Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

BEELINE МЕКТЕП ОКУУЧУЛАРЫНА САНАРИПТИК САБАТТУУЛУК БОЮНЧА БИЛИМ БЕРДИ

№863 16-22-май, 2019-жыл


Бүгүнкү күндө мектеп окуучуларынын басымдуу бөлүгү смартфондорду жана планшеттерди колдонушат. Маалымат доорунда интернет желесинде адамга залал алып келе турган жана алдамчылыкка багытталган контент көп болгондугу шексиз. Ошондуктан окуучуларга мобилдик телефонду туура пайдалануу, мобилдик шылуундуктун алдын алуу, мобилдик этикет темалары боюнча сабак берүү маанилүү. Дал ушул багытта Кыргызстандагы 1-санариптик оператору болгон Beeline компаниясы “Санариптик сабаттуулук” долбоорун ишке ашырды.


КЫРГЫЗСТАНДЫН АР БИР ОБЛУСУНДА «САНАРИПТИК САБАТТУУЛУК» АТАЛЫШЫНДАГЫ ОКУУЛАР ӨТКӨРҮЛДҮ

2018-жылдын ноябрь айында Beeline компаниясы AIESEC жаштар уюму менен бирге Кыргыз Республикасынын ар бир облусунда мектеп окуучулары үчүн «Санариптик сабаттуулук» аталышындагы социалдык долбоорун баштаган. 2018-жылдын декабрына чейин өлкөнүн түштүк аймактарында жайгашкан 35 мектептин окуучулары бул багытта билим алышты. Ал эми үстүбүздөгү жылдын февраль айынан 30-апрелге чейин Кыргызстандын түндүк облустарында да бул долбоор ишке ашырылды. Натыйжада бул окуу жылдын эсебинен 16 миң окуучу санариптик сабаттуулук боюнча билим алышты.

Аталган долбоорго 5-11-класстардын окуучулары катышышты. 5-7-класстын окуучуларына 40 мүнөттүк сабактар өткөрүлсө, 8-11-класстарга 2,5-3 сааттык окуулар өткөрүлдү.

Окуучулар бул сабактардан төмөнкү суроолорго жооп таба алышты:

• Мобилдик этикет деген эмне?

• Смартфондорду кантип колдонуш керек?

• Интернет деген эмне?

• Интернетти кантип туура колдонуш керек?

• Мобилдик шылуундуктан кантип сактаныш керек?

Мындан тышкары окуучулар өздөрү үчүн ыңгайлуу болгон мобилдик тарифтер, пайдалуу мобилдик тиркемелер жөнүндө маалыматтарга да ээ болушту.

БУЛ ДОЛБООР АЛГАЧКЫ ДА, АКЫРКЫ ДА ЭМЕС

Аталган долбоордун максаты – жаштардын мобилдик сабаттуулугунун деңгээлин көтөрүү. Beeline компаниясы буга чейин дагы бул багытта өз ишмердүүлүгүн жүргүзүп келген. Компания 2013-жылдан баштап окуучуларга мобилдик сабаттуулук боюнча окууларды өткөрүп келет. Бул убакыттын аралыгында долбоордун жардамы менен 5000 окуучу мобилдик сабаттуулук боюнча билимге ээ болушкан. Быйылкы окуу жылында бул долбоор чоң секирик жасап, бир жыл ичинде эле 16 миң окуучу билим алды.

Компаниянын коомдук өнөктөштүк боюнча башкы адиси Жулдыз Баймагамбетова долбоордун жыйынтыгы боюнча төмөнкүлөргө токтолду:

– Долбоордун жыйынтыгы жакшы көрсөткүчтөрдү көрсөттү. Алдын ала жүргүзүлгөн тесттин жыйынтыгында, окуучулардын мобилдик сабаттуулук боюнча билими төмөн экени аныкталган. Биз өзүбүздүн сабактарыбызды өтүп, аларга жаңы билимдерди бергенге аракет кылдык. Биздин аракет текке кеткен жок. Себеби сабактарыбыздын жыйынтыгында алардын санариптик сабаттуулук боюнча билими бир топ жогорулаганы тренингден кийинки тесттен улам аныкталды.

Окуучулар смартфон деген эмне, смартфондо кандай операциондук системдер бар экенин билишчү эмес. Бул окууларда биз алар билбеген, аларды кызыктырган суроолорго жооп берүү менен бирге электрондук почтаны жана социалдык түйүндөрдү кантип коопсуз колдонуш керек деген суроолорго жооп бердик.

Ал эми сабактар мектептерде интерактив форматында өтүлүп, практикалык жашоодо колдоно турган иштерди гана айттык. Себеби өтүлүп жаткан сабактар жөн гана айтылып калбастан, окуучулар аны өздөрүнүн жашоосунда колдонуп билиши керек. Сабактарда окуучулар телефонду кантип максималдуу пайдалуу колдонуу жана алдамчылардын курмандыгына кантип айланбоо боюнча практикалык кеңештерди алышты.

Буюрса, бул долбоорду дагы улантабыз. Бирок ал кандай форматта өтөт азырынча белгисиз. Негизгиси, санариптик сабаттуулук боюнча иш-аракеттер бул жыл менен бүтүп калбайт. Кийинки окуу жылында дагы мектеп окуучулары менен иштешип, аларга билим берүү ниетибиз бар.

ХХI КЫЛЫМ –САНАРИПТЕШТИРҮҮ ДООРУ

2019-жыл өлкөбүздө Региондорду өнүктүрүү жана санариптештирүү жылы деп жарыяланган. Мындан улам калктын арасында мобилдик сабаттуулукту жогорулатуу жана мобилдик алдамчылык менен күрөшүү маанилүү экени аныкталган. Мындан улам келечек ээлери болгон мектеп окуучулары үчүн санариптик билим абдан зарыл экени анык. Бул долбоорго катышкан окуучулар өздөрүнүн ойлору менен бөлүшүштү.

Сымбат, 11-класстын окуучусу:

– Бул сабактар мен үчүн абдан пайдалуу болду. Бүгүнкү күндө алган билимди мен жашоодо колдонуу менен бирге бул маалыматты досторума, жакындарыма жеткирүүгө аракет кылам. Тренингде телефондун оң жана терс жактары, мобилдик алдамчылык, мобилдик этикет боюнча жана башка көптөгөн кызыктуу маалыматтарды алууга жетиштим. Мындан тышкары интернетте тараган жаңылыктардын бардыгы эле чын эмес экенин билдим. Ошондой эле маалыматтардын чын-жалганын айырмалап билүү маанилүү экенин үйрөндүм. Аталган долбоор дагы өнүгүп, башка окуучуларга бул маалыматтардын жетишин каалайм.

Нурай, 11-класстын окуучусу:

– Биринчиден, бул сабакты өткөргөн Beeline компаниясына ыраазычылык билдирем. Себеби алардын ыктыярчылары ар кандай оюндар аркылуу, жөнөкөй тил менен көп маалыматтарды беришти. Ошондой эле мени көптөн бери кызыктырып келген “кантип онлайн тесттерден өтсө болот?” деген суроомо жооп алдым. Мындан тышкары интернет коопсуздугу жөнүндө айтылган маалыматтар дагы бизге кызыктуу болду. Себеби көп окуучулар буга маани берчү эмеспиз. Бул тренингден кийин коопсуздук маселесине көңүл буруп калдык. Бул долбоорду уюштурган Beeline компаниясына рахматымды айткым келет. Мындай тренингдер байма-бай болуп турушун каалайм.

Эксперттердин белгилөөсүндө заманбап технологиялардын жана интернеттин пайда болушу менен дүйнөдө кибертерроризм деген түшүнүк жаралды. Жыйынтыгында ар бир адам ар түрдүү формадагы кибер кылмыштуулукка дуушар болуу ыктымалдуугу бар. Алардын ичинен жаш өспүрүмдөр көбүрөөк мындай кырдаалга туш болот. Beeline мобилдик операторунун аталган долбоору Кыргызстандын мектеп окуучуларын мобилдик алдамчылык жолдору жөнүндө маалымдоого жана кылмыштык тенденцияларынын алдын алууга багытталып, коомго өзүнүн чоң пайдасын берүүдө. Себеби келечек санариптик сабаттуулугу жогору болгон жаштардын колунда.

Кубан Жумамидинов



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: