Архив
897  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ОРУСИЯДА ЖУМУШ УЧУРУНДА 21 ЖАШТАГЫ КЫРГЫЗ ЖАРАНЫ КАЗА БОЛДУ

№861 2-8-май, 2019-жыл


Жүк-200. 21-апрель, 2019-жыл. Дагы бир мекендешибиздин сөөгү келди. Орусияда мигрант болуп жүрүп, бөтөн жерде каза тапкандардан Артык Орозалиев биринчи дагы, акыркы дагы эмес. Бул ирет Санкт-Петербургда жеткирүүчү болуп иштеген 21 жаштагы кыргыз жараны Артык Орозалиев жумуш үстүндө каза тапты. Анын 10 саат тыныгуусуз иштегенден кийин каза болгону белгилүү болду.

“ЖЕТКИРҮҮЧҮЛӨР МЫНДАН АРЫ КААЛАСА ДА, УЗАК УБАКЫТКА ИШТЕБЕГЕНДЕЙ КЫЛАБЫЗ”

16-апрелде Орусиянын Санкт-Петербург шаарында 21 жаштагы мекендешибиз Артык Орозалиев каза тапты. Бул тууралуу маалымат алгач социалдык тармактарга тарады. Анда “Яндекс.еда” тамак жеткирүү кызматынын сары түстөгү формасын кийген жигиттин жерде жаткан сүрөтү жарыяланган. Кесиптештери Артык Орозалиевдин 10 саат тыныгуусуз иштегенден кийин велосипедден кулап каза болгонун билдиргенин жергиликтүү маалымат булактары жазышты. “Яндекс.еданын” маалымат кызматы мындай билдирүү таратты: “Катталган окуя бизди нес абалга алып келди. Маркумдун жакындарына кайрат айтабыз. Аларга жардам берүү үчүн байланышып жатабыз. Биз үчүн бул жагдай жеткирүүчүлөрдүн иштөө режимине жакшы көңүл бурушубуз керек экенин көрсөттү. Жакынкы убакта жеткирүүчүлөр өздөрү кааласа да көп жолу узак убакытка иштей албагыдай кылып тиркемеге өзгөртүүлөрдү киргизүүнү ойлонуп жатабыз. Бизде жеткирүүчүлөр үчүн күнү-түнү телефондук колдоо кызматы иштейт. Алар кайсы убакта болсо да биз менен байланышып, ар кандай ыңгайсыздыктар боюнча билдире алышат”.

Бул окуя боюнча Орусиянын мамлекеттик Эмгек инспекциясы 22-апрелде текшерүү жүргүзүп баштаганын жергиликтүү маалымат булактары жазышууда. Ведомство өлүм эмгек нормаларынын бузулушу менен байланыштуубу же кокустукпу, изилдешмекчи. Эгер инспекция Артык Орозалиевдин эмгек нормалары бузулгандан улам өлгөнүн аныктаса, анда күнөөлүүлөр Орусия Федерациясынын Кылмыш-жаза кодексинин 143-беренесинин (эмгекти коргоо талаптарын бузуу) негизинде жоопко тартылышы күтүлөт. Ал эми социалдык тармактардын колдонуучулары ушул сыяктуу кызматтардагы жеткирүүчүлөрдүн жумушу чыдагыс оор экенин, жумуш берүүчүлөрдүн аткарылгыс талаптары тууралуу жазып, #яндекссмерть аталышындагы флешмоб жүргүзүштү.

“АРТЫК ОРУСИЯГА АКЧАНЫН ЖЕТИШСИЗДИГИНЕН ЭМЕС, КЫЗЫГУУДАН УЛАМ КЕТКЕН”

Чүй облусунун Сокулук районунун тургуну Артык Орозалиевдин сөөгү 21-апрелде мекенине алынып келинип, жерге берилди. Тынч жүргөн, футболго, рэп айтканга кызыккан Артык тууралуу анын агасы, атасынын бир тууганы Темирбек Орозалиев айтып берди.

– Артыктын ата-энеси 2 балалуу болгондон кийин эки ажырым жолго түшүшкөн. Артык 7 айлыгынан бери чоң ата-чоң энесинин колунда, биз менен кошо тарбияланды. Мен аны өз баламдай эле көрчүмүн. Ал Орусияга акчанын жетишсиздигинен улам кеткен жок. Анда баары жетиштүү болчу. Там алып бергенбиз, унаасы да бар эле. Бирок окууну бүткөндөн кийин анын бардык классташтары Орусияга кетишип, бул жакта достору жок жалгызсырады окшойт. Барам дегенинен макул болгонбуз. Санкт-Петербургга өзү менен бирге окуп бүткөн таякемдин баласы менен чогуу кеткен. Кеткенине жарым жыл гана болгон. Буга чейин да башка жерлерде иштеди. Бирок жеткирүүчү болгон өзүнө жагып жатканын айтчу. Өзү тырышчаак бала эле. Буга чейин буюртманы убагында жеткирбей калып айып салынган окшойт. Анан өзүн көрсөтөйүн деп көп иштесе керек.

Артык 16-апрель күнү кечинде каза тааптыр. Бизге 17-апрель күнү эртең менен чогуу жашаган таякемдин баласы чалып окуя тууралуу айтты. Айтымында, Артык Артур деген чогуу иштеген бала экөө 16-апрель күнү кечинде тамак жеткирип көчөдө жүрүп, шаурма алып жешиптир. Шаурма саткан киши Артыкка “өңүң начар го” десе, ал “ооба, өзүмдү жаман сезип жатам” деген экен. Бир маалда жанындагы бала ичкенге суу алып чыгуу үчүн дүкөнгө кирип чыкса эле Артык велосипедден кулап жерде жаткан экен. “Тез жардам” келгенче үзүлүп кетиптир. Экспертиза анын жүрөгү токтоп каза болгонун аныктады. Бирок эч качан оорудум деп айтчу эмес. Өзү чуркоо боюнча жарыштарга катышып калчу, футбол ойночу, спортко кызыккан, дени сак бала болчу. Мен тааныш кардиолог менен сүйлөшсөм, ашыкча иштеп организмге күч келтирген учурда мындай абал болушу мүмкүн экендигин айтты.

“АЖАЛЫ КЕЛДИ ДЕП КАБЫЛ АЛДЫК. ЭЧ КИМДИ КҮНӨӨЛӨБӨЙБҮЗ”

21-апрель күнү баланын сөөгү келди, жерге бердик. Сөөктү алып келүүгө Орусияда иштеген мекендештерибиз акча чогултуп жардам беришти. Өзүбүз да акча чыгардык. Жалпы 130 миң сомдой акча керектелди.

Башында эмнеге элге зыян келтирген, бирөөнүкүн уурдаган, киши өлтүргөндөр өлбөй, Артык өлдү деп нааразы болуп жаттым. Бирок баары Кудайдын өкүмү менен болот да. Сабыр кылып өлүмгө баш ийип калдык. Артык ажалы жетип каза болду деп ойлойм. Биздин “Яндекс.едага” эч кандай дообуз жок. Биз айрым учурда 20 саат деле иштеп коёбуз да. Иштегенде өзүбүз үчүн иштейбиз. 10 саат иштеп өлүп калса, компанияны күнөөлөгөн туура эмес. Өзүбүз намаз окуп, дин жолунда жүргөн адамдарбыз. Иштеген жеринен чалып, жардам беребиз дешти. Мен “жардамыңарга ыраазымын” деп жооп бердим. Бирок алар баары бир акча которобуз деп жатышкан. Канча которушарын деле кызыгып сураган эмесмин.

Мага бул окуя боюнча адам укуктарын коргоо боюнча уюмдардан, Орусиядан журналисттер чалышты. Баарына эч кимге доом жок экенин айтып жатам.

Биздин оюбуз эч нерсени чечпейт деңизчи. Бирок өлкөдө жумуштун жоктугу чоң маселе. Жумуш болсо да, айлыгы аз. Жумуш орундары болгондо Артыктын классташтары да чет жерге кетпейт эле, анын артынан Артык да кетпейт болчу.

Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
06.05.2019. 18:26 
Тайпасы:
Жаран
Комментарийлердин саны:
13
Катталган:
01-03-2018
Соӊку аракети:
18-01-2020 22:12
Жынысы:
Белгисиз
+2
Жайы жаннаттан болсун. Негизи яндекс еда убакытты аябай аз берет. Ошол аз убакыттын ичинде жеткирип улгуруп калуу керек деп айтышат. Ошол үчүн тынымсыз чуркап иштешет экен. Штраф дагы көп экен буларда
Mamiev түзөттү 2019-05-06 18:27:08
08.05.2019. 18:55 
Тайпасы:
Жаран
Комментарийлердин саны:
206
Катталган:
11-08-2017
Соӊку аракети:
18-01-2020 21:00
Жынысы:
Белгисиз
-1
Яндекс туугандарынын оозуна болушунча тыккан окшойт, кайра кайра дообуз жок дейтго
10.05.2019. 18:26 
Тайпасы:
Жаран
Комментарийлердин саны:
281
Катталган:
15-08-2017
Соӊку аракети:
12-01-2020 09:22
Жынысы:
Белгисиз
0
Paprikafm,эмнеге арам ойго барып атасын.Ыйман жолундагы нысаптуу адамдар экен.Болор иш болгондон кийин доо койгондон эмне пайда.Бир аз ой жугуртуп комментарий жазсанар
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23471;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: