Архив
897   898  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Үмүткан Абдыкеримова, Бишкек шаарынын тургуну: «КЫЗЫМ 4-КЛАССЫНАН БАШТАП БАЗАРДА УНАА ЖУУП ИШТЕП МЕНИ БАКТЫ»

№842 21-27-декабрь, 2018-жыл


Бишкектин Жал кичи районундагы көп кабаттуу үйдө жайгашкан батирлердин бирине баш бактым. Алдымдан тосуп чыккан 10 жаштагы тестиер бала жүгүрүп келип бетимден өптү да, бөлмөдө отурган таенесине барып “эне, сизди тартканы келиптир” деп, тарак алып чыгып энесинин чачын тарап койду. “Жароокерим, менин эрмегим ушулар” деп неберелерине жалынган Үмүт апа 25 жылдан ашуун оору менен алышып келе жатканын, таттуу балалык эмне экенин билбей чоңойгон кызынын тагдырын да айтып кейип отурду.

“ЖЕР ТӨЛӨДӨ ОТУРГАН 12 ЖЫЛ АРАЛЫГЫНДА ДЕН СООЛУГУМДАН АЖЫРАПТЫРМЫН”

– Азыр 59га чыктым. Тилекке каршы, анын жарымын эле оору менен алышып жүрүп өткөрдүм. Чүйдүн Кемин районуна караштуу Кызыл-Октябрь айылында төрөлүп, өстүм. Үй-бүлөдө 3 кызбыз, ата-энебиздин көзү өтүп кеткен. Бир сиңдим былтыр автокырсыктан каза болуп калды, экинчи сиңдим да онкологиялык оору менен ооруп, азыр ооруканада жатат.

Өзүм мектептен кийин Бишкектеги соода техникумун аяктагам. Алган адистигим боюнча Балыкчы шаарында иштеп жүргөнүмдө ала качып кетишти. Каракол шаарына келин болуп калдым. Ал жакта жарым эле жылдай жашап, Барскоон айылынын четиндеги Үч-Кошкон геологиялык экспедициясында мен кампа башчысы, жолдошум айдоочу болуп иштеп калдык. Ал жакта кадимкидей эле кен казылчу, изилденчү. Үч-Кошкондо баш-аягы 12 жыл эмгектендим, жумуш ордум жер төлөдө эле, сыз, караңгы. Анын үстүнө кен казылган жерден акырындап ууланат да экенсиң. Жер төлөдө отурган 12 жыл аралыгында ден соолугумдан ажыраптырмын. Кийин ал жак жабылып калды. Азыр ордунда “Кумтөр” компаниясы иштеп жатат.

“АСТЫБЫЗГА КОРОБКАЛАРДЫ САЛЫП АЛЫП СЕЙИЛ БАКТА 2 КҮН ЖАШАДЫК”

– 31 жашымда сөөктөрүм кыйшайып, сыздап оорута баштады. Врачтар ревматоиддүү артрит деген диагноз коюшту. Жолдошум менен аял катары жашай албай калдым. Оорум күчөп баштаганда ал “сени менен жашай албайм. Мага башка аял керек, башымды бошот” деди. Аргам барбы, 1988-жылы төрөлгөн кызымды жетелеп алып Токмоктогу сиңдимдикине келе бердим. Жолдошум кийин бат эле үйлөндү. Кызыбыз Назгүлгө алимент кестирип алайын десем, “кызды мага бересиң, бербесең алимент да жок” деди. “Сенин алиментиңсиз эле жашайм” деп кала бердим. Жолдошум экөөбүз ажырашканда мен 32де, кызым 2ге чыгып калган эле.

Сиңдимдин балдары жаш, анын үстүнө жолдошу да көп ичкендиктен “эже, кечириңиз, батыра албайм” деди. Ошентип кызым экөөбүз Бишкекке келдик. Барарга жерибиз жок да, “Панфилов” сейил багында 2 күн жашадык. Коробкаларды чогултуп келип астыбызга салып жаттык. Ал убак жай мезгили эле.

“АРЗАНЫНА КАРАП ТЕРЕЗЕСИ ЖОК МОНЧОДО ЖАШАДЫК”

– 3-күн дегенде Караколдо жашап жүргөндө таанышкан бир келинге сейил бактан жолугуп калдым. Анын үйүнө бир күн түнөгөндөн кийин “кечке эле жашай бермек белем” деп уялып чыгып кеттим. Кызымды көтөрүп алып кайда барсам деп көчөдө турам. Кудай жалгап курсташ кызыма жолугуп калдым. Ал Бишкектин четиндеги Военно-Антоновкада жашап, соода кылат экен. Мага да сооданы үйрөтмөй болду. Ошентип курсташ кызым мага Военно-Антоновкадагы мектепке жакын жерден көчөгө стол коюп, майда-чүйдө товар алып берди. Ошолорду сатып иштеп калдым, кызым жанымда жүрөт. Эки айдай анын үйүндө жашадык, кызым каралбай калгандыктан башы биттеп кетти. Аябай уялдым, анан бир арзан үй чыгып калып, батирге чыгып кеттим. Канча батир котордук, арзанына карап терезеси жок мончодо жашаган күндөрүбүз болду.

Ошол жакта жүрүп кызым чоңоюп, мектепке кирди. Тапканым менин дары-дармегиме, батир акысына, тамак-ашыбызга эптеп жетет. Талаа-түздө жүрсөм оорум жакшы болмок беле, күчөй берди. Жанымды оозума тиштеп алып жүрө бердим, кызымды багышым керек эле. Менин оорумдун айынан кызым оюн-күлкү эмне экенин билбей чоңойду. 4-классынан баштап “Азамат” унаа базарында машина жууп иштеп мени бага баштады.

“ТАБАРСЫГЫМДАН 5 КИЛОГРАММ КИСТА АЛЫНДЫ”

– Акыркы 6 жыл такыр эле төшөктөн тура албай калдым. Берки оорум аз келгенсип, 2017-жылы табарсыгыма операция жасалып, 5 килограмм киста алынды. Эми бөйрөктө да киста бар деп жатышат, бирок менин абалымда азырынча операция жасаганга болбойт экен. Жүрөк оору да жабышты. 1-топтогу майыпмын да, анын үстүнө онкологиялык ооруканада каттоодо турам. Андыктан айрым дарыларды бекер беришет, жогун сатып алганга туура келет. Табарсыгыма операция жасалганда түтүктү сыртка чыгарып коюшкан, “жаракатыңыз жакшы болгондо алып салабыз” деп. Бирок жакшы боло албай бир жылдан бери ушул түтүк менен жүрөм. Дайыма жалаяк менен жүргөнгө туура келет. Анын бир даанасы эле 60 сом. Өзүбүз батирде турабыз, колум оозума жетпейт, баса албайм, анан кичине неберелеримдин алы жетпей, кызым дайыма жанымда болуп жатат. Ушинтип эле азап жеп жашап келе жатабыз. Андыктан элдин жардамына муктажбыз. Ушу неберелеримдин чайын ичип төрдө отурган күнгө жетсем экен деп кыялданам.

“КЫШКЫСЫН МЕКТЕПКЕ ЖАЙКЫ ТУФЛИ ЖЕ КӨЛӨЧ МЕНЕН БАРГАНГА ТУУРА КЕЛЧҮ”

Үмүткан айымдын кызы Назгүл да оор тагдыры тууралуу кошумчалап өттү:

– 1-класска чейинки курагымда кыйналганыбыз мага билинчү эмес. 2-класстан баштап апамдын кыйналганын сезе баштадым. Кышкысын бутума өтүк жок, жайкы туфли же үйгө кийген көлөч менен мектепке барганга туура келчү. Сумка алып бере албай, курбусунун кызынын эски сумкасын сурап берген эле. Классташтарым башында шылдыңдап, анын айынан көп жолу ыйлап келдим. Бир айлап окууга барбай койчумун. Бирок жакшы окучумун, анын үстүнө мугалимдер апамдын абалын билгендиктен мени “окушуң керек” деп колдоп, барбай койсом бааларды өзүлөрү эле коюп берип коюшчу. 4-классымдан машина жууп иштей баштадым. Дем алыш күнү таң эрте саат 4тө унаа базарга барабыз. Унаасын жуудургусу келгендер чаң терезесине “жууп кой” деп жазып коюшат. Мен жууп кетем. 25 сомдон өйдө төлөшөт, күнүнө 350-500 сомго чейин тапчумун.

“ЖЕ МЕНИ ТАНДА, ЖЕ АПАҢДЫ ТАНДА” ДЕГЕН МАСЕЛЕ КӨТӨРҮЛДҮ”

– Классым жогорулаган сайын классташтарым дагы колдоп, курбуларым кийимдери менен бөлүшүп калышты. Унаа базарынын администратору мени таанып калып, жумушка алды. Элдин баары кеткенден кийин эки күн базарды шыпырып тазалап чыкчумун. Ошентип туруктуу айлык ала баштадым. 11-классты бүткөнгө чейин ошол базарда иштедим. Мектептен кийин билимимди уланта алган жокмун, иштеш керек эле.

20 жашымда кочкорлук жигитке турмушка чыккам. Бирок 3 балалуу болгондон кийин ажырашууга туура келди, “же мени танда, же апаңды танда” деген маселе көтөрүлдү. Мен апамды ушул абалда кантип жалгыз калтырмак элем, үч баламды алып баса бердим.

Азыр балдарымдын экөө 4-класста, кичүүсү 2-класста окуйт. Булар дагы жокчулукту эрте түшүнүп, бир нерсе алып бер деп кыйнабайт. Кичүүсүнүн балаты майрамына белек үчүн 500 сом таап бердик ыйлаганынан. Берки экөөнү “чоңойдуңар” деп эле тим болдук. Азыр балдарым подъезддердин эшигине чапталган “жумуш берилет” деген жарыяларды жулуп келишет. Тегеректеги үйлөрдү кыдырып жыйнап берем, “салат жаса, тамак жаса” дегендер болот, андан сырткары төшөк каптап, курак курайм. Ушундай майда-чүйдө буюртмалар болуп турса да жакшы. Бирок ал да кээде болот, кээде болбойт. Көп убакытка апамды таштай албайм, ашып кетсе 2-3 саатка эле чыгам. Ошентип бир үйдө бири-бирибизди караан тутуп жашап келе жатабыз.

Асыл Орозбекова
koom@super.kg



Жардамга муктаж Үмүткан Абдыкеримова: “Табарсыгымдан 5 килограмм шишик алдыргандан кийин, ичимден түтүк чыгып турат”

Автор: Алтынай Тынышова
Оператор: Мухамадзиямидин Турдубек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(11)
25.12.2018. 11:09 
Тайпасы:
Кыймылы жок
Комментарийлердин саны:
10
Катталган:
19-06-2011
Соӊку аракети:
25-02-2019 10:55
Жынысы:
Белгисиз
+8
Элсом номери бар бекен,жарыялап койсонуздар админ
25.12.2018. 12:35 
Тайпасы:
Супермодератор
Комментарийлердин саны:
7596
Катталган:
22-02-2011
Соӊку аракети:
24-01-2020 18:11
Жынысы:
Белгисиз
Калаасы:
...
+4
ATAIBEKBATURKAN,
Саламатсызбы, жардам берүүнү каалагандар үчүн байланыш номерлер: 0(709) 86 93 36, Элсом: 0(708) 73 55 88
25.12.2018. 12:05 
Тайпасы:
Жаран
Комментарийлердин саны:
441
Катталган:
19-05-2014
Соӊку аракети:
25-01-2020 13:46
Жынысы:
Белгисиз
+12
Эжеге Аллахым куч кубат берсин! Апасын тандаганына озумчоле суйунуп козумо жаш тегеренип кетти. Ата-эне дуйнодогу табылгыс инсандар. Эжеке айдын 15 карангы болсо 15и жарык деп коет, буюрса баары жакшы болот деген умуттомун.
25.12.2018. 13:27 
Тайпасы:
Жаран
Комментарийлердин саны:
504
Катталган:
03-12-2018
Соӊку аракети:
03-12-2019 15:08
Жынысы:
Белгисиз
+3
Элсомго кантип Россиядан которсо болот?Айтып койсрнуздар
25.12.2018. 21:53 
Тайпасы:
Жаран
Комментарийлердин саны:
29
Катталган:
08-10-2018
Соӊку аракети:
25-01-2020 22:23
Жынысы:
Белгисиз
0
Allahym,ui bulonuzdordu ooru syrkoodon alys kylsyn,Aiygyp ketiniz,Kuioo balasy akylsyz eken,eger ozunun apasy uwintip oorusa aialy jon ele bakmak da.,
25.12.2018. 21:53 
Тайпасы:
Жаран
Комментарийлердин саны:
29
Катталган:
08-10-2018
Соӊку аракети:
25-01-2020 22:23
Жынысы:
Белгисиз
0
Allahym,ui bulonuzdordu ooru syrkoodon alys kylsyn,Aiygyp ketiniz,Kuioo balasy akylsyz eken,eger ozunun apasy uwintip oorusa aialy jon ele bakmak da.,
Super TV
27.12.2018. 00:01 
Тайпасы:
Жаран
Комментарийлердин саны:
9
Катталган:
24-12-2018
Соӊку аракети:
20-09-2019 23:41
Жынысы:
Белгисиз
0
Ии алтыным эже бул да болсо Аллахымдын сыноосу экен!! Сизге сабыр, неберелериниз Аман болсун эч оорубасын!! Колубуздан келген жардамды беребиз!!! Аллахым сизге жакшыы кундордун насип кылсын!! Буйруса баары жакшы болот!!!
27.12.2018. 00:52 
Тайпасы:
Жаран
Комментарийлердин саны:
15
Катталган:
08-06-2014
Соӊку аракети:
10-12-2019 13:21
Жынысы:
Белгисиз
0
Аллахым шыфаасын берсин, эки дуйно бактылуу болунуздар ылайым. Шартым болсо жардам бнрмекмин (((((
29.12.2018. 20:06 
Тайпасы:
Жаран
Комментарийлердин саны:
13
Катталган:
30-10-2017
Соӊку аракети:
27-07-2019 16:05
Жынысы:
Белгисиз
0
шыпаа тилейм Аллахтан.Синдим баары жакшы болот.
30.12.2018. 21:12 
Тайпасы:
Кыймылы жок
Комментарийлердин саны:
53
Катталган:
23-11-2017
Соӊку аракети:
30-04-2019 19:02
Жынысы:
Белгисиз
+1
Кудай шыпаасын берсин.сакайып кетип бактылуу карылыкты кечириниз
02.01.2019. 01:20 
Тайпасы:
Жаран
Комментарийлердин саны:
6
Катталган:
18-10-2016
Соӊку аракети:
01-11-2019 14:36
Жынысы:
Белгисиз
0
Назгул эже, Сиз туура кылгансыз! Кудайым буюрса апаныз айыгып кетет, баары жакшы болот. Апасын сыйлаган адамды Аллахым ырайымсыз калтырбайт!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23503;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: