«Жылдын супер ырчы айымы»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Каза тапкан Баткен облусунун прокурорунун иниси: «АГАМДЫ АҢЧЫЛЫККА ЧОГУУ ЧЫККАНДАР УЮШУП ӨЛТҮРҮШТҮ ДЕП ШЕК САНАП ЖАТАБЫЗ»

№838 23-30-ноябрь, 2018-жыл


Баткен облусунун прокурору Анарбай Мамажакыпов өткөн жуманын аягында киши колдуу болуп каза болду. Аны өлтүргөнгө шектелип прокурордун сөөгү табылардан мурунку күнү аны менен чогуу эс алган мамлекеттик чиновник кармалып, камакка алынды. Ал эми маркумдун туугандары прокурорду эс алууга чыккандардын баары биригип өлтүрүшкөн деген пикирде.


«КАФЕДЕН ЧЫККАНДА ПРОКУРОР ШЕКТҮҮ МЕНЕН ЧОГУУ БИР УНААДА КЕТКЕН»
Баткен ОИИБинин басма сөз катчысы Дамира Юсупова окуя тууралуу төмөнкүлөрдү билдирди:
-17-ноябрь күнү кечки саат 10дор чамасында Баткен шаарынын Т.Турмаматов көчөсүндө Лексус 470 үлгүсүндөгү унаа эшиги ачык абалда турганы тууралуу Баткен районунун прокурору милицияга кабарлаган. Баткен ОИИБинин ыкчам иликтөө тобу автоунаага кароо жүргүзгөн учурда унаада канга окшогон тактар бар экендиги аныкталган жана унаанын ичинен 23 даана ок-дары табылган. Баткен облусунун прокурорунун жоголуп кеткендиги тууралуу да Баткен районунун прокурору маалымдаган. Түнү бою ыкчам издөө иштери жүргүзүлүп, 18-ноябрда таңкы саат 06:30 чамасында Баткен шаарынын Кызыл-Жол кварталынын батыш тарабындагы Танги-Өтөк участкасында Баткен облусунун прокурору Анарбай Мамажакыповдун жансыз денеси табылган. Алгачкы кароодо анын денесинен алган оор жаракаттардан улам каза болгондугу аныкталган.
Алгачкы тергөө иштеринде белгилүү болгондой, маркум 17-ноябрь күнү эртең менен 6 адам: өзүнүн 2 орун басары, облустук прокуратуранын 2 бөлүм башчысы, Баткен районунун прокурору жана Баткен облустук капиталдык курулуш башкармалыгынын башчысы болуп 2 унаа менен Рават жайлоосуна аңчылыкка чыгышкан. Аңчылыктан кайтып келатып алар саат 18:00 чамасында Баткен шаарындагы «Төрт-Күл» кафесинде чогуу чай ичишкен. Кафеден чыкканда Анарбай Мамажакыпов капиталдык курулуш башкармалыгынын башчысы Мелис Калыковдун Лексус 470 үлгүсүндөгү унаасы менен чогуу кетишкен. Мелис Калыков айдап жүргөн ал унаа башка жеке ишкерге таандык болгон. Мелис Калыков ал күнү унааны сурап айдап кеткен.
Учурда Мелис Калыков кылмышка шектелип кармалып, Баткен шаардык сотунун чечими менен 2 айга камакка алынды. Аңчылыкка чогуу чыккан башка адамдар дагы сурак беришүүдө. Кылмыш боюнча Кылмыш-жаза кодексинин 281-беренеси (транспорт каражаттарынын кыймылынын жана аларды пайдалануунун коопсуздук эрежелерин бузуу) жана 97-берене (киши өлтүрүү) менен кылмыш иши козголду. Тергөөнүн жүрүшүндө бул беренелер өзгөрүшү мүмкүн. Тергөө иштери жүрүп жатат.

«АГАМДЫН СӨӨГҮН ӨРТТӨП САЛЫШЫПТЫР»
Маркум Анарбай Мамажакыповдун сөөгү 19-ноябрь күнү өзү туулган Чоң-Алай районунун Чак айылында жерге берилди. Окуя тууралуу маркумдун бир тууган иниси Өскөнбай Мамажакыпов менен сүйлөштүк:
-Анарбай агам ушул жылдын май айында Таластан Баткенге которулуп келип иштеп жаткан. Ал 17-ноябрь күнү саат 10-10:30дарда үйдөн кызматтык унаасы менен чыккан экен. Саат 12лерде берки кесиптештери агамдын айдоочусуна «сен бара бер, биздин унаа менен барабыз» деп кетирип жиберишиптир. Анан саат 3төрдө чогуу аңчылыкка кеткен прокурорлордун 3өөнүн аялы агамдын үйүнө келип, конок болушат. Саат кечки 7 жарымдарда жеңем акыркы тамакты берейин деп жатканда аялдарга күйөөлөрү чалып шаштырып, алар тамактан бир кашыктан эле ооз тийип, «тез келгиле деп жатат» деп кетип калышат. Бирок аялдар үйдөн 6ларда кеттик деп көрсөтмө берип жатышыптыр.
Бир аздан кийин Баткен районунун прокурору үйгө келип, агамды сурап, жок десе ишенбей үйгө чейин кирип караптыр. Калп эле келди да. Кийин «биз үйүнө барып издегенбиз» дегенге жакшы болмок. Жетекчисинин үйүнө антип кире алышмак эмес да. Агам башка унаа менен кетип калган болсо да, аялдарына чалганда биринчи «Анарбай бардыбы?» деп сурашмак.
Анан жеңем ал прокурорго улуу баласын кошуп, чогуу издегенге жиберет. Таппай коюшканда жеңем, туугандар баары таң атканча издешет. Таңкы саат 5-6ларда сөөгү табылып жатпайбы. Аны өрттөп салышыптыр, 19-ноябрда жерге бердик.
Чындыгында жанында болгон жокпуз. Эмне болгонун билбейбиз. Агамдар Анарбай агамдын орун басарлары менен сүйлөшүп келишти. 2 орун басары эки түрдүү сүйлөп жатышыптыр. Бирөө «Анарбай унаага өзү отуруп кетип калды» десе, экинчиси «бизди унаадан түшүрүп салып, экөө кетип калышты» дептир.
Аңчылыкка чыккандардын баары уюшуп алып өлтүрүшкөн деп ойлойм. Чогуу уруп эле жүктөп келишкен окшойт. Өлтүрүүгө агамдын алардын иштерине тоскоол болгон аракети себеп болсо керек. Башка себеп көрө албай жатабыз. Анткени агам бул кызматка келгенге чейин алар мурдатан чогуу жашыруун иштерди жасап, табакташ болуп жүрүштү да. Агам болсо алардын иштерине макул болбой, тоскоолдук кылган окшойт. Менин оюмча, 2 орун басары кылмышты уюштурган, калгандары кошулган. Анан бошотуп алабыз деп Мелис Калыковду карматып коюшту окшойт. Келери менен орун басарлары «жетекчибиз жок» деп борборго кабар беришиптир. Окуядан кургак чыгыш үчүн ушундай кадамга барышты да.
Агам өзү ак көңүл, жакшы адам эле. Мурда иштеп кеткен жөнөкөй, эч кандай кызматы жок адамдар Таластан Чоң-Алайга чейин тажиясына келип кетишти. Чогуу эс алган прокурорлор келген жок. Колу менен жасабаса, бизге келип, алдыбыздан өтүп, иштин кандай болгонун түшүндүрүп, ак экендиктерин айтып кетишет эле да. Эми колубуз бошосо биз барабыз аларга. Агамдын өлүмү боюнча акыйкат чечим чыгарына ишенебиз. Анткени баш прокурор өзү тажиясына келип, «Бул иш менин карамагымда болот. Аягына чыгабыз» деп айтып кетти. Агамдын артында 3 уул, 1 кызы калды.

«ИНИМДИН АДАМ ӨЛТҮРӨ АЛАРЫНА ИШЕНБЕЙМ»
Маркум менен чогуу аңчылыкка чыккан кызматкерлер менен байланышуу мүмкүн болгон жок. Ал эми кылмышка шектелип кармалган Мелис Калыковдун бир тууган эжеси Дариха Калыкова окуяга байланыштуу бир катар суроолорго жооп таба албай башы маң болуп отурганын айтат:
-Окуядан мурунку күнү бир аталаш агам уулуна сүннөт той өткөрүп, ошол тойго барганбыз. Той өткөргөн агам прокуратурада иштейт. Иним прокуратура кызматкерлерин сыйлап, кызмат кылып жанында отурган. Ошондо алар инимди аңчылыкка чыгарып келүүсүн суранышыптыр. Баш тарта албай, эртеси күнү досунун унаасын сурап, алар менен аңчылыкка кеткен. Канчада үйгө келгенин билбейм. Бирок үйгө келгенде уктоочу бөлмөсүнө да жетпептир. Үйгө кирип бараткан жеринен эле милиция кызматкерлери кармап кетишиптир.
Иним көлөкөдө багылган жалгыз бала. Өзү кичи пейил, назик. Бирөөгө керек болуп жатса акыркы кийимин да чечип бергенге даяр. Анча-мынча учурда эмоцияга алдырчу адам эмес. Ал кой эмес, тоок да соё албайт. Мал соё албаган адам кантип адам өлтүрө алат? Кантип деген ой ичимден жеп жатат. Мен ишенген жокмун.
Бирок инимди күнөөлүү же күнөөлүү эмес экендигин айтыш үчүн окуя болгон жерде мен да болушум керек болчу. Ошондуктан эч нерсе айта албайм. Инимди мас болчу деп жатышпайбы. Таң калганым, ошончо прокурорлор туруп, жетекчисин кантип мас абалдагы айдоочунун унаасына салып берип коюшту? Маркум прокурордун бою узун болчу экен. Инимдин бою 1 жарым метрден кичине ашат. Эми калганын тергөө көрсөтөт. Адилеттүү жыйынтык чыгат деп күтөбүз.

АҢЧЫЛЫККА ЧЫККАН ПРОКУРОРЛОР ИШТЕН ЧЕТТЕТИЛДИ
Башкы прокурор Өткүрбек Жамшитов Баткенге барып, ведомстволор аралык кеңешме өткөрүп, козголгон кылмыш иши боюнча тергөө органдарына көрсөтмө берип, иштин жагдайлары менен таанышып кайтты. Учурда Башкы прокуратура тарабынан кызматтык иликтөө жүрүп жатат. Кызматтык иликтөөнүн аягына чейин Баткен облустук прокурорунун 2 орун басары, 2 бөлүм башчы, Баткен районунун прокурору кызматтарынан четтетилишти. Баткен облусунун прокурорунун милдетин аткаруучу болуп Орозбек Бердибаев дайындалды. Ал буга чейин Башкы прокуратуранын Аскер прокуратурасы менен УКМКнын ишине көзөмөл кылган бөлүмдө улук прокурор болуп иштеген.

Ошол күнү аңчылыкка чыккандагы сүрөт делип ушул сүрөт интернетке жарыяланды.
Кылмышка шектүү.

Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
27.11.2018. 16:00 
Тайпасы:
Супермодератор
Комментарийлердин саны:
7595
Катталган:
22-02-2011
Соӊку аракети:
15-11-2019 23:06
Жынысы:
Белгисиз
Калаасы:
...
-1
Miya, такталбаган маалымат жазууга тыюу салынган. Эскертүү! Билдирүү өчүрүлдү.
Модератор admin_media түзөттү 2018-11-27 16:01:58
28.11.2018. 10:37 
Тайпасы:
Жаран
Комментарийлердин саны:
92
Катталган:
25-05-2013
Соӊку аракети:
15-11-2019 04:03
Жынысы:
Белгисиз
+2
Элдер араң жан багып жүрүшсө булар аң уулап лексустарда жүрүшөт
04.12.2018. 00:04 
Тайпасы:
Жаран
Комментарийлердин саны:
702
Катталган:
05-05-2014
Соӊку аракети:
15-11-2019 22:54
Жынысы:
Белгисиз
0
Конечно биринчи берген маалыматтар жалган болот. Чогуу олтуруп коюшу деле мумкун факт издеш керек
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: