Архив
897   898   899   900   901   902   903   904   905   906   907   908   909   910   911  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ЖУМГАЛДА 47 ЖАШТАГЫ АЯЛ 2 НЕБЕРЕСИ МЕНЕН ӨЛТҮРҮЛДҮ. КЫЛМЫШКЕР ИЗИН ЖАШЫРЫШ ҮЧҮН ҮЙДҮ ӨРТТӨП САЛГАН

№843 28-декабрь - 3-январь, 2019-жыл


21-декабрь күнү Нарын облусунун Жумгал районунда өтө оор кылмыш катталды. Аталган райондун Көк-Ой айылында жашаган 47 жаштагы аял менен анын неберелеринин жансыз денелери өз үйүндө табылды. Бул кылмышка шектелип ошол эле айылдык 29 жаштагы жигит кармалды.

ҮРӨЙ УЧУРГАН КЫЛМЫШ

ИИМдин берген маалыматына ылайык, 2018-жылдын 21-декабрь күнү Нарын облусунун Жумгал райондук ички иштер бөлүмүнө Көк-Ой айылында өрт чыгып, анда үй-бүлө мүчөлөрү каза болгондугу тууралуу маалымат түшкөн. Ыкчам тергөө тобу окуя болгон жерге барып, өрттөлгөн үйдөн 3 адамдын жансыз денесин табышкан. Үйдүн ээси 47 жаштагы А.Э. аттуу аялдын сөөгү өрт чыккан бөлмөдө жана анын 2 небересинин жансыз денелери башка бөлмөдө төшөктө жаткан абалда табылган. Алгачкы иликтөө иштеринин жыйынтыгында үй ээси жана анын 4 жаштагы небереси зордукталып, андан соң муунтулуп өлтүрүлгөндүгү, 7 жаштагы небереси муунтулуп өлтүрүлгөндүгү аныкталган.

Бул факт боюнча Жумгал РИИБинин тергөө кызматы тарабынан Кылмыш-жаза кодексинин 97-беренеси (киши өлтүрүү) боюнча кылмыш иши козголуп, тиешелүү соттук экспертизалар дайындалган.

КЫЛМЫШЫН ЖАШЫРУУ ҮЧҮН ҮЙДҮ ӨРТТӨГӨНГӨ АРАКЕТ КЫЛГАН

Иликтөө иштеринин жыйынтыгында жогорудагы кылмышка шектелип ошол эле айылдын Ш.К. аттуу 29 жаштагы тургуну кармалган. Ал тергөө учурунда кылмышты толугу менен моюнуна алган.

Анын берген көрсөтмөсүнө караганда, 20-декабрь күнү кечки саат 9дардан 11лерге чейин ал А.Э. менен чогуу анын үйүндө спирт ичимдиктерин ичип отурушкан. Аял мас болуп уктап калганда үйдүн башка бөлмөсүндө уктап жаткан анын 4 жаштагы небереси ойгонуп кетет. Кылмышка шектүү 4 жаштагы кызды күч колдонуп зордуктап жатканда жанында уктап жаткан 7 жаштагы бала ойгонуп калат. Кылмышка шектүү алгач 7 жаштагы баланы, андан соң 4 жаштагы кызды тумчуктуруп өлтүрүп салган. Андан кийин ал башка бөлмөдө мас абалда уктап жаткан үй ээсин да колу менен муунтуп өлтүрүп, кылмышын жашыруу үчүн мештин ичинен күйүп жаткан чокторду бөлмөнүн ар кайсы жерине чачып, от коюп качып кеткен.

Кылмышка шектүү мас абалында уктап жаткан жеринен кармалган. Ал Нарын шаарындагы СИЗОго киргизилип, учурда тергөө иштери жүрүп жатат.

“КЫЛМЫШКЕРДИН ДА МЕНИКИНДЕЙ КИЧИНЕКЕЙ КЫЗЫ БАР ЭКЕН”

Маркум Эркайым Акмолдоеванын жолдошу бир жыл мурун каза болуп калган. Анын 3 кызы, 1 уулу бар. Баары Бишкекте окуп-иштеп жүрүшкөн. Маркумдардын сөөгү 22-декабрь күнү Көк-Ой айылында жерге берилди.

26 жаштагы Кыял Ишенбек кызы бир учурда апасынан да, 2 баласынан да айрылып, эмне болуп кеткенин дале аңдай элек:

– Жакында эле операция жасатып өтүмдү алдыргам. Андан кийин ден соолугум начарлап, кан басымым төмөндөп жатканынан Бишкекке дарыланууга кеткен элем. Апамдын ооруканага жатып калганын айтып мени айылга алып келишти. Апам ооруп калса балдарымды кантип багам деп жол бою ойлонуп келдим. Мындай окуя болот деп 10 уктасам түшүмө кирген эмес.

Мени чоң атамдыкына алып келишти. Боз үй тигилип турганын көрүп, апам өтүп кеткен экен деп ойлоп, “апамдын сөөгү өз үйүнөн чыксын, алып кетебиз” деп жаткам. Балдарыма бир нерсе болду деп такыр ойлогон жокмун. Алар кошунаныкында жүрөт го дегем. Алар тууралуу кантип, ким угузганын деле билбей калдым. Ошондон бери дале нес абалда жүрөм. Окуя тууралуу да мага эч ким эч нерсе айтпай жатат. Эмне болгонун толук билбейм.

Апам менен кызымдын сөөгүн жууганга кирдим. Көрбөсөм алар тирүү деп үмүттөнө бермекмин. Апамдын моюну кызарып, тили чыгып калыптыр. Аябай кыйналып өлгөн окшойт, байкушум. Кызымдын моюну, жамбашы, буттары кызарып калыптыр. Колу менен катуу кармагандан калган тактар окшойт. Уулумду көргөн жокмун, аны азыр деле тирүү деген ой кетпей жатат.

Апам менен балдарымды өлтүрдү деп жаткан кишини жакшы тааныбайм. Кээде анын кошунанын үйүнө келип, ар кандай жумуштарына жардам берип калганын көрчүмүн.

Кызым менен уулумду апам экөөбүз тарбиялап жатканбыз. Балдарымды өзүм үчүн төрөп алгам, экөөнүн аталары ар башка. Аталары балдары бар экенин да билишпейт. Балдарым чоңойсо мени багат деген үмүтүм бар эле. Ушулар деп жашачу эмес белем...

Кылмышкер кантип ушундай жолго барды? Балдарда эмне күнөө? Кылганын моюну менен тартсын. Аны тиги дүйнөдө да балдарым тынч койбосо керек. Анын да меникиндей кичинекей кызы бар деп уктум. Кантип мындай кылмыш кылды?

Балам жоош, токтоо, жакшы бала эле. Кошуналар да жакшы көрүшчү. Кызым тыкылдаган, эч кимге жемин жедирбеген кыз болчу. Апам күчтүү адам эле. Дайыма мени колдоп, таяп турчу. Апам ичимдик иччү эмес. Балдарымды төрөлгөндөн баштап эле апам бакты. Өз балдарындай көрчү, “ушулар үчүн өлбөй жашайм” деп айтып калчу.

“КЫЛМЫШКЕР ӨМҮР БОЮ КАМАЛСА ДА АЗДЫК КЫЛАТ”

Ал эми маркум Эркайым Акмолдоеванын кайниси Жаныбек Курманбеков төмөнкүлөрдү айтат:

– Байкем былтыр боор циррозунан каза болуп калган. Жеңем кызы жана неберелери менен жашачу. Эч кимге зыяны жок жакшы адам эле.

Кантип мындай иш болуп кеткенин түшүнбөй калдык. Эртең мененки саат 9дар чамасында окуя тууралуу угуп, жеңемдикине келдик. Келсек кошуналар чогулуп, аймактык тескөөчү үйгө эч кимди киргизбей жатыптыр. Биз алгач өрт чыгып, үй ичиндегилер истен улам ууланып өлгөн го деп ойлогонбуз. Анткени балдар чечинип жаткан бойдон, жеңем да башка бөлмөдө диванда жаткан бойдон өлүптүр. Кийин гана эксперттер жеңем менен балдардын муунтулуп өлтүрүлгөнүн айтышты. Экспертизанын жыйынтыгы толук чыга элек болгондуктан алардын зордукталганы тууралуу азырынча билбейбиз.

Кресло, килем, пардалар күйүп, от шыпка жетип эле быкшып токтоп калыптыр, жалбырттап күйгөн эмес. Жеңемдин буттарынын учтары бир аз күйгөн. Калган денеси таза. Кылмышкер кылмышын жашыруу үчүн өрт койгонго аракет кылган. Ал бөлмөгө очокто күйүп жаткан чокту таштап, гезитти да күйгүзүп өрттөгөнгө аракет кылыптыр.

Жеңем менен кылмышкер экөө чогуу ичиптир деп жатышат. Бирок жакшылык-жамандыктарда көрүп эле жүргөм, жеңем ооруп дарыланып жатканын айтып ичкилик иччү эмес.

Кармалган адамды тааныйм. Элдин айтымында, ал ичип жүрчү экен. Мындай мыкаачылык менен кылмыш кылган адам өмүр бою эркинен ажыратылса да аз болот деп ойлойм.

Нурбек Абдыкадыров
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(7)
01.01.2019. 11:24 
Тайпасы:
Кыймылы жок
Комментарийлердин саны:
192
Катталган:
29-06-2016
Соӊку аракети:
05-09-2019 16:26
Жынысы:
Белгисиз
+7
Озу учун тороп алганы эмнеси атасы баласы барын билбесе кандай тушунуп болбойтко. Никесиз торогон экен да. Кандай болгон кундо да эне учун баласын жоготуу качалык оор экенин сезип туйуп турам сабырдуу бол,Жараткандын жазымышы которбоско айла жок. Ата энени баладан,баланы ата энеден ажыратпасын. Кылмышкерди да бир эне тороп ак сутун берген,бирок мындай жырткыч болсун дебегендир,канкор сага эн оор жаза да аздык кылат. Эки дуйно азабын тарт.
Nurkyz1977 түзөттү 2019-01-01 11:26:51
02.01.2019. 11:50 
Тайпасы:
Жаран
Комментарийлердин саны:
14
Катталган:
12-01-2014
Соӊку аракети:
19-02-2020 02:43
Жынысы:
Белгисиз
+4
Маркумдардын жакындарына аллах сабыр берсин, ал эми тиги зөөкүргө чындап эле камап бекер бакпай өлүм жазасын берседа аздык кылат, буга окшогон макулуктарды кыйнап өлтүрүш керек, кандай көңүлү тартып кичинекей наристени зордуктайт каңырыгым түтөп кеттиго окуп алып көзүмө жаш алдым, ал зөөкүрдү элге берсе өздөрү билмек кантип өлтүрүштү, бирок жазалоочу алла таала анын өз жазасын өзүнө ылайык берет, адам түспөлдүү айбан, даже айбангада теңейалбаймын, жырткычтарда кичинекей наристелерге тийбейтго.
02.01.2019. 13:16 
Тайпасы:
Жаран
Комментарийлердин саны:
855
Катталган:
01-02-2017
Соӊку аракети:
26-05-2020 16:12
Жынысы:
Белгисиз
+2
Не дешти да билбейм
02.01.2019. 14:20 
Тайпасы:
Жаран
Комментарийлердин саны:
57
Катталган:
13-11-2013
Соӊку аракети:
25-11-2019 10:54
Жынысы:
Белгисиз
+8
Эгер экоо чогуу ичишсе анда олтурмок эмес, акча
издеп олтургон атайын буларды. Деги кыргыз озу
кыйынбыз ушакка жакынбыз, кудайды караш керек да жок суйлой бербей!
02.01.2019. 15:59 
Тайпасы:
Жаран
Комментарийлердин саны:
879
Катталган:
17-04-2013
Соӊку аракети:
26-05-2020 16:47
Жынысы:
Белгисиз
Калаасы:
Баткен
+2
Супер бул жерде айтылган сөздөр бири-бирине коошпойт экен. Үй ээси жана 4 жаштагы небереси зордукталып өлтүрүлгөн деп анан ичип отуруп үй ээси уктап калса ойгонуп кеткен 4 жаштагы небересин зордуктап өлтүрүп анан чоңун өлтүргөн соң кайра кирип уктап жаткан үй ээсин өлтүргөн деп жатат. Үй ээсин зордуктаганы айтылган эмес. Кайсынысына ишенсе болот?
04.01.2019. 12:52 
Тайпасы:
Кыймылы жок
Комментарийлердин саны:
310
Катталган:
01-11-2009
Соӊку аракети:
21-01-2019 03:26
Жынысы:
Белгисиз
Калаасы:
Туркия
0
Озум учун тороп алгамын дейби...Мурун ооз ачырган кабарларды ОЗУ учун тороп алгандарды чет мамлекеттен гана укчубуз азыр интернеттен айынан уйронуп атабыз бизде деле толгон токой укмуш адамдар бар экен! Кантсе да эне да жаман болуптур кайрат кылгыла,окунучтуу жери ата-эненин куноолорун,алкаш канкорлордун шорун куноосуз балдар тартбаса экен,бул кабар мени ыйлатты,энеси да оозуму ачырды аман эле бол да
07.01.2019. 23:09 
Тайпасы:
Жаран
Комментарийлердин саны:
83
Катталган:
17-05-2017
Соӊку аракети:
10-05-2020 12:17
Жынысы:
Белгисиз
0
4 jashtagi kizdi kantip.... ХХХХХ
Модератор admin_portal түзөттү 2019-01-08 13:07:39
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23946;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: