Архив
897   898   899   900   901   902   903  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Эльзар Өскөнбаева, ырчы: “УЛАН ҮСӨЙҮН БИР ТУУГАНЫМ ЭКЕНИН БИЛБЕЙ ТААНЫШТАР ЖАМАНДАЙ БЕРИШЕТ”

№861 2-8-май, 2019-жыл


Бир тууган Өскөнбаевдер. Бул үй-бүлөдө билим, адамдардын эркиндиги маанилүү. «Биз эл эмне дейт деген түшүнүк менен чоңойгон жокпуз. Атам «эл эмне десе десин, негизгиси өзүң туура жолду танда» деп үйрөткөн. Ата-энебиздин бизге туура жол көрсөткөнүнө ыраазыбыз»,- дейт жарандык активист Улан Үсөйүн.

БИР ТУУГАН ӨСКӨНБАЕВДЕР

Руслан Шооруков, 34 жашта, фермер

Гүлзар Өскөнбаева, 32 жашта, үй кожойкеси

Эльзар Өскөнбаева, 31 жашта, ырчы

Улан Үсөйүн, 26 жашта, жарандык активист

Гүлжан Усеин кызы, 24 жашта, ырчы

Дилбар Усеинова, 9 жашта, мектеп окуучусу

– Эльзар, Гүлжан, Улан, саламатсыздарбы? Сиздердин бир тууган экениңиздер бизге жаңылык болду...

Улан: – Саламатсыздарбы? Биздин бир тууган экенибизди айланабызда жүргөндөр деле билишпейт. Буга ар кимибиздин ар кайсы фамилияда болгонубуздун да таасири бардыр. Улуу агамдын фамилиясы Шоорук деген чоң атабыздын атына жазылган. Гүлзар, Эльзар эжелерим бабабыздын атын алып жүрүшөт. Мен, Гүлжан жана Дилбар атамдын атын алганбыз. Болгону Гүлжан менен Дилбардын туулгандыгы тууралуу күбөлүктөрүнө орусча Усейин деп жазылып калган.

Эльзар: – 8-мартта аялзатынын коомдогу орду, укуктары тууралуу маселе көтөрүп, тынч жүрүшкө чыккандардын катарында иним да бар эмес беле. Ал кезде мен Сауд Арабиясында фестивалда жүргөндүктөн, окуя тууралуу кабарым жок болчу. Интернетке кирсем эле активист болуп Улан жүрөт. Аны тепкилеп, жамандаган билдирүүлөрдү окуп, жүрөгүм ооруду. Улан ошондо “эже, кандай улут, кандай диний ишенимдеги адам болбосун, эркекпи, аялбы, мен үчүн баарынын укугу бир. Мен ошону айтып чыктым” деди. Сени сабап кетебиз деп жатышат деп чыркырап жибердим. Анда да мунум “сабаса сабай беришсин” деп коёт. Уланды бир нерсе кылып салышпагай эле деп эки күн бою уктабай сарсанаа болдум.

Социалдык тармактарда менин чөйрөмдөгүлөр, тааныштар инимди жамандап жазып жатышты. Аларга Улан менин иним деп айта алган жокмун. Бир гана группалашымдын билдирүүсүн окуп, жүрөгүмө катуу тийгенинен “Улан менин иним болот” деп жаздым. Башка эч нерсе дей албадым. Группалашым аябай таң калып, билдирүүсүн өчүрүп салды. Ошол, эми мындан кийин баары билип калышат го бир тууган экенибизди (күлүп).

У.: – Элибиздин жашоосунда, тилекке каршы, тууганчылык, тааныш-билиш чоң роль ойнойт. Мен ошондой нерсеге каршымын. Биз, бир туугандар, бири-бирибизден үмүт этпей, ар кимибиз өз эмгегибиз менен ийгиликке жетип жүрөбүз. Ошондуктан мен "ырчы Эльзардын иниси болом" деп же Гүлжан “Уландын карындашымын, Эльзардын сиңдисимин” деп ишибизге бири-бирибизди аралаштырган эмеспиз.

Гүлжан: – Мен да агамдын же эжемдин атын пайдаланган жокмун. Бүбүсара Бейшеналиева атындагы Кыргыз мамлекеттик маданият жана искусство университетинин хор-дирижёрлук бөлүмүндө окудум. 5-курсту бүткүчө кыйналсам дагы Эльзар эжемди ортого салып жардам сураган эмесмин.

Окуумду бүткөндөн кийин ырдап жүрдүм. Бирок азыр өзүмдү башка чөйрөдөн сынап көрөйүн деп Түркиянын Кастамону шаарындагы Кастамону университетине эл аралык мамилелер факультетине магистратурага тапшырып жатам.

– Балалыкка кайрылганда кимдин эсине кайсы учур тартылат?

Э.: – Мен көбүнчө Улан менен Гүлжанды бешикке терметет элем. Уктабай жиниме тийишсе томолото түртүп салчумун. Анда бала экем да, түшүнчү эмесмин. Ошондо баш-мээси чайкалып калса эмне болот эле деп азыр коркуп кетем.

Улан өтө тентек болду, бир ирет тепкичтен кулап маңдайындагы тишин сындырып алды. Андан деле уялчу эмес, укмуш ышкырып, ырдайт эле. Кошуналар аны «тиши жок абышка» деп шылдыңдашчу. Бирок ошол жок тиши кийин керекке жарап, Темир Бирназаровдун «Сырга» деген кыска метраждуу тасмасына тартылган. Тасмада Улан орус кызын сүйгөн жигиттин ролун ойногон. Кийин "жашоодо деле ошол кызды сүйүптүр" деп айтып калышты. Ошондо чын эле сүйдүң беле?

У.: – Ал актриса менден 15 жашка улуу болчу, киного тартылуу учурунда мага кылган мамилесин жактырдым. Ага кошумча, элдин баары «сен аны жакшы көрүп калдың» десе, мен да чын эле жакшы көрдүм деп ойлогом. Кийин ошол кыз менен интернет аркылуу табышып, жазышып да калдык.

Г.: – Мен Улан байкем менен шыпыргы талашканыбызды унутпайм. Кечке “мен шыпырам” деп тартышып отуруп байкем тартып алып, үйдү өзү шыпырган эле. Ошондо эле байкем “бул кыздын, бул эркектин иши” деп бөлбөй жасай берчү.

Эльзар эжем мен чоңойгондо Бишкекке окууга кетти. Бирок каникулга келгенде мени “кууруйт” эле. Тазалыкка аябай маани берчү. Мени “үйдү таза карма, сени камера менен Бишкектен карап турам. Эгер таза шыпырбасаң өпкөңдү үзөм” деп коркутчу. Кээде кошуналардыкына ойноп кетсем, издеп келип катуу чымчып алчу.

– Уланды азыр коомчулук профеминист (ред.: феминизмди колдогон эркек), демократ катары таанып калды. Бала кезден эле ушундай активдүү белең?

Э.: – Улан жалпы тестирлөөдөн 195 упай чогултуп, кошумчалары менен 300дөн ашкан. Бир учурда 3 университетке өттү. Башкалар кыялданып жүргөн университеттерге бюджеттик негизде өткөнүнө карабай 18 миң сомдук контракты бар БГУнун мамлекеттик башкаруу факультетин тандады. Канча көндүрсөк да өзүнүкүн бербей, ошол жакта окуду.

Мен Бүбүсара Бейшеналиева атындагы Маданият жана искусство университетинде мугалим болуп иштеп, жатаканадан бир бөлмөгө чыккан элем. Бир күнү Уланым көзү көк ала болуп келиптир. Бирөөлөрдөн токмок жеген да, сурасам эч нерсе айткан жок. Ошондон кийин аны жаныма алдым.

Улан күнү-түнү китеп окучу. "Мени уктатасыңбы?" деп экөөбүз канча кырылыштык. Китепти көп окугандыктан, “мугалимдер мен билген нерсени да билишпейт. Алардын окуткандары мага кызык эмес” деп окуусун таштап салды.

Бир жолу “Казакстанга барып иштеп, компьютер алам” деп камынып алыптыр. “Ал жакта ачка калбайсыңбы?” деп урушуп жатып алып калдым. Андан кийин эле “мага 30 миң сом керек, компьютер алып, долбоорлорду жазмакмын” деп чыкты. Акча керек деп ата-энеме да чалган экен, апам байкуш шырдагын салып жибериптир. Аны да сата алган жок окшойсуң, ээ (Уланга кайрылып)?

У.: – Ооба, аны көтөрүп алып канча дүкөн кыдырдым же орусчаны билбейм. Сата албашыма көзүм жеткенде башка булактарды издеп баштадым. Тааныштардын компьютеринен долбоор жазып, Кудай жалгап утуп чыктым. Биринчи алган акчама кыялымдагы компьютерди, фотоаппаратты алдым. Ошол компьютерим азыр деле бар. Ал эми шырдакты таежеме берип койгом.

– Экөөңөр ырчы, бириңер жарандык активистсиңер. Бала коомдон өз ордун табыш үчүн эмне керек деп ойлойсуңар?

У.: – Мен ата-энебиздин бизге берген тарбиясына ыраазымын. Көпчүлүктө «эл эмне дейт?» деген түшүнүк жашайт эмеспи. Атам ошондой нерседен алыс киши. Бир нерсе кыларда да атам “атасынын оозун урайын, эл эмне десе десин, сен өзүң туура көргөн нерсени кыл” дечү. Албетте, биз чектен чыгып кеткен жокпуз.

– Башка бир туугандарыңар тууралуу да айта кетсеңер. Бири-бириңер менен сырдашканга убакыт табасыңарбы?

У.: – Улуу агам менен эжем учурда үй-бүлөсү менен Нарында турат. Агам абдан оор басырыктуу киши. Менин канча жиндилигимди көтөрдү, бир да жолу сабаган эмес. Математика сабагы боюнча олимпиадаларга катышып, дайым алдыңкы орунду алчу. Ал эми Гүлзар эжем кичинекейинде жакшы ырдап, мектеп арасында өткөрүлгөн сынактардан биринчиликти бербей келген. Азыр шартка байланыштуу балдары менен үйдө отурат. Ошондой эле кичинекейибиз Дилбар ата-энеме караан, эрмек болуп жүрөт. Азыртан китеп көп окуйт, укмуш акылдуу кыз. Келечекте андан да мыкты инсан чыгат деп ишенебиз.

Э.: – Көрүп турасыңар го, бир туугандар көрүшкөнгө деле убактыбыз болбой калат. Бүгүн да интервьюга келатсам жолдошум чалып “Улан интервьюга барбай калды окшойт” дейт. Мен саясат менен ишим жок да. Көрсө, Улан уранга каршы митингде модераторлук кылып жүргөн турбайбы. Учурда ар кимибиз өз жумушубуз менен алек болуп аз көрүшүп калдык.

– Маегиңерге рахмат, бир туугандар. Ар дайым ынтымакта болгула!

"Ата-энебиздин бизге берген тарбиясына ыраазыбыз.
"Солдон оңго карай: Гүлзар эжем, апам, Руслан байкем, мен, Улан, Гүлжан".

Гүлжамал Абылкасымова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(5)
06.05.2019. 13:33 
Тайпасы:
Жаран
Комментарийлердин саны:
192
Катталган:
29-06-2016
Соӊку аракети:
05-09-2019 16:26
Жынысы:
Белгисиз
-5
Сайпанаго кебетеси. Эркек ундуу аялдын уяты жок,катын ундуу эркектин кубаты жок. Эркектин эркектей сурдуу келбети болсо.
06.05.2019. 15:53 
Тайпасы:
Жаран
Комментарийлердин саны:
83
Катталган:
03-03-2016
Соӊку аракети:
24-02-2020 11:05
Жынысы:
Белгисиз
Калаасы:
Нарын
0
Гулжан окуп жургон кезибизде эле сонун ырдачу,,,кошуна айылдын кызы....анын ортодо туруп алып,,Роза Аманованын ырдаган ырын ырдаганы дале эсимде.......эгер конкурстарга барса алдынкы орундарга татымак,,,ата энеси ото жонокой адамдар деп айтып калышат
06.05.2019. 16:01 
Тайпасы:
Жаран
Комментарийлердин саны:
83
Катталган:
03-03-2016
Соӊку аракети:
24-02-2020 11:05
Жынысы:
Белгисиз
Калаасы:
Нарын
+2
Биздин айыл да сыймыктанат эже м.н))))..синдисин да чон сахнага чыгарса мыкты ырчы болот,биздин мектеп директорубуз ар дайым айтаар эле,Кордунорбу Гулжандын тайманбастыгын,,,силер да уйронгуло,,,эл ортосунда дагы озун уйундогудой эркин алып турат деп
06.05.2019. 20:23 
Тайпасы:
Жаран
Комментарийлердин саны:
504
Катталган:
03-12-2018
Соӊку аракети:
03-12-2019 15:08
Жынысы:
Белгисиз
+2
Сонун бир туугандар экен,кандай гана билимдуу,оз ойлорун даана айта алган.Мага жакты
11.05.2019. 13:27 
Тайпасы:
Жаран
Комментарийлердин саны:
23
Катталган:
18-09-2017
Соӊку аракети:
04-02-2020 07:16
Жынысы:
Белгисиз
Калаасы:
Жакшы адамдар арасы...
0
Улан Усойун менен бетме-бет жолугушуп, баарлашкангабы жогорудагы "сайпана эркек" "Катын ундуу" дегенине кошула албайм. Башкаларга караганда 2-3 эсе акылдуу, оз коз карашы бар адам экен.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23651;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: