Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Апасынан айрылып, фостерге жайгаштырылган кыздардын таежеси: «ЖЭЭНДЕРИМДИН АЛЫП КЕТЕСИҢБИ ДЕГЕН ҮМҮТТҮҮ КӨЗДӨРҮ ЖҮРӨГҮМДҮ ООРУТУП ЖАТАТ»

№846 18-24-январь, 2019-жыл


8 жашар Толгонай менен 4 жаштагы Бурул. Бул кыздарга окшоп эч бир бала ата-энесин жоктоп, белгисиздиктин торунда калбаса экен дейбиз. Бирок тилектен башка күчүбүз жок экен. Жакшылыктан үмүттүү, апасын көргөнгө зар болгон наристелердин катарына Толгонай менен Бурул өткөн жылдын октябрь айында кошулушту. Алардын апасы мүмкүнчүлүгү чектелгендердин арабасында каза тапты. Апасынын оор тагдыры, аз камсыз болгон үй-бүлөлөрдүн катарынан орун алган алардын таежесинин абалы тууралуу кеп уланат.

“КЫЗДАРДЫ АЛЫП БАККЫМ КЕЛЕТ, МАГА АЛАРДЫН АКЧАСЫНЫН КЕРЕГИ ЖОК”

Кыздардын ата-энеси ЗАГСка катталышкан эмес. Ошондуктан кыздар апасынын фамилиясын алышкан. Кыздардын апасы Гүлзат Төрөгелдиева экинчи кызын төрөгөндөн кийин оорудан айыга албай каза тапты. Бул тагдыр тууралуу эки жыл бою сиңдисин кыздары менен кошо багып келген Элиза Төрөгелдиева айтып берди:

– Биз Ысык-Көл облусуна караштуу Жети-Өгүз районунун Кызыл-Суу айылында турабыз. Мен 18ге чыкканда апам инфаркттан каза болгон. Сиңдим, атам үчөөбүз жашачубуз. Атам ичкиликти жакшы көргөн адам эле. Ал менин колумда жүрүп 4 жыл мурун рак илдетинен улам каза тапты. Сиңдим экөөбүз да үй-бүлө күттүк. Бирок сиңдим Гүлзаттын жашоосу татаал болуп калды. Анын жолдошу да көп ичкен адам. Билинбей экөө 20 жылдай чогуу жашап коюшуптур. Бирок никесин расмий катташкан эмес. Гүлзат “катталып коёлу” деп бир канча ирет айтса да, күйөөсү барбай койгон экен. Гүлзат муну айтып бир ирет ыйлаган эле. Экөө кеч балалуу болушту. Азыр улуу кызы 8, кичүүсү 4 жашта. Сиңдим экөөнү тең кесарево жолу менен 7 айлык кылып төрөдү. Ортодо бир эркек баласы төрөлө электе чарчап калган. Ай-күнүнө жетип, Гүлзаттын толгоосу башталганда ооруканага алып бара турган эч ким жок болуп калып сиңдим кыйналып калган. Жолдошу келип төрөт үйүнө алып барганда врачтар “бала чарчап калыптыр. Өзүн сактап калыш керек” дешип ал баланы да кесарево жолу менен алышкан. Гүлзаттын кан басымы жогору болгондуктан врачтар кичүү кызын төрөгөнгө тыюу салышкан. Ага карабай сиңдим күйөөсүнө төрөп бергиси келген. Экинчи кызын төрөгөндө күйөө балам кыз төрөгөнү үчүн жээрип, ооруканага кызын көргөнү барбай койгон. Сиңдим күйөө баланын өзүн сабай турганын айтып берчү. Айрым учурда "уруп жатат" деп мага качып келип жүрдү. Өзү төрөттөн кийинки депрессияга кабылып, күйөөсүнүн кылыгына капаланып кыйналып жүрдү. Бир күнү басып баратып эсин жоготуп кулап, башы цементке тийген экен. Ошондо биринчи жолу инсультка кабылды. Бир айга жетпей кайрадан инсультка кабылып, ошол бойдон баса албай 1-топтогу майып болуп калды. Оорулуу адамдын эч кимге кереги жок экен. Анын үстүнө күйөөсүнө “аялың тамагыңды жасап, кириңди жууп бере албаса...” дегендер табылды. 2 жылдан кийин экөө ажырашып, сиңдим балдары менен менин үйүмдө жашап калды. Биздин үй-бүлөдө 6 адамбыз. Жолдошум, 4 балам бар. Үй-бүлөм менен айылдагы бирөөнүн 2 бөлмөлүү времянкасында айына 500 сом төлөп жашайбыз. Айылдыктар үчүн 500 сом дагы жакшы эле акча.

“АЗ КАМСЫЗ БОЛГОН ҮЙ-БҮЛӨЛӨРДҮН КАТАРЫНДАБЫЗ”
– Сиңдим акыркы демине чейин айыгып, кыздарынын жанында, аларга өзү жөлөк-таяк болуп жашай турганына ишенди. Бирок ажалга айла жок экен. Колумдан келишинче жалгыз бир тууганыма кам көрүүгө аракет кылдым. Мындан ашыгын кылууга социалдык абалым жол берген жок. Кыздар болсо, апасынан айрылганы аз келгенсип, чогуу жашап көнүп калган бизден да алыстап калышты. Алар азыр убактылуу фостерде (убактылуу багып алуучу үй-бүлө) багылып жатышат. Биздин үстүбүздө үйүбүз жок болгондуктан кыздарды бизге беришпейт экен. Апасы каза болгондон тартып жээндеримди өзүмө алуу үчүн аракет кылып жатам. Жалгыз Гүлзатымдын элеси болгон эки кызды интернатка жиберип коюп карап отура албайм. Кыздар болсо мени апа, жолдошумду ата дешет. “Апа, бизди качан алып кетесиңер?” деп үмүттүү көздөрү менен караганы жүрөгүмдү оорутуп жатат. Улуу кызынын акыл эси артта калган деген маалым каты бар, 4 миң сом пенсия алат. Апасы каза болгондугуна байланыштуу пенсия берүү токтотулуп, кыздар фостерге жайгаштырылган.

Өзүмдүн 4 балам бар. Төртөө тең жакшы окушат, кошумча ийримдерге барып, олимпиадаларга катышып жатышат. Кыздарды аларга кошуп багып, жакшы тарбия бере алмакмын. Мени "аларга берилчү жөлөк, пенсиясы үчүн алгысы келип жатат" деп ойлогондор болушу мүмкүн. Бирок мага ал акчанын кереги жок.

Кыздардын атасы да аларды алып багам деп чуркап жүрөт деп уктум. Ал кыздарды бага аларына көзүм жетпейт. Биздин азыр үй ала турган шартыбыз жок. Бирок аларды өзүмө алганга аракет кылам.

Жолдошум курулушта иштеп жумушу жакшы болгондо бир айда 15 миң сомдой алып келет. Мен буга чейин мектепте пол жууп иштедим. Сезон учурунда талаага бирөөнүн жерине иштей калабыз. Азыр үйдө элемин. Акыркы жылдары сиңдимди карап колум мурдагыдай бош болбой калды. Өзүмдүн сүрөтчү, саймачы, куракчы, узчулук өнөрлөрүм бар. Буюрса, үйдөн чакан ишкана ачуу максатым бар. Бирок ал да каражатка такалып жатат. Өзүбүз аз камсыз болгон үй-бүлөлөрдүн тизмесиндебиз. Ар бир балама 800 сомдон жөлөк пул алам. Жер үлүшүн алуу боюнча 256-кезектемин. Жер берилип калат деген ыктымалдуулук аз. Минтип жерибиз да, малыбыз да жок. Азыр балдарыбызды окутуп, билимдүү кылып алсак, үмүтүбүз балдарыбызда. Айылдагы карапайым үй-бүлөлөрдү көрүп жүрөм. Балдары чоңоюп, иштеп багып, үй да салып берип жатышат. Бирок мен Толгонай менен Бурулду өзүмө алуу үчүн жакын арада шартымды жакшыртып, үйлүү болушум керек болуп жатат. Менин маселеме кайдыгер карабай жардам берчү адамдар табылабы деген үмүтүм зор.

"Толгонай менен Бурул апасы менен акыркы эки жылда ушул үйдө биз менен чогуу жашашкан".
"Үйдө сиңдимдин жаш кезинде менин балдарым менен түшкөн ушул эле сүрөтү калыптыр".

Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(9)
22.01.2019. 17:32 
Тайпасы:
Жаран
Комментарийлердин саны:
524
Катталган:
19-12-2018
Соӊку аракети:
18-08-2020 21:36
Жынысы:
Белгисиз
+4
Ушундай бечараларга жардам бериш керекго окмот
22.01.2019. 18:21 
Тайпасы:
Жаран
Комментарийлердин саны:
2
Катталган:
04-02-2018
Соӊку аракети:
26-11-2020 02:00
Жынысы:
Белгисиз
+12
Айылда турушса,айылдын четинен жерди болуп берип коюшса болмок.ал учун да кезек куттурбой.анан оздору там салышмак кайрымдуу адамдардын жардамы мн.биздин айылда ошентип эле болушуп беришкен.курук жерди эмне аяшат
26.01.2019. 23:45 
Тайпасы:
Жаран
Комментарийлердин саны:
50
Катталган:
08-07-2016
Соӊку аракети:
24-11-2020 22:57
Жынысы:
Белгисиз
+1
Tigr1, Курук жер жок, азыр бут жер сатылып кеткен жана ээлери бар
23.01.2019. 00:59 
Тайпасы:
Жаран
Комментарийлердин саны:
62
Катталган:
28-11-2011
Соӊку аракети:
25-10-2020 11:15
Жынысы:
Белгисиз
-8
4балалуу болгуча иштешпейби биринчи???? 1-2 тууп анан белди беккем бууп эл кеткен жака барып иштеп уй алып анан балалуу болуш керек го..план кылып торошу керек да
23.01.2019. 01:34 
Тайпасы:
Кыймылы жок
Комментарийлердин саны:
9
Катталган:
23-12-2018
Соӊку аракети:
19-09-2019 18:45
Жынысы:
Белгисиз
+2
Аракет кылыш керек элдин колун карап олтурбай.
23.01.2019. 11:31 
Тайпасы:
Кыймылы жок
Комментарийлердин саны:
23
Катталган:
01-07-2016
Соӊку аракети:
16-06-2019 17:59
Жынысы:
Белгисиз
+2
Оа окмот жардам бериш керек
23.01.2019. 16:56 
Тайпасы:
Кыймылы жок
Комментарийлердин саны:
7
Катталган:
23-01-2019
Соӊку аракети:
13-04-2020 12:20
Жынысы:
Белгисиз
+1
Окунучтуу тагдыр экен.
26.01.2019. 03:10 
Тайпасы:
Кыймылы жок
Комментарийлердин саны:
68
Катталган:
18-02-2018
Соӊку аракети:
07-08-2019 17:57
Жынысы:
Белгисиз
+1
Сабырдуу болунуз. Албетте кыздарга башкасы апа боло албайт. Жакшы аракетк ыла баштапсыз. Куйоонуз эч нерсе дебнсн болду. Анан азыр чындыгында акча да. Чуркасан да. Чуркабасан да. Кыздарга жаман болуптур. Не дейбиз. Кучтуу болунуз эже.
28.01.2019. 05:58 
Тайпасы:
Кыймылы жок
Комментарийлердин саны:
14
Катталган:
29-09-2018
Соӊку аракети:
09-03-2020 11:42
Жынысы:
Белгисиз
+1
Айылда уйду да акчага берип олгон го ,биз уйду карап жашап бергиле деп кетсек ,ичиндеги Темир (отопление) баарын чыгарып сатып качып кетиптир
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24796;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: