«Жылдын супер көк бөрүчүсү»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Баястан, Зульфия: «КЫЗДУУ БОЛОРУБУЗДУ УГУП СҮЙҮНДҮК»

№854 14-20-март, 2019-жыл


Баястан менен Зульфия экөө тең чыгармачыл адамдар. Бири кыргыз рэп жанрын өнүктүрүп келаткан жигит, экинчиси бийчи. Заманбап үй-бүлө “кыргыздын салттарын унутпай, сакташыбыз керек” дешет.

– Баястан, Зульфия, баш кошкондон кийин жашооңордо өзгөрүү байкалдыбы?

Баястан: – Өзүбүздө өзгөрүү болгон жок. Бирок абдан жакын боло түштүк.

Зульфия: – Көпчүлүктө үйлөнгөн соң эркектер өзгөрөт деген ой жашайт. Биздин үй-бүлөдө андай болгон жок. Баястан кыз-жигит кезде кандай болсо, ошол боюнча калды.

Б.: – Экөөбүздүн бир эле кемчилигибиз бар. Аябай эмоционалдуубуз. Урушканда чарт-чурт болуп кетебиз.

– Ошондой учурда ким биринчи компромисске барат?

З.: – Чогуу эле го. Бизге бир сааттай убакыт керек. Өзүбүзгө келгиче күтүп, анан кайра сүйлөшүп кетебиз.

Б.: – Башында уруша берчүбүз. Азыр баарын түшүнүп калдык. Түшүнбөстүктөр башталганда эмне менен бүтөрүн билебиз. Ошондуктан өзүбүздү колго алып, уруштун алдын алганга аракет кылабыз.

Кыз-жигит кезиңерди эстесеңер. Алгач бири-бириңерге кандай ой калтыргансыңар?

З.: – Баястан мага чыныгы мырза кандай болорун көрсөттү. Көңүлүмдү таап, карегим менен тең айланып, абдан камкор болду. Аны менен өзүмдү чыныгы кыздай алып жүрүп калдым. Эгер мен ага чейин спорттук кийимдерди кийип, боёнбой эле жүрсөм, Баястан жашоомдо пайда болгону көйнөк кийип, келбетиме карап, боёно баштадым. Алгач экөөбүздүн жолугушуп жүргөнүбүздү эч ким билчү эмес. Бирок менин өзгөргөнүмдү курбуларым, кесиптештерим дароо байкашты.

Б.: – Мен Зуляны биринчи көргөндө эле жактыргам. Ошондо эле "мына, менин жарым болчу кыз" дегем. Бирок аны Зуляга билдирген эмесмин. “Ишен, бирок текшерип көр” дешет эмеспи, ошол сыяктуу текшерип көрүп, анан үйлөндүм (күлүп). Менимче, эгер мамилең олуттуу болуп, ал адам менен өмүр бою жашаарыңа көзүң жетсе 2-3 жылдап созуп жүрбөй, үйлөнүш керек.

З.: – Мен алгач Баястандын рэп аткаруучу экенин билген эмесмин. Ал учурда кыргыз эстрадасы, рэп менен такыр тааныштыгым жок болчу. Баястан менен сүйлөшкөндөн кийин чыгармачыл адам экенин билдим. Анын искусствону түшүнгөндүгүн бааладым.

– Инстаграм баракчаңарга Баястан бийлеп, Зульфия рэп айткан видеолорду жүктөп каласыңар. Акырындап өзүңөрдө жаңы талантты ачып жатат окшойсуңар?

Б.: – Кыз-жигит кезде экөөбүз дайым чогуу жүрүп, бири-бирибиздин ишибизди көрүп билип, аралашып калдык. “Жарашат” деген ырга тартылган клиптеги бийди Зуля койгон. Алгач бийлеп баштаганда аябай оор болуп, бийлебейм деп чыктым. Жубайымдын бий студиясы, окуучулары бар эмеспи, менин абалымды түшүнүп турду. “Сенин колуңдан келет, бийлей аласың, кам санаба” деп жатып үйрөттү. Ошентип, 2-3 жолу бийлегенден кийин өздөштүрө баштадым. Бийлеген сырттагы адамга оңой көрүнөт, чынында оор экен. Ал эми рэп тууралуу айтсам, Зуля музыканы угуп, ритмге түшө алат. Үнү да жагымдуу болуп, рэп айткан жарашып калды окшойт.

З.: – Мен кыргыз тилин 100 пайыз түшүнбөйм, андыктан сөздөрдү мага жолдошум которуп берет. Рэп окугандан кийин баары “орусча, түркчө акцент бар экен” деп жакшы пикирлерин айтышты.

– Учурда экөөңөр ата-эне болуу алдында турасыңар. Жагымдуу кабарды кандай кабыл алдыңар?

З.: – Чынында биз дароо балалуу болобуз деп пландаган эмеспиз. Кудай берсе, болот, ага чейин иштеп, карьерабызды уланта берели дегенбиз. Мен башында Баястанга “мен өзүм баламын, эне болууга даяр эмесмин” деп айтып жаткам. Кызыгы, кош бойлуу болорум, наристебиз кыз болору тууралуу түштөрдү көп көрүп жүрдүм. Кийинчерээк наристе күтүп жатканымда курсагымда кичинекей жүрөк согуп жатканын УЗИден угуп, толкундандык, сүйүндүк.

Б.: – Мен балдарды абдан жакшы көрөм. Зуляга да "балалуу бололучу" дей берчүмүн (күлүп). Келинчегим кыз күтүп жатканын билгенде ого бетер сүйүндүм. Анткени биздин үйдө жалаң эркектер, байкемдики да эркектер, бизге кыз жетишчү эмес. Минтип, буюрса, бизге УЗИден кыз деген сүйүнүчтүү кабарды айтып жатышат.

– Кош бойлуу кезде аялзатынын маанайы чагылгандай тездикте өзгөрүп турат эмеспи. Бул нерсе байкалып жатабы?

З.: – Ооба, Баястан “азыр унчукпай турайын, төрөгөнүңдөн кийин баарын чогултуп айтам” деп калат (күлүп). Мен жолдошума оор болот деп алдын ала эскерткем. Кээде жөн жерден мышыктын айынан деле ыйлаган күндөр болду. Буга гормондор күнөөлүү, мен эмес.

Б.: – Ошол окуяны айтып берейинчи. Анда кош бойлуу экенин биле элек болчумун. Бир күнү үйгө келип алып "мышык алып берчи" деп ыйлап калды. Мен мышыкты аябай жаман көрөм да. "Макул, кийинчерээк" деп койгом. Болбогон нерсеге ыйлаганынан мындайы жок эле деп ойлонуп калгам. Көрсө, ошондо алгачкы “каприздери” башталган экен.

– Бири-бириңердин ашканаңарга көнүп калдыңарбы?

Б.: – Үйдө Зуля көбүнчө кыргыздын улуттук тамактарын жасайт. Кайын журтума барганда тамактардын түрүнөн адашып калам. Мен эт жакшы көрөм да. Дунган элинде болсо тамакка чөп-чар, ар кандай кошулмаларды көп кошушат. Мисалы, мантынын эле 10 түрү бар. Зулянын үйүнө барганда атасы жусай менен манты жасап берет, ошону жакшы көрүп жейм.

З.: – Ооба, кыргыз ашканасы менен дунган ашканасынын айырмачылыгы чоң. Кыргыз тамактарынан эң таасир калтырганы койдун башы болду. Баястан койдун тишин, тилин, көзүн жейсиңби деп менин жиниме тие берет. Бизде көбүнчө уйдун этин жегендиктен, койдун этинин башкача жыты бардай сезилчү. Бирок куурдак, беш бармак койдун гана этинен даамдуу болорун билдим.

– 8-мартта феминисттер кыргыз коомчулугунда аялзатынын орду, баасы тууралуу маселелерди көтөргөн акция өткөрүштү. “Чай куюу биздин милдет эмес” деген лозунг көп талкууга түштү. Заманбап үй-бүлө катары бул акцияга көз карашыңар кандай болду?

З.: – Жүрүштө ЛГБТлар (лесбиянка, гей, бисексуал, трансгендер) да жүрбөдүбү. Мен аларды колдобойм. Ооба, алар деле адам. Бирок элге жар салып, ойлорун бирөөгө таңуулаганын туура эмес көрдүм. Кыргыздын менталитетине туура келбеген жорук демекмин.

Б.: – Мен мусулман болгондуктан ал жүрүштү колдобойм. Ар бир кишинин өз пикири болуш керек, туура. Ошентсе да биз илгертен бери келе жаткан улуу элбиз. Байыртадан келе жаткан салт-санааны унуткарбай сакташыбыз керек. Алардын кыймылын мен Европанын таасири деп ойлойм.

З.: – Албетте, салтты сакташ керек. Мен, мисалы, улутум башка болгонуна карабай Ысык-Көлдүн салтын сактап, үйдө баш кийимчен жүрөм. Күндө эртең менен ата-энеме жүгүнөм. Бул мага кыйынчылык деле жаратпайт.

– Маегиңерге рахмат. Зульфия, аман-эсен көз жарып алышыңды каалайбыз!

Гүлжамал Абылкасымова
star@super.kg



Баястан, Зульфия: “Эмоционалдуубуз. Кээде катуу урушабыз”

Автор: Алтынай Тынышова
Оператор: Мухамадзиямидин Турдубек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(10)
Super TV
15.03.2019. 22:51 
Тайпасы:
Жаран
Комментарийлердин саны:
146
Катталган:
20-09-2014
Соӊку аракети:
17-11-2019 05:33
Жынысы:
Белгисиз
0
Зульфия аман эсен көз жарып алыңыз! Бактылуу ата эне болгула Баястан мырза жэкөөңөр!
18.03.2019. 09:46 
Тайпасы:
Жаран
Комментарийлердин саны:
241
Катталган:
13-05-2016
Соӊку аракети:
13-11-2019 13:54
Жынысы:
Белгисиз
+2
Бактылуу болгула,
эсен аман коз жарып ал.
18.03.2019. 10:41 
Тайпасы:
Жаран
Комментарийлердин саны:
22
Катталган:
04-02-2017
Соӊку аракети:
20-09-2019 11:47
Жынысы:
Белгисиз
Калаасы:
Кыргызстан,Ош
+1
Бактылуу болгула, жубайына кош бойлуулук куп эле жарашып калыптыр) тфу тфу
18.03.2019. 11:23 
Тайпасы:
Жаран
Комментарийлердин саны:
63
Катталган:
17-12-2013
Соӊку аракети:
04-10-2019 15:20
Жынысы:
Белгисиз
Калаасы:
Бишкек
+3
Улгулуу уй-булоо болгула, куп жарашкан тугойлор
18.03.2019. 19:01 
Тайпасы:
Жаран
Комментарийлердин саны:
502
Катталган:
03-12-2018
Соӊку аракети:
16-11-2019 17:21
Жынысы:
Белгисиз
+2
Жакшы кором,жагымдуу жубайлар экен
20.03.2019. 16:02 
Тайпасы:
Жаран
Комментарийлердин саны:
40
Катталган:
18-07-2018
Соӊку аракети:
28-06-2019 02:18
Жынысы:
Белгисиз
0
Ушул параны жакшы көрөм, туболугунор түз болсун, аман эсен коз жарып ал
20.03.2019. 20:04 
Тайпасы:
Жаран
Комментарийлердин саны:
183
Катталган:
28-04-2017
Соӊку аракети:
10-11-2019 17:51
Жынысы:
Белгисиз
0
Видеосу эмнеге ачпай атат?
21.03.2019. 10:18 
Тайпасы:
Супермодератор
Комментарийлердин саны:
863
Катталган:
19-11-2013
Соӊку аракети:
16-11-2019 19:31
Жынысы:
Белгисиз
0
Snejana, саламатсызбы! Кандай ката кетип жатат, скриншот жиберсеңиз.
21.03.2019. 15:48 
Тайпасы:
Жаран
Комментарийлердин саны:
115
Катталган:
13-06-2016
Соӊку аракети:
16-11-2019 21:51
Жынысы:
Белгисиз
0
Зульфия акылдуу келин жубай экен мага жакты, кармашкан колунар туболуктуу болсун аман эсен коз жарып ал
23.03.2019. 22:32 
Тайпасы:
Жаран
Комментарийлердин саны:
12
Катталган:
20-03-2016
Соӊку аракети:
17-11-2019 02:42
Жынысы:
Белгисиз
Калаасы:
Татарстан
0
Ошондо дунган кызыбы келинчеги?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: