«Жылдын супер саундтреги» (Добуш берүү токтотулган)


47,7% (489)
39,8% (408)
8,5% (87)
Эрмек Маматов & Тамга, «Неге, неге?» («Мурас»)
4% (41)

Жалпы добуш (1025)


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ФИНАНСЫЛЫК ПИРАМИДА, ТАРМАКТЫК МАРКЕТИНГ. БИЗНЕСПИ, БҮЛГҮНБҮ ЖЕ БАЛЭЭБИ?

№849 8-14-февраль, 2019-жыл


Бүгүнкү күндө көпчүлүк жарандар ар түрдүү акчалай пирамида же болбосо тармактык маркетингге туш болуп келет. Алар ар кайсы жакта. Жайнаган жарнамалары көчөдө, интернеттин ар бир бурчунда, телевизордо, смартфондо... Жаандан кийин чыккан козу карындай жайнаган мындай компаниялардын саны күндөн-күнгө өсүп жаткан чагы.

Эгерде компаниянын ушундай белгилери көрүнсө, анда каражатты сарптоого шашылбоо кажет. Эң башкысы бат эле көп киреше табасың деген сөздөргө ишене калбай, компаниянын лицензиясын, күбөлүк, келишимдерди дыкат текшерип көрүү ашыктык кылбайт. Акча кайда сарпталат, киреше кайдан түшөт деген жөнөкөй суроолорго жооп болуусу керек. Өзүңүзгө ишенбей жатсаңыз адистер менен кеңешип иш алып баруу жардамга келет.

ПИРАМИДАНЫН НЕГИЗГИ БЕЛГИЛЕРИ

- ЛИЦЕНЗИЯ, ДОКУМЕНТТЕРДИН ЖОКТУГУ
- ДАРОО ЭЛЕ КӨП КИРЕШЕ УБАДА КЫЛЫШАТ
- КИРЕШЕ БАШКА БИР АДАМДАРДЫ ТАРТЫП КЕЛҮҮ МЕНЕН БОЛОТ
- ЖЕТЕКЧИЛЕР, ФИНАНСЫЛАР БОЮНЧА МААЛЫМАТТАР АЧЫК ЭМЕС
- ПРОДУКТТУН ЖОКТУГУ
- КОМПАНИЯГА КОШУЛУУ ҮЧҮН АКЧА МЕНЕН КИРҮҮ
- ЧОГУЛУШ, СЕМИНАР, АР КАНДАЙ БЕЛЕКТЕРДИ ТАРАТУУ

БАШ АЙЛАНТКАН ПИРАМИДАЛАР

Финансылык пирамиданын иштөөсү катышуучулардан каражат чогултуу менен жүрөт. Каражаттын негизги бөлүгү уюштуруучуларда калат да, калган бөлүгү катышуучуларга бөлүнөт. Башында акчалар таратылышы мүмкүн, бирок катышуучулардын саны барган сайын өсүп, акчалар жетпей бара жатканда пирамида урайт. Жыйынтыгында акча кошкондор каражатсыз калышат да, уюштуруучулар изин жашырышат.

Кыргыз өлкөсүндө ар жылдары ар аймактарда «Драгонс», «Моңолдор-Ата», «Голден Драгонс» жана башка ушундай сыяктуу компаниялар ачылып, элден акча чогулткандан соң жабылып калышкан. Пирамидага тартуу үчүн ар кандай ыкмаларды колдонушат, атактуу адамдар, ырчы-чоорчуларды пирамиданын сап башына коюшат, ар кандай семинарларды өткөрүшөт жана башка.

Бир эле мисал, 2016-жылы ушундай пирамидалардан жапа чеккендерин белгилүү алпаруучулар Максат Надырбеков менен Нурзат Токтосунова SUPER.KG`нин түз эфиринде айтып беришкен эле. Түгөйлөр "Бир компанияга ишенип алып, 4 миң долларга алданып калдык. Биз жарнама кылып, өзүбүз да акча салганбыз" деп агынан жарылышкан.

Пирамида куруу чеберлери белгилүү адамдарды колдонуу менен элди азгыруу тактикасына көп барышууда. Буга ишенген эл пирамида менен миллионер болом деп банктардан насыя алып, ортодо отуруп калгандар да жок эмес.

ТАРМАКТЫК МАРКЕТИНГДИН ТҮРКҮН ТҮСҮ

Тармактык маркетингдин финансылык пирамидадан айырмасы – мында продукттун бар болгондугу. Бул косметика, биологиялык кошулмалар (БАД), ар кандай витаминдер же дагы башка нерселер болушу мүмкүн. Бул маркетингдин бир ыкмасы гана болуп эсептелинет. Мындай ыкма биринчи жолу 1950-жылы АКШда башталып, 80-90-жылдары дүйнөгө жайылып баштаган. Ал эми биздин өлкөгө 90-жылдары келген. Азыркы күндө тармактык маркетинг аркылуу продукт, товарларды сатуу кардарларды табуунун бирден-бир натыйжалуу ыкмасы болуп эсептелинет. Дүйнөлүк тажрыйбада бул натыйжалуу ыкма деп колдонулуп, серепчилер жылдан-жылга өсүп жаткандыгын белгилешет. Алсак, дүйнөдө маркетингдин бул тармагынын жыл ичиндеги каражат айлануусу 150-200 миллиард долларга чейин жетүүдө.

Бирок тармактык маркетингди колдонгон компаниялар арасында күмөн жараткандары да жок эмес. Алардын арасынан батек-байпак, эч натыйжа бербеген биологиялык кошулмалар, витаминдерди сатышып, иштөө тартиби пирамиданыкына окшошуп кеткендери да четтен табылат. «Компаниянын атын атабай эле коёюн, биз тармактык маркетинг ыкмасында витаминдерди сатчубуз. Алгач, жумушка кирерден мурун 7 миң сомго аларды сатып аласың да, тааныш-билиштерге сатасың. Муну менен катар башка адамдарды компанияга алып келсең алардын бир канча үлүш кирешеси мага берилет. Бирок өзүбүздүн деле ал эмне болгон витаминдер, кандай пайда-зыяны бар экендигинен көп маалыматыбыз жок болчу. Витаминди ичкенден кийин деле организмибизде өзгөрүүлөр билинген эмес»,- дейт бул жаатта иштеп көргөн Нургүл аттуу жаран.

«ФИНАНСЫЛЫК ПИРАМИДАЛАР СЕКТА СЫЯКТУУ»

Мындай жеңил-желпи жарыяларга эл эмнеге бат эле алданып калат деген суроого психолог Наргиз Субаналиева жооп берет:

– Финансылык пирамида – бул чыныгы секталарга окшош. Анын тармактык маркетингден айырмасы эч кандай продукциясы жок, жөн эле акча төлөөгө азгырылып, жарандар шылуундардын капканына түшүп калышат. Психологиянын тилинде «коллективдүү ой жүгүртүү» деп атап коюшат, бул «компания үчүн» деп бирин-бири ээрчип, кээ бир адамдар көптөгөн жылдар бою мындай пирамидаларга батып калышат.

Дагы бир себеп – мындай пирамидага, өзүн издеп жүргөн, психологиялык иденттүүлүгүн таба элек адамдар кабылышы мүмкүн. Мисалы, ал жактагылар сектанттар катары эле адамды мактоодон башташат. Байкасаңыздар, бир да сын, жаман сөз айтышпайт. Эмоционалдуу жылуулукту издеп жаткан адамдар өзүнө болгон баасын жаңы адамдар же топтун мүчөлөрү аркылуу көтөрүшөт же толукташат. Бул нерсеге оңой ишенген адамдардын симптомдору шопоголизм же булимия катары эле ички дүйнөнүн жетишпеген нерселерин толуктоо болуп эсептелинет.

Бул коркунучтун дагы бир себеби – жумушсуз адамдардын оңой акча табуунун жолдорун издөөсү жана адамдардын жалкоолугу болуп эсептелинет. Ар бир адам андай кадамга аттануудан мурун ойлонуусу керек. Бул жашоодо мээнетсиз эч нерсе бекер келбейт жана, жогоруда айтып кеткендей, "коллективдүү ой жүгүртүүдөн" качуу керек. Ар бир адам индивидуалдуу экенин унутпашы зарыл жана өзүнүн ой жүгүртүүсү болушу керек.

«МЫЙЗАМДАРДЫ КҮЧӨТСӨК КҮМӨН ЖАРАТКАН КОМПАНИЯЛАР ӨЗДӨРҮ ЖОК БОЛОТ»

Күмөн жараткан финансылык ишмердүүлүктөр көбүнесе жумушсуздук күч алган өлкөлөрдү байырлайт. Кыргызстанда жумушка жарамдуу жарандардын саны 2 миллиондон ашат, ал эми 2018-жылга карата өлкөдөгү жумушсуз жарандардын саны 200 миңге чукулдайт.

Албетте, "үйдө отуруп алып көп акча тап" деген жарнама кимди болбосун кызыктырбай койбойт. Бирок мындай нерсенин арты бүдөмүк бойдон. Финансылык пирамидалар "капчыктагы каражатты бат эле 2-3 эсеге көбөйтүп, бир топ пайда көрүүгө болот" деген чакырык ташташат. Мындай чакырыктан канчалаган адамдар жабыр тартып келсе дагы, мындай шылуундар ар убак өзгөчө пирамидаларды «куруп» келишет.

Экономика боюнча эксперт Темирбек Ажыкулов пирамида «курган» компаниялардын жайылышына элдин финансылык жактан сабаттуулугу чоң роль ойноорун айтат. Себеби түрдүү пирамидалар көбүнесе айыл-аймактарга барып, жергиликтүү элдин башын айлантышат.

– Кандай ыкмалар болбосун, бизнесте дал ушинтип атап коюшат, алардын жаманы бар, жакшысы бар дегендей, буларга жол берген жергиликтүү мыйзамдар, шарттар болуп эсептелинет. Салыштырсак, өнүккөн өлкөлөрдө ушундай нерселер жөнүндө көп укпайбыз, демек, алардын мыйзамдары так жана түшүнүктүү жазылган. Ошол эле учурда элдин илим-билими да жогору болушу мүмкүн. Биз эле эмес, Орусия, Казакстан деген өлкөлөрдөн да канча жылдан бери эле ар түрдүү пирамидалар түзүлүп жаткандыгын көрүп жатабыз. Мындай ишмердүүлүккө жол берген биздин мыйзамдар жана элдин финансылык жактан сабатсыздыгы. Ошондой эле мамлекет тарабынан тиешелүү көзөмөлдүн жоктугу ар түрдүү пирамидалардын «курулушуна» себеп. Ушул үч эле нерсени жөнгө салсак, мындай күмөн жараткан ишмердүүлүктөр азайып, өздөрү жок болмок.

Адилет Керимбек уулу
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
12.02.2019. 12:59 
Тайпасы:
Жаран
Комментарийлердин саны:
42
Катталган:
03-04-2012
Соӊку аракети:
14-12-2019 13:51
Жынысы:
Белгисиз
+5
Ушу сетевой деген балакет болду, ушунун айынан уй- булодо уруш чыгып кайенем куйоом менен урушуп атам,кайын энем сетевойдо иштеп улам жанысы чыкса отуп кетеберет, мени да иште дейт,жок иштебейм десем эле мени не уважаешь деп суйлобой коркутуп,куйом экообуз да урушабыз ушунун айынан, озум мамлекеттик кызматта иштейм, мындай нерсеге такыр ишенбейм,
12.02.2019. 17:08 
Тайпасы:
Жаран
Комментарийлердин саны:
47
Катталган:
14-04-2017
Соӊку аракети:
29-10-2019 02:07
Жынысы:
Белгисиз
+2
Сейф бизнес деп мурда супер инфодо иштеген Максат Озозумбетов дагы жүрөт го
12.02.2019. 20:58 
Тайпасы:
Жаран
Комментарийлердин саны:
401
Катталган:
01-05-2018
Соӊку аракети:
13-12-2019 07:35
Жынысы:
Белгисиз
0
Мындай пирамида менен Жалал абадтык Сурма деген катын шугулданат эле.Карагандыга барып алып бүтүндөй Кыргыздын баарын илештирип сызга батырып банкрот кылып кеткен.Азыр Москвада жүрөт дейби,ал жакта да билген намазын окуп жатса керек эле.
13.02.2019. 00:14 
Тайпасы:
Жаран
Комментарийлердин саны:
301
Катталган:
14-11-2016
Соӊку аракети:
14-12-2019 19:01
Жынысы:
Белгисиз
+1
Ушундай сетевый маркетинг деген жамгырдан кийинки козу карындай көбөйдү, барсаң тез эле байытып, айдагы жылдызды алып берип коют.
16.02.2019. 23:14 
Тайпасы:
Жаран
Комментарийлердин саны:
16
Катталган:
07-06-2017
Соӊку аракети:
30-11-2019 09:00
Жынысы:
Белгисиз
0
Жанагы торт тошок куйгузбодубу баарынан.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23318;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: