Архив
897   898  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

АКШда банкта иштеген кыз: «БИЗ СЫРТКЫ КӨРҮНҮШТҮ КООЗДОЙБУЗ, АМЕРИКАЛЫКТАР АҢ-СЕЗИМИН БАЙЫТЫШАТ»

№845 11-17-январь, 2019-жыл


27 жаштагы мекендешим Толгонай Калмурат кызы АКШдагы алдыңкы 4 банктын биринде иштейт. Ал Кыргызстанда гуманитардык жаатта билим алган. Мекендешим аракет жана каалоо бардык максатка жеткирери тууралуу кеп кылды. Америкалык кыялдарды багып жүргөн окурмандарга күмүш сырга. Толгонай тажрыйбасы менен бөлүшөт.

“БИЗДЕ ДА ТАТЫКТУУ БИЛИМ БЕРИЛЕРИНЕ КӨЗҮМ ЖЕТТИ”

– Мен 1991-жылы Талас облусунда төрөлгөм. Талас шаарындагы “Сапат” лицейинде окудум. 10-класста Анкарада өткөн түрк тили боюнча эл аралык олимпиадада 102 өлкөдөн келген катышуучулардын арасынан биринчиликти алып, алтын медаль тагынганым алгачкы ийгилигим. Кийин Эл аралык Ала-Тоо университетинде англис тилинен синхрондуу котормочу адистигине ээ болдум. Студенттик кезде түрктөрдүн “Атам жана уулум” деген тасмасын кыргызчага которуп, аны Түркиядагы жана АКШдагы кыргыздарга көрсөткөм. Ошондо алгачкы ирет АКШга келип, бул жактан келечегимди түптөө үчүн жакшы шарттар бар экенин көрүп, окуумду ушул жактан улантууну кыялданып койгом. Азыр ошол максатыма карай баратам.

АКШга 2016-жылы өзүм эле келгем. Бул жакта жакын курбуларым бар болгондуктан көп кыйынчылыкка дуушар болгон жокмун. Жашай турган жеримди да таап беришти. Мен жашаган шаарда эч бир коомдук транспорт жүрбөйт. Өзүм жеңил унаалуу болгонго чейин кыздар мени жөө калтырышкан жок. Жумуш да оңой табылды. Алгачкы 1,5 жыл сувенир, белектерди саткан дүкөндө кассир, мейманканада ресепшионист болуп иштедим. Кийин алдыга жылуу үчүн жакшыраак жумуш издеп, “Уеллс Фарго” банкына кардарларды тейлөө адиси болуп жумушка орношуп калдым. Менин экономикалык билимим жок. Ага карабай эле ачык вакансияга күчүмдү сынайын деп тапшырып койгом. Компания ылайыктуу кадрларды тиешелүү билими жок болсо да жумушка алып, өздөрү окутуп иштетишет экен. Бул өлкөдө жогорку билимдүү болуу чоң жетишкендик болуп саналат. Кыргызстандагы билимиңиз менен эле жергиликтүүлөр менен тең тайлаша иштей алат экениңизди белгилегим келип жатат.

“УКУГУМ КОРГОЛГОН, АДИЛЕТТҮҮЛҮККӨ ИШЕНИМ БАР ӨЛКӨДӨ ЖАШАГЫМ КЕЛЕТ”

– Өз мекениме эч бир жерди салыштырбайм. Бирок чет жакка чыкканда андагы жетишкендиктерди көрүп, бизде мындан мыктысы болсо деп кыялданат экенсиң. АКШга келгенде алгач айлананын тазалыгы жана элдин жөнөкөйлүгү көзүмө урунган. Коом бардык улуттарды, диндерди, адамдын эркиндигин, чечимдерин, пикирин сыйлайт. Мүмкүнчүлүгү чектелген адамдарга жакшы кам көрүлөт. Алар өздөрүн кем сезбеши үчүн мамлекет ар бир мекемеден аларга шарт түзүүнү мыйзам чегинде талап кылат. Айрым мисалдарга токтолсок: унаа токтотуучу жайдын алдыңкы орундары алардыкы, коляскадагылар үчүн атайын ылдый орнотулган банкоматтар бар, өзүнчө дааратканалар, мейманканада атайын жабдылган бөлмөлөр бар. Көзү азиз адамдарды мамлекет атайын үйрөтүлгөн иттер менен камсыздайт. Алар өзгөчө кызматтагы үй жаныбары деп аталып, атайын даярдыктардан өтүшөт, паспорттору бар.

Учурда биз гендердик тең укуктуулукка умтулуп жатпайбызбы. Бул теңдикти АКШда толук кандуу көрүүгө болот. Күнүмдүк жашоодон эле мисал: аял киши оор жүк көтөрүп баратса, эркек жардам бербейт, карап тура берет. Аялдар өздөрү да “мен теңмин, мен баарын өзүм жасай алам” деп теңдикке умтулушат. Ошол эле учурда үйдө идиш, кир жууп, тамак жасаган эркектерди көрүү көнүмүш.

Биз сырткы көрүнүшүбүздү заманбапташтыруу менен көп алектенет экенбиз. Бул жакта аң-сезимди өстүрүүгө аракет кылышат. Мисалы, бир аз ашык акчасы болсо дагы бир көйнөк сатып албай, кандайдыр бир курстарга жазылышат.

Эл “биз эң мыктыбыз” деп ишенип жашашат. Өзүн-өзү сыйлаганды башкалар да сыйлайт эмеспи.

Бул мамлекетте ар бир адис өз ишин сыйлап, мамлекетке салык төлөп пайда алып келип жатам деп сыймыктанып иштейт. Жергиликтүү өндүрүшчүлөр чыгарган буюм-тайым, азык-түлүктөрдү сатып алып, экономиканын өсүшүнө салым кошуп жатканына кубанышат. Бул да патриоттуулуктун бир белгиси.

Кыргызстанда эң чоң көйгөй – коррупция экендиги жана ал “жогорудан” башталып жатканы талашсыз. Мен укуктарым корголгон, менин баштаган иштериме кам көрө билген жана адилеттүүлүккө ишеним бар өлкөдө жашагым келет.

“АТАЛАР ДА ДЕКРЕТТИК ӨРГҮҮГӨ ЧЫГЫШАТ”

– Мен иштеген компаниядагы шарттар тууралуу айтсам, банк кызматкердин үй-бүлө мүчөлөрүнүн баарын медициналык жактан камсыздандырат. Бир жылда 12 мамлекеттик майрам бар. Бул күндөрү иштебейбиз. Бирок иштеген күн катары акы төлөнөт. Кызматкерлерге бала бакчаларда, учак билеттерине, телефон кызматына, соода борборлорунда, ресторандар, отелдерде арзандатылган баалар каралган.

Татаал маселе менен жалгыз калбайбыз. Олуттуу маселе жаралса, кесиптештер чогула калып чечкенге жардам беришет. Каржы маселесинде көмөк көрсөтүү үчүн банкта ички фонд бар. Психологиялык жардамды 24 саат бою ала алабыз. Айымдарга 4 ай акылуу декреттик өргүү берилет. Кызыгы, мындай өргүүгө аталар да чыга алышат. Аталар балалуу болгондо 3 ай акылуу ата-эне болуу өргүүсүн алышат. Ишканалар кызматкерин акылуу эмгек өргүүсүнө чыгарууга мажбур эмес. Бирок ири ишканалар кызматкерлерине иштеген тажрыйбасына жараша 1 жылда 18-34 күн акылуу өргүү беришет. Бизде да ошондой.

“ПОЛИЦИЯ КЫЗМАТКЕРЛЕРИНИН ТЕКШЕРҮҮ УКУКТАРЫ КЕҢЕЙТИЛДИ”

– Президент Дональд Трамп өлкөнүн миграциялык системине реформа киргизүүгө аракет кылууда. Миграция боюнча ал сунуштаган мыйзам долбоору кабыл алынса, келечекте АКШга келүү кыйын болот. Ал мыйзамда, “Грин кард” лотереясын алуунун эрежелерин татаалдаштыруу дагы каралган. Дональд Трамптын көз карашында, АКШга туугандары аркылуу же лотерея утуп алгандар эмес, тил билген, билими бар, татыктуу иштеп өзүн камсыз кыла ала турган адистер келиши керек. Мындай ыкма менен ал улуттук коопсуздук сакталат деп ишенет. Президенттин аракети өлкөгө мыйзамсыз киргендерге, өзгөчө Мексика чек арасы аркылуу мыйзамсыз келип жаткандарга каршы күрөшүүгө багытталган. Мындай мыйзам кабыл алына элек болсо да, полиция кызматкерлери мигранттардын өздүгүн катуурак текшерип баштагандыгы байкалат.

Америкалык тасмаларды көрүп жатканда бул жактагы жашоо жомоктогудай сезилиши мүмкүн. Бирок АКШга келүүнүн да бир кыйла каржылык, психологиялык жактан кыйынчылыктары бар. Ошондуктан алгач алдыңарга “мен АКШга эмне максат менен баргым келет?” деген суроону коюп, жооп таап, максатыңарды так белгилеп алгыла деп кеңеш бермекмин. Тилди өздөштүрүп келүү убакыт менен каражатты үнөмдөйт. Ар кандай жумушта иштеп калышыңыз мүмкүн экендигине психологиялык жактан даяр болуңуз. Ал эми бул жактагы кыргыздар Кыргызстандагыдай эле боорукер, пейили кенен. Бири-бирибизди колдоп, кыйын күндө кол узатканга аракет кылабыз. Ар бириңиздерге максаттарыңыздарга жетүүңүздөрдү каалайм. Бирок ошол максат өз өлкөбүзгө да пайда алып келгендей болушун каалайм. Менин да мекениме кайрылып пайдам тиер күнүм бар.

“Уеллс Фарго” – Пуэрто-Рико, Канада, АКШда каржылык жана камсыздандыруу кызматтарын сунган ири банк. Компания 1852-жылы Калифорнияда ишкерлер Генри Уэллс жана Уильям Фарго тарабынан түзүлгөн. Рыноктук капитализация боюнча дүйнөдөгү ири компаниялардын бири, 2015-жылы баасы 300 миллиард долларды түзгөн. Чоңдугу боюнча АКШдагы банктардын арасынан төртүнчү орунда, АКШнын эң кымбат компанияларынын тизмесинде жетинчи орунда.

"Сүрөт тартканды да жактырам".
"Бош убактымда ар кандай иш-чараларга барып турам. Бул сүрөттө Американын аба күчтөрүнүн көргөзмөсүн жана аба оюндарын көргөнгө баргам".
"Панама-Сити Бич деген шаарда туристтердин көңүлүн бурчу "Wonderworks" деген оюн-зоок борбору бар".

Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(7)
15.01.2019. 09:41 
Тайпасы:
Жаран
Комментарийлердин саны:
58
Катталган:
04-09-2016
Соӊку аракети:
10-01-2020 06:40
Жынысы:
Белгисиз
+5
Молодец! Кайсыл штат кайсыл шаар? Мен Массачусетсте жашайм, иштейм, мени фейсбукка кошуп койчу. Азыркы жумушун эмне деп аталат? Инвестиция фонд болумундо иштейсинби? Ошолор майрам куну да иштешет.
15.01.2019. 15:11 
Тайпасы:
Жаран
Комментарийлердин саны:
52
Катталган:
27-06-2018
Соӊку аракети:
22-01-2020 21:35
Жынысы:
Белгисиз
0
Азамат, ишине ийгилик!!!
15.01.2019. 16:25 
Тайпасы:
Жаран
Комментарийлердин саны:
64
Катталган:
06-05-2014
Соӊку аракети:
23-01-2020 04:36
Жынысы:
Белгисиз
+5
эркектер декретке чыккан закон бизде деле бар
15.01.2019. 16:44 
Тайпасы:
Жаран
Комментарийлердин саны:
2
Катталган:
10-12-2018
Соӊку аракети:
21-01-2020 20:47
Жынысы:
Белгисиз
0
КАнтип байланышсак болот экен
15.01.2019. 18:41 
Тайпасы:
Жаран
Комментарийлердин саны:
114
Катталган:
03-12-2018
Соӊку аракети:
03-12-2019 15:08
Жынысы:
Белгисиз
+4
Мен да кызымды Америкага жашатсам деп кыялданам.Озум корбосом да кызым корсун жакшы жашоону.Ийгилик сага синдим!
16.01.2019. 14:55 
Тайпасы:
Жаран
Комментарийлердин саны:
113
Катталган:
15-06-2011
Соӊку аракети:
22-01-2020 00:23
Жынысы:
Белгисиз
Калаасы:
Бишкек
0
Үй бүлөсү жөнүндө айтпаптыр го. Ал жакта жигитиби күйөөсүбу бар эле чогуу жүргөн сүрөттөрүнөн көрдүм эле. Жакшынакай кыз экен бирок...
18.01.2019. 22:17 
Тайпасы:
Кыймылы жок
Комментарийлердин саны:
93
Катталган:
28-04-2013
Соӊку аракети:
22-01-2019 22:06
Жынысы:
Белгисиз
Калаасы:
South Korea
+2
Туркчо "Атам жана уулум" деген жакшы которулган. Ишинизге ийгилик! Чет жакка чыксан ушундай эжелердин жардамы коп тиет. Ден соолукта болунуз!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23503;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: