«Жылдын супер ыры»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ХАЛАЛ СЕРТИФИКАТЫН КИМ БЕРЕТ? ЭМНЕНИН НЕГИЗИНДЕ БЕРЕТ?

№862 9-15май, 2019-жыл


Учурда өлкөдө "халал" деп аталган өндүрүш өнүгүүдө. Өлкөдө сатылып жаткан товарлардын жарнактарында “халал” деген сөздү колдонуу адатка айланды. Жадакалса ар кандай кызмат көрсөткөн ишканалар дагы мына ушундай тастыктамага басым жасашат. Акыркы күндөрү халал косметика, халал кийимдер жана халал оюнчуктар дагы пайда болду. Халал сертификаты, же кыргызча айтканда, адал деген сертификатты ким берет, эмненин негизинде берет, кайсы товарларга берилиши керек, аталган тастыктама маркетингдин куралына айландыбы деген суроолорго жооп издедик.

“ТАМАК-АШ КООПСУЗДУГУ САКТАЛГАНДА ГАНА ХАЛАЛ ТАСТЫКТАМАСЫ БЕРИЛЕТ”

Кыргыз Республикасынын Экономика министрлигинин техникалык жөнгө салуу жана метрология башкармалыгынын шайкештикти баалоо системдерин жөнгө салуу жана халал индустрия бөлүмүнүн башкы адиси Алмаз Кайырбеков өлкөдөгү халал индустриясынын учурдагы абалы тууралуу төмөнкүлөргө токтолду:

– Халал индустриясы жаңы тармак. Эл "халал деген бизге арабдардан келген, арабдардын эрежелерин киргизип жатат" деп туура эмес түшүнбөшү керек. Бул кыргызча адал деген сөз. Халал деген сөздүн мааниси тазалык, акыйкаттык дегенди билдирет. Кыргыз өкмөтү 2015-жылы халал индустриясын өнүктүрүү концепциясын иштеп чыккан.

Кээ бир адамдардын “малды быссымылда” деп сойдук, демек, адал” дегени туура эмес. Тамак-аш коопсуздугу сакталганда гана халал тастыктамасы берилет. Бул иш боюнча биздин министрлик Дин башкармалыгы менен кызматташуу меморандумуна кол койгон. Азыр министрликтин алдында Стандартташтыруу жана метрология борбору бар. Ал орган диний башкармалык менен биргеликте халал сертификаттарын берет. Буга чейин жеке ишканалар гана берип келген. Ал учурда эл арасында "бул тастыктамалар туура берилип жатабы?" деген күмөндөр көп болгон. Элдин талабынан улам мамлекет дагы бул жакты көзөмөлдөп жатат. Учурда 30га жакын ишкана мамлекет тарабынан халал тастыктамасын текшерүүдөн өткөндөн кийин алышкан.

Бүгүнкү күндө такси кызматы үчүн, суу үчүн дагы халал деген тастыктама берилип жатат, бул туура эмес. Кабыл алынган концепцияда тамак-аш коопсуздугу гана каралган.

“ӨЛКӨДӨ ПРОДУКЦИЯЛАРДЫН ХАЛАЛ ТАСТЫКТАМАСЫНА ЖООП БЕРЕРИН ТЕКШЕРГЕН ЛАБОРАТОРИЯ ЖОК”

Халал сертификаты эмненин негизинде берилет деген суроого Стандартташтыруу жана метрология борборунун директору Бердимамат Аданбаев жооп берди:

– Кыргыз өлкөсү 2015-жылы Ислам өлкөлөрүнүн Стандартташтыруу жана метрология институтунун мүчөсү болгон. Ал жакта жалпы ислам өлкөлөрүнө шайкеш келе турган стандарттар кабыл алынган. Биздин адистер аталган институттан окуп, квалификациясын жогорулатып келип турушат. Бүгүнкү күндө ошол адистер муфтияттын өкүлү менен бирге халал сертификатын алам деген ишканага барып, бизде каралган стандартка жооп берерин текшерет. Азырынча биздин өлкөдө продукциялардын халал тастыктамасына жооп берерин текшерген лаборатория жок.

“КИЙИМГЕ, ОЮНЧУККА ХАЛАЛ СЕРТИФИКАТЫН БЕРҮҮ АКЫЛГА СЫЙБАЙТ”

Кыргызстан Мусулмандарынын дин башкармалыгынын фатва, диний адабияттар жана халал иштери бөлүмүнүн башкы адиси Бахтияр Токтогазы уулу халал оюнчук, халал кийим дегендер акылга сыйбаган нерсе дейт:

– Кыргыз өлкөсүндө халал стандарты боюнча иш-аракеттер 2014-жылы башталган. Учурда Экономика министрлигинин алдындагы стандартташтыруу жана метрология борбору менен биргеликте халал сертификатын беребиз. Бул тастыктаманы бизден башка дагы жеке ишканалар берет. Аталган тастыктама бир жылга берилет. Ишкер бул тастыктаманы алуу менен “халал стандартына ылайык иш жүргүзөм” деген милдеттенме алат. Биринчи кезекте Кудай алдында жооптуу, экинчиден, эгер халал эмес продукция чыгарса кардарлардын алдында аброюн бузуп, элди алдаган болот.

Эл арасында "бул сертификатты берүү бизнеске айланып кетти" деген сөздөр көп. Өкмөткө караштуу монополияга каршы жөнгө салуу мамлекеттик агенттиги биздин бааларды көзөмөлдөп турат. Сертификат алуу 15 миң сомдун тегерегинде. Ал банк аркылуу ишке ашат. Демек, бул жерде эч кандай кошумча акча табуу жок.

Ал эми халал оюнчук, халал кийим деген нерселер туура эмес. Продукцияга жана кызмат көрсөтүүгө аталган тастыктама берилиши мүмкүн. Кийимге жана башка ушул сыяктуу нерселерди халал деп айтуу акылга сыйбаган нерсе.

“БАРДЫК НЕРСЕДЕ АДАЛ ЖАНА АРАМ БАР”

Халал сертификатын берген жеке ишкананын директору Мыктыбек Арстанбек адалды Кудай өзү бренд кылып берген дейт:

– Алла Таала уруксат берген нерселер адал, уруксат бербегени арам. Парфюмерияда, туризм тармагында жана башка бардык нерседе адал жана арам бар. Бүгүн Кыргызстанда халал деген түшүнүк тамак-аш тармагында гана колдонулуп келет. Коомчулукта адал сертификатына болгон талап азырынча күчтүү эмес. Ошондуктан кээ бир шылуун өндүрүүчүлөр "биздин уюбузду сакалчан соёт" деп алдай беришет. Эл болсо “аа, сакалчан соёбу?” деп ала берет.

Биздин ишкана сертификат берүүчү орган катары жеке компаниялар менен келишим түзүп, анан иш алып барабыз. Келишимдин негизинде алардын ишканасына биздин атайын окутулган адистер барып стандартка туура келерин текшеришет. Ушул кызматтар үчүн биз маяна алабыз жана кызматкерлерибизге айлык төлөйбүз.

Эл адал маселесинде Союз кездегидей ой жүгүртөт. "Адалды дагы бренд кылып алдыбы?" деп айтышат. Ооба, адалды Аллах Таала өзү бренд кылып берип, “Жашооңорду ушул бренд менен жашагыла” деп айтып жатат. Экинчиден, адалды бизнес кылып жатышат деп айтышат. Биз 25 жылдан бери капиталисттик системде жашап жатабыз. Бүгүн бардык нерсе бизнес. Бекер нерсе жок.

Кээ бир ишкерлер товарын жакшы сатыш үчүн бул сертификатты өздөрү жасап алышат. Анын товары бул тастыктамага татыктуубу, шайкешпи, маанилүү эмес. Бул бизнес эмес, кылмыш. Анткени алар керектөөчүлөрдү алдап жатышат. Бүгүн бул маселеде керектөөчүлөрдүн орду чоң. Эгер керектөөчү адал жегенге куштар болсо өндүрүүчүдөн “Адал деген сертификатың барбы, сертификатты ким берди?” деп талап кылыш керек. Анан сертификат берген органга телефон чалып маалыматтын чын-жалганын билип алса болот. Антпесе базарда жалганчы адалдар көп.

Бардык тамак-ашка арам кошулуу ыктымалдуулугу бар. Керек болсо "сууну дагы арам эмес бекен?" деп текшеребиз. Себеби фильтр технологиясында да арам нерселер болушу мүмкүн. ГМОну айтпаганда деле, жасалма эттер, мөмө-жемиштер пайда болду. "Мусулмандын жеген тамагы адал болуш керек" деген өкүм бар.

Кыргыз Республикасында керектөөчүлөр боюнча бир катар мыйзамдар бар. Эгер кимдир бирөө өзүнүн продукциясын халал деген болсо, тастыктоочу орган аркылуу тастыкташ керек. Эгер адалдыгын тастыктабай туруп, халал деген брендди койгон болсо – бул кылмыш, ал соттолот. Ыктыярдуу тастыктоону уурдап алгандар үчүн эмнеге мыйзамдар иштебейт? Себеби коомдун өзүндө талап начар. Биздин белгибизди уурдап коюп алган компаниялардын үстүнөн биз тиешелүү органдарга даттанабыз. Алар кээ бир ишканаларга барып текшерет, эскертүү берет. Бирок аны тоготпогондор көп. Экинчиден, бул бюрократия болуп көп убакытты талап кылат. Ошондуктан халал дегенди эл өзү талап кылып, ал сертификат чындап берилгенин өздөрү текшериши керек.

“КАРДАРЛАР ХАЛАЛ АЗЫКТАРДЫ ТАЛАП КЫЛАТ”

Бүгүнкү күндө халал деген сөз маркетингдин куралына айланып калдыбы деген суроо менен маркетолог Элиза Бошкоевага кайрылдык:

– Учурда адамдар тамак-аштын курамына көңүл буруп, адал деген нерсеге басым жасап жаткандыктан халал сертификатынын популярдуулугу өстү. Халал – бул жөн гана мусулмандар үчүн уруксат берилген тамак-аш эмес. Бул адамдардын ден соолугун, коопсуздугун, ишенимдүүлүгүн жана адам жашоосунун сапатын камсыз кылган чоң индустрия. Азык-түлүктөн башка дагы жеңил өнөр жай, банктык тармак, билим берүү, косметика, фармакология жана башка ар түрдүү кызматтарды өзүнө камтыйт.

Халал деген сөз маркетингдин куралына айланып калганы чындык. Кыргыз Республикасынын калкынын көпчүлүк бөлүгү мусулмандар болуп саналат. Ошондой эле ислам дининин эрежелеринде толук жашабагандар дагы халал азыктарды сатып алууга аракет жасашат. Мисалы, бирдей эле сапаттагы эки товардын биринде халал деген сертификат болсо жарандар дал ошол тастыктамасы бар продукцияны сатып алышат. "Халалбы?" деп сураган кардарлардын саны көбөйүп жаткандыктан сатуучуларга продукцияларына бул тастыктаманы алууга туура келет.

ХАЛАЛ ТАСТЫКТАМАСЫ КҮМӨН ЖАРАТАТ

Улуттук статистика комитетинин маалыматы боюнча, өлкөнүн калкынын 80 пайызын мусулмандар түзөт, ал эми азык-түлүк рыногунда адал азыктарына суроо-талап жыл сайын өсүүдө. Натыйжада "халал" эн белгисин колдонгон коомдук тамак-аш мекемелеринин саны көбөйүүдө. Негизи адал азык менен тамактануу, биринчиден, ден соолук үчүн маанилүү. Ошондуктан халал деген сертификаттардын берилип жатканы жакшы көрүнүш. Бирок ал тастыктаманы ишкана текшерүүдөн өтүп анан алдыбы, текшерүүдөн өтпөй эле сатып алдыбы, же өзү эле жасап алдыбы деген суроолор ар бир кардардын эсинде болуш керек. Себеби акчаны биринчи орунга койгон ишкерлер бул жерде каражат табууну көздөп чыныгы текшерүүнү унутуп коюшат.

Учурда продукциянын халал деген тастыктамага жооп бере турганын текшере турган атайын лабораториянын жоктугу халал тастыктамасын алган продукциялардын адал экенине да күмөн жаратат.

Кубан Жумамидинов
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(13)
13.05.2019. 10:22 
Тайпасы:
Жаран
Комментарийлердин саны:
398
Катталган:
29-06-2016
Соӊку аракети:
05-09-2019 16:26
Жынысы:
Белгисиз
+3
Халал сертификаты кайсы компанияларга беришти ошол жонундо да айтып коюушса болмок экен. Карапайым калк халал деп жазылып турса эле адал экен деп алып жеп жатабыз. Адал деп туруп бирок ошол стандартка жооп бербесе жон эле элди алдап акча табуу максаты болсо анда озу учун эле эмес эл учун дагы жооп берет АЛЛАнын алдында. Биз адал экен деп жеп жатабыз,адал деген тастыктаманы бергени да катуу жооп берет. Кудайдан коркуу керек калкты алдабагыла .
13.05.2019. 10:26 
Тайпасы:
Жаран
Комментарийлердин саны:
398
Катталган:
29-06-2016
Соӊку аракети:
05-09-2019 16:26
Жынысы:
Белгисиз
+2
Тастыктаманы берип жаткандар ай сайын текшерип ошол жонундо элге толук маалымат берип турса жакшы болмок.
13.05.2019. 11:15 
Тайпасы:
Жаран
Комментарийлердин саны:
5
Катталган:
07-08-2017
Соӊку аракети:
17-11-2019 21:16
Жынысы:
Белгисиз
+2
Халал дегени жон эле акча табуу учун колдонуп атышат. Мыктыбек Арстанбек деле айтып атпайбы бизнес деп. Бизнестин оной жолу да.
13.05.2019. 13:25 
Тайпасы:
Жаран
Комментарийлердин саны:
181
Катталган:
10-04-2015
Соӊку аракети:
17-11-2019 08:43
Жынысы:
Белгисиз
+8
Базарларда сатылып жаткан калбасаларды ким карайт халал деп жазып алышкан 1 палочкасы 100 сом тан каласын.Бир кг эттин баасы 300 сомдон жогору болсо.Кандай жол менен жасалат ошол ишканадан башка эч ким билбейт текшерген деле эч ким жок
13.05.2019. 22:14 
Тайпасы:
Жаран
Комментарийлердин саны:
323
Катталган:
22-10-2017
Соӊку аракети:
06-11-2019 11:28
Жынысы:
Белгисиз
-2
Биздин молдолорго эч ишенбейм. Создору калп. Тамекини халал деп коюшуп пачкалап чегип журушот. Хотя тамеки наркотик экенин билишет. Халал бул бизнес. Дин бул чон бизнес. Мисалы арабтар меккеден кара ташка сыйындырып канча акча таап жатышат.
13.05.2019. 23:49 
Тайпасы:
Жаран
Комментарийлердин саны:
1
Катталган:
23-01-2019
Соӊку аракети:
11-06-2019 05:24
Жынысы:
Белгисиз
+5
Mirlan27011987, каерде көрдүң тамекиде адал деген жазууну. Дин бизнес деген сенин оюң. Мусулмандар үчүн дин бул бүтүндөй жашоо
13.05.2019. 22:21 
Тайпасы:
Жаран
Комментарийлердин саны:
193
Катталган:
03-02-2018
Соӊку аракети:
13-10-2019 15:05
Жынысы:
Белгисиз
-7
Халал тамакты дуйно жузундо таппайсынар. Эртен чычып туруп, бокту пакетке ороп сыртына халал деп койсо эле жей бересинерби. Сасып кеткен тамактарды пакетке ороп халал деп коюшат. Андан коро озун жасап жеген жакшы.
erlan2196 түзөттү 2019-05-13 22:23:33
14.05.2019. 00:35 
Тайпасы:
Жаран
Комментарийлердин саны:
1
Катталган:
28-08-2018
Соӊку аракети:
20-10-2019 13:06
Жынысы:
Белгисиз
-3
Халал болбосо куурулуп кетишсин. Аферисттер биздин молдобаштар. Азыр Кытайдан сыртына халал деп жазылган тамак аштар келип жатат. Динчилдерге халал деп коюшуп, молдочалыштар кафелерди ачып жатышат. Ичине кирсен эчак эскирип кеткен эт майларды беришет. Озун тамак боюнча технолог болбогон сон, кайдан билесин халал кафелердеги тамактардын таза экенин.
J1irg түзөттү 2019-05-14 00:40:52
14.05.2019. 21:52 
Тайпасы:
Жаран
Комментарийлердин саны:
209
Катталган:
12-03-2018
Соӊку аракети:
09-07-2019 00:36
Жынысы:
Белгисиз
0
Халал мусулмандар айткандай халал эмес деп,элдерге таза тамак аш деп эмне деп суйлоп атканын тушунуп атабы дуйнонун жарымы мусулмандар, мусулмандар айткан халалды чыгаргыла . Анан сенин ошондой чыгарган сертификатын озуно буйурсун
14.05.2019. 21:56 
Тайпасы:
Жаран
Комментарийлердин саны:
209
Катталган:
12-03-2018
Соӊку аракети:
09-07-2019 00:36
Жынысы:
Белгисиз
-4
Келгиле Мен силерге итти таза союп эт кууруп берем же келемиш маймыл таза жууп силер айткандай халал жейсинерби
16.05.2019. 03:56 
Тайпасы:
Жаран
Комментарийлердин саны:
448
Катталган:
28-04-2017
Соӊку аракети:
10-11-2019 17:51
Жынысы:
Белгисиз
+2
Текшербей эле "халал" деген серификатты сатышат болуш керек. Азыр эч кимге ишене турган заман эмес. Мисалы мен эт саткан базарга барганда, этке печать басылып турганын кором. Бирок ошол этти текшердиби?... текшербей эле акчасын алып, печать басып койгондой сезиле берет.
17.05.2019. 17:54 
Тайпасы:
Жаран
Комментарийлердин саны:
47
Катталган:
01-07-2013
Соӊку аракети:
15-11-2019 22:46
Жынысы:
Белгисиз
Калаасы:
нарын
0
Халал дебей эле кыргызча адал деп жазса
Же адал деп айтса болбойбу
Бишкеке барсаң эле халал деген араптын жазуулары толуп кеткен
Биздин айылда адал деп эле сүйлөйт
Ата бабаларыбыз деле адал деп келген.
Кийин эле халал деген сөз чыгып кетти.
17.05.2019. 19:24 
Тайпасы:
Жаран
Комментарийлердин саны:
1042
Катталган:
21-05-2012
Соӊку аракети:
17-11-2019 16:44
Жынысы:
Белгисиз
Калаасы:
Планета
0
Altyn10076, кыргыз сөздүгү 50 пайыз араб тилинен турганын билбейсиңби?! Кыргызча деп кыйкыра бербегилечи патриот болумуштар!!! Кыргыз адабияты, тарыхы, маданияты, үрп-адаты деген сыяктуу өзөктү түзгөн сөздөр араб тилинен алынган!!! Орус тилинен канча сөздөр кирди кыргыз тилине, анын эмнеси жаман?! Сөз байлык көбөйөт, жакшы эмеспи кайра???
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: