«Жылдын супер футболчусу» (Добуш берүү токтотулган)


Гүлжигит Алыкулов
37,2% (403)
Виталий Люкс
12,8% (138)
Мирлан Мурзаев
9,6% (104)
Валерий Кичин
9,5% (103)
Кутман Кадырбеков
9% (97)
Алимардон Шукуров
7,5% (81)
Бекжан Сагынбаев
4,3% (47)
Бактияр Дүйшөбеков
3,6% (39)
Эдгар Бернхардт
1,9% (21)
Кайрат Жыргалбек уулу
1,8% (20)
Фархат Мусабеков
1,6% (17)
Павел Матяш
1,1% (12)

Жалпы добуш (1082)


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ӨЛҮМДҮН ҮЧ ТҮСҮ (Миллионердин акча үчүн болгон курмандыгы, өлүмү, сүйүүсү тууралуу сериал)

№834 26-октябрь - 1-ноябрь, 2018-жыл


(Башталышы өткөн санда)

Бир жерде иштеп калышты. Өтө жакындай албаса да кызын көрүп, анын маңдайында отурганын көрүү канчалык бакыт экенин эч бир адам түшүнө албас. Тигүү цехинин бурчуна жайгашып алды. Элина бир күнү аны үйүнө чакырды. “Бизде ашык адам жок, сиз жуунуп-тазаланып, буту-колуңузду сунуп жатасыз” деп болбой туруп алды. Экөө алгач балдар бакчасына жөнөдү. Бири-бирине батынбай коомай тиктешет. Көздөрү туш келгенде жылмайып коюшат.

– Балдарым тартиптүү балдар...- деп койду өзүнөн-өзү эле Элина.

– Сени тартышса керек, ээ?

– Жок, атасына окшош. Экөө тең.

Зирек унчукпай калды. Оюнда кызына эле окшоштуруп жатты. Бакчага жакындай бергенде балдары чуркап чыкты.

– Апа-а...

Эгиз козудай чуркап чыгып апасынан моюнуна асыла туш келген жерлерин өпкүлөп жаткан балдарды көрүп көзүнө жаш тегерене түштү. Өзү жашабай калган, өзү сезбей калган энелик бакыт эле бул.

– Бул эженин аты Седеп. Бүгүн биздин үйгө чогуу барат. Кызы аялды бир көрүп тааныды. Бир нерсе деп айтайын деп баратып токтоду. Адам маани бербеди, колундагы оюнчугун бооруна кыса алдыга чуркады. Кечке маал балдарды уктатып коюп, жуунуп-таранып жатышты. Зиректин чачы узун эле. Жууганда да сеңселе түшөт тура. Элина суктана карап калды.

– Чачыңыз узун тура. Азыр мынча узун чач эч ким өстүрбөйт.

– Аа, чачпы?- күлүп койду Зирек.

– Мен такыр кыркпадым. Атам кичинемде “кызым, чачыңды кырксаң ырыскыңды кыркасың, жакындарыңдын ырыскысын да кыркасың” дечү. Өзүмдүкүн кырксам да, жакын адамымдын ырыскысын кыркпайын деп кайчы тийгизген жокмун. Минтип узун...

– Өзүңүздүкүн кырктым дегениңиз кандай?

– Кырктым дегеним...- буулуга үн ката албай туруп калды.

– Келиңиз мен тарап берейин,- Элина таракты колуна алып аялдын чачын тарай баштады.

– Мен энемдин чачын тарап берчүмүн. Энем дегеним чоң энем. Өз апам...- анын үнү да титиреп кетти. Бир топко үн ката албай калышты.

– Апаң...

– Ия?

– Өз апам дедиң...

– Ии, өз апам жок!

– Өлгөнбү?

– Жок, жакында тирүү экенин уктум. Мен төрт жашка чыкканда мени кайненесине таштап, өзү башка жакка кетиптир. Билгеним ошол. Энем ал тууралуу эч сүйлөчү эмес. Ким, кайда ал, кандай ал? Билбейм. Кийинки кезде көп ойлончу болдум. Бир эне өз баласын таштап салып басып кеткендей жашоосунда эмне болушу мүмкүн? Дүйнө аңтарылып кетсин, бирок мен Алия менен Адамды таштаар белем? Эч качан! Ал эмнеге мени таштады? Эмнеге кабар албады? Кантип өз ичинен чыккан перзент эмне болду экен, кайсы жерде калды экен, эмне болуп чоңойду экен деп ойлободу? Буларды ойлогонумда мен аны ушунчалык жек көрүп кетем. Баарынан кызыгы, ал мага ушунчалык азыр керек. Ичимдеги нерселерди айтып ыйлап алганга, акылдашканга, ызамды, таарынычымды төгүп алганга керек.

– Тирүү деп айттың го, балким, бир күн келер...

– Ким билет?..

– Кечирет белең?

– Баланын энеге болгон сүйүүсү дүйнөдөгү эң күчтүү сүйүү, билесизби? Мейли ал сойку болуп кетсин, уурдасын, жаман адам болсун. Өз энесин ал акылы менен эмес, жүрөгү менен сүйөт. Азыр 80ге чыккан адамдан сурасаңыз да “менин энем эң сонун болчу” деп жооп берет. Мен да өз апамды сүйдүм. Күтүп жашадым. Кайсы бир күнү келерин ойлочумун. Бирок ал эч келбеди. Үмүтүм ташка тийди. Өзүм эне болгондон баштап ого бетер сүйдүм. Ал дагы да келбеди. Бир күнү алдымдан чыгып “сенин энең мен” десе эмне дээримди билбейм. Чындап билбейм.

– Кечирет белең?

Элина үн каткан жок. Укпагандай түр көрсөттү. Зиректин жүрөгү сыздап жатты. Төшөгүнө жатып алып жаздыкты оозуна кармап алып ыйлап жатты. Эне болуп туруп эне боло албаганына, кызынын үмүтүнө, өзүнүн түрмөдөгү жылдарына, тагдырына ыйлады.

Эртең менен туруп ишке баратып Элина буйдалып токтой калды.

– Эмне болду?

– Сиз кечинде сурадыңыз го.

– Эмне деп?

– Өз апаңды кечирет белең деп. Мен ойлондум. Мен эч качан аны кечирбейм! Кандай жашоодо жашаганын, эмнелер болгонун айтса адам катары түшүнөрмүн. Бирок эч бир убакта мен апамды кечирбейм.

Элина ушуларды айтты да тез-тез басып коридордон түшүп кетти.



ххх

Жаныбек ишинде отурду. Аман тартылган видеолордун баарын чогултуп тиктеп отурду. Кайра Тумановду... Акыркы видеосунда рак оорусу менен ооруган балдардын уюмуна кайрымдуулук катары “Тез жардам” машинелерин алып берген экен.

Дагы биринде лента кесип жатат... Айтор, кайсы видеосунда болбосун кара көз айнек тагынган эңгезердей жигит тап жылдырбай жанында жүрөт экен. Бир гана учурда анын орду башка бири менен алмашыптыр! Датасын карады. Аман каза болгондон кийинки жумада жанында башка адам?!

Дароо телефонуна жабышты.

– Салам!

– Кандайсың, дос?

– Жакшы.

– Мага бир маалымат керек болуп жатат. А-бу дебей эле кой, сен аны билесиң... Тумановдун жанындагы...

Жаныбек акырындап каза баштады. Бирок ал өтө кооптуу оюнга кирип жатканын билген жок.



ххх

Телефонуна белгисиз номурдан СМС келди. “Амандын өлүмүн казганыңды токтот. Өкүнүп каласың”. Элина кайра-кайра тиктеп турду. Бирок эч корккон жок. Амандын киши колдуу болуп каза болуу божомолу акылына келгенден баштап ал коркуу деген эмне экенин унутту. Анын жанын сууруп алган, балдарын атасыз калтырган, өзүн туңгуюкка кептеген адамдардан жооп алмайынча жаны тынбасын да билип турду.



ххх

Зирек бул тууралуу Жаныбектен баарын уккан. Кызынын жанында болуу үчүн баарына бел байлап келгени ошол эле. Тиктей берет эзилип. Каректерине чөгүп кеткиси келет. Кээде гана Токмокко өз үйүнө келет.

– Жол болсун, сени көрө турган күн да болот экен, ээ?- деп тосуп алды ак чач киши. Колундагыларды алып кирип чай коюп жай сүйлөшүп отурушту.

– Сүйлөштүңбү?

– Ооба, азыр анын үйүндөмүн. Өзү чакырды.

– Анан?

– Анан эч нерсе, Алим. Жөн гана Элинанын жанындамын. Азыр жытын жыттап жанында болгонума эле тоюп калдым.Бир ооз “апа” деген сөзүн угууну кааладым. Бирок кайдан? Ызалуу. Эч качан кечирбесин айтты.

– Ал чындыкты билсе...

– Чындыктан эмне пайда? Жаныңды ачыткан чындыктан ага да, мага да эч пайда жок.

Үн катпады Алим. Мүнөзүн билчү. Экөө түрмөдөн таанышкан. Түрмөдө Алим врач болуп иштечү. Бир колу сынып, кансырап оор абалда келген аялды бир көргөндө жүрөгү булк этти.

 

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  8 
Башка сандарда:
Комментарийлер(4)
30.10.2018. 09:13 
Тайпасы:
Жаран
Комментарийлердин саны:
120
Катталган:
06-01-2012
Соӊку аракети:
14-12-2019 19:56
Жынысы:
Белгисиз
0
эхх
30.10.2018. 14:33 
Тайпасы:
Жаран
Комментарийлердин саны:
52
Катталган:
12-12-2017
Соӊку аракети:
06-09-2019 10:39
Жынысы:
Белгисиз
Калаасы:
KG.
0
Эхх...кандай гана окунучтуу...(((
30.10.2018. 15:35 
Тайпасы:
Жаран
Комментарийлердин саны:
195
Катталган:
19-05-2014
Соӊку аракети:
12-12-2019 15:39
Жынысы:
Белгисиз
0
Балдарынан эле корком, балдарга тийишпесе экен деп. Тумановтор ото коркунучтуу адамдар экен.
30.10.2018. 23:20 
Тайпасы:
Жаран
Комментарийлердин саны:
165
Катталган:
10-03-2016
Соӊку аракети:
02-06-2019 13:08
Жынысы:
Белгисиз
Калаасы:
Кыргызстан
0
Ммм
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23318;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: