Архив
897   898   899   900   901   902   903   904   905   906   907   908  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

№860 25-апрель - 1-май, 2019-жыл


ТӨКМӨ АКЫН ЖЕҢИШБЕК ЖУМАКАДЫР ТУН КЫЗЫН ТУРМУШКА УЗАТТЫ

  1. 20-апрелде борбор калаабыздагы ресторандардын биринде Кыргыз Республикасынын Эмгек сиңирген артисти, төкмө акын Жеңишбек Жумакадыр тун кызы Кереметти турмушка узатып, күйөө балалуу болду. Жеңишбек мырза кызы менен күйөө баласына бата алуу үчүн 500дөн ашуун конок чакырган экен. Тойго акындар, ишкерлер, ырчылар жана башка белгилүү инсандар, ошондой эле акындын жакындары, кудалары келишти. Төкмө акындын алгачкы жакшылыгына биз дагы барып, тойдогу кызыктуу учурларды «илип» келдик.

  2. Тойду «Баягылар» тобунун мырзалары ачып беришти. Алар той башында той ээлерин эл алдына чакырышты. Андан соң ырчы Асел Турдалиева күндүн күнөөкөрүн эл алдына алып чыкты.

  3. Солдон оңго: Жеңишбек мырзанын кудасы, апасы, кудагыйы жана жубайы Нургүл айым.

  4. Күйөө бала эстүү көрүнөт. Достору менен ала келген букеттерди чоң кайненесине, өз кайненесине жана апасына тапшырып көңүлдөрүн жибитти. Өз кезегинде турмуш жолуна аттанып жаткан Керемет дагы кайненесине жана апасына гүл белек кылды

  5. Ак таңдай акындар Замирбек Үсөнбаев, Аалы Туткучев жана Азамат Болгонбаев апкаарып турган автомат акынга ыр менен куттук айтышып, коноктордун көңүлүн көтөрүштү. Айтмакчы, Аалы той ээсинин 33 өкүл баласынын бири экенин да айта кетти.

  6. Бата кезеги досторуна келгенде аттуу-баштуу инсандардын баары чыгышты. Бир кездери Жеңишбек Жумакадыр менен Москвада чогуу окуган курсташтары, азыркы аттын кашкасындай таанымал актёрлор: «Биздин жол башчыбыз Жеңишбек. Баарыбыздан биринчи болуп үйлөнгөн, кыздуу болгон. Эми баарыбыздан биринчи кызын күйөөгө узатып, жакшылыкка жол ачып берди. Кереметти биз эле көтөрүп жүрүп чоңойтконбуз»,- деп сыймыктана сөз сүйлөшүп, баталарын беришти.

  7. «Нянёктордон» соң сөз алган режиссёр Рысбек Жабиров: «Жеңишбек экөөбүздүн көп жерибиз окшош экен. Биринчиси – сен дагы жаш кезиңде мага окшоп «красавчик» болгон окшойсуң, жубайың Нургүл өзү ээрчип келип тийип алган экен. Аяшың дагы ошенткен болчу. Экинчи окшоштугубуз – мен дагы улуу кызымды Таласка бергем. Бир гана жерибиз окшош эмес, менин чачым бар, сеники жок. Себеби сенин аялың саячка»,- деп элди күлдүрдү.

  8. «Фото кылтак». Данияр Эрматов быйыл «точно» үйлөнөт окшойт, тойдо бир сулуу бийкечти жандап отурду. Ал эми Кубаныч Ажыбаев сулууларга суктанып жатабы же ырдай турган кезегин күтүүдөбү, айтор, көзү кылгырат...

  9. Андан соң Жеңишбек Жумакадырдын уулу «Бир тууганым» деген ырды аткарды. Бул учурда акындын бардык балдары ортого чыгып, эжесине жакшы каалоо-тилектерин айтышып, элди жашытты.

  10. Той соңунда Гүлзат Байзакова эки жашты ыр менен узатты. Андан соң тойго келген коноктор ыраазы боло үйлөрүнө тарашты.


  11. Блиц-маек

    Жеңишбек Жумакадыр:
    «КУДАЛАРГА КЫЗЫМДЫ ЖЕТЕЛЕП КЕЛГЕН МААЛДА КӨЗҮМӨ ЖАШ ТЕГЕРЕНИП, ТОЛКУНДАНЫП, ИЧИМ АЧЫШТЫ»


    Бир чети кызын узатып ичи ачышып, бир чети «келген коноктор жакшы отурушабы?» деп түпөйүл тартып турган той ээси Жеңишбек Жумакадырды антракт учурунда кепке тарттык:

    – Жеңишбек мырза, тоюңуздар кут болсун! Аймончоктой кызыңызды турмуш жолуна узатып, толкунданып жатасызбы?

    – Рахмат! Толкундануу абдан күчтүү болуп жатат. 3 күндөн бери кызыбызды бактылуу болсун деп турмуш жолуна узатып жатабыз. Ырдап, сүйлөп жүргөн киши болсом деле айтарга сөз таппай жатам. Өзүңүздөр көргөндөй, киши көп келди. Ошолордун батасы тийип, эң негизгиси, эки жаш бактылуу болсун деп турабыз.

    – Кызыңыз Керемет тууралуу айта кетсеңиз.
    – 5 баламдын улуусу Керемет. Андан кийин 17-18 жаштагы 2 кызым бар, 11 жана 4 жаштагы 2 уулубуз бар. Керемет Ататүрк-Ала-Тоо университетинин англис тилинен синхрондуу которуу бөлүмү боюнча билим алып жатат. Буюрса, быйыл аяктайт. Керемет окуу менен бирге ишти айкалыштырып, жергиликтүү радиолордун биринде иштеп жүрдү. 4 тилде эркин сүйлөйт.

    – Кызыңыз кечээ эле төрөлүп жаткандай болуп жатабы?
    – Керемет Москва шаарында, биз студент кезде төрөлгөн. Өзүм багып, сүт, памперс ташып метродо жүргөн кездерди эстеп күлүп жатабыз. Баары кечээ эле болгондой. Бүгүн болсо минтип турмушка чыгып, сүйүнтүп жатат.

    – Залда отурган курсташтарыңыздын көбү кыргыз элине таанымал актёрлор экен. Алар «Кереметти биз бакканбыз» деп бир ооздон сыймыктанып айтып жатышат...
    – Мен актёрлукту бүткөм да. Атактуу актёрлордун баары студент кезде Москвада Кереметти көтөрүп, бул жакка келгенде да багып жүрүштү. Алар да менден өтүп сүйүнүп, толкунданып жатышат.

    – Кыз бала атасына жакын болот дешет...
    – Кызым мага жакын чоңойду. Досторумдун баары кызын турмушка бергенде ыйлашкан. Анан азыр баары мени карап жатышат. «Сен качан ыйлайсың дешип. «Мен ыйлабайм» деп өзүмдү карманып жатам.
    Кечээ кудаларга кызымды жетелеп келген маалда көзүмө жаш тегеренип, толкунданып, ичим ачышты. Башка бирөөлөрдүкү көзүңө оңой көрүнөт да. Ал эми өзүңдүн башыңа келгенде башкача сезимдер болот экен.

    – Күйөө балаңызды мурда таанычу белеңиз?
    – Күйөө балам Арген Таластын Бакай-Ата районуна караштуу Кызыл- Октябрь айылынан болот. Ал дагы үйдүн улуусу экен. Мурда сыртынан таанычумун. Кийин кудалар архивди казышып, күйөө баламдын кичинекей кезинде мени менен түшкөн сүрөтүн таап чыгышты. «Тагдыр мурда эле бизди байлап койгон окшойт» деп айтып жатам. Арген Түркия, Египеттен билим алган, чет тилдерде эркин сүйлөйт. Кызым менен күйөө балам өткөн жылдын ноябрь айында таанышыптыр. Аларды сабак берген мугалимдери тааныштырган экен. Кийин кызым биз менен тааныштырды.

    – Азыр көпчүлүк эле ата-энелер калың алып, сеп бербей, анын ордуна жаштарга белек берип калышпадыбы. Сиздерде кандай болду?
    – Аралаш болду десек болот. Ырым кылып кыргыздын салты менен калың алып, сеп бердик. Бирок соодалашкан жокпуз.

    – Кызыңыз бактылуу болсун!


  12. Асхат Субанбеков
    star@super.kg


Төкмө акын Жеңишбек Жумакадыр тун кызын турмушка узатты

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Башка сандарда:
Комментарийлер(5)
29.04.2019. 14:53 
Тайпасы:
Жаран
Комментарийлердин саны:
116
Катталган:
20-04-2014
Соӊку аракети:
30-03-2020 23:16
Жынысы:
Белгисиз
+5
Озу "ысырапкорчулук" деген посторду катарма катар жазатда, анан кайра дунгуротуп той бериптирго))
А так тушунобуз. Бул агабызда барып жургонда. Эми ошолор кайра келип отуруп
500го жетиптирда)
Бактылуу болушсун!
29.04.2019. 22:31 
Тайпасы:
Жаран
Комментарийлердин саны:
70
Катталган:
04-06-2011
Соӊку аракети:
31-03-2020 09:23
Жынысы:
Белгисиз
Калаасы:
россия москва
-2
tavanova.sarah,тойду бул киши берген жок да, болгону кызын узатты.
30.04.2019. 01:17 
Тайпасы:
Жаран
Комментарийлердин саны:
6
Катталган:
05-09-2011
Соӊку аракети:
19-03-2020 21:43
Жынысы:
Белгисиз
-7
tavanova.sarah,Сенин ишин эмне?
SIMA_kg түзөттү 2019-04-30 01:18:44
30.04.2019. 01:11 
Тайпасы:
Кыймылы жок
Комментарийлердин саны:
1
Катталган:
26-04-2019
Соӊку аракети:
03-05-2019 15:54
Жынысы:
Белгисиз
+4
бактылуу болунуздар
01.05.2019. 01:38 
Тайпасы:
Жаран
Комментарийлердин саны:
8
Катталган:
29-04-2019
Соӊку аракети:
26-01-2020 16:07
Жынысы:
Белгисиз
0
Бактылуу болушсун
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23792;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: