«Жылдын супер ремейки»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Таарынгандын өзүнүн куржунуна зыян. ТААРЫНЫЧТЫН КЕСЕПЕТТЕРИ

№854 14-20-март, 2019-жыл


Таарыныч – адам төрөлгөндөн баштап коштоп жүрүүчү сезим, ичтеги агрессия. Кичинекей баланы эле алалы, эмчек сураганда бербей койсоң ыйлап, кадимкидей таарынат. Демек, каалоо болуп, бирок ал аткарылбаган учурда сөзсүз таарыныч жаралат. Айрымдар бат таарынып, бат жазылат. Кээ бирөөлөр таарынычын өмүр бою ичке катып өтүп кетишет. «Таарынычты ичке катуу, көпкө сактоо туура эмес. Ичте катылган таарыныч зыяндан башка эч нерсе алып келбейт» дейт психолог Гуля Акбутина. Кантип таарынбай коюуга болот? Таарынычты кантип бат жазууга болот? Суроолорго жоопту төмөнкү макаладан издеңиз.


ТААРЫНЫЧ ООРУ АРТТЫРАТ

Мамилени бузат.
Таарыныч адам баласына эң керектүү бири-бирине ишенүү, сүйүү, берилгендик сыяктуу сапаттарга терс таасир тийгизет.

Адамдын өсүүсүнө жолтоо болот.
Адам эски нерседен кутулмайынча жаңы нерсеге орун жок сыяктуу эле, таарынычтан кутулбасаңыз сизге рухий жактан өсүүгө, өзүңүздү таанып-билүүгө жана өзүңүздү ар тараптан ачууга мүмкүнчүлүгүңүз чектелүү болуп жүрө бересиз.

Таарынткан адамга караганда таарынган адам көбүрөөк зыян тартат.
Эгер сиз таарынуу менен экинчи адамды жазалап жатам десеңиз, анда жаңылышасыз. Таарынып, жазылбай жүрө берүүнү өзүңүздүн денеңизди уруп, башка бирөөнүн денесинин оорушун күтүп жүрүү менен салыштырууга болот. Балким, ал адам сиздин таарынганыңызды билбей жыргап-куунап, жашоодон ырахат алып, эч нерсени сезбей эле жашап жаткандыр.

Таарынычты ичте узакка сактоо көптөгөн ооруларды чакырат.
Элестетиңиз, сиз өтө оор эмес ташты көтөрүп, колуңузду алдыга карай созуп турасыз. Ташты аз убакытка көтөрүп туруу сиз үчүн жеңил эле. Көпкө көтөрүп турсаңыз колуңуз талыйт. Албетте, таштын салмагы өзгөрбөйт, бирок оорлоп баратканын сезесиз. Таарыныч дал ошол таш сымал, аны канчалык ичибизге сактасак, ошончолук зыян алып келет. Таарынган кезде адам стресс болуп, мындан улам организм да ар кандай өзгөрүүлөргө тушугат.

  • Калкан сымал бездин, өттүн иштеши начарлайт, жүрөк ооруйт.
  • Улгайгандарды миокарддын инфарктына жана инсультка алып келүүсү да мүмкүн.
  • Кан басымдын көтөрүлүшүнө жол ачат.
  • Жыт сезүү органынын иштешине залакасын тийгизет.
  • Көп таарынган жана эрки бош адамдар өз өмүрүнө кол салганга чейин барышат.


ТААРЫНЫЧТАН КАНТИП АРЫЛУУГА БОЛОТ?

Кечиримдүү болуңуз.
Кечирүү деген сөз коё берүү деген маанини туюнтат. Таарынычты коё берүүнү таарынычтан арылуу деп билсек болот. Кечиримдүү болуу көйгөйлөрдү жакшы чечүүгө жардам берет.

Окуяны таразалаңыз.
Албетте, дароо эле таарынткан адамыңды күнөөлөп кирүү оңой. Ага күнөө артуудан мурун таарыныч орун алган учурду таразалаңыз. «Мен эмнеге таарындым? Менин таарынганымды ал сездиби?» деген сыяктуу суроолорду өзүңүзгө берип, жооп табыңыз. Таарынткан адамдын ордуна өзүңүздү коюп көрүңүз. Сиз мындай учурда эмне кылмаксыз? Балким, жөнү жок таарынып жаткан чыгарсыз. Балким, кечирип коюуга мүмкүн болгон жагдайдасыз.

Өзүңүздү анализдеңиз.
Адамдардын мүнөзү ар башкача, айрымдар ачууланууга, каарданууга жакын болот. Сиз өзүңүздү кандай сыпаттайсыз? «Ачуум чукул эмеспи? Таарынчаак эмесминби? Кумурсканы пил кылып жибермей адатым жокпу?» деп өзүңүзгө суроо салып көрүңүз. Эгер сиз мындай мүнөзгө ээ болсоңуз, көтөрүмдүү болгонго аракет кылыңыз.

Ачык сүйлөшүүгө чакырыңыз.
Таарынткан адам жакын адамыңыз болсо, чакырып жекече сүйлөшүүгө аракет кылыңыз. Анткени экинчи тараптын реакция кылбаганы таарынууну ого бетер күчөтөт. Сүйлөшүүдө болгон эмоцияңызды чыгарыңыз, аны менен катар анын да оюн, жообун кунт коюп угуңуз. Тил табышууга, бири-бириңерден кечирим суроого аракет кылыңыздар.

Убакытты пайдаланыңыз.
Эгер таарынткан адам менен сүйлөшүүнү туура көрсөңүз, ага айта турган сөзүңүздү ичиңизден айтып, ачууңуз тараганча күтө туруңуз. Бир нерсеге капа болгондо көңүлдү жайгарууга аракет кылуу туура. Ошондо көйгөй анчалык деле олуттуу эмес экенин түшүнүп, сылыгыраак сүйлөп каласыз.

Баракка жазыңыз.
Эгер сизди таарынткан адам менен бетме-бет сүйлөшө албасаңыз, катка болгон таарынычыңызды жазып, ага берүүгө аракет кылыңыз. Бере албасаңыз аны сактабай, өрттөп салганыңыз туура. Бул ыкма деле жан дүйнөңүзгө жеңилдик берет.

Ыйлаңыз, ээн жерге барып кыйкырыңыз!
Ооба, көз жашыңызды аябай ыйлап алыңыз. Таарынычты ичте сактоодон ыйлап алуу ден соолук үчүн алда канча пайдалуу. Эч ким жок жерге барып катуу кыйкырыңыз. Бул да ичтеги ызаны, таарынычты чыгаруунун бир жолу.

Сырдашыңыз.
Жакын адамыңызга кимге, эмнеге таарынганыңызды айтыңыз. Же болбосо аккан сууга (суунун агымына карата) болгон окуяны айтып бугуңузду чыгарыңыз. Бул да сизге жеңилдик тартуулайт.

Таарынбай коюу өз эркиңизде.
Айрымдар «таарынта турган иш кылып жатса, кантип таарынбай коём?» деши мүмкүн. Эгер зыян тартпайын десеңиз, «бул мени таарынта турган иш эмес, болбогон нерсе» деп өзүңүздү өзүңүз тарбиялаңыз, өз жан дүйнөңүздү тазалоого аракеттениңиз.


КАНДАЙ АДАМДАР ТААРЫНЧАК БОЛУШАТ?

  • Эмоционалдык интеллекти толук калыптанбагандар
  • Өзүн өтө жогору баалагандар, бой көтөргөндөр
  • Өзүн өтө төмөн баалагандар
  • Кечирүүнү билбеген же каалабаган адамдар
  • Ишеничи акталбаган адамдар
  • Депрессияда, стрессте жүргөндөр
  • Кекчилдер
  • Түнт адамдар
  • Өткөөл курактагы балдар

Ал эми юморго жакындар, март адамдар көп таарына беришпейт. Таарынган учурда да бат жазылышат.


Дамира Арстанова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(11)
18.03.2019. 09:55 
Тайпасы:
Жаран
Комментарийлердин саны:
167
Катталган:
03-08-2013
Соӊку аракети:
24-10-2019 08:08
Жынысы:
Белгисиз
+1
Жакшы кенеш рахмаат,мен стрессте журот экенмин
18.03.2019. 14:45 
Тайпасы:
Жаран
Комментарийлердин саны:
112
Катталган:
21-10-2011
Соӊку аракети:
21-11-2019 10:27
Жынысы:
Белгисиз
Калаасы:
Океандын ары жагы
+1
мен кош бойлуу кезимде жакын курбума болбогон нерсе учун таарынып, телефон аркылуу ал негизсиз экенин айткан, бирок суйлошпой калдык, убакыттын отушу менен унутуп калып жолдон коруп учурашсам аябай салкын.
мен таарынбай эле жакын курбумду катуу таарынткан экенимди кеч билдим.
кечирип койчу дегим келет кайра коруп калсам.
19.03.2019. 14:48 
Тайпасы:
Конок
Комментарийлердин саны:
2
Катталган:
17-03-2019
Соӊку аракети:
30-04-2019 14:01
Жынысы:
Белгисиз
0
Жакшы кенеш экен.
19.03.2019. 22:32 
Тайпасы:
Жаран
Комментарийлердин саны:
80
Катталган:
06-02-2019
Соӊку аракети:
20-11-2019 23:45
Жынысы:
Белгисиз
+4
Көп таарынган адам менен жакындашкың да келбейт , маанайыңды буза берет эмесби
20.03.2019. 11:06 
Тайпасы:
Жаран
Комментарийлердин саны:
19
Катталган:
04-12-2018
Соӊку аракети:
21-11-2019 22:09
Жынысы:
Белгисиз
Калаасы:
Искусство
+2
Мен март адам окшойм)))
21.03.2019. 12:47 
Тайпасы:
Жаран
Комментарийлердин саны:
6
Катталган:
07-05-2018
Соӊку аракети:
04-11-2019 20:14
Жынысы:
Белгисиз
0
Лөлүнүн таарынганы өзүнүн куржунуна зыян дейт.Теманы туура койсоңор.Лөлүлөрдү ошентип айтат.
22.03.2019. 11:17 
Тайпасы:
Жаран
Комментарийлердин саны:
292
Катталган:
28-01-2016
Соӊку аракети:
05-11-2019 21:46
Жынысы:
Белгисиз
0
Haanykeeim, Дубана таарынса куржунуна зыян деп коёт. Лолу эмес!
22.03.2019. 11:19 
Тайпасы:
Жаран
Комментарийлердин саны:
292
Катталган:
28-01-2016
Соӊку аракети:
05-11-2019 21:46
Жынысы:
Белгисиз
0
Таарынсам ачуулансам кир жууп, музыка угуп ичимен урушуп озумдун да куноолорумду коз электен откоруп конулум ачылып калат.
Таза кийимдерди алып деле жууй берем
22.03.2019. 16:35 
Тайпасы:
Жаран
Комментарийлердин саны:
29
Катталган:
22-03-2019
Соӊку аракети:
21-11-2019 13:07
Жынысы:
Белгисиз
0
Мен бугун катталдым жакшы тушуно албай жатам жардам бериниздерчи
22.03.2019. 18:15 
Тайпасы:
Супермодератор
Комментарийлердин саны:
8468
Катталган:
19-11-2013
Соӊку аракети:
21-11-2019 19:54
Жынысы:
Белгисиз
0
Gul_gulum, саламатсызбы! Бул жактан жаңы катталгандар үчүн көптөгөн маалыматтар бар.
https://www.super.kg/superstan/index.php?showtopic=45798
Модератор admin_portal түзөттү 2019-03-22 18:16:13
23.03.2019. 01:28 
Тайпасы:
Жаран
Комментарийлердин саны:
2
Катталган:
01-09-2017
Соӊку аракети:
28-03-2019 01:24
Жынысы:
Белгисиз
0
Мен ишеничи акталбай калганга кирет экенмин. Таарынчаакмын аябай эле. Кобунчо ичиме ката берем. Таарынткан адам соз баштап, мени куноолоп баштаса кыйкырып ичиме катып жургондордун баарын айтып салам. Бир кечирем эки кечирем. Кайра эле таарынта беришсе,кош бол туболукко деп коем. Бирок кайра эле ак конул элем,ким билет?!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23227;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: