«Жылдын супер көк бөрүчүсү»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Каныкей, ырчы: «ЧЫГАРМАЧЫЛЫККА БАШКА КАНЫКЕЙ БОЛУП КЕЛЕМ»

№855 21-27-март, 2019-жыл


Ырчы Каныкейдин дүйнөсүндөгү эң чоң байлыгы эмне десеңиз – анын үй бүлөсү. Андан кийинки кезекте чыгармачылыгы. Бирок экөөнү айкалыштырып, дагы да ийгиликтерге жетем деген ырчы өзгөчө ойлору менен бөлүшүп бул жолу өз дүйнөсүнүн эшигин ачты.

“АПАМ ОРУСИЯГА ЧЕЙИН БАРЫП БИЗДИ БАКТЫ”

– Менин ашып кеткен байлыгым жок, укмуш үйдө турбайм, укмуш унаа айдабайм, бизнес-вумен да эмесмин. Бирок ыраазымын, жашоомо керектүү нерсенин баары бар. Менин дүйнөмдүн орчундуу бөлүгүн апам ээлейт. Апам байкем экөөбүздү кыйынчылык менен өстүрдү. Тарсылдап, азыр да бүт оокатымды кылып келет. Эмнеге жаным ачыбасын апам жанымда. Неберелерин карайт, чыгармачылыгыма тынчсызданып “сен ырдашың керек” деп турат. Кадимкидей эле эне менен кыздын ортосунда болуп турган талаш-тартыштар болот, антсе да дайым апамдын пикирин угам. Перзентине кандай болгондо жакшы болорун эненин жүрөгү сезет экен. Кыз кезимде аркамдан чуркагандар көп болду, байы, жакшысы, кыйыны, айтор, баары бар эле. Турмушка чыгарда апама Медер тууралуу айтсам, “Медерге турмушка чыксаң жыргайсың” деди. Мага сөз айтып жүргөндөрдүн баарын көз алдынан өткөрүп туруп Медерди жактырды. Апам менин ким менен чогуу болсом бактылуу болорумдан жаңылбаган экен. Апам күйөө баласын өзүнүн баласындай көрөт. Андан да таң калычтуу нерсе бар, апам Медер деген ысымды жактырчу экен, байкемдин баласы төрөлгөндө Медер коём десе ага чейин коюп салышыптыр. Небересинин ысымын коё албаса да күйөө баласынын аты Медер болуп калды. Акмарал деп менин атымды коёюн деген экен, атамдын агасы Каныкей коюп салыптыр. Акмарал деген ысымды небересине койду.

Апам биз үчүн кара жанын карч урду, мен 4-класста, агам 6-класста окуп калганда бизди таштап Орусияга иштегени кеткен. Өспүрүм кезде бир үйдө калганбыз. Байкем лицейде окучу, окуунун акысы жылына 5000 сом эле, ал кезде орточо айлык 1500 болчу. Учурда байкем үй-бүлөсү менен чет өлкөдө. Апам ал акчаны кантип таап окутканына таң кала берем. Мен азыр апамдай балдарыма курмандык кыла аламбы деп өзүмдөн сурайм. Жаш болчу, күйөөгө тийип кетсе болмок, кээ бир энелер таштап деле кетип калып жатышпайбы. Апам бардык кыйынчылыктарга чыдады. Мына, азыр мөмөсүн жеп жаткан учуру.

“БАШ КОШКОНУБУЗГА 5 ЖЫЛ БОЛДУ, МУРУНКУДАЙ ЭЛЕ СҮЙҮҮБҮЗ ТОЛУП-ТАШЫП ТУРАТ”

– Бала кездеги сезимдерим, эмоцияларым апам жана байкем менен байланыштуу болсо, жашоомдун экинчи этабы бүтүндөй күйөөм Медер менен байланыштуу. Медер экөөбүздүн баш кошконубузга 21-мартта 5 жыл болот. Экөөбүз үйлүү-жайлуу болдук, эки балалуу болдук. Бул жылдары мен ырчы Каныкейден, кожойке Каныкейге алмаштым. Сабырдуу болгонго, күйөөм менен бир команда болгонго, анын пикирин сыйлаганга үйрөндүм. Кыз кезимде “аял эмнеге кабыргадан жаралыптыр?” деп чычалап урушуп кетчүмүн. Феминисттик көз карашым укмуш эле. Азыр кабырга болсом эмне экен дейм.

Кеңешчим, коргоочум, артымдагы күчтүү тыл – Медер. Анын даанышмандыгын, туруктуулугун баалайм. Айланамдагы көп эле артист, ырчы эркектер кыз жандуу экенин байкайм. Медер андай жеңил-желпи эмес. Туруктуу, сабырдуу, эмоцияга алдырбайт. Аны менен мен дагы көп нерсеге башымды оорутпай, тынч болгонго көндүм. Болгону элдин көңүл борборунда болгонду жактырбайт, араң балдарыбыз менен фотосессия жасатканга көндүрдүм. Ал дагы 5 жылдык чогуу жашообуздун урматына (күлүп).

“ДЕН СООЛУКТУН ДААМЫН СЕЗИП БАКТЫЛУУ БОЛОМ”

– Жакындарымдын, өзүмдүн ден соолугум мен үчүн өтө маанилүү. Анткени мен турмушка чыкканга чейин жаным тынбай иштедим. Учакта учуп, гастроль, концерттер, чакыруулар боло берип ден соолугум жабыр тартты. Азыр тынч уйкуну аябай баалайм. Эл көзүндө жүрүүнүн жоопкерчилиги өтө оор. Концерттердин алдында толкунданып такыр уктабай калчумун. Жөнөкөй эле ырчы болуп туруп сахна үчүн, эл үчүн ушунча уктай албай жатсам, “президенттер элдин жүгүн көтөрүп алып кантип укташат болду экен?” деп ойлочумун. Ден соолук болбосо, байлыгың дагы, бийлигиң дагы, атак-даңк дагы эч нерсеге арзыбайт деп ойлойм. Кээде балдарым менен кучакташып жатып, уйкунун, ден соолуктун даамын сезип бактылуу болом.

“БАЛДАРЫМ”

– Кудай агартып уул, кызартып кыз берди. Буга да шүгүр. Тун балабыз боюмдан түшүп калган билесиздер, андагы кайгыбызды Алимдин төрөлүшү жууп кетти. Уулум мага кубаныч, энелик ырахат тартуулады. Карындашы төрөлгөндө кызганган жок, бирок алгачкы күндөрү кызымды эркелеткенде уулум мени тиктеп калчу. Дароо байкап “Сенин Алим деген сонун байкең бар, билесиңби?” деп кошуп кетсем, ал байке болгон статуска алданып калдыбы, көп кызганган жок. Байкем экөөбүздүн ортобузда деле кызганыч болчу эмес. Ал китеп окуп эле отурчу, а мени “Каню, сабак окубайсыңбы?” десе мен “жок, мага бул нерсенин кереги жок, мен башкача болом” деп койчумун. Эл адамы болом деп айта алчу эмесмин, бирок сезчү окшойм. Кызым Акмаралды төрөгөндө колума назик гүл алгандай сездим. Ошондо гана эмнеге ата-энелер кызына өтө камкор карашарын сездим. Кыздарды коргош керек, колдош керек. Азыртадан эле кызыма аяр мамиле жасайм. Кийин чоңоюп дискотекага барса, мен дагы жашырынып барып алып карап турсам керек деп ойлоно берем. Өтө баласаак энемин деп айта албайм, бирок жоопкерчиликтүү энемин. Ашып кетсе 5 саатка таштай алам, болбосо дайыма жанымда жүрөт. Супер жылдыз болом деп балдарымды өзүмдөн айрый албайм.

ХОББИ

– Мурун шурулар менен бир нерселерди жасап, ошол менен алек болчумун. Азыр убактым жок. Бөлмөнү жасалгалоого, интерьердик дизайнга аябай кызыгам. Үйүбүздүн жасалгасын өз колум менен жасап чыктым. Эгерде ырчы болбой калсам, ушул жаатта иш кылмак болушум керек.

СОЦИАЛДЫК ТАРМАК

– Жашоомдо социалдык тармактын аз болсо да орду бар. Көп учурда элге пайдалуу нерселер менен бөлүшкөнгө аракет кылам. Ушак, чектен чыккан нерселерге көңүл бурбайм. Кадам сайын сүрөт жүктөгөндөн, куру пафостон качам.

"СУПЕР-ИНФОГО" ЫРААЗЫМЫН

– Менин чыгармачылыгыма “Супер-Инфо” гезити орчундуу салым кошту, эмгегимди сыйлап, “Жылдын супер ырчысы” наамын бир топ жыл алдым. Мени гана эмес, учурдагы мен-мен деген жылдыздардын элге таанылуусуна салымы чоң. Ыраазычылык билдирем.

Чыгармачылык деп суусап турган учурларым болду. Адамдын жашоосу этаптарга бөлүнүп, ар бир этаптын өзүнүн баалуулугу болот экен. Азыр балдардан ашкан убактымда, күйөрмандарым үчүн ырдап жатам. Кайра чыгармачылыкка башка Каныкей болуп келем деп ойлойм.

Эл менден жаңы нерсени күтүп жатканын билем. Мезгил көрсөтөт.

Нуржамал Жийдебаева
star@super.kg



Каныкей: "Чыгармачылыкты эмес үй-бүлөнү тандадым"

Автор: Айжан Нурманбетова
Оператор: Мухамадзиямидин Турдубек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  8 
Комментарийлер(8)
Super TV
21.03.2019. 15:02 
Тайпасы:
Жаран
Комментарийлердин саны:
140
Катталган:
26-01-2016
Соӊку аракети:
15-11-2019 07:00
Жынысы:
Белгисиз
Калаасы:
Москва
0
Сонун болуп калыптыр го Каныкей, ар дайым уй булолук бакыт!
25.03.2019. 09:39 
Тайпасы:
Жаран
Комментарийлердин саны:
202
Катталган:
11-08-2017
Соӊку аракети:
15-11-2019 00:38
Жынысы:
Белгисиз
+9
Аябай соонун маек болуптур, акылдуусуң!
25.03.2019. 09:39 
Тайпасы:
Жаран
Комментарийлердин саны:
46
Катталган:
22-07-2014
Соӊку аракети:
12-11-2019 16:31
Жынысы:
Белгисиз
+4
азыр бул ырчынын кайсы ыры бар. эсептеп корсом бир ырчыны жылына 3 ирет чыгарат экенсинер ошентсе кызыгы калабы? Например жанагы репер жигит. уйгур-кызына уйлонот, уйлонот, эми балалуу болот деп эле 1 беттен тушпойт.
25.03.2019. 09:44 
Тайпасы:
Жаран
Комментарийлердин саны:
209
Катталган:
12-03-2018
Соӊку аракети:
09-07-2019 00:36
Жынысы:
Белгисиз
+4
Уй булону бийик койгондорду Мен дагы аларды адам катары бийик кором. Супер жылдыз болом деп балдарымды уйбуломду таштай албайм дегенин аябай жакты. А баса Анан эл адамы Киитеп окубагандар бекен ;) тамаша албетте. Феминисттик коз караштан арылганына шугур.
25.03.2019. 10:50 
Тайпасы:
Жаран
Комментарийлердин саны:
241
Катталган:
13-05-2016
Соӊку аракети:
13-11-2019 13:54
Жынысы:
Белгисиз
+1
Сооонун маек болуптур,менин неберем аты да Каныкей сендей бактылуу кыз болсун.
26.03.2019. 14:28 
Тайпасы:
Жаран
Комментарийлердин саны:
14
Катталган:
03-04-2017
Соӊку аракети:
12-11-2019 21:58
Жынысы:
Белгисиз
+1
Уй-булоолук бакыт каалайм.Баштагы обу жок Каныкей эмес ото сонун акыл-эстуу Каныкей болуп калыптыр молодец ушунундан жазба
30.03.2019. 14:35 
Тайпасы:
Жаран
Комментарийлердин саны:
28
Катталган:
22-03-2019
Соӊку аракети:
31-10-2019 21:52
Жынысы:
Белгисиз
+1
Учурунда супер жылдыз болчу. Таланты озгочо
30.03.2019. 16:39 
Тайпасы:
Жаран
Комментарийлердин саны:
332
Катталган:
21-07-2014
Соӊку аракети:
11-10-2019 08:52
Жынысы:
Белгисиз
+1
Мына, жөнөкөй... Эки ыр ырдап супермин ,дегендерге сабак. Азаматсың айрыкча үй бүлөөнү бийик койгонуңа.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: