Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

2 АДАМДЫН ӨМҮРҮН АЛГАН ЖОЛ КЫРСЫГЫ. АЙДООЧУЛАР КҮНӨӨНҮ БИРИ-БИРИНЕ ООДАРЫШУУДА

№852 28-февраль - 6-март, 2019-жыл


2018-жылдын 3-ноябрынан 4-ноябрга караган түнү Талас облусунун Талас районундагы Кырк-Казык айылында жол кырсыгы катталып, 2 адам каза болгон. Анда чыгыштан батышты карай бараткан Мерседес-Бенц 410 унаасы менен Хонда Одиссей унаалары кагышкан. Эки тарап бири-бирин күнөөлөп жатышат. Жакындарынан айрылгандар иштин акыйкат тергелишин талап кылышарын айтып бизге кайрылышты.

"ЭКСПЕРТИЗАНЫН ЖЫЙЫНТЫГЫ – СЫР"

Талас ОИИБинин басма сөз катчысы Динара Сарногоева окуя боюнча буларды билдирди:

– 2018-жылдын 3-ноябрынан 4-ноябрына караган түнү саат 1:00 чамасында Тараз-Талас-Суусамыр жолу менен Кырк-Казык айылына кайрылган көчөнүн кесилишинде жол кырсыгы катталып, 2 киши каза болуп, 3 киши ар кандай жаракаттарды алышкан. Анда Мерседес Бенц 410 менен Хонда Одиссей унаалары кагышкан. Факт боюнча Кылмыш-жаза кодексинин 281-беренеси менен (транспорт каражаттарынын кыймылынын жана аларды пайдалануунун коопсуздук эрежелерин бузуу) кылмыш иши козголуп, тиешелүү экспертизалар дайындалган. Экспертизалардын жыйынтыгын жарыялай албайбыз. Ал тергөөнүн сыры. Учурда тергөө уланууда.

“ИШ АКЫЙКАТ ИЛИКТЕНСИН”

Аталган жол кырсыгынан Талас районунун Талды-Булак айылынын тургуну Замирбек Сыдыков 71 жаштагы апасы Токтобүбү Сыдыковадан айрылган.

– Ал күнү Талас шаарында той болуп, апам, бир туугандарым ошол жакка кетишкен. Тойдон келе жатышканда минтип кырсык болуп, апам каза болду. Унаанын алдында отурган иним кыпчылып калып, аны араң алып чыгышкан экен. Аны чыгаруу учурунда унаа ары-бери кыймылдап, ордунан жылган. Андан кийин жекшемби күн болгондуктан жолдон өткөн унааларга тоскоолдук жаратпаш үчүн кырсыкка кабылган унааларды ордунан жылдыргандыктарын, ошондон кийин гана схемасы чийилгенин сүйлөшүү учурунда тергөөчү айткан.

Биздин колубуздагы экспертизанын жыйынтыгы жазылган баракта "Экспертизаны дайындоо токтому жана жол кырсыгынын материалдарында Мерседес Бенцтин айдоочусу рулга ээ боло албай башкаруусун жоготуп жолдун каршы тилкесине чыгып, батыштан чыгышты карай бара жаткан Хонда Одиссей менен кагышкан" деп жазылып турат. Бирок эксперттер эки тараптын тең жол кырсыгын болтурбоого мүмкүнчүлүгү бар болчу деп тыянак чыгарып беришиптир.

Апам кайтыш болгондон бери көп чыгым болдук. Бир айда РИИБге 4-5 жолу барып жаттык, апамды акыркы сапарга узаттык. Апамды жерге бергенден кийин Мерседес Бенцтин айдоочусунун туугандары келген, сүйлөшкөнбүз. Алар кеткен чыгымдарды жабууга бизге 100 миң сом беребиз дешкенинен макул болгонбуз. Бир жумадан кийин акчаны сурап чалсам, айдоочунун агасы оозго алгыс сөздөр менен сөктү. Ооба, адамгерчиликтүү мамиле кылып, кечирим сурап акча берсе кечирмекпиз. Азыр бизге иштин акыйкат иликтениши эле керек.

Ишти башында Талас РИИБинин тергөөчүсү Нурдин Алыбаев тергеп баштаган. Кийин башка тергөөчүгө өткөрүлүп берилген. Замирбек Сыдыковдун айткандары боюнча жооп алуу үчүн Нурдин Алыбаевге байланышканыбызда, ал "унаалар эч кандай ордунан жылдырылган эмес, жол кырсыгы болгондон кийин унаалар кандай турса, ошол абалда схема чийилген" деп билдирди.

“МЕРСЕДЕС БЕНЦ КАРШЫ ТИЛКЕГЕ ЧЫКТЫ”

Хонда Одиссейдин айдоочусу Эмил Тургуналиев өзүн күнөөлүү деп эсептебейт:

– Ал күнү жолдо келатсам, Мерседес Бенц каршы тилкеге чыгып, 2-3 метр качсам да болбой сүзүп кетти. Сүзгөндө 4-5 метр сүйрөп кетиптир. Мен өз жолумда саатына 60 чакырым ылдамдык менен бараткам. Мерседес катуу келаткан өңдүү. Сүзүшкөндөн кийин эсимди жоготуп ооруканага жатып чыктым. Бутумдан, башымдан жаракат алдым.

“ЭКИ УНАА ТЕҢ СТЕПВАГОНДОН КАЧАБЫЗ ДЕП СҮЗҮШТҮК”

Мерседец Бенц 410 унаасынын айдоочусу Адилет Кубанычбек уулу 48 саат камакта жатып, кийин үй камагына чыгарылган. Ал эми Одиссейдин айдоочусу ден соолугуна байланыштуу камакка алынган эмес. Адилет Кубанычбек уулу окуяны такыр башкача баяндап берди:

– Мен 7 жылдан бери Бишкек-Талас багыты менен ар кандай жүк ташып иштейм. Ал күнү Бишкектен 3,5 тонналык жүк алып бараткам. Саатына 60-65 чакырым ылдамдык менен өз жолумда бараткам. Кырк-Казык айылына жеткенде оң тараптагы бурулуштан кызыл түстөгү Хонда Степвагон үлгүсүндөгү унаа чукул чыгып калды. Мен аны сүзүп албайын деп шыр эле солго бурулуп тормозду басып каршы тилкеге чыктым. Анда каршы тилкеде унаа жок болчу. Каршы тилкеден өтүп, жолдун жээгине унааны токтоттум. Менин жолумдан чыккан Степвагон оңго бурулуп өз жолу менен эмес, жолдун ортосу менен айдап баратты. Бир маалда батыштан чыгышты көздөй келаткан Одиссей унаасы да мага тоскоолдук жараткан Степвагондон качам деп оңго бурулуп келип токтоп турган менин унаамды сүзүп алды. Степвагондо эч кандай так калбагандыктан анын бул кырсыкка тиешеси бар экендиги далилденбей, ал унаа күнөөсү жок болуп иштен четтеп калды. Степвагондун айдоочусу “Күнөөм бар экенин далилдеп берсеңер чыгымдарыңарды төлөп берем. Далилдей албасаңар төлөбөйм” деди.

Бир эже ошол жерден эле каза болду. Бирөө жандандыруу бөлүмүндө жан берди. Өлүм деген жаман. Ошондуктан адамгерчилик кылып жакындарынан айрылгандардын абалдарын сурап коюш үчүн ата-энемди жибергем. Ата-энем дасторкон жасап алып куран окутуп барышса, каза болгондордун туугандары “күнөөлүүсүңөр. Ошол үчүн келип жатасыңар” дешти. Ошондон кийин барбай калдык. Бир күнү каза болгондордун туугандары сүйлөшөбүз деп чакырышты. Байкемдер барса, “мындай мал сойдурдук. Дасторконго мынча акча кетирдик” деп эки үй-бүлө 120 миң сомдон акча сурашыптыр. Байкемдер макул болушкан. Анткени тергөөчүлөр деле бизге “Эки тарап тең күнөөлүүсүңөр. Эки айдоочу ортодон акча чыгарып, жабырлануучулар менен сүйлөшүп, сотко жеткирбей бүтүрүп албайсыңарбы” дешкен эле. Биз жабыркаган адамдардын чыгымын жаап берип, Одиссейдин айдоочусу менен өзүнчө соттошолу дегенбиз. Бирок ошол эле сүйлөшүүдө жабырлануучу тарап Одиссейдин айдоочусу тарапта болуп, “Унаанын чыгымын да төлөп бергиле. Одиссей 250 миң сомго алынган” дешкен. Биз ага каршы болуп, такыр акча бербейбиз деп чечкенбиз. Ал унаанын баасы азыр 100-150 миң сом. Эмил байкеге да барып “ортодон акча чыгарып өлгөн кишилердин жакындарынын чыгымдарын жаап берели да, өзүбүзчө соттошуп чечишип алалы” десек, ал бизди сөгүп салган. Жабырлануучулар бизден акча өндүрүп алуу үчүн ар кайсы жакка арызданып жатышат, түшүнүп жатам. Ал тараптын прокуратурада, облустук администрацияда тааныштары бар деп угуп жатабыз.

Мени уктап кеткен деп да айтып жатышат. Мен андан эки күн мурун Бишкекке баргам. Эки күн эс алгандан кийин жолго чыккам. Ойгоо эле болчумун.

Хонда Одиссей унаасында бара жаткан жүргүнчүгө байланышканыбызда, “тойдон чарчап чыгып баарыбыз уктап баратканбыз. Ошондуктан эч ким эч нерсе көрбөй калды” деп жооп берди. Жогоруда айтылгандай, кылмыш иштеринде да соодалашуулар болорун угуп-билип жүрөбүз. Эл соодалашуу жолу менен эмес, мыйзам чегинде күнөөлүүлөрдүн жазаланышын талап кылган учурда гана айдоочуларда жоопкерчилик күчөп, жолдогу кырсыктар азаят беле?

Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
04.03.2019. 13:12 
Тайпасы:
Жаран
Комментарийлердин саны:
57
Катталган:
13-11-2013
Соӊку аракети:
22-08-2019 13:48
Жынысы:
Белгисиз
+2
100000 мин табылат тируучулукто кредит алсанар да берип койгула да!
04.03.2019. 15:47 
Тайпасы:
Тартип бузгандар
Комментарийлердин саны:
371
Катталган:
31-05-2017
Соӊку аракети:
03-08-2019 07:55
Жынысы:
Белгисиз
0
Ой тобоо эми олгон жургунчулорду куннолоп коюшпаса болду. Тобоо
04.03.2019. 17:23 
Тайпасы:
Жаран
Комментарийлердин саны:
106
Катталган:
28-02-2012
Соӊку аракети:
18-10-2019 13:32
Жынысы:
Белгисиз
Калаасы:
Россия. Чита
+8
Айланайындар, апанар ажалы жетип каза болду, тагдырына ошондой жазылган. Апабызды мынтип жерге бердик, мынча чыгым болдук деген уят нерсе. Апанардын зыйнатын кыласынар да анан. Андан коро кунолуусу жазасын алсын.
05.03.2019. 05:53 
Тайпасы:
Жаран
Комментарийлердин саны:
34
Катталган:
25-02-2019
Соӊку аракети:
18-10-2019 09:56
Жынысы:
Белгисиз
0
Негизги жол менен баратса главная дорога деген знак болсо грузовик прав болот,егер главная дорога деген знак жок болсо,анда бул равнозначная дорога болот,ошондо грузовикте помеха справа,оддисей прав..самое главное бул жерде знак...стептен качтым деген сөз өтпөйт бул жерде,главная дорога знак жок болсо, грузовик не прав,знак болсо оддисей не прав короче по пдд
KaGaH түзөттү 2019-03-05 06:03:53
06.03.2019. 01:24 
Тайпасы:
Жаран
Комментарийлердин саны:
84
Катталган:
16-03-2017
Соӊку аракети:
18-05-2019 23:05
Жынысы:
Белгисиз
+5
Тиги Замирбек деген кудайдан коркпогон немего тешип чыкпасын ошол акча, мынча чыгым болдук анттик мынттик деп, кичине акыретти дагы ойлосонор, тиги жакта соокту чыркыратып бул жакта соодалашпай, апасынан кутула албай эле жургон адамдар экен эледа, олгонуно акча ондуролу деп, жакшы мынча пенция алвт эле аныда тологуло дебептир!
06.03.2019. 22:57 
Тайпасы:
Жаран
Комментарийлердин саны:
23
Катталган:
26-10-2018
Соӊку аракети:
13-03-2019 10:11
Жынысы:
Белгисиз
+4
Апасы авариядан эмес, оз ажалынан каза тапса деле чыгым кылмак го, же бир сом коротпой туруп коомп салмак бекен. Кичине ынсап дегенди жолго койсо болмок, олуктон акча ондурбой.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: