«Жылдын супер клиби»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Самат Надырбек уулу, балбан: «АМЕРИКАДА МАШЫГЫП ОЛИМПИАДАНЫ МАКСАТ КЫЛУУДАМЫН»

№836 9-15-ноябрь, 2018-жыл


Бир нече жыл мурун эркин күрөштө бир катар ийгиликтерди жаратып, кыргыз өлкөсүнүн желегин желбиретип келген спортчу Самат Надырбек уулу учурда Америкада жашайт. Бөтөн жерден ал спортту таштабай Кыргыз өлкөсүнүн атынан мелдештерге чыгууга кам көрүү менен алек экендигин айтат.

Аты-жөнү – Самат Надырбек уулу

Туулган жылы – 26-март, 1991-жыл

Туулган жери – Арашан айылы, Талас району, Талас облусу

Билими – Кыргыз Мамлекеттик Техникалык Университетинин студенти

Жетишкендиктери – Бүткүл дүйнөлүк Универсиадада күмүш медаль (2013-жыл), Азия чемпиондугунда коло медаль (2014-жыл), Азия чемпиондугунда күмүш медаль (2015-жыл), “Bill Farrell Memorial” эл аралык мелдешинин жеңүүчүсү (2018-жыл). Эркин күрөш боюнча эл аралык класстагы спорт чебери

Үй-бүлөлүк абалы – Бойдок

– Самат, дароо эле ушул суроону узатайын. Кыргыз өлкөсүндө эркин күрөштө ийгилик жаратып жүрүп көрүнбөй кеттиң эле. Кийин АКШда экениң маалым болду. Ал жакка кандайча барып калдың? Кетишиңе эмне түрткү болду?

– Салам. 2016-жылы Олимпиада оюндарына жолдомо ала албай калгандан кийин спорттон кичине тыныгуу алып, жаңы бир нерсе же башка иш кылып көрөйүн деп ойлондум. Ошентип Америкага баруу мүмкүнчүлүгү түзүлүп, Пенсильвания штатынын Питтсбург шаарына келдим. Бул шаардагы Питт университетине машыгуу жасап көрөйүн деп барып калдым. Ошол жердеги күрөш боюнча машыктыруучу Кейт Гэвин мени байкап, “бул жакта калып биз менен машык. Университеттеги күрөшкө келген балдарга тажрыйбаларың менен бөлүш” деп айтып калды. Мен буга макул болуп, ошондон бери университетте машыгуу менен бирге машыктырып да келем. Тилди дагы өздөштүрүп кеттим.

– Көбүнчө спортчулар башка өлкөгө барганда кесибин алмаштырат эмеспи. Сен анда спортту таштабай эле спорт менен алек турбайсыңбы?

– Ооба. Тескерисинче, машыгуулардын үстүндөмүн деп айтсам болот. Буюрса, 2020-жылкы Олимпиадага даярдык көрүп жатам. Ал оюндарга катышып, өлкөбүздүн желегин желбиретип, гимнибиз жаңырса деген максат коюудамын.

– Бул жакта спортко болгон көз караш өзгөчө экендиги байкалып жатса керек?

– Америка ири держава болгондуктан спортко дагы көңүл буруусу ошончолук чоң. Элестетиңиз, бир университеттин эле спортко бөлүнгөн каражаты биздин өлкөбүз спортко бөлгөн каражатынан көп. Көпчүлүк университеттердин башкы машыктыруучулары, мурун ошол университетте спорт менен ийгилик жаратып келгендер. Анан дагы бир нерсени байкаганым, спортто болобу же башка чөйрөдөбү, өзүнүн жумушунда профессионал адамдарды аябай барктап билишет экен. Бизде дагы ушундай жагдай калыптанса, биз дагы бат эле өнүкмөкпүз деп ойлоп кетем. Айта кетчү нерсе, көпчүлүк спортчулар спортту таштагандан кийин татыктуу жумуш табылбай калат. Ошол үчүн ар кайсы өлкөгө кетип жатышат. Америкада бардыгы мыйзам аркылуу гана болот. Себеби бул өлкөдө мыйзам биринчи орунда.

– Ал жактан дагы кыргыз спортуна көз салып турасыңбы?

– Албетте. Интернеттен көңүл буруп турам. Спорттон эч жакка алыстаган жокмун. Өзүм дагы бул жактан мелдештерге катышып турам.

– Улуттук курама командабыздын машыктыруучулары менен байланыштасыңбы?

– Башкы машыктыруучу Руслан Маджинов жана федерациянын вице-президенти Мелис Турганбаев менен байланыштабыз. Жакында эле Венгрияда өткөн Дүйнө чемпиондугуна мени да чакырышкан, бирок документтердин айынан бара албай калдым.

– Ошондо Кыргыз өлкөсүнүн атынан Олимпиадага жолдомо ала турган мелдештерден 2019-жылы сени көрөбүзбү?

– Ооба, буюрса.

– АКШда да мелдештерге катышып жатканың белгилүү. Көрсөткүчтөр кандай болууда?

– Бул жактан дагы мелдештерге байма-бай чыгуудамын. Өткөн жылы Колорадонун Спрингс шаарында өткөн эл аралык мелдешке, кийин Нью- Йорк шаарында өткөн мелдештерге катыштым. Экөөндө тең биринчи орунду камсыздадым. Негизи бул өткөн мелдештер дүйнө жүзү боюнча баркталган турнирлер болуп саналат. Мисалы, бул турнирде былтыркы жылы Орусиянын бир канча жолку дүйнө чемпиондору медалга жеткен эмес.

– Эми өзүң тууралуу кеп кылсак. Кайсы жердин кулуну болосуң? Спорттогу алгачкы кадамдарың кандайча башталды эле?

– Талас районуна караштуу Арашан айылында туулгам. Беш бир туугандын эң кичүүсүмүн. Улуу агам күрөш боюнча көп ийгиликтерге жетишкен, 2011-жылы жаштар арасында Дүйнө чемпиону аталган эле. Аганы көрүп, ини өсөт деп бекеринен айтылган эмес да. Мен дагы күрөшкө кызыгып, 8-класстан тарта Бишкектеги спорт мектебинде уланттым.

– Кайсы мелдеш сен үчүн маанилүү же эсте каларлык болду?

– Мен үчүн эң маанилүүсү 2013-жылы Казань шаарындагы Универсиада оюндарындагы күмүш медалым болгон. Анткени анда жаш болчумун, чоңдор арасында экинчи гана турнирим болчу. Андан дагы менден эч ким медаль күткөн эмес. Ошол Универсиаданын деңгээли да аябай чоң болгон.

– Айтылуу балбаныбыз Данияр Көбөнөв дагы АКШда экендиги маалым. Жолугуп, көрүшүп турасыңарбы?

– Ооба, Данияр байкебиз менен жолугуп, чай ичишип калабыз. Бирок чогуу машыгууларды жүргүзгөн жокпуз. Жолукканда спорт тууралуу аябай кызуу талкуулар болот.

– Учурда UFC`де күрөш менен машыккан мушкерлер ийгилик жаратып жатканы көз жаздымда болбосо керек. Алсак, учурдагы чемпиондор Генри Сехудо, Хабиб Нурмагомедов, Даниель Кормье. Эрежесиз урушка чыгуу ойлор жокпу?

– Эрежесиз эр урушка чыксам деген ойлор кээде келип калат. Бирок менде азыр күрөштө бүтө элек иштерим бар. Генри Сехудо Олимпиаданы жеңип, күрөштөн UFC уюмуна өтүп кеткен. Мен болсо Олимпиаданы ута элекмин. Ошондуктан 2020-жылкы Олимпиада оюндарынан кийин мени дагы UFC уюмунан көрүп калышыңар толук мүмкүн.

– Маегиңе рахмат, сага ийгилик!

Адилет Керимбек уулу
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
13.11.2018. 18:10 
Тайпасы:
Тартип бузгандар
Комментарийлердин саны:
182
Катталган:
13-04-2017
Соӊку аракети:
24-06-2019 02:53
Жынысы:
Белгисиз
0
Ай Азамат жигитсин. Биз буну мектепте окуганда шылдындап эле басып журчубуз. Азыр зымпыйган бала болуптур. Азаматсын.
13.11.2018. 23:26 
Тайпасы:
Жаран
Комментарийлердин саны:
2
Катталган:
18-05-2018
Соӊку аракети:
04-12-2018 23:35
Жынысы:
Белгисиз
+1
Азаматсың Самат, сенден көп ийгиликтерди күтөбүз. Жердештериңдин атынан сага чоң салам.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: