«Жылдын супер актрисасы» (Добуш берүү токтотулган)


Альбина Имашова, «Такебай»
52,8% (596)
Мадина Талипбек, «Делбирим»
17,5% (198)
Назбийке Айдарова, «Жамгырдан кийин»
10% (113)
Аделя Кадиева, «Апамды издеп-2»
6,8% (77)
Асема Токтобекова, «Такебай»
6,8% (77)
Шахзода Матчанова, «Мурас»
3,9% (44)
Тынара Абдразаева, «Мурас»
2,1% (24)

Жалпы добуш (1129)


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Акылбек Абдыкалыков, Кыргыз Эл артисти: "ИНИМ АКТАНДЫ АТАМ САТЫП АЛАМ ДЕП БАРСА БЕРБЕЙ КОЮШУПТУР"

№834 26-октябрь - 1-ноябрь, 2018-жыл


Жакында Акылбек Абдыкалыков Кытайдын Циндао шаарында өткөн эл аралык кинофестивалда "Түнкү кырсык" тасмасындагы ролу үчүн “Эң мыкты эркектин ролу” наамын багындырды. Андан аз өтпөй "Азия кино сыйлыгы" (эл арасында "Азия Оскары" деп айтылат) фестивалында "Эң мыкты эркектин ролу" наамына көрсөтүлдү. Каарманымдын дүйнө таанымы, көз карашы таптакыр башкача экенин байкадым. Анын ата менен уулдун ортосундагы көрүнбөгөн улуу сезимди айтып бергени катуу таасирлентти. Сизге да баарлашуубуз таасир калтырат деп ишенем.

– Агай, сыркоолоп жаттым дедиңиз эле, жакшы болуп калдыңызбы?

– Рахмат, жакшы болуп калдым. “Ак кеме” тасмасы жаңыланып тартылып жатпайбы. Момун чалдын ролунда болчумун. Тартылып жүргөн учурда оорум күчөп кетип, баш тартканга туура келди. Азыр алым жоктугу эле болбосо, жакшы элемин.

– Сыйлыктарды байма-бай ала баштадыңыз, күттүңүз беле?

– Темир Бирназаровдун “Түнкү кырсык” тасмасында кызды куткарып калган абышканын ролун аткаргам. Ким билиптир “Эң мыкты эркектин ролу” наамын аларымды (күлүп)? Эл аралык фестивалга барганымда тасманы көргөндө баары эле дуулдап куттуктап калышты. Сахнага чыкканда фамилиям окулганда араң ишендим. Эми “Азия Оскарына” көрсөтүлдүм. Дарманым келсе барам деп турам.

– Сизди тасмалардан көп көрбөгөнүбүздүн себеби, театрга жана режиссёрлукка көп убактыңызды арнадыңыз окшойт?..

– “Мен Тянь-Шанга” тартылгандан кийин “Токтогул”, “Үйүң кайда, үлүл?” “Шайтандын мөөрү”, “Найман эненин көз жашы”, “Бешик”, “Курманжан датка”, “Түнкү кырсык” тасмаларына да тартылдым. Мактана турганым, иним, кинорежиссёр Актан Арым Кубат бар. Анын баласы да тасмаларды тартып жүрөт. Мен дагы кинорежиссёр болом деп ойлогом, бирок атам каза болуп калып уланта албай калдым. Союз учурунда дипломуң болбосо кино тартууну берчү эмес. Азыр кааласаң тартып, элге жакса өтүп кетип жатпайбы. Режиссёрлук менде күчтүү болуш керек, бирок театрда чоң-чоң ролдорду ойнодум. Кийин жетекчиликке өтүп кеттим.

– Сиз жана иниңиз чыгармачыл инсан болгонуңуздарга караганда каныңыздарда бар болсо керек?

– Мен бир туугандардын улуусумун. Менден кийин төрт бир тууганым каза болуп калды. Оорубай-этпей, ойноп жүрүшүп эле каза болду. Төртөөнөн кийин Актан төрөлдү. Атам түнү менен устага бешик жасатып, беш кемпирдин алаасынан өткөрүп, таякеме бала кылып берди. Ажал бурулуп кетсин деген кыязда жасашты да, ырымдан кийин аман-эсен башкасы жашап кетти. Актан бөлөк өсүп калды. Кийин атам сатып алам деп барса, баккан атасы бербей коюптур. “Фамилиясы сеники, аты деле өзгөргөн жок. Бала мага буюруптур, бербейм” деп багып алган атасы макул болбой койгон экен. Актан эстүү да, атамдын атын, баккан атасынын атын кошо алып кетти. Атамдын аты Арымбек, таякебиздин аты Кубатаалы болчу. Мага кеңешкенде макул дедим. Чындыгында, экөөнүн тең акысы бар. Багып алган ата-эне кызганчаак болот да, коңшу айылда жашасак да бизге жакындатчу эмес. Атам райком, башкарма болуп иштеген адам эле. Апам болсо ыр жазчу экен. Чыгармачылык экөөндө тең бар болчу, каныбыздан болушу да мүмкүн.

– Адатта уул бала апасына жакын болот го, бирок атам деген сөздү бөтөнчө жылуу сезим менен айтып жатасыз. Атаңызга жакын белеңиз?

– Суу куйду тентек элем. Атам тентектигимден мага көп ишенбей жүрдү. Мен алгач жазуучу болом деп ойлочумун. Алгач азыркы Кыргыз улуттук университетине филология факультетине тапшыргам. Кийин Луначарский атындагы Москва мамлекеттик театр өнөрү институтуна өтүп кеттим. Жалил Сыдыков “Сенден мыкты акын же жазуучу чыгат, бирок кандай актёр чыгат билбейм, боюң да кыска. Жөн эле койсоңчу” деди. Көбү ошентти. Кийин Эл артисти наамын алганда “биз жаңылыптырбыз” деп моюнуна алды (күлүп). Чыгармаларымды журналга жиберсем жарыяланып, анан гонорар чыккан экен. Аны атама алып барсам биринчи жолу ишенди. Көзүнө жаш алды. Атам бир мүнөз, сүрдүү киши эле. Мага жалынып же бетимден өөп мээрим төккөнүн билбейм. Бирок эч кимге билинбеген жакындыгыбыз бар эле. Аны сүрөттөп деле бере албайм. Ушу атам мени жакшы деле көрбөйт деп ойлочумун, бирок ал мени аябай жакшы көрүптүр. Каза болорго аз калганда оорулуу бутун сүйрөп алып мага почтадан акча салганы келиптир. Салып кетип баратса жардамдашам деген бирөө калган акчасын алып коюптур. Ошону эстесем ыйлагым келет. Атам мени аябай жакшы көрүптүр. Бирок ачылышып сүйлөшө албаптырбыз. Ушуга көп арман кылам.

– Боюңуздун кичинекейлиги актёрдук кесипте жолтоо болдубу?

– Эми фактура каралат да. Мисалы, талантыма карасак, мен Ильяздын ролун ойношум керек эле, боюм кичине болгондуктан анын досунун ролун ойноп калдым. Театрда болсо арманым жок. Келгенимде эле Муратбек Рыскулов мага килтейген ролдорду берип салды. Бир спектаклде 17 адамдын ролун өзүм ойногон учур болгон. Ушундай бир рамкага сыйбаган идеяларым өзүмө да, башкага да жагып калчу. Кээде боюм кыска экенин өзүм унутуп калган учурлар болду (күлүп).

– Шоктугуңуздан бир шиңгил айтып берсеңиз.

– Оюмда тентектик кылам дечү эмесмин. Мага туура келген бир нерсени жасап койсом эле, эл уу-дуу болуп “бейбаш эле, бейбаш” деп жатып калышчу. Беш жашта болсом керек. Бактын башындагы чымчыктын уясындагы балапандарын көрөм дедим. Чыгып баратам, учуна жеткенде термеле баштадым. Шамал болорун кайдан билем? Бутакты кармап алып бакырып жатам. Эл шырдак, кийизин ала чуркап “тосуп калабыз, бутакты коё бер” дешет. Алыстан ат минип келе жаткан атамдын караанын көргөндө колдорум бошоп кетти. Топ деп түшүп калдым.

12 жаштарда токтолдум. Бир классташымды жакшы көрүп калып токтолдум. Негизи эркектер сүйүү үчүн көп иштерди кылышат (күлүп).

Мен адабиятта болобу, тасмада болобу, театрда болобу, сүйүүнү көп изилдедим. Көп трактаттарды окудум. 4500дөй китеп чогулткам. Кийин китепканага өткөрүп ийдим.

– Сүйүүнү көп изилдесеңиз, аны издегендердин катарына кирсеңиз керек?

– Сүйүү – бар-жогуна чыдап, бир адам деп жашаган нерсе. Улам бирөөнө секире берген – шайтандын оюну. Андай адам эч кимди сүйүп жарытпайт. Чындап сүйсөң сезимиңди айта да албайсың. Жанагы балалык кездеги сүйүүмдү айтайын. Борбордогу интернатта окучумун да. Троллейбустан түшсөм мен жактырган кыз мага карай келе жатат. Кайда качарымды билбей калдым. Жакын келгенде “эртең эмне сабак?” деп коём. Ал болсо “билбейм, математика болсо керек” деп коёт. Мындай чыгып тилимди сундум. Анткени жайкы каникулда жүргөнбүз. Мына ушундай, тилдүүнү дудук кылат. Наполеон тууралуу бир кино бар, согушка кетип баратып аттан түшүп жалгыз ыйлайт. Мен дароо эле түшүндүм, Жозефинаны кызганып ыйлап жатканын... Кийин китебин окусам чын эле ошондой экен.

– “Түнкү кырсыкта” жаш кезге караганда улгайып калганда сүйүү күчтүүрөөк дегендей нерсени түшүндүм. Бул туурабы?

– “Жаш кезде кан менен, картайганда жан менен сүйөсүң” деген сөз бар. Анткени жаш кезде алдыңды эле карасаң, картайганда капталыңды, аркаңды, алдыңды бирдей серп салып чыныгы сезимди түшүнүп каласың.

– Жубайыңыз тууралуу айтып берсеңиз.

– Москвада окуп жүргөндө таанышып, жакшы көрүшүп үйлөнгөнбүз. Анаркүл (ред.: Кыргыз Республикасынын Эл артисти, актриса Анаркүл Назаркулова) мен үчүн көп курмандыкка барды. Ош драма театрында, Ысык-Көл театрында мыкты иштеди.

– Балдарыңыздын ичинен жолуңузду жолдогондору барбы?

– Төрт балам бар. Эки кыз, эки эркек. Экөө өз кесиби менен. Кызым Айзада Абдыкалыкова театрда актриса, кичүү уулум эстрада жаатында окуп жатат. Чыгармачылыкта ушул экөө.

– Материалдык байлык сиз үчүн?

– Мен ал тууралуу ойлогон жокмун. Билем, акча аз. Бирок көбүрөөккө жетейин деген максат болбоду. Эми жетпесе жетпейт да, жетпейт деп бирөөдөн жулуп алмак белең (күлүп)? Өмүр бою жатаканада жашадым. Түгөлбай Казаков мындан бир нече жыл мурун “Үйүң кайда, үлүл?” деп макала жазган. Шайлообек Дүйшеев, дагы далайы интервью алышты. Мына 70 жашка чыктым, жакында эле бир бөлмөлүү үйлүү болдум. Кызым экөөбүз алдык.

– Эмнеге сыймыктанасыз?

– Жашоону “халтура” жашаган жокмун, театрда, кинодо, жашоодо чыныгы өзүмдү жашадым. Ошого сыймыктанам.

Нуржамал Жийдебаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  14 
Комментарийлер(12)
30.10.2018. 11:22 
Тайпасы:
Жаран
Комментарийлердин саны:
44
Катталган:
14-02-2017
Соӊку аракети:
09-12-2019 12:51
Жынысы:
Белгисиз
+19
Эс ала туштум го интервьюсунан.
30.10.2018. 11:51 
Тайпасы:
Жаран
Комментарийлердин саны:
4
Катталган:
30-01-2017
Соӊку аракети:
12-12-2019 11:45
Жынысы:
Белгисиз
+17
Жашоону халтура жашаган жокмун деген кеби жакты.
30.10.2018. 12:13 
Тайпасы:
Жаран
Комментарийлердин саны:
14
Катталган:
27-09-2017
Соӊку аракети:
12-12-2019 02:07
Жынысы:
Белгисиз
+13
Бактылуу каарылык каалайм. Чыныгы таланттуу кишилер чындыгында байлыкка кызыкпайт тура
30.10.2018. 17:10 
Тайпасы:
Супермодератор
Комментарийлердин саны:
2130
Катталган:
22-02-2011
Соӊку аракети:
12-12-2019 11:39
Жынысы:
Белгисиз
Калаасы:
...
0
dobrajelatel, саламатсызбы! Техникалык катачылык түзөтүлдү, рахмат.
30.10.2018. 21:32 
Тайпасы:
Жаран
Комментарийлердин саны:
23
Катталган:
26-10-2018
Соӊку аракети:
13-03-2019 10:11
Жынысы:
Белгисиз
+7
Кесибин суйгон чыныгы инсан. Азыркыларга окшоп искусствону бизнеске айлантып албаган. Бактылуу каарылыкка жетип, узаак жашаныз.
30.10.2018. 21:50 
Тайпасы:
Жаран
Комментарийлердин саны:
45
Катталган:
11-05-2016
Соӊку аракети:
11-12-2019 18:01
Жынысы:
Белгисиз
+7
Сонун интервью болуптур,ушундай Улуу муундардын айтканын угуп отурсан кадимкидей жыргап эс алып алам.Коп жашаныз Атаке оруу сизди аттап отсун
01.11.2018. 21:58 
Тайпасы:
Жаран
Комментарийлердин саны:
129
Катталган:
01-06-2013
Соӊку аракети:
27-12-2018 01:40
Жынысы:
Белгисиз
+4
Ушунтип жакшыыы интервью алса болот экен го!? Самара, Анжелика деп башты оорутпай ушунунардан жазбагыла, Суперчилер
02.11.2018. 10:48 
Тайпасы:
Жаран
Комментарийлердин саны:
35
Катталган:
21-10-2014
Соӊку аракети:
09-12-2019 13:35
Жынысы:
Белгисиз
+1
жакшы маек болуптур, жан дүйнөсү таза адамдар менен сүйлөшсөң, өзүңдүн да жан дүйнөң тазарып калат. Рахмат, суперчилер ушундай инсандар менен бетме бет жолугуп баарлашаса албасак да, силер аркылуу "жан дүйнөм тазарып, жашарып, агарып" калам.
02.11.2018. 10:52 
Тайпасы:
Жаран
Комментарийлердин саны:
35
Катталган:
21-10-2014
Соӊку аракети:
09-12-2019 13:35
Жынысы:
Белгисиз
0
Суперчилер Оштук акын Нуржамал Калмаматова эже менен маек бергилечи
03.11.2018. 15:00 
Тайпасы:
Жаран
Комментарийлердин саны:
337
Катталган:
23-07-2018
Соӊку аракети:
12-12-2019 09:18
Жынысы:
Белгисиз
+3
Сонун маек болуптур,бирок суротторунон кобуроок жуктосонуздор болмок экен,мисалы "Мен Тянь-Шань"фильминен же уй-булосунун.
03.11.2018. 16:35 
Тайпасы:
Жаран
Комментарийлердин саны:
106
Катталган:
21-02-2016
Соӊку аракети:
09-12-2019 15:41
Жынысы:
Белгисиз
0
Момун чалдын образын аткарбай калганы жаман болуптур, ден соолукта болсун.
03.11.2018. 16:38 
Тайпасы:
Жаран
Комментарийлердин саны:
337
Катталган:
23-07-2018
Соӊку аракети:
12-12-2019 09:18
Жынысы:
Белгисиз
+4
Тфу тфу,Супер онолуп баратат окшойт,улуу,таланттуу инсандар менен маек куруп,болбосо Самаш менен Жоли минип алышты эле го тушпой Суперден))
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23318;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: