Архив
897   898   899   900   901   902   903   904   905   906   907   908  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Аида Акматова, Европанын рекорддор китебине кирген кыргыз кызы: «8 МЕТР БИЙИКТИКТЕН КУЛАП, КОЛУ-БУТУМ СЫНГАН»

№846 18-24-январь, 2019-жыл


Аида Акматова калың журтка II Дүйнөлүк көчмөндөр оюндарында буту менен жаа атып таанылган. Көпчүлүк кыргыз циркинде ушундай таланттуу кыз эмгектенерин ошол оюндан кийин билген. Цирктеги өнөрүнүн аркасында Европанын рекорддор китебине кирген кыргыздын кызы бир кезде колу-буту сынып төшөктө жатып калган. Анда азыркыдай жылдызы жанмак түгүл, басып кетиши күмөн эле. “Номерлерим окшошпой жатса отура калып ыйлачумун. Жан чыдагыс ооруга туруштук берип отуруп ийгиликке жетиштим. Башымдан өткөн сыноо үчүн бир да өкүнбөйм” дейт жаачы кыз.

КААРМАН ТУУРАЛУУ

Туулган жылы, күнү – 1986-жыл, 31-май Туулган жери – Орусия, Архангельск шаары

Кесиби – Кыргыз мамлекеттик юридикалык академиясы, Бүбүсара Бейшеналиева атындагы Кыргыз мамлекеттик маданият жана искусство университети

Билген тилдери – Орус, англис, немис, чех, болгар, украин, поляк тилдеринде эркин сүйлөйт

Сыйлыктары – “Кыргыз Республикасынын Маданиятынын отличниги”, цирк өнөрү боюнча Европа рекорддор китебине кирген, “Эхо Азии”, “Шабыт” эл аралык цирк искусствосунун фестивалдарында баш байге, экинчи орундарды багындырган.

6 ЖАШЫНДА ЦИРКТЕН ТУШООСУ КЕСИЛГЕН

Аида Акматованын ата-энеси цирк кызматкерлери. Атасы Муратбек Акматов жана апасы Жыпара Шамырова өмүрүн циркке арнаган адамдар. Алар дайыма жумушка кичинекей кызын ээрчитип алышчу. Андыктан Аиданын көргөн-билгени цирк дүйнөсү болгондуктан, башка кесипти тандашы мүмкүн эмес эле.

– Мен ата-энем Архангельск шаарында гастролдо жүргөндө төрөлүпмүн. Ал жактын салты бар экен, май айында ак түндөр болуп, эркектер балык уулоого кетишсе, аялдар лото ойношчу экен. Апам лотого акчасынын баарын уттуруп коюп, ошондо толгоосу күчөп мен жарыкка келиптирмин. Бул окуяны билген байке-эжелер мени Лотогүл деп коюшат (күлүп).

Алгачкы ирет 6 жашымда цирк аренасына чыгып өнөрүмдү тартуулагам. Ал эми расмий түрдө циркке 9 жашымда кирип, жеке номерлеримди даярдап баштадым. Менин кеңешчим, машыктыруучум ата-энем болду. 13 жашымда алгачкы жолу колум, бутум менен жаа аткан номеримди тартуулагам. Номер коозураак болсун деп бир айдай хореограф менен даярдандык. Эл алдына чыкканда толкундангандан бийди унутуп, импровизация кылып каалагандай бийлеп салдым. Колум менен жааны мээлеп атсам эки жолу тийбей калбаспы. Ого бетер ызаландым. Анткени классташ, туугандарымдын баарын чакырып алган элем. Дагы жакшы, кийинкилери тийди. Эл алдында билдирбей жылмайып турдум да, сахнанын артына өтөрүм менен көзүмдөн жаштар атып чыкты. Гримёрканын эшигин ичинен бекитип алып аябай ызаланып ыйлаганым эсимде.

ЧЕТ ӨЛКӨЛҮК ЦИРКТЕРДЕ ИШТЕГЕН

Аида айымдын бир жарым саатка созулган маекте бир калыпта түптүз отурганы суктандырды. Кечке компьютерде кыйшайып отурган жаным аны туурайм деп далымды түздөп отурсам ашып кетсе 5 мүнөткө чыдайт экенмин. Ага суктанып отурганым деле бекеринен эмес, анткени ал 8 метр бийиктиктен кулап оор жаракат алганына карабай көп ийгиликтерди жаратып келет.

– Сиздер көргөн бутум менен жаа атуу номери менен манежге чыкканыма көп жыл болду. Андан кийин чакыруу боюнча ата-энем менен 5 жылдай Европада иштедик. Ал жакта эмгегим бааланып, цирк жаатында Европанын рекорддор китебине кирдим.

2007-жылы Германияда иштеп жүргөндө аба гимнастикасы боюнча номер көрсөтүп жатып 8 метр бийиктиктен кулап түшкөм. Колу-бутум сынды, бел, моюнумдан жаракат алдым. Дарыгерлер "жакшы баспай калышың мүмкүн" дешти. Операциядан өзүмө келгенде эле биринчи суроом: “Циркке кайта аламбы?”- деген болду. Дарыгер болсо ата-энеме “кызыңыз келесоо эмеспи?” деген эле (күлүп). Апам “цирктин кереги жок, кесибиң боюнча юрист болуп иштейсиң” деп койду. Эки ай ооруканада жатып, 4 ирет операция жасаттым. Ата-энем, досторум моралдык жактан колдошту, мен билбеген телекөрүүчүлөр гүл көтөрүп келип жатышты. Ошол нерсе мага чоң дем берип, цирк искусствосуно кайра кайтууну чечтим.

Андан кийин баарын нөлдөн баштадым. Мен бутум менен жааны тартышым керек эмеспи. Жаракат алганда сол бутумдун манжалары жабыркагандыктан жакшы сезбей калгам. Кайра калыбыма келүү учурунда Көчмөндөр оюндарына чакырышты. Ушунча бутка тургандан кийин кантип өнөрүмдү көрсөтпөй коёюн деген ой келди. Албетте, кайтуу аябай оор болду. Белим, колдорум ооруйт. Бутумдун манжалары жооруп, канап да кетчү. Кээде машыгуу учурунда отуруп алып ыйлачумун. Эки колума турганда сынган колдорума күч келчү, бутумдун манжаларын иштетүү чоң түйшүк жаратты. Айтор, 2016-жылы Чынара деген кыз экөөбүз дуэт катары чыгып, сүрөттөрүбүз дүйнөгө тарап, чет өлкөдөгү фестивалдарга, цирктерге чакыруулар көп болду.

Мына, 28-декабрда “New York times” журналы "2018-жылдын мыкты сүрөттөрү" деп менин сүрөтүмдү жарыялаптыр. Бул да мен үчүн чоң эмгегимдин акыбети, жемиши. Канча оор жаракат алып, көп түйшүк тартсам да, бул кесипти тандаганыма өкүнбөйм.

ЦИРКТЕ КӨЙГӨЙЛӨР АБДАН КӨП

Былтыркы жылдын аягында Кыргыз мамлекеттик циркинин айланасында чуу чыккан. Директор Курмангазы Исанаевдин дарегине айыптоолор айтылып, жыйынтыгында директор жумушунан алынган. Учурда артисттердин эмгек жамааты директорлукка Аида Акматованын талапкерлигин көрсөтүүдө.

– Циркте артисттердин айлыктары 2 жарым миң сомдон 5 миң сомго чейин. Бул албетте, жол кире, тамак-аш, батирдин акчасына жетпейт. Андыктан ар кимибиз жашоо үчүн күрөшүп кошумча жумуштарга орношуп алганбыз. Мен, мисалы, кроссфит, фитнес боюнча машыктыруучумун. Башкалар да гимнастика жактан машыктыруучу болуп, тойлорго чыгышат, долбоорлорго катышат, чет жактарга келишим менен иштешет.

Мурунку директор циркти 14 жыл бою башкарды. Аны иштеген жок деп айта албайм. Анткени 2-3 жылдай реквизит, костюмдарды жасап берди. Бирок чечилбеген маселелер абдан көп. Жасайлы десек акча жок деп койчу. Биз деле акча жок турбайбы деп кала берчүбүз.

Цирк артисттеринин өмүрү манежде өтөт. 5 мүнөттүк номерди көрсөтүш үчүн кеминде 2-5 жыл керектелет. Бизде түтүктөр жарылган, аба тазалагыч иштебейт, жөнөкөй гана гримёрдун бөлмөсү жок. Артисттер көпкө чейин чыдап жүрүштү. Аягында Маданият министрлигине, көп жерлерге арызданып кайрылышты. Жардам сурашты. Быйыл гана маданият, маалымат жана туризм министри бизге көңүл буруп, директорду кызматтан кетирди. "Сендей эч ким биздин көйгөйлөрдү түшүнбөйт" деп кесиптештерим директорлукка мени сунуштап жатышат.

Цирк көп оңдоп-түзөөгө муктаж. Жөнөкөй эле мисал, цирктин айланасы ресторан, кафеге толуп калган. Цирк деген маданий мекеме эмеспи. Бул жакка балдарга эс алуучу аянттарды уюштурса болот. Мурунку директорубуз дүйнөдөгү беделдүү "Монте-Карло" цирк фестивалында катышып, күмүш клоун сыйлыгын алып келген Кыргыз Республикасынын Эл артисти Манат Эшимбековду жумуштан кетирип, мекемеге киргизчү эмес. Менимче, ардагерлер бизге керек, жаштарга алар жол көрсөтпөгөндө ким көрсөтөт?

БИРӨӨНҮН ЭСЕБИНЕН ЖАШАГАНДЫ ЖАКТЫРБАЙТ

Аида башкалардай болуп социалдык тармактарга кооз сүрөттөрүн киргизип, интернет менен “оорубайт”. Аны Инстаграмдагы комплименттерге караганда жасаган ишинин жыйынтыгы кызыктырат. “Айрым мырзалар кымбат баалуу белектерди беришет. Мен андайды кабыл албайм. Бирөөнүн эсебинен жашаганды жактырбайм” дейт ал.

– Социалдык тармактардан мага жазгандар абдан көп. Колумдан келишинче жооп бергенге аракет кылам. Кээ бирлери "мага эле турмушка чыкпайсызбы" дешет. Аларга эмне демек элем, күлүп эле коём. Кээде кафеге барып тамактанып акчасын төлөйүн десем бирөөлөр эсепти жаап койгон болот. Менин жигитим же күйөөм болбосо бирөөнүн мага төлөшүн каалабайм. Аны туура эмес деп эсептейм. Өткөндө да ошондой окуя болду, жеген тамагыма төлөп, калганын официантка "өзүңө алып кала бер" деп чыгып кеттим. Кээде циркке, спорт клубдарына гүл таштап кеткен мырзалар болот. Аларды сыйлайм. Бирок кымбат баалуу белектерди кабыл албайм.

Аида цирктен тышкары фитнес, кроссфит боюнча машыктыруучу болуп эмгектенет.
Аида жаа атуу номери менен дүйнөгө таанылып, келишим менен Германия, КЭР, Италия, БАЭ, Франция өлкөлөрүндө иштеп келген.

Гүлжамал Абылкасымова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  8 
Комментарийлер(8)
22.01.2019. 09:32 
Тайпасы:
Жаран
Комментарийлердин саны:
10
Катталган:
14-12-2018
Соӊку аракети:
07-04-2020 09:24
Жынысы:
Белгисиз
+6
Азамат онорун оркундой берсин
22.01.2019. 10:43 
Тайпасы:
Кыймылы жок
Комментарийлердин саны:
11
Катталган:
02-08-2018
Соӊку аракети:
07-06-2019 13:07
Жынысы:
Белгисиз
+11
Мага тиесинби озум эле алайынчы сага кымбат балуу нерсеге акчам деле жок бирок
22.01.2019. 12:39 
Тайпасы:
Жаран
Комментарийлердин саны:
961
Катталган:
06-02-2017
Соӊку аракети:
06-04-2020 21:54
Жынысы:
Белгисиз
+9
Ушундай атактуу кыргыз кызын суйбогон кыргыз жигиттери аман болгула.
22.01.2019. 16:16 
Тайпасы:
Жаран
Комментарийлердин саны:
13
Катталган:
21-01-2019
Соӊку аракети:
27-10-2019 04:44
Жынысы:
Белгисиз
+6
30дун кырын ашыптырсыз уй було кутуп турмушка чыгыныз,Цирктин койгойу м журмонуз каарып кетесиз....
23.01.2019. 00:59 
Тайпасы:
Кыймылы жок
Комментарийлердин саны:
23
Катталган:
29-04-2017
Соӊку аракети:
23-04-2019 09:36
Жынысы:
Белгисиз
+3
Ушунча оз кесибин суйгон адамдар болот э тобоо буту канап ооруса да цирк деп журуптур.
23.01.2019. 02:40 
Тайпасы:
Жаран
Комментарийлердин саны:
4
Катталган:
11-01-2017
Соӊку аракети:
07-04-2020 01:51
Жынысы:
Белгисиз
+2
Лотого акчасын уттуруп тороп жиберген экен да апасы.
23.01.2019. 10:19 
Тайпасы:
Жаран
Комментарийлердин саны:
98
Катталган:
28-01-2014
Соӊку аракети:
04-04-2020 09:30
Жынысы:
Белгисиз
Калаасы:
Бишкек
+1
Азамат кыз экенсин!Ийгилик!
23.01.2019. 10:29 
Тайпасы:
Жаран
Комментарийлердин саны:
56
Катталган:
15-05-2013
Соӊку аракети:
14-01-2020 20:11
Жынысы:
Белгисиз
0
Ошондо Автандил ырчынын клибине катышкан кызбы? Сулуу кыз эле. Же башка дагы буту менен жаа тарткан кыздарыбыз барбы?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23792;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: