Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

№837 16-22-ноябрь, 2018-жыл


ДЕКЛАРАЦИЯ: ТРАКТОРЛУУ ПРЕЗИДЕНТ, ҮЙҮ ЖОК ДЕПУТАТТАР

Жыл сайын өлкө башчысынан тарта үлкөн чиновниктер жылдык киреше-чыгашасы менен катар, менчик кандай мүлккө ээ экендигин көрсөтүп декларация тапшырышат. Жыл сайын коомчулук таң калуу менен алек. Адеп, карай келгенде эле аттуу-баштуу чиновниктердин жеке үйү эле эмес, менчик унаасы жок экендигин байкаса болот. Мындан улам кимиси чын, кимиси калп толтурганы белгисиз, бирок мүлктөрүн жашыргандар мыйзам түрүндө жооп беришерин Cалык кызматы эскерткен.

МИЛЛИОНДОП ТААП, МИЛЛИОНДОП КОРОТУП.

Өлкө башчы Сооронбай Жээнбеков 2017-жылы премьер-министр кызматында 8 ай иштеген. Анын ошол жылдагы кирешеси 891 миң сомду түзгөн. Чыгашасы көрсөтүлгөн эмес. Чыгашасын кой, жеке менчик унаасы жок, бирок МТЗ-30 үлгүсүндөгү трактору бар. Албетте, трактор керек, 61 гектар жер тилкесине жана 60 чарчы метрлик дачага ээлик кылып жатканда. 2016-жылы Жээнбековдун декларациясында жер тилкеси 46 гектар деп көрсөтүлгөнү маалым. Бир жыл ичинде МТЗ-30 тракторунун канчалык кереги тийгени көрүнүп турат. Мындан тышкары мамлекет башчы 160 чарчы метрлик үйү бар экендигин көргөзгөн.

2017-жылдын 11 айында өлкө башчылыгында Алмазбек Атамбаев турган. Анын декларациясында көрсөткөн маалымат боюнча, өткөн жылы 100 миллион 118 миң сом тапкан. Тапканына жараша чыгашасы да көп. Анын короткон чыгымы 77 миллион сомду түзгөнү жазылат. Ооба, экс-президент үй салып жатпады беле... Ошондой эле айыл чарба багытындагы жалпы аянты 9 гектардан ашык жер тилкеси жана курулуп бүтө элек имараттары көрсөтүлгөн. Кыймылсыз мүлктөрү уулуна катталган, жакын туугандары 7 миллион сомдон ашык киреше табышкан.

АЙДАГАНЫ ЛЕКСУС, ТАПКАНЫ ЖЫЛЫНА 141 МИҢ СОМ...

2017-жылдын август айынан тарта премьер-министр болуп иштеген Сапар Исаковдун тапкан кирешеси 996 миң сомду түзгөн. Премьерликке чейин ал президенттин аппаратын жетектеп келген. Анын канча короткону көргөзүлгөн эмес, 127 чарчы метрлик батирге жана гаражга ээлик кылат, бирок унаасы жок. Кызыктын баары анын жакын туугандарында экендигин байкаса болот. Алсак, анын туугандары бир жылда болгону 141 миң сом тапкан. Бирок 370 чарчы метрлик үйү жана Лексус RX үлгүсүндөгү унаасы бар. 141 миң сомду он эки айга бөлсөк, айлык акысы айына орточо 11 миң сомго айланып калат. Бул карапайым элдин айлыктары сыяктуу экендиги көрүнөт.

Учурдагы премьер-министр Мухаммедкалый Абылгазиев 2017-жылы 3 кызматты аркалаган. 1-вице премьер-министр, президенттин кеңешчиси жана президенттин аппарат жетекчисинин биринчи орун басары. Бул жылы ал 2,3 миллион сом киреше тапкан. Кыймылсыз мүлкү дагы, жеке унаасы да жок. Бирок 1,8 миллион сомго бааланган жылкылары бар, башка мал-жандыктарды кошкондо 4 миллион сомго чейин жетет.

ЖОГОРКУ КЫЗМАТТЫН "ЖОГОРКУ" КИРЕШЕЛЕРИ...

Фарид Ниязов 2017-жылы президенттин кеңешчиси, президенттик аппараттын башчысы кызматында жана шайлоо штабынын жетекчиси болгон. Анын бир жылдык кирешеси 521 миң сомду түзгөн. Анын 450 миң сомун короткону жазылган. 45,2 чарчы метрлик батири, 1346,4 чарчы метрлик 5 жер тилкесине ээлик кылат. 1984-жылы чыккан Ауди 80 үлгүсүндөгү унаасы, 2007-жылы чыккан ЛТЗ-60 үлгүсүндөгү трактору бар.

Учурдагы президенттик аппарат башчы Досалы Эсеналиев 2017-жылы Интеллектуалдык менчик жана инновациялар боюнча мамлекеттик кызматынын жетекчиси болуп иштеген. Анда анын жылдык кирешеси 938 миң сомду түзүп, чыгашасы көрсөтүлгөн эмес. Ал 170 чарчы метрлик 2 батирге, 2 миллион сомго бааланган жылкы, бодо мал жана майда жандыктарга ээлик кыларын жазган.

Жогорку Соттун мурдагы төрайымы Айнаш Токбаева 1 миллион 355 миң сомдук киреше тапкан. Ал 750 чарчы метрлик жер тилкесине ээлик кылат.

Учурдагы Жогорку Соттун төрайымы Гүлбара Калиева 2017-жылы 1 миллион 153 миң сом киреше тапкан. Андан башка маалымат берген эмес.

Коопсуздук кеңешинин катчысы Дамир Сагынбаев 2017-жылы өкмөттүк аппаратта, Коопсуздук кеңешинин биринчи орун басары болуп иштеп, 3 миллион 520 миң сом тапканын жазган. Ошол эле учурда 1 миллион 600 миң сом короткон. Ал декларациясына унаасы бар экенин көрсөткөн.

ҮЙ ЖОК, БИРОК 150 МИҢ СОМДУК ЭМЕРЕК БАР

Индира Жолдубаева 2017-жылы башкы прокурорлукту аркалап, 582 миң сом киреше тапкан. 28,9 чарчы метрлик үйү жана 34 чарчы метрлик батири бар. Мурунку прокурордун зер буюмдары 350 миң сомго бааланган. Жакын туугандары жөнүндө жазгысы келген эмеспи, айтор, бул жери бош бойдон калган.

Учурдагы баш прокурор Өткүрбек Жамшитов 2017-жылы Жалал-Абад облусунун прокурору болуп иштеп келген. Анын өзүнө катталган үйү жок, бирок жер тилкеси, 150 миң сомдук эмереги, жарым миллион сомго бааланган мал-жандыктары көрсөтүлгөн.

ТӨРАГАНЫН ТУУГАНДАРЫ КАЙДА?

Учурдагы Жогорку Кеңештин төрагасы Дастанбек Жумабеков 2017-жылдын 25-октябрына чейин Жогорку Кеңештин депутаты болуп, кийин төрага катары эмгектене баштаган. Ал бул жылы 769 миң 781 сом киреше тапкан. Ошондой эле 59,5 чарчы метрлик батирге ээ экенин көрсөткөн. Жакын туугандарынын кирешеси жана мүлкү тууралуу маалыматты ачыктаган эмес.

Экс-спикер Чыныбай Турсунбеков учурдагы депутаттардын арасынан эң көп киреше тапкан. Ал 2017-жылы 10 ай спикерликти аркалаган. Анын жылдык кирешеси
39 миллион сомду түзгөн, карамагында жалпы 551 чарчы метрлик
3 батир, 3 гараж, 2 гектар жер тилкеси жана 2003-жылкы Мерседес үлгүсүндөгү унаа жазылган. Жакын туугандары жалпы 2,5 миллион сом киреше табышкан, бул 2016-жылкыга салыштырганда дээрлик 10 эсеге аздык кылат.

КИРЕШЕСИНЕН ЧЫГАШАСЫ КӨП

Декларацияда кирешесинен чыгашасы көп болгондор да жок эмес. Алардын катарында президенттикке талапкер болгон Өмүрбек Бабанов бар. Маалыматка ылайык, анын кирешеси былтыр болгону 1,3 миллион сомду түзгөн, бирок чыгашасы 11 миллион сомдон ашык. Мүлктөрүнөн 324 чарчы метрлик үйүн, жер тилкесин, Лексус LX үлгүсүндөгү унаасын, 4,3 миллион сомго бааланган жылкыларын жана банк эсебиндеги 2,6 миллион сомун көрсөткөн.

Эң ири чыгаша короткондордун сап башында "Бир бол" фракциясынан депутат Исхак Пирматов турат. Ал өткөн жылы 26 миллион сомдон ашык каражат сарптаган. Болгону 1,3 миллион сомго жетпеген кирешеси көрсөтүлгөн. Туугандары да чыгаша сарптоо боюнча депутаттан калган эмес. Анын туугандары жалпы 17 миллион сомдун тегерегинде коротушкан.

ДЕПУТАТТАР: 10 МЕНЧИК ҮЙ, БААЛУУ БАЛ ЧЕЛЕКТЕР, ГЕКТАРЛАГАН ЖЕРЛЕР

VI чакырылыштагы Жогорку Кеңештин депутаттарынын арасында балчысы да, жылкы кармаганы, ондоп саналган үйү жана гектарлап ээлеген жерлери бар эл өкүлдөрүн көрүүгө болот. Алсак, Асылбек Жээнбековдун былтыркы жылы тапкан кирешеси 9,5 миллион сомду түзгөн. Ошондой эле депутаттын 1 миллион 40 миң сомго бааланган малы бар, 350 миң сомдук бал челек кармайт.

КСДП фракциясынын депутаты Азамат Арапбаевдин декларациясына ылайык, тапкан кирешеси 7,9 миллион сом. Анын туугандары 158 миллион сом киреше табышкан. Бул көрсөткүч эң жогоркулардын катарында.

Марат Аманкулов декларациясына 10 турак үйү бар экендигин көргөзгөн. Иса Өмүркуловдун жеке менчик үйү жок, жалпы 24 гектардай жер тилкеси, 11 миллион сомго бааланган жылкылары бар.

Камчыбек Жолдошбаевдин декларациясына ылайык, 863 миң сом киреше таап, чакан 39,8 чарчы метр батирин гана көргөзгөн. “Беш-Сары” мекемеси башка жаранга өткөрүп берилгендиги көрсөтүлгөн.

2017-жылы эң аз киреше тапкан депутат Тариел Жоробеков болгон. Анын көрсөтүлгөн декларациясына ылайык, болгону 148 миң сом тапкан.

Жогорку Кеңештин экс-депутаты, учурда абакта жаза мөөнөтүн өтөп жаткан Өмүрбек Текебаев 2017-жылы 138 миң сом киреше тапкан. Жакын туугандары 2017-жылы 4 миллион 820 миң сом киреше тапкан.

48 ДЕПУТАТТЫН ҮЙҮ ЖОК, КОКУЙ!

Эл өкүлдөрүнүн декларация толтурганына көз чаптырсак, алардын 48инин үйү жок. Муну окуганда батирден батирге көчүп жүргөндөрүн дароо элестетип кетүүгө болот. “Олигархтардын парламенти” атка конгон бул чакырылыштагы депутаттардын мындай маалыматтары чындыкка коошпой калат сыңары. Үйү жоктордун катарында Искендер Матраимов, Иса Өмүркулов, Канат Исаев сыяктуу эл өкүлдөрү бар. "Республика – Ата Журт" фракциясынан депутат Махабат Мавлянованын жеке менчик үйү жок, бирок мейманканасы бар экендиги жазылган.

МАКСАТ – КОРРУПЦИЯНЫН АЛДЫН АЛУУ

Бирдиктүү салык декларациясынын башкы максаты – ачыктык жана корруциянын алдын алуу. 12 айдын аралыгында тапкан киреше менен чыгаша боюнча ачык маалымат болуусу керек. Алсак, быйылкы жылы майда "Түндүк" темир жол бажы кызматынын мурдагы башчысы Нурбек Айбашевдин үйүн тинтүүдө бир катар баалуу буюмдар, алтын кол сааттар табылып, кылмыш иши козголгон. Бул мисалдын бири гана.

Мурунку жылдары декларацияны Мамлекеттик кадр кызматы текшерсе, быйылкы жылы Cалык кызматы текшерди. Президент өзү декларацияны дыкат текшерүү керек экендигин айтып келген. Кай бири чындыкты жазса, кээ биринин декларациясына ишенүүгө кыйын. Декларацияда толтурган маалыматка реалдуулугу дал келбеген 50дөн ашык кызмат адамы бар экендигин Коопсуздук кеңешинин катчысы Дамир Сагынбаев билдирген. Текшерүү аяктай элек деп алардын аттары аталбай жатат. Декларация толтуруудан майнап чыгабы, мүлкүн жашыргандарга кылмыш иши козголобу деген суроолорго азырынча жооп жок.

Адилет Керимбек уулу
politika@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: