Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

«АР БИР ҮЙДӨ БӨБӨК КҮЛКҮСҮ ЖАҢЫРСЫН!» Белгилүүлөр бөбөктөрдү куттуктайт

№865 30-май - 5-июнь, 2019-жыл


1-июнь – Балдарды коргоонун эл аралык күнү. Бул күн биздин өлкөдө да жыл сайын белгиленип, бөбөктөргө майрам тартуулаганга аракет кылабыз. Ар бир күнү бөбөктөргө ушундай көңүл бөлүнсө, ушундай коргоого алсак, ушундай майрам тартууласак кана?! Тилекке каршы, акыркы жылдары кароосуз калган, зордук-зомбулукка кабылган балдар көбөйүп, каза тапкан учурлар да болууда. Канткенде бул көрүнүш жоюлат? Канткенде мындай жүрөк ооруткан иштердин алдын алабыз?
Бул ирет белгилүү адамдар «Супер-Инфо» гезити аркылуу бөбөктөрдү 1-июнь майрамы менен куттуктап, өз балдарына каалоо-тилектерин айтып, балдар көйгөйлөрүн кантип чечсе болору тууралуу пикирлерин айтышты.

Назира Айтбекова, телеалпаруучу:
«ДҮЙНӨҢДӨ ЖАЗ БОЛУП ТУРСА, МЕНДЕН ӨТКӨН БАКТЫЛУУ АДАМ ЖОК»
– Уулум, өзгөчөм, Кудайымдын белеги, жан дүйнөмдүн жарыгы, пендечиликке алдырарда периштеликке сүйрөгөн ырыскым, "апа" кылып мени тандаганың үчүн, мага болуп көрбөгөндөй улуу даражадагы сыйлык бергениң үчүн рахмат! Балапаным, балдай таттуум, сенин турмушуң, тагдырың балалыгыңдан башталарын мыкты билем. Ошон үчүн бардык күчүмдү балалыгың таттуу күндөр менен толукталышын, ирмемдер кызыктуу болушун жөндөп, аракетимди сага жумшайм. Көзүңдүн карегинен, кирпигиңден жан дүйнөңдөгү бардык кубулушту окуйм. Дүйнөңдө жаз болуп турса, менден өткөн бактылуу адам жок. Бороон-чапкын болуп турса, жүрөгүмдү өйүйт. Ууртуңдагы күлкүң бар го, ошол күлкү чыкканда ал жылмаюу мага да бүтөт. Дүйнөм бакытка толот.
Балдардын укугу бийик. Алар биз аркылуу гана келди. Биз сындуу толук кандуу ою, сезими, мүдөөсү, үмүтү, сүйүүсү бар адам. Аларды кичинекей, эч нерсе билбейт, анын ордуна өзүм чечем деп кемсинтип, бир нерсеге мажбур кылганыбыз туура эмес. Алардын сезими менен эсептешкенди билүүбүз кажет.
Кароосуз, кордук көргөн балдарды баарыбыз жапа тырмак кайдыгер карабай коргошубуз керек. Балдарды тарбиялоодон мурун ата-энелер алгач өзүбүздү тарбиялайлы. Руханий жактан чоңоёлу. Анткени физикалык жактан чоңоюу жетишсиз. Эң башкысы, балдарга сүйүү арнайлы.

Дастан Бекешев, Жогорку Кеңештин депутаты:
«БАЛДАРДЫ КОРГОО 1 КҮН МЕНЕН ЧЕКТЕЛБЕШИ КЕРЕК!»
– Сүйүктүү элим,
Сиздерди Балдарды коргоонун эл аралык күнү менен куттуктап, өлкөбүздөгү балдарыбызга бактылуу балалык каалайм! Кыргызстандагы ар бир балага жарандардын ар бирөөсү жооптуу экенин эскертип, алардын балалыгын жана укуктарын коргоого чакырам.
Бул күнү жардамга муктаж болгон балдарга жардам көрсөтүү, концерт уюштуруу жана балмуздак таратуу кээ бир адамдар үчүн адат болуп калды. Бирок көрсөткөн жардамыбыз бир жолку гана көрүнүш болуп калбастан, системдүү түрдө балдарыбыздын укуктарын жана балалыгын коргоого үндөп, алардын келечегине салым кошо тургандай жардам көрсөтүүгө чакырам.

Рустам Тыналиев, улакчы:
«БИЗДИН БҮГҮНКҮ АРАКЕТИБИЗ – БАЛДАРДЫН ЭРТЕҢКИ КЕЛЕЧЕГИ»
– Биринчиден, балдарды майрамы менен чын жүрөгүмдөн куттуктайм!
Тилекке каршы, азыркы учурда кароосуз калган балдардын саны көбөйүүдө. Балдар – биздин келечегибиз. Демек, ар бир ата-эне балдарды жарык дүйнөгө алып келгенден кийин аларды багып, өстүрүү биздин милдет. Ар бир бала ата-эненин мээриминде чоңоюп өскөнү жакшы. Ошол себептен мен дагы балдарыма бактылуу балалык тартуулагым келет жана Кудайдан тилээрим, балдарымдын келечеги кең, ден соолуктары бекем, өмүрлөрү узун болсун! Тарбияны балдарыма көбүнчө үйдөн апасы, чоң апасы жана чоң атасы берет.
«Бала – ата-эне менен бала» дегендей, ар бир үй-бүлөдө баланын күлкүсү жаңырып турсун!
Келиңиздер, урматтуу кыргыз элим, эч качан баланы таштабайлы! Себеби ар бир бала өз ырыскысы менен төрөлөт. Биз болгон мээримибизди төгүүдөн аянбайлы, биздин бүгүнкү аракетибиз – балдардын эртеңки келечеги!

Аида Кулуева, ырчы:
«ЭЧ БИР АТА-ЭНЕ БАЛАДАН АЙРЫЛБАСЫН»
– Аялзаты балалуу болуу менен эне деген ыйык да, жоопкерчиликтүү да статуска ээ болот. Мындай бакытты бала гана тартуулайт экен. Андай бакытты кечирээк татсам да, теңдешкис бул белеги үчүн Кудайга ыраазымын.
Кызым Айлин жан дүйнөмдүн азыгы, жарыгы, менин берметим, чексиз ырыскым, менин бакытым, таалайым, менин балдай таттуу шириним, байлыгым, ханбийкем. Төбөң көккө жетип, жүрөгүң ыйманга толуп, ата-энем, кыргызым деген алдыңкы кыздардан болушуңду каалайм. Дарыядай тунук, узун өмүр каалайм. Сен үчүн бардык нерсеге атаң экөөбүз даярбыз.
Албетте, ар бир ата-эне үчүн баланын бакыты, ден соолугу биринчи орунда турат. Ал үчүн бардык күчүбүздү жумшайбыз. Сени кумурскага да чактыргыбыз келбейт.
Сөз соңунда кыргыз элиме кайрылгым келет. Бардык үйдө баланын күлкүсү жаңырып турсун. Балдарыбыз – биздин байлыгыбыз, алар биздин эртеңибиз. Андыктан эч качан кароосуз калтырбайлы, кайдыгер карабай, жакшы тарбия берели. Балдар – биздин келечегибиз, канатыбыз, тукумубуз. Балдарыбыздын жүрөгү ыйманга толуп турсун. Оору-сыркоодон алыс болушсун. Жакшылыкта мээрим көрүп чоңоюшсун. Келечектери кең болсун. Эч бир ата-эне баладан айрылбасын.

Айпери Кубик кызы, ырчы:
«БАЛДАРГА ӨЗҮБҮЗ, АТА-ЭНЕЛЕР ГАНА ҮЛГҮ БОЛОБУЗ»
– Менин жашоомдун маңызы – уулдарым. Алланын берген байлыгы Даян, Райан – менин келечектеги коргоочуларым. Ар бир эне балдарынын бактылуу болуусун каалайт. Мен да балдарымды эч нерседен кем кылбай, өксүтпөй, аларга бактылуу балалык тартуулаганга аракет кылам. Буюрса, балдарым ыймандуу, акылдуу, тартиптүү, айткан сөзүнө турган, жоопкерчиликтүү, чыныгы мырзалар болушуна болгон күчүмдү жумшайм. Балдарыңдын ден соолугу жакшы, күлүп, ойноп, сага эркелеп эле турса, бул чоң бакыт. Бир аз эле көзүнө жаш айланып, капа болуп же ооруп калса, анда эненин жүрөгү эзилет, балаң ыйласа кошулуп ыйлайсың. Андыктан балдарыбыз аман болсун!
Тарбия бере турган адам өзү тарбиялуу болуусу керек. Балдарга өзүбүз, ата-энелер гана үлгү болобуз. Ошол үчүн биринчи өзүбүз жакшы сапаттарга ээ болушубуз зарыл. Балага татыктуу тарбия берүү – ата-эненин милдети. Бирок көпчүлүк учурда тарбиянын кайсынысы туура экенин өзүбүз билбей, аша чаап алган учурлар кийинки күндөрү көп кездешчү болду. Өкүндүргөнү, көп ымыркайлар, жаш балдар зордук-зомбулук көрүп, ата-энесинин мээримине зар, ата-энесинен алыста жүргөндөр куса болуп, ар кандай кырсыктарга учурап жаткандар да аз эмес. Тилегеним, ар бир наристе өз ата-энесинин жанында бактылуу балалыкта жашап, ар бир үйдө жаш баланын күлкүсү угулуп турсун.

Кайрат Примбердиев, ырчы:
«БАЛДАРЫҢАРДЫ БӨПӨЛӨГҮЛӨ, БАККЫЛА, СҮЙГҮЛӨ!»
– 1-июнь – Балдарды коргоо күнү менен чын жүрөктөн куттуктайм! Балдарыбыз ыйлабасын. Биздин келечегибиз ушулар. Бүгүнкү күндө мекенибизде кароосуз калган балдардын көйгөйү курч болуп турат. Көптөгөн жаштарыбыз балдарын таштап чет өлкөгө жумуш издеп кетүүдө. Же ажырашып, ортодо балдар кыйналууда. Баары келип билимсиздик, жумушсуздук сыяктуу маселелерге такалат. Айлык аз, жумуш ордун түзө турган завод, фабрика жок. Бул баарыбыздын көйгөйүбүз. Ден соолукту коргоо да бизде аксайт. Жапжакшынакай үй-бүлөлөрдүн балдары начар дарылоодон улам ооруп же чарчап калып жаткандарына күбө болуп жүрөбүз.
Жаңы үйлөнгөн жаштарга айтарым, балдарыңарды бөпөлөгүлө, баккыла, сүйгүлө. Ошолорго убакыт, нерв, акча, баарын аянбай салгыла! Алардын аң-сезиминде мекенге, ата-энеге болгон сүйүү күчөсүн. Ыйманын тазарткыла! Мына ошондо бизден кийинки келген муун Кыргызстан деген бейиштей жерди чындап гүлдөтүшөт.
Менин 3 уулум бар. Балдарыма чын жүрөгүмдөн дүйнөнүн бардык жакшылыктарын каалайм! Бирок ошол эле учурда баарын «ме» деп бере берүү туура эмес деп ойлойм. Себеби балдарым нан кантип келерин, өзү иштеп табууну дагы билиш керек. Жаштайынан чыйрак, мээнеткеч болуусун каалайм. Балдарымды Кудай коргосун деп күнүгө жалынам. Балдар аман болсун!

Камчы Сарыбаев, актёр:
«БАЛДАРЫМ АКЫЛДУУ, БИЛИМДҮҮ, БОЛСУН ДЕП ТИЛЕЙМ»
– Чүрпөлөрүбүздү 1-июнь майрамы менен куттуктайм. 1 күн менен гана чектелип калбай, келечегибиз болгон балдарыбыздын ар бир күнүн майрамга, бактылуу көз ирмемдерге толтурушубуз керек.
Өзүмдүн 2 уул, 1 кызым бар. Улуусу Барсбек, ортончусу Жанболот, көкүрөк күчүгүм Асылзат. Үчөөнүн мүнөзү ар башка болсо да, жүрөгүндөгү ыйманы бирдей болсун деп тилейм. Үчөө тең кайрымдуу, акылдуу, билимдүү, жылдыздуу болсо дейм. Балдарымды катуу эле кармайм. Керектүү жерден эркелетем, кээде «чыпылдатып» коюп турам. Кантсе дагы ушул балдардын келечегине шарт түзүп, жол салууга аракет кыласың. "Мындай бол же тигиндей бол" деп айта албайсың. Балдарыңдын тандаган тандоосуна эле жардамчы болот экенсиң.
Азыр кароосуз балдар көп. Ата-энесиз балдар жатак-мектепти бүткөн соң каякка барарын билбей калышууда. Колумдан келбейт да, келсе атайын бир мекеме ачып, бардыгын иш менен камсыз кылат элем. Мисалы, ошол жетим балдарды тоок ферма, уй ферма сыяктуу нерсе ачып, ошол жерден агарып-көгөргүдөй мүмкүнчүлүк түзүп берсек. Же болбосо жатак-мектепти аяктаган соң атайын колледждерге сынаксыз, бекер окутуп, жок дегенде ашпозчу, ширетүүчү сыяктуу орто кесиптин ээси кылсак жакшы болмок. Кароосуз балдардан жүзүбүздү бурбай, тескерисинче, ошол балдарга кол сунуп, акча жагынан жардам кыла албасаң дагы, көңүл буруп, чекесинен өөп, жылмаюу тартуулап турсак ошол эле чоң жетишкендик.
Ушул ыйык орозо айында бардык кыргыз элине каалаарым, ар бир үйдө кыткылыктаган кичинекей балдардын күлкүсү жаңырып турсун! Балалуу боло албай жүргөндөргө балканактай болгон бала берсин, бир эле бала эмес, эгиздеп берсин! Жылына кыргыз элинин саны көбөйө берсин. Ошол балдарыбыз ыймандуу болсун. Кыргыз элим, кыргыз жерим деп күйгөн уул-кыздар болуп чоңоюшсун.

Үмүтай Абдышова, ырчы:
«ЭМНЕГЕ АЙРЫМ АТА-ЭНЕЛЕР ТАШБООР БОЛУП БАРАТЫШАТ?»
– Алинурум таенесинин колунда. Балам менен ар дайым бирге боло албасам да, сүйүнгөнүн, капаланганын үнүнөн билип, каалаганын аткарып турам. Адатта кылган ишине карап мактоого татыктуу экенин айтам. Азыр 6 жашта, архитектор болом дейт. Ар түрдүү формадагы, татаалдыктагы конструкторлорду алып беребиз, үйлөрдү куруп, автоунааларды жасайт. Жакшы ырдайт. Менин ырларымды сындайт, чоң кишидей акыл айтат.
Кичинекей бөбөктөрүм, силерди майрамыңар менен куттуктайм! Силер мамлекетибизди гүлдөтө турган гүлү, көктөгү жанган жылдызы, чоң ачылыштарды жасай турган келечегисиңер. «Балдар – жердин жандуу гүлдөрү» демекчи, балдар гүл сыяктуу ачылып, баёолугу, чынчылдыгы, тазалыгы менен дүйнөнү ыпластыктан сактап турат. Жүрөгүмдү оорутканы – акыркы мезгилде байма-бай массалык маалымат каражаттарында жарыяланып жаткан суук кабарлар. Өз ата-энесинен, эркелете турган чоң ата-чоң энесинен түрдүү кордук көрүп, запкыдан улам каза болгон бейкүнөө наристелерди укканда заманам куурулуп кетет. Эмнеге айрым ата-энелер ташбоор болуп баратышат? Наристелердин күнөөсү эмнеде? Келиңиздер, урматтуу ата-энелер, жердештер, ага-инилер, наристелерибизди жомоктогудай «желмогуздардан» коргоп калалычы!
Дүйнөдөгү эч бир наристенин бактысы тайкы болбосун. Бөбөктөрдү таштоого, кароосуз калтырууга тыюу салынсын. Ар бир үйдө бактылуу балалык өкүм сүрсүн.


Асхат Субанбеков
star@super.kg



Айпери Кубик кызы: "Мени стилин таппай жүрөт деп ойлошот"

Автор: Амирбек Исмаилов
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
03.06.2019. 10:18 
Тайпасы:
Жаран
Комментарийлердин саны:
237
Катталган:
13-05-2016
Соӊку аракети:
17-10-2019 09:38
Жынысы:
Белгисиз
+2
Балдарыбыз ыймандуу,билимдуу,маданияттуу болушун каалайбыз.
03.06.2019. 10:28 
Тайпасы:
Жаран
Комментарийлердин саны:
66
Катталган:
25-02-2014
Соӊку аракети:
15-10-2019 15:49
Жынысы:
Белгисиз
+2
Назира Эже соонун жазасызда
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: