Архив
897   898  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Кенже Дүйшеева, ырчы: «БАРДЫК КЫЯЛДАРЫМА КЫЙЫНЧЫЛЫК МЕНЕН ЖЕТКЕН АДАММЫН»

№845 11-17-январь, 2019-жыл


“Ойлонуп көрөйүнчү”, “жообун эртең берейинчи...” деген жооптор бул ырчыга тиешелүү эмес, болсо болду, болбосо жок деген жооп угасың. Үй-бүлөсү тууралуу сүйлөсө көздөрү жайнап, чыгармачылыкка келгенде олуттуу тартып, оюн так билдирген, сөз баркын билген Кенже Дүйшеева болду маектешим.

СИЗ АКЫРКЫ ЖОЛУ...

... уккан ыр?

– Мааниси терең “Жан досум” деген чыгарма.

... көргөн кино?

– “Ак кеме” тасмасын көрдүм.

... окуган китеп?

– Төлөгөн Касымбековдун “Сынган кылычын” кайталап окудум. Стартта Чыңгыз Айтматовдун “Тоолор кулаганда” романы турат.

... уккан таасирдүү сөз?

 – Болбойт деген нерсе болот.

... уккан жагымсыз сөз?

– “Катуу ооруп, анан чачын алдырып салыптыр” деген сөз. Бир чети күлкүлүү, бир чети таң калычтуу, бир чети жагымсыз болду.

... саякаттаган өлкө?

– Таиланд.



– Кенже эже, Жаңы жылыңыз менен! Жыл жаңырып, өткөн жылга жыйынтык чыгардыңызбы? 2018-жыл эмнеси менен эсиңизде калды?

– Чоң рахмат! Албетте, ар бир адам артка бир кылчайып, өткөн өмүрүнө саресеп салат. Былтыркы жылы эсимде калган маанилүү окуялардын бири – кызым мектеп босогосун аттады. Бул биздин үй-бүлө үчүн жоопкерчиликтүү, жүрөк кубанткан, өзгөчө окуялардын бири болду. Дагы бир эсте каларлык учур – көбүрөөк курулуш иштерине аралаштым. Аралаштым дегенде кандай, жолдошум экөөбүз үй салып баштаганбыз, куруучуларга тамак жасап ашпозчу болуп үйдө көп убакыт кармалдым. Негизгиси жыл жакшылыктары менен гана эсте калды

– Кызыңыз Томирис Бишкектеги англис тилине басым жасаган мектептердин биринде окуйт деп жаттыңыз эле, окуулары кандай?

– Томирис негизи кичинекейинен эле кыргыз, казак, орус тилинде сүйлөп чоңойду. Бүгүнкү замандын талабына ылайык мектепке берүүгө туура келди. Окуусун өтө жакшы деп айтпайм, бирок жаш кезде баарын бат кабыл алат эмеспи, аракет кылып окуп жатат. Байкашымча, чыгармачылыкка жакын болот окшойт. Кайсы жаңы ырлар чыгып жатканы менен кабардар болуп, угуп калат. Былтыр кайда жүрбөсүн Мирбек Атабековдун “Мурас” ырын укту. Өзү да айтып калат “апа, мага эң жаккан ырчы Атабеков” деп.

– Жаңы жылдык берүүлөрдөн сиздин ырдаганыңызды байкаган жокмун. Тартылууга чакыруу болбодубу же Алматыда болуп келе албай калдыңызбы?

– Туура баамдаптырсыз. Мен негизи кайталанууну жактырбайм. Жаңы жылда жаңы, өзгөчө чыгармалар жаңырышы керек. Бир ыр, бир форма менен бардык телеканалдан чыгуу мен үчүн эмес. Бир канча берүүгө тартылсам, ошончо ыр, ырга жараша форма жана башка жасалгалар менен чыгышым керек. Бул менин көрүүчүлөрдү сыйлоо талабым. Бир гана көгүлтүр отко катышам деп ойлогом, бирок убактысына жетишип келе албай калдым. Быйыл гана жаңы жылдык берүүлөргө катышкан жокмун. Жаңы жылга сапаттуу ырлар, ага жараша өзгөчө клиптерди тартам деп камданып турган чагым, буюрса, баары бышып-жетилип турат. Өзүмө койгон талаптарды “Жебенин” жигиттерине да акырындан сиңирип келе жатам.

– “Жебе” демекчи, жигиттер өз-өзүнчө ырдап чыгышканы “топ тарады” деген кептин тарашына алып келди окшойт?

– Топтун жигиттери менен 5 жылдык келишимде иш баштаганбыз. Келишим бүтсө да бири-бирибизди кыя албай жүрүп, 7 жыл өтүп кетти. Жеке ырчы катары чыкканга багыт бердим, жыйынтыгы жаман болгон жок, жакшы ырлар жазылды, клиптер тартылды. Анын үстүнө балдарды бир жерде мыкчып кармап отургум келбейт, өзүмчүл болбош керек, ар бири жеке ырчы катары өсүп, түйшүктү өз жон териси менен сезсин дедим. Азыр эки эсе сыйга ээ болуп отурам, бул да болсо балдардын менин эмгегимди түшүнүп, баалай билгенинен деп ойлойм. Балдарга айттым, “баары бир силерге көз салып, кеп-кеңешимди айтып жаныңарда болом” деп. Буюрса, февраль айында “Жебенин” жаңы курамын эски курам менен биргеликте тандайбыз.

– “Чындык – менин досум” деп айтып келесиз. Чынчылдыгыңыздан көбүрөөк пайда табасызбы же жапа чегесизби?

– Эмнегедир көбүрөөк жапа чегет экенсиң. Жакшы жагы, чындык сени дайыма жандап жүрсө уйкуң тынч болот. Көрүп-билип турган нерсемди бурмалай албайм. Кээде байкап калам, дос-тууган болобу, мага бир нерсени айтарда абайлап калышат. Башында оор тийсе да, кийин түшүнүп рахмат айтышат.

– Инстаграм баракчаңызга кимдир бирөөгө “Сен менин окулуп бүткөн китебимсиң. Мени каралаганыңды токтот...” деген таризде билдирүү калтырдыңыз. Дагы деле тынчыңызды алгандар болуп жатабы?

– Мен ушундай мүнөздөгү адаммын, артка кылчая бергенди жактырбайм. Алдыда андан да кызыктуу окуялар, күчтүү китептер күтүп турат. Өзүн өтө бийиктемин деп ойлоп, ошол ордунан түшө албай убара болгондор бар. Бирок бийиктик деле убактылуу нерсе экенин түшүнүү керек. Бизнестеби, чыгармачылыктабы бардык нерсе келип-кетет, бирок адамдык сапат, тарбия, кечиримдүүлүк деген нерсени адам өзүнө сиңирип, колдонушу керек. Муну мен жакшы түшүнөм, анткени сени курчап турган чөйрө сенин ар бир жасаган нерсеңе көнүп калат экен. Топтогу жигиттерди “жеке иштегиле” дегеним да аларга сабак болсун деген кадам болду. Бүгүн болбосо эртең сөзсүз түрдө өзгөрүү келет, ошондо бардыгына даяр болуп, кыйынчылыктын баарын керт башы менен сезе билишсин.

Мен үчүн окулуп бүткөн китепке айланса да, мени каралоонун үстүндө жүргөн адамдар бар. Бүгүнкү күндө алар мен үчүн көнүмүш эле болуп калды. Артка кылчайгым келбейт. Анткени мени алдыда андан да түйшүктүү жаңы муун, жаш таланттар менен иштешүү күтүп турат.

– “Оңой жеткен кыял – кыял эмес” деген ойго кошуласызбы? Кыялдарыңыздын баары эле орундалып келе жатабы?

– Кыялдын 50 пайызы орундалса, көбүнө жеттим деп кубаныш керек. Кээ бирлер оңой жетет, кээ бирлер оор. Бала кездеги кыялдарымдын айрымдары орундалды десем болот. Жаш өйдөлөгөн сайын кыялдардын мааниси да өзгөрүп, жетик, маңыздуу, токтоо нерселер орун алат экен. Кыялга акырындап, мээнетиңди төгүп жетсең баалуу болот го дейм. Мен бардык кыялдарыма кыйынчылык менен жеткен адаммын. Бул күндөр мага оңойго келген жок.

– Коомдук маселеге кайрылсак, акыркы убакта жаш балдарга карата зордук-зомбулуктун көбөйгөнү байкалат. Канткенде токтотууга болот деп ойлойсуз?

– Жүрөгүмдөгү көйгөйлүү маселени козгоп турасыз. Акыркы күндөрү интернет булактарына көп баш баккым келбей калды. Жаш наристелердин зомбулукка кабылганын билсем ушунчалык жаным ачып, айласыздыктан ыйлап алам. Ошол окуяны кечке акылымдан чыгара албай, көпкө чейин жүрөгүмдө кармап ызаланып калган учурлар болот. Өтө өкүнүчтүү жагдай, жеткен акмакчылык. Тезинен чара көрүш керек. Балким, мен тарабынан одоно айтылып жаткандыр, бирок жаш балага ырайымсыз мамиле кылган адамга өлүм жазасын киргизиш керек. Башка кызыкчылыктарга маани берип, жаш балдарды унутта калтыргандайбыз. Аруу наристелер зордукка кабылганы дүйнөнү караңгылык каптап, жамандык көбөйгөндөй сезилет. Ошол кордук көрүп чоңойгон балдардан кийин “мага деле ушундай мамиле болгон, демек, мен да жасайм” деп кылмышты уланткан муун чыксачы? Ушул темада чыгармачыл чөйрө деле козголуп, зомбулукту токтотуунун кандай жолдорун тапсак болот деген маселени көтөрсөкпү деп ойлонуп жүрөм.

– Маегибиздин аягында күйөрмандарыңызга жаңы жылдык каалоо айта кетсеңиз.

– Журтубуз аман болуп, мамлекетибизде тынчтык болсун. Желегибиз дайыма көктө желбиреп турсун. Жаңы жылыңыздар менен!

– Жаңы жыл сизге да ийгиликтерди алып келсин!

Асыл Орозбекова
Адилет Бектуров
star@super.kg



Кенже Дүйшеева: "Кыялдарыма кыйынчылык менен жеттим"

Автор: Айжан Нурманбетова
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(18)
15.01.2019. 10:48 
Тайпасы:
Жаран
Комментарийлердин саны:
27
Катталган:
13-05-2016
Соӊку аракети:
23-01-2020 11:17
Жынысы:
Белгисиз
-12
Баарына озум жетиштим дебей,сени Кенже кылып атынды чыгарган Гулшаир эжени унутпа,канчалаган талантуулар журбойбу,сени тапталаган,унунду чыгарган эже,анан озун да кыйын экенсин бугунку денгелге жетишип олтурасын,сен да Гулшаир эжедей жаш муундарды чыгарып элге жеткир,Айпери сен менен чогуу чонойгон синдин болду эми ал уй-булоосун бузбу жарашканда,окулуп буткон китептер кайра ачылып кетпесин ,экоонор эс акылынар менен уй-булоонор менен бактылуу бергиле,аллах берген байлык бакытты тутуп кал.
15.01.2019. 12:54 
Тайпасы:
Жаран
Комментарийлердин саны:
53
Катталган:
19-05-2017
Соӊку аракети:
23-01-2020 10:52
Жынысы:
Белгисиз
0
Бир дагы Гулшайыр эжесин эстебептир го. Ал болбосо балким мынчалык даражага жетмек эмес. Бирок кучтуу аял
Super TV
15.01.2019. 13:35 
Тайпасы:
Жаран
Комментарийлердин саны:
406
Катталган:
28-05-2012
Соӊку аракети:
25-01-2020 19:12
Жынысы:
Белгисиз
Калаасы:
нарын
+3
Кыз буракты кыз бурак кылган ушу Кенже болгон экен. ысыгына да куйуп суугуна тонуп гастрольдоп журчу. айылга кыз бурак келиптир деп дуулдап жоноп калат элек.Кенже кеткенден бери Кыз бурактан дайын жок.Гулшайыр эже Кенжеге адилетсиз мамиле кылган деп ойлойм.ошол кезде Айжамалдын жеке концертин откоруп ауди белек кылгансынар Кенжеге эмнеге андай кылган жок?жок дегенде Кенженин апасынын кереезин аткарып жакшынакай кылып куйоого узатып койсо мындай болбойт болчу.
15.01.2019. 15:35 
Тайпасы:
Жаран
Комментарийлердин саны:
390
Катталган:
25-09-2012
Соӊку аракети:
03-12-2019 21:58
Жынысы:
Белгисиз
-23
Башкаларда жок бактым бар деп жар салбады беле.бир кыз тороп алып.Элдер 3-4 кыз эркек тороп атышат.Тээээ илгери ушул маеги жаккан эмес
15.01.2019. 19:46 
Тайпасы:
Тартип бузгандар
Комментарийлердин саны:
758
Катталган:
31-05-2017
Соӊку аракети:
03-08-2019 07:55
Жынысы:
Белгисиз
+13
mahabat.,кырктан ашканда кором силерди удаа удаа тороп жибереринерди
15.01.2019. 20:17 
Тайпасы:
Жаран
Комментарийлердин саны:
943
Катталган:
26-01-2017
Соӊку аракети:
13-01-2020 19:01
Жынысы:
Белгисиз
+10
mahabat.,баланы кудай берет Кенже өзү жасабайт.Бул деле төрөгүсү келет болуш керек.
15.01.2019. 15:49 
Тайпасы:
Тартип бузгандар
Комментарийлердин саны:
758
Катталган:
31-05-2017
Соӊку аракети:
03-08-2019 07:55
Жынысы:
Белгисиз
+20
Кенжеге бакыт каалайм.ХХХХХ отожаман кылып кетирген Кенжени,анан аны эмнеге эстесин. Кенженин козу отуп кеткен ата энесине чейин козгоп жаман маек беришкен суперге. ХХХХ. дагы коп соз айтат элем админ очуруп салат. Ошондо Кенже акылдуулук кылып бир соз жооп каяша кылган жок.
Модератор admin_portal түзөттү 2019-01-15 17:08:29
15.01.2019. 15:51 
Тайпасы:
Тартип бузгандар
Комментарийлердин саны:
758
Катталган:
31-05-2017
Соӊку аракети:
03-08-2019 07:55
Жынысы:
Белгисиз
+27
гульшайыр эженер кыйын экен азыркы кыз буракты эмне чцгарбайт??? ал гана эмес Сайкал деле очуп баратат ко.Кенже кыз бурактан кандай кетти ,кыз бурактын аты ошо замат очту
15.01.2019. 18:28 
Тайпасы:
Жаран
Комментарийлердин саны:
504
Катталган:
03-12-2018
Соӊку аракети:
03-12-2019 15:08
Жынысы:
Белгисиз
+23
Кенже эже шарт суйлогон аял.Мээнетин баалабады окшойт,чын эле Кыз-Бурактын мотору болгон экен да.Оо,бул эже барда дунгуроп популярдуу эле го.Бар болунуз,турмуштан да кечигип,эмгиче неберелуу болмок.Бар болунуз эже!
15.01.2019. 21:39 
Тайпасы:
Жаран
Комментарийлердин саны:
11
Катталган:
09-12-2018
Соӊку аракети:
02-12-2019 10:42
Жынысы:
Белгисиз
+9
Мен аябай талантын сыйлайм. Ишинизге ийгилик бар болунуз.
15.01.2019. 23:07 
Тайпасы:
Жаран
Комментарийлердин саны:
37
Катталган:
05-07-2016
Соӊку аракети:
22-11-2019 23:49
Жынысы:
Белгисиз
+12
Кызбурак келди дегенде аябай суйуунчук ,ал убакта Кенже Д,Айжамал,Гулнара булар кыз бурака экинчи омур берген ырчылар болчу.Азыркы кызбкрактан кыздарын бирин да тааныбайбыз бирин корсон кайра эле экинчиси келет
Super TV
16.01.2019. 00:24 
Тайпасы:
Жаран
Комментарийлердин саны:
14
Катталган:
19-04-2016
Соӊку аракети:
25-01-2020 22:43
Жынысы:
Белгисиз
0
Кенже эже, Казакстандын сулуу КЫз групаларын коруп журот болушунуз керек, КЕШЮ, Амуаж, FM, жана башка- супсулуу -арык, высокий кыздардан турган суппер групалар бар, ошондой группа тузунузчу, сиздин кучунуз келет, Дерзкий-красивый-шикарный группа тузсонуз соонун болот эле, Кыз бурактын кыздары толук, жана средний-сулуу, а сиз именно Шикарные-модельние внешности кыздардан тузсонуз было бы круто.
16.01.2019. 12:03 
Тайпасы:
Кыймылы жок
Комментарийлердин саны:
22
Катталган:
07-06-2016
Соӊку аракети:
28-02-2019 01:41
Жынысы:
Белгисиз
Калаасы:
Тынчтык окум сургон жерде
+5
Озу да созу да кучтуу.Сыйлаганга татыктуу ырчы
16.01.2019. 12:31 
Тайпасы:
Жаран
Комментарийлердин саны:
68
Катталган:
18-02-2018
Соӊку аракети:
07-08-2019 17:57
Жынысы:
Белгисиз
+4
Кучту эже Кенже. Ийгилик каадайм. Уй булолук бакыт
16.01.2019. 22:49 
Тайпасы:
Жаран
Комментарийлердин саны:
175
Катталган:
21-09-2012
Соӊку аракети:
14-01-2020 19:39
Жынысы:
Белгисиз
+7
Садыбакасовага пазор ушунча жыл иштетип алып куйого тийерде бир сом бербей кууп чыкканы ошол учун дагы группанын иши журушпойт.
17.01.2019. 11:48 
Тайпасы:
Жаран
Комментарийлердин саны:
476
Катталган:
03-11-2013
Соӊку аракети:
19-12-2019 14:46
Жынысы:
Белгисиз
Калаасы:
Москва
+1
karona12, Ошондой кылган бекен? Негизи козун мн корбогондон кийин айтыш кыйын.
17.01.2019. 12:58 
Тайпасы:
Жаран
Комментарийлердин саны:
175
Катталган:
21-09-2012
Соӊку аракети:
14-01-2020 19:39
Жынысы:
Белгисиз
+4
aitowa11,ушул супер инфодо айтышка чыгышкан ар бир санында)). Ошондо Кенже Кенже айткан колумдагы телефонуман бери алып койду деп.
18.01.2019. 19:36 
Тайпасы:
Жаран
Комментарийлердин саны:
14
Катталган:
27-07-2013
Соӊку аракети:
23-01-2020 23:34
Жынысы:
Белгисиз
+3
Негизи бетке айткан адамдар элге жакпайт го, элдин бетине жакшы суйлоп аркасынан жамандап турса жарашат, кучтуу айым катары жагат бирок аябай боорукер экен, наристелердин зомбулукка кабылып жатканы менин да журогумду оорутат.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23503;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: