин көрүп, каршылашым өтө өжөр, өзгөчө физикалык жактан күчтүү экенин баамдагам. Бирок ачыгын айтканда, 30 секунд ичинде жеңем деген ойлор жок болчу, толук 5 раундга даярдангам. Машыгууларга кеткен эмгегибиз акталып, жеңишти багындырдык.

– ММА спортуна кантип келип калдыңыз? Кичинекей кезиңизде спорттун кайсы түрү менен машыккансыз?

– Бала кезимден эле спортко кызыгуум чоң болчу. Ар дайым чоң ареналарга чыгып, кубок, медалдарды алып жатканымды кыялданып, чемпион болушту максат кылгам. Менин пикиримде, адамда сөзсүз түрдө максат болуш керек. Ошол максатка жетүү үчүн адам мээнет кылып, умтула берсе, анын ойлору сөзсүз түрдө ишке ашат. Мен ошол кыял, максатымдын артынан спортко келдим. Кичинекей кезимде эркин күрөш менен машыккам. Кийин тагдыр экен, Москвага эл катары иштегени барып калдым. Алгач өзүмдү коргоо үчүн спорт менен машыга баштадым. Кийин Айбек Мусаев жетектеген “Жаш күч” деген залды таап, машыгууларды уланттым. Ошол жерден спортчу болом деген ойлор кайра жанданды. Мигрант болуп иштеп жүрсөм да жүрөгүмдүн түпкүрүндө спортчу болом деген каалоо өчкөн эмес. Акыры эрежесиз эр уруш менен профессионалдык деңгээлде машыгып баштадым.

– Эмнеге эрежесиз эр урушту тандадыңыз?

– Бул спорт мага ар түрдүүлүгү менен жагат. Анткени бул жерде күрөштүн, бокстун, самбонун, жиу-житсунун жана башка уруш өнөрлөрүнүн ыкмаларын колдонууга болот.

– Жакын арада америкалык Bellator уюму менен келишим түзгөнүңүз белгилүү болду...

– Ооба, дүйнө жүзүндө атактуулугу жагынан экинчи орунда турган Bellator уюму бизге 5 беттешке контракт жөнөттү. Мен бул сунушту кубануу менен кабыл алдым. Кийинки беттешим качан жана ким менен болот жакын арада билинет. Болжолдуу түрдө август айында беттеш өткөрөм деп турам.

– Иниңиз Али Машрапов дагы ММА спортунда ийгилик жаратып келе жатат. Анын спортчу болуп калышына сиз таасир эткен окшойсуз?

– Иним дагы октагондо өзүнүн мыктылыгын көргөзүп, ийгиликтерди багындырып келе жатат. Алгач мен Москвада жүргөн кезде иним “мен эрежесиз эр уруш менен машыгып жатам” дегенде ишенген эмесмин. “Машыкпай эле койчу” деп айткам. Кийин байкасам, иним чындап бул спортту сүйүп, машыгып жатыптыр. Даярдыктарды чогуу өткөргөн учурда иниме кеңештеримди берип турам.

– Ата-энеңиз сиздердин бул спорт түрү менен машыкканыңыздарга каршы эмеспи?

– Атам колдойт, ал эми апам эне катары кейийт, биз үчүн сарсанаа болот. Ар бир жеңишибизди элибизге жана ата-энебизге арнайбыз.

– Спортто жеңиш гана эмес, жеңилүүлөр да болуп турат. Жеңилүүнү сиз кандай кабал аласыз?

– Жеңилүү – мен үчүн маанилүү сыноо. Утулган сайын мушкер катары такшалып, сабак алууга аракет кылам. Чоң жеңиштерге жетиш үчүн утулуунун да даамын билиш керек.

– 2018-жылы Sparta Combat League уюмунун чемпиондук куру үчүн болгон беттеште Энтони Адамстан жеңилдиңиз. Бул жеңилүүгө нааразы болгондор көп болду. Ошол жеңилүүдө сизде кандай сезимдер болду?

– Ооба, Энтони Адамс менен болгон беттеште калыстар бир аз калыстыктан тайып, чечим чыгарып коюшту. Ал беттешке чыгыш үчүн бир нече ай убакытты кетирип, машыгуулардан тер төгүп, күн сайын мээнет кылып, атайын каражат таап, АКШга жеңем деген максат менен баргам. Ошончо мээнетти жокко чыгарып бурмалап коюшканда абдан нааразы болдум. Ошондуктан ар бир беттешти мөөнөтүнөн мурда утуп алууга аракет жасайм.

– Машрапов дүйнөдөгү эң беделдүү UFC уюму менен келишим түзүүнүн алдында турат деген сөздөр бир нече жылдан бери айтылып келет. Күйөрмандар сизди UFC октагонунан качан көрө алат?

– Ар бир ММА мушкеринин кыялы UFC экени айдан ачык. Биз дагы UFC`нин октагонуна чыгабыз деп бир нече жылдан бери аракетибизди кылып келе жатабыз. Bellator уюмунун алкагында орун ала турган алдыдагы беттештер UFC`ге эшик ачат деп үмүт кылып жатам.

– Күн сайын канча убакытты спорт менен машыгууга арнайсыз?

– Күнүнө 2 маал жок эле дегенде 2 сааттан машыгам. Машыгуусуз өткөргөн бир күн сени максатыңа жете турган жолуңдан тайдырат.

– Спорттон тышкары эмне менен алектенесиз, иштейсизби?

– Спорт менен үй-бүлөнү багуу дээрлик мүмкүн эмес. Ошондуктан үй-бүлөмдү камсыз кылыш үчүн спорттон башка дагы жумушум бар.

– Жаракат алган учурларда спортту таштайм деген ойлор келген жок беле, дегеле ошондой ойлор сизде болгонбу?

– Жок, кандай кыйын учурлар болбосун, спортту таштаганды ойлонгон эмесмин. Көздөгөн максатыма сөзсүз түрдө жетүүгө аракет кылам. Бул менин мүнөзүм.

– Эрежесиз эр уруштун айынан ден соолугумду жоготуп алам деп коркпойсузбу?

– Бардык нерсенин ак-карасы, жакшы-жаманы болот. Тилекке каршы, спорттун ден соолукка терс таасир эткен жагы да бар. Бирок ден соолукту жөн жүрүп деле жоготуу мүмкүн. Ошондуктан саламаттыгымдан ажырайм деп спорт менен машыкпай коюу туура эмес.

– Чет жерде көп жүрөсүз, башка өлкөлөрдө жүргөндө биринчи кезекте кыргыздын эмнесин сагынасыз?

– Кыргызcтанымдын абасы менен суусун сагынам.

– Кыргызстан сиз үчүн...

– Кыргызстан – бул менин мекеним, элим жана жакындарым. Кыргызстан, буюрса, дагы өнүгүп, өсүп, өркүндөйт деп ишенем.

– Кыргыз элин жеңиштер менен кубандырып жүрө бериңиз. Кийинки беттештерге ийгилик каалайм.

Кубан Жумамидинов
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(1)
01.07.2019. 11:37 
Тайпасы:
Жаран
Комментарийлердин саны:
32
Катталган:
10-11-2013
Соӊку аракети:
29-11-2020 23:53
Жынысы:
Белгисиз
+5
жонокой бала ийгилик кыргызды дуйного таанытабер
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24796;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: