Архив
897  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

АНЖЕЛИКАНЫН КОНЦЕРТИНЕН БИР ЖЫЛДЫК САЯКАТ, БРИЛЛИАНТ, ПИАНИНО ТҮШТҮ

№868 20-июнь - 26-июнь, 2019-жыл


Концерттин аталышы – Анжелика 30 жаш

Өткөн күнү – 12-июнь

Өткөн орду – «Ала-Тоо» рестораны

Билет баасы – 2000-3000 сом

Башталышы – 18:30 (21:00дө, 2 жарым саат кечигип башталды)

Алып баруучу – Эркин Рыскулбеков

Көрүүчүлөр – залдын 100 пайызы

Эми Анжелика 30 жашка чыгып концерт берип жатса, ага Толик сынчы барбай койсо болмок беле? Концерт өтө турган жерге келип таң калып эле калдым. «Аа, бул жерге ушундай келиш керек тура» деп өзүмдүн иш күндөгү кийимимден бир аз уялгансып четте турдум. Албетте, «дүрбүнү» таштап койдум. Кандай аталат билбейм, мен кече көйнөктөрдү «торт» көйнөк деп атайм. Кыз-келиндердин баары ошондой көйнөк кийген, эркектер да кычырашат. Ичине жулунса да киргизбей койгон жигиттерди көрүп «кой, менин Толик сынчы экенимди булар билмек беле?» деп жулунуп киргенге аракет кылган жокмун. Күттүрбөгөн концерт жок! Күткөн элди бир аз алаксытмак болуштубу, Анжеликанын үйрөнчүк кыздарын ырдата башташты. Эми мунусуна да шүгүр.

Бир маалда көп күттүргөн туулган күн ээси көрүндү. Эл жапырт туруп кызыл килемден басып келген Анжеликаны кол чаап кыйкырып сүрөп концерттик залга киргизишти. Эшикти тоскон жигиттер тим эле билетти шыкаалап карап араңдан зорго өткөрүп жатышты. Залда фуршет күтүп жатыптыр. Чынын айтыш керек, берекелүү экен. Бир аял «эмнеге тарелка беришпейт?» деп бакырып жатып айласы түгөнгөндө көпчүлүктө эмне дедиби, даамдарды алаканына салып курсагын тойгуза баштады. Күлөсүң ай, биздин кыргыздар негизи сонун эл!

Фуршеттин аягы эмне болду билбейм, залга кирип тыпыйып ордума отурдум. 21:00дө жарык өчүп, экрандан Анжелика көрүндү. Кемеде жалгыз калганына, тагдырындагы «цунамиге» туруштук бергенине, аны кантип жеңгенине байланышкан кичинекей ролик экен. Андан кийин өзү жаркылдап чыга келди. Сөз чынынан бузулбайт, ушу айымдын эмгекчилдигине, баарын кылдат ойлонгонуна, формаларына, аракетине бали деш керек. Эски-жаңы ырлар ырдалып жатты. Ошол учурда бирөө аткан октой жулунуп сахна тарапка келип, концертти тартып жаткан операторлор менен «үч миң төлөп силердин аркаңарды көрүш үчүн келген эмеспиз» деп урушуп кирди. Чын да бирок, арттагы отургандар моюн сунбаган операторлорго шыпшына карап моюндарын созуп абалдан чыгып жатышты. Акыры эл жеңип, жоон топ операторлор четке чыга башташты. Казакстандык ырчы Айдана Меденова келген экен, «Курбу» деген ырын аткарайын деп жатып «Анжеликанын курбулары барбы?» десе зал тымтырс боло түштү. Кийин залга чыгып гүл берип жаткан курбуларын Анжелика «жана эмне үн катпай отурдуңар?» деп тамаша-чыны аралаш чымчып өттү. Залга гүлдөр агылып жатты, баалуу белектер берилип жатты. Мына сага, 1 жыл бою саякаттаганга жолдомо, ырчынын аты жазылган, бриллиант менен кооздолгон асем буюм белек кылышты, апасы менен атасы тартуулаган аппак пианино акыркысы болду окшойт.

Ошентип өз нугу менен концерт уланып жатканда чукул бурулуш болду. Музыкалык аспаптарын көтөрүп белгилүү музыкант, гитарист Денис Колючий баштаган аттуу-баштуу музыканттар чыгып орун ала башташты. "Ии" дедим. Мына сага, Анжелика жандуу үн менен ырдай баштады. "Азамат!" деп ичимден сүрөп жан-алым калбай кол чаап отурсам эле... Эми бул жерин айтып кетпесем, Толик сынчылыгым кайсы? Үч ырды жакшы ырдагандан кийин ырчы айымдын үнү өчө баштады. Чыдабай жардамга келдиби, айтор, күтүүсүздөн Бек Исраилов сахнага чыга калып Анжеликаны коштоп ырдап баштады. Даярдыгы жок экөө бир толкунга түшө албай, ырчы жигит сүрөп-сүрөп кайра кетти. Ичимден "кайра эле даңкылдак-дүңкүлдөгүнө кайтсачы" деп турдум эле, Анжелика болбой эле дагы бир топ ырын жандуу үн менен ырдады. Апасына арналган ырын Толгонай Арзыкеева сахнага чыга калып коштоп турду. Кийин гүл бергени чыккан ырчылар Талант Кадыров менен Айя Садырова коштоп турушту. Абалдан ар түрдүү жолдор менен өткөндөн кийин сахнага Анжеликанын тун кызы Айыма чыкты. Аткаруусун, жылмайганын, сахнаны багындыра алганын көрүп, үнүн угуп "көпкө барат экен" дедим. Анжелика ордуна татыктуу орун басар даярдап жатыптыр. Сахнанын эң эмоционалдуу жери – Анжелика апасынын алдына чөгөлөп, экөө көздөрүнө жаш алып кучакташканы болду. Эл көпкө кол чаап турушту.

Кимдер келди? Алыскы Оштон Самара Каримова жолдошу менен, Бек Исраилов жубайы менен, Нурлан Насип, Гүлнур Асанова, дагы далайлар келишти. Бирок "гүл тапшырдык, милдеттен кутулдук" дегенсип акырын туруп кете беришип, аягында азыноолак эле ырчылар калганын байкадым. Концерт “30 жаш” деген жаңы ыр, дүркүрөгөн кол чабуулар менен аяктады.

Кыскасы, туулган күн жакшы өттү. Майда-чүйдөсүнө чейин ойлонулган, кооз, курсакты тойгузган, маанайды көтөргөн кече болду. "Бирок бир ыргактагы даңкка-дүңк ырлардын арасына бири комуз менен «Эсимдени» же «Күйдүм чокту» заңгырата кошуп койгондо бөксө жерлерим мындан да толо түшөт беле, чиркин" деп кете бердим.

Толик сынчы



“Жаңы жашоом эми башталат”. Анжеликанын 30 жылдык юбилейинен репортаж

Автор: Айжан Нурманбетова
Оператор: Кайрат Сарбагышов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(5)
24.06.2019. 10:38 
Тайпасы:
Жаран
Комментарийлердин саны:
55
Катталган:
01-07-2014
Соӊку аракети:
23-12-2019 21:11
Жынысы:
Белгисиз
Калаасы:
Бишкек
+6
Азаматсын Толик Сынчы! Мыкты сындаптырсын, жандуу унун жон койсо деле болмок экен, кааап...
24.06.2019. 14:56 
Тайпасы:
Жаран
Комментарийлердин саны:
57
Катталган:
15-12-2014
Соӊку аракети:
15-01-2020 08:14
Жынысы:
Белгисиз
-1
Азамат Аракетиңе балли
25.06.2019. 02:31 
Тайпасы:
Жаран
Комментарийлердин саны:
42
Катталган:
09-01-2017
Соӊку аракети:
04-12-2019 23:26
Жынысы:
Белгисиз
+5
Ун кантет уну вопше очуп калдыго чындап ун жок экен бирок акча коп
25.06.2019. 11:12 
Тайпасы:
Жаран
Комментарийлердин саны:
114
Катталган:
03-12-2018
Соӊку аракети:
03-12-2019 15:08
Жынысы:
Белгисиз
+4
Бир кулуп алдым,озгочо табак издеген эжеге)))))))
28.06.2019. 09:14 
Тайпасы:
Жаран
Комментарийлердин саны:
5
Катталган:
06-06-2019
Соӊку аракети:
19-01-2020 14:46
Жынысы:
Белгисиз
+1
Толик сынчы мыкты
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23471;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: