Архив
897   898   899   900   901   902   903  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Миргүл Эрматова, Данияр Эрматовдун бир тууганы: «ДАНИЯРДЫН ҮЙЛӨНҮШҮН КҮТҮП ЖҮРӨБҮЗ»

№869 27-июнь - 3-июль, 2019-жыл


Кыргыз шоу-бизнесинде өз орду бар ырчы Данияр Эрматов балалыгында кандай болгон? Бул тууралуу ырчынын бир тууган эжеси Миргүл Эрматова айтып берди.

БИР ТУУГАН ЭРМАТОВДОР:

Миргүл Эрматова – 1981-жылы туулган, жеке ишкер

Кутман Эрматов – 1983-жылы туулган, жеке ишкер

Тагдырбек Эрматов – 1986-жылы туулган, жеке ишкер

Данияр Эрматов – 1989-жылы туулган, ырчы

Айпери Эрматова – 1991-жылы туулган, жеке ишкер

“КИЙИМДЕРИН АЛЫП ҮЙДӨН КАЧЫП...”

– Мен үйдүн улуусу болгондуктан Данияр көз алдымда чоңойду. Кичинекей кезинде жоош, назик көрүнгөнү менен, абдан шок болчу. Бийик бактардан секирип бизди көп коркутту. Сиңдим экөөнү өз баламдай карачумун, дайыма түштө уктатар элем. Бир жолу уктап жатат деп сыртынан жаап коюп, эшиктеги жумуштарды бүтүрүп келсем Данияр жок, терезеден ашып качып кетиптир. Чый-пыйым чыгып издеп барсам, үйдүн жанындагы каналда жыргап сууга чөмүлүп жүрүптүр. Негизи эле ал айланчыктап ошол суудан чыкчу эмес.

Атамдын агасы биздин үйгө жанаша жашайт. Данияр кой десек болбой ошол жакка кача берчү. Бир күнү апам “кийимдериңди алып абаңдыкына кет, сени ошолорго бала кылып берели” деп койгон. Бул сөз ага жага бербей кийимдерин көтөрүп алып кетип калса болобу. Жөн коёлу, эртең келет да десек, эртеси жок, анын эртеси барсак, дале камырабай жүрөт. Апам түтпөй кетип кайра үйгө алып келген.

“МЕКТЕПКЕ БАРАМ ДЕП ЧАҢ САЛЫП...”

– Жашы жете электе эле "агаларым менен мектепке барам" деп чаң салып ыйлаганынан макул болуп жиберип коюшкан. Мектептен эжекелер, чоң класстын окуучулары аны жакшы көрүп улам ар ким бетинен өбө беришкенде тажап “мектепке барбайм, тумчугуп кеттим, аба жетпей калды” деп үйгө ыйлап келген. Кийин өз учурунда эле 1-класска барды. Мектепте жакшы окучу. Өзгөчө математикага кызыгып, эсептерди бат эле чыгарып койчу.

Мектептеги маданий иш-чаралар Даниярсыз өтчү эмес. Ырдап эле жүрчү. Экөөбүз комуз ийримине чогуу бардык. Анткени мен да "чоңойгондо ырчы болом" деп жүрчүмүн. Кээде айылдагы балдарды чогултуп алып, шыпыргыны комуз кылып, пахтадан микрофон жасап концерт уюштурат элек. Өзүбүздү чыныгы сахнада ырдап жаткандай элестетип, көрүп отурган балдарга "гүл бергиле" деп талап кылчубуз.

Данияр 5-6-классында өзү менен окуган Аязгүл деген кызды жакшы көрүп жүрдү. Майрамдарда ошого гана белек берчү. Ал кыз аябай жакшы окучу да. Балдар класстагы жакшы окуган кыздарды жакшы көрө беришет эмеспи. Инимде да ошондой болду окшойт. Ал кыз азыр үй-бүлөлүү, өзүбүздүн айылда жашайт.

“ДАНИЯРДЫ 15 ЖАШТАГЫДАЙ ЭЛЕ ЭЛЕСТЕТЕ БЕРЕМ”

– Чыгармачылыкка жакын болгону үчүн ырчы болом дегенин дароо колдогонбуз. Алгач эки байкеси каржылап жүрдү. Данияр шаарда азыр деле байкелеринин эркеси. Өзүнүн үйү бопбош турса да байкесиникинде жүрөт. Ага балдар менен ойноп опур-топур болгон жашоо жагат. Мен аны 15 жаштагыдай эле элестете берем. Үйдө азырга чейин баарыбыз аты менен эркелигин уйкаштырып "Данек, Айданек" деп чакырабыз. Иним эрке болгону менен, аябай аракетчил, бир ишти жасайм десе тырышып аягына чыгат. Бой көтөргөндөрдү, жасалмалуулукту жаман көрөт. Бир нерсе жакпай калса бетке эле айтып салат.

Данияр келатканда кичинесинен эле капкара болуп алыстан кашы көрүнчү. Апам “баламдын бир кашына жүз кыз туура келет” деп эркелете берчү. “Периштелер оомийин деп коёт” деген кеп бар эмеспи. Азыр апама “мына, бир кашына жүз кыз болуп, балаңыз тандай албай жүрөт” деп күлүп калам.

“СУЛУУ КЫЗ КӨРСӨ, СӨЗСҮЗ КӨҢҮЛ БУРАТ”

– Данияр бала кезинен эле сулуу кыз көрүп калса, сөзсүз көңүл бурчу. Азыркыга чейин ошол адаты бар. Бирок үйлөн десек эле “жакшы кыз тапсам үйлөнөм” дейт. Кээде кыздардын сүрөттөрүн көрсөтүп “кандай экен?” деп сурап калат. Даниярдан башкабыз үй-бүлөлүүбүз, баарыбыз өзүбүз тандаган адамдарга баш кошконбуз. Ошондуктан чечимди анын өзүнө койгонбуз. Кудай буюрса, быйыл үйлөнөт деп баарыбыз Даниярдын үйлөнүшүн күтүп жүрөбүз. Өткөндө келгенде дагы “эмне болдуң, биз дапдаярбыз, таптыңбы?” десем, “тапсам сизге биринчи тааныштырам” деп кутулду.

“ЫРЧЫ БОЛБОСО СПОРТЧУ БОЛМОК”

– Өтө эле өжөр болчу. 5-6-классында рулдан бою чыкпаса дагы астына жаздыкчаны коюп алып машина айдачу. Бала кезинде спортко жакын эле. Эгер ырчы болбосо спортчу болмок. Бир жолу “апа, спортчу болоюнбу же ырчыбы” деп сураганда апам “кой, балам, сенин таяк жегениңди көргүм келбейт, андан көрө ырда” деген. Ошондон кийин ырчы болом деп калган. Азыр деле машыгуу залына барып турат.

Динара Акимова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Комментарийлер(4)
01.07.2019. 10:00 
Тайпасы:
Жаран
Комментарийлердин саны:
23
Катталган:
20-06-2017
Соӊку аракети:
25-02-2020 18:43
Жынысы:
Белгисиз
Калаасы:
Кыргызстан
+4
айиий үйбүлөлүк бакыт,чыгармачылык ийгилик каалайм,мен сыйлаган ырчы да жөнөкөйлүгүн баалайм
01.07.2019. 13:53 
Тайпасы:
Жаран
Комментарийлердин саны:
446
Катталган:
19-05-2014
Соӊку аракети:
24-02-2020 15:39
Жынысы:
Белгисиз
+4
Апасы экоо кечээ кайсы бир каналадан интервью береген экен. Апасы оло шайыр аял экен бир демкелерди айтып берип атып куло берет экен. Ачык айрым экен. Озуно окшогон келин кут кылса экен ылайым!
01.07.2019. 18:34 
Тайпасы:
Жаран
Комментарийлердин саны:
192
Катталган:
29-06-2016
Соӊку аракети:
05-09-2019 16:26
Жынысы:
Белгисиз
+4
Бар болгула аман болгула,бактынарга жакшы келин туш болсун,уйунордон ырыскы кетпесин! Эки дуйно бактылуулугун насип этсин Жараткан! Данияр дагыда жакшы ырларды ырдап эл учун кызматыны кыла бер,омуруно АЛЛАХЫМ береке берсин. Жетсе да башын булутка жерде экенини унутпа,жонокойлук эн мыкты сапат ушунунан жазба. Бул жалган жашоо сыноо учун берилген.
Nurkyz1977 түзөттү 2019-07-01 18:38:01
01.07.2019. 23:46 
Тайпасы:
Жаран
Комментарийлердин саны:
47
Катталган:
24-05-2016
Соӊку аракети:
25-02-2020 20:08
Жынысы:
Белгисиз
+3
Данчик качып барган Үйүнүн жанындагы каналга чогуу чөмүлүп жүрөт элек ээх жаштык кез, ой жок түйшүк жок эле ошол убак
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23651;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: