Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ЧЕК АРАНЫ КҮЗӨТКӨН АЙЫЛ. "ШАРТТАР ТҮЗҮЛСӨ ЧЕК АРАНЫ КАЙТАРЫП ЖАШАЙ БЕРЕБИЗ" ДЕШЕТ ТУРГУНДАР

№848 1-7-февраль, 2019-жыл


Баткен районунун борборунан 30 чакырым алыстыкта Тажикстан менен чектешкен аймакта Достук айылы жайгашкан. Айыл өлкөнүн өгөй баласындай эле четтеп калган. Достукка көңүл буруп, абалын сурагандар аз. Эки жылды катары менен аймактарды өнүктүрүү жылы деп атап алдык. Аймактар өнүгүп жатабы деген суроону бергибиз келди. Достук айылынын тургундары “өнүгүүнү күтүп жатабыз” деп жооп беришти. Тажикстандан келген саркынды сууну ичер суу катары колдонгон Достук айылы тууралуу сүйлөшөбүз.


“6-КЛАССКА ЧЕЙИН ГАНА БИЛИМ БЕРИЛЕТ”

Айылда телефон байланышы менен интернет 5-6 гана тургунда бар. Алар Тажикстандын байланыш операторлорун колдонушат. Интернет колдонуу мүмкүнчүлүгү бар айыл тургуну Адалат Айтбаева менен интернет аркылуу байланыштык.

– Достукта 60ка жакын түтүн бар. Негизинен кемпир-чалдар калды. Жаштар жакшы жашоонун артынан Бишкек, Ош, Баткенге кетишет. Анткени биздин айылда жумуш жок. Окуучулардын саны азайганына байланыштуу азыр 6-класска чейин гана билим берилет. Андан кийин окуучуларыбыз башка жактагы туугандарыныкына барып окууга мажбур. Азыр мектепте 30дай окуучу бар. Башка айылдар сыяктуу эле мал чарбачылык, дыйканчылык менен алектенебиз. Мурда тажиктер менен тыгыз ымала кылып жашачубуз. Чек ара ачык болчу. Ошондо биз бензин, пияз, картошка, алма, өрүгүбүздү көчөгө чыгарып коюп сатчубуз. ЕАЭБге киргенден кийин чек ара кайтарыла баштады. Мурдагы тажик-кыргыз достугубуздун куну учуп кетти, мазардай болуп калдык. Азыр өндүргөн продукцияны сатуу үчүн Тажикстанга барыш керек же 30 чакырым алыстыктагы райондун борборуна барышыбыз керек. Азыр негизинен пенсия, жөлөк пулду карап эле жашап жатабыз.

“СЕЛДЕН КИЙИН КИРГИЛ СУУНУ ТУНУКТУРУП ИЧЕБИЗ”

– Чек ара боюнча айтсак, биздин үйдөн бир көчөдөн кийин эле Тажикстандын аймагы. Тажикстандын Исфара, Чарбок, Чор кышлог айылдары менен чектешпиз. Тажиктер менен катташып турабыз. Бирок эки улут болгондон кийин чыр-чатак, келишпестиктер болбой койбойт. Анын алдын алып, эркектерибиз Тажикстанга көп катташпайт. Алар менен суу маселеси боюнча көп урушабыз. Биздин айылда сугат жана таза суу маселеси чоң көйгөй. Жер сугаруу үчүн да, ичүүчү суу катары да Тажикстандан агып келген Ак-Суу дарыясынын суусун колдонобуз. Ал сууда болсо менден башканын баары бар. Кээде өлгөн мал агып өтөт. Таштандылар, саркынды суулар, айтор, тажик тарап өзү билет да ал суу менен эмне кылышты. Кээде суу бербей коюшат. Андайда тиккен эгиндерибиз өспөй калган учурлар да болгон. Ал учурда сүйлөшүү жолу менен маселени чечкенге аракет кылабыз. Бирок эки жыл мурда Баткен районунун акиминин орун басары тажик тарап менен сүйлөшүп келген эле. Ошондон бери андай маселе жарала элек. Бул жаатта быйыл жакшы жаңылык болду. Кайсы бир долбоор менен айылыбызга 1 миллион сомго насос орнотулду. Эми ушундай чатак учурлар болгондо насосту иштетип сугат суу менен камсыз боло алабыз. Ал эми таза суу көйгөйү азыр да чечиле элек. Жазында суу көтөрүлүп, катуу селдер жүрөт. Ошондо дарыядагы суу көпкө чейин кир болуп агат. Ошону тундуруп алып ичүүгө туура келет. Же тажиктерге барып суранып, крандагы таза сууну сатып келебиз. Таза суу маселесин чечсе болот. Анткени бизге кошуна Тажикстандын Чарбок айылына ар бир үйгө таза суу чыгарып беришти. Бизге АРИС келип, таза суу чыгаруу долбоорун ишке ашырарын айтып кеткен. Азырынча андан кабар жок, күтүп жатабыз. Азыр таза суу бала бакчада, мектепте бар.

“ТУУГАНДАР МЕНЕН БАЙЛАНЫШЫШ ҮЧҮН ТООНУН БАШЫНА ЧЫГЫШ КЕРЕК”

– Тажикстандын уюлдук операторун колдонобуз. 3 жыл мурун баарыбызда Тажикстандын уюлдук операторунун SIM-карталары бар болчу. Кийин алар SIM-карталарды тажиктерге гана каттап сата башташты. Айылдан 5-6 адам гана Тажикстандагы тааныштарына каттатып SIM-карта алып, байланыш, интернет менен камсыз болушкан. Кыргызстандын башка аймактарындагы туугандар менен байланышыш үчүн тоонун башына чыгыш керек. 10 жыл бою Кыргызстандын бардык уюлдук операторлоруна кайрылып жүрдүк. Былтыр “Билайн” компаниясы бизге көңүл буруп, байланыш коюп берүүгө аракеттене баштады. Компаниянын адистери келип, аймагыбызды изилдеп кетишкен. Ушул жазда санариптик телеберүү үчүн тоонун башына ретранслятор орнотуу пландалып жатат. Эгер ал коюлса, анын жанына “Билайндын” вышкасын орнотуп, телефон байланышы, интернетке туташуу да оңой болот экен. Бул иштер ушул жылы бүтөт деп үмүттөнүп жатабыз.

Айылыбызды жакшы көрөбүз. Жакшы шарттар түзүлсө чек араны кайтарып ушул жакта жашай берсек дейбиз. Бирок балдарыбыздын келечегин ойлогондо көчкүбүз келип кетет. Эки жыл катары менен аймактарды өнүктүрүү жылы деп жарыяланды. Ошондон майнап чыгып, бизге көңүл бурулуп, маселелерибиз чечилсе экен деп үмүттүү күтүп отурабыз.

“ТУРГУНДАР ДАРЫЯДАН ТАПТАЗА СУУНУ ИЧИШЕТ”

Достук айылы Баткен районунун Кара-Бак айыл аймагына кирет. Кара-Бак айыл өкмөтүнүн башчысы Нышанбай Тургунбаев айылды өнүктүрүүгө аракеттер көрүлүп жатканын айтты:

– Ичүүчү суу маселесин чечүү боюнча инвесторлорду тартышыбыз керек. Бирок ал аймакта такталбаган аймактар бар. Ошол себептүү инвесторлорду кызыктыра албай жатабыз. Азыр деле тургундар Ак-Суу дарыясынан таптаза суу ичип жатышат.

Ооба, "чек арадагы өзгөчө айыл" макамын алган. Макам боюнча зарыл маселелерин чечкенге жардам берип жатабыз. Айылда ФАП, мектеп, бала бакча бар. Бирок ишкана жок болгондуктан жумуш орду жок. Ошондуктан жаштар сыртка чыгып кетишет. Мындай маселе биздин айылда эле эмес, өлкөнүн башка аймактарында деле бар да. Быйыл аткарыла турган көп иштер бар. Санарип телевидение тарттыруу, телефон байланышын киргизүү боюнча алгылыктуу иштер жасалат.

Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(5)
05.02.2019. 10:36 
Тайпасы:
Жаран
Комментарийлердин саны:
3
Катталган:
17-04-2013
Соӊку аракети:
11-10-2019 21:13
Жынысы:
Белгисиз
Калаасы:
Баткен
+12
Ал айылды көргөм. Ооба ал айылга барсаң эч ким калбаган сыяктуу. Ал айылдан айтылуу Абдышүкүр ажы Нарматов чыккан. Ал деле жардам колун сунса көп сооп алмак. Эмне болсо да өз айылы.
05.02.2019. 19:04 
Тайпасы:
Жаран
Комментарийлердин саны:
57
Катталган:
13-04-2013
Соӊку аракети:
22-10-2019 12:55
Жынысы:
Белгисиз
0
Бала бакча, мектепте таза суу болсо эмнеге алар тажиктерден сатып ичишет. Түшүнүксүз.
07.02.2019. 17:47 
Тайпасы:
Жаран
Комментарийлердин саны:
35
Катталган:
10-08-2018
Соӊку аракети:
25-09-2019 21:52
Жынысы:
Белгисиз
0
Ото таза курч суроо бердин.
07.02.2019. 22:28 
Тайпасы:
Жаран
Комментарийлердин саны:
186
Катталган:
04-10-2011
Соӊку аракети:
22-10-2019 15:03
Жынысы:
Белгисиз
Калаасы:
Бишкек
+3
Таптаза дептир. Ошол суудан Бир ичип корду бекен? Чондор оздорунон башкаларды келесоо ойлогону тушунбойсунда.
08.02.2019. 10:56 
Тайпасы:
Тартип бузгандар
Комментарийлердин саны:
4
Катталган:
18-08-2018
Соӊку аракети:
17-05-2019 16:02
Жынысы:
Белгисиз
Калаасы:
Ала-Тоо...
+1
Жемкор бийлик, "айылдарды-аймактарды өнүктүрүү жылы" деп жөн эле айтып койгонго.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23087;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: