Архив
897  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Дамира, Бишкек шаарынын тургуну: “БӨЛӨМДҮН УУЛУ ЗОРДУКТАП, 15 ЖАШЫМДА ЭНЕ БОЛДУМ. БАЛАМДЫ БАШКАГА БЕРИП САЛЫШТЫ...”

№833 19-25-октябрь, 2018-жыл


Алдымда кайрадан аялзаты отурат арманын айтып. Он гүлүнүн бири ачыла элек 18 жаштагы кызда эмне арман? Эмнеге мынча үшкүрөт? Эмнеге мынча көз жаш төгөт? Каарманымдын башынан өткөн окуясына чогуу күбө бололу.

“ОРУСИЯДАН КЕЛСЕМ, АПАМ 1 ЖУМА МУРУН КАЗА БОЛУП КАЛЫПТЫР”

– Айтайын дегеним мен жашыра турган же өзүм жашына турган окуя эмес. Андыктан келечегим үчүн баарын ачыкка чыгарайын деп чечтим.

Баткен облусунун Кадамжай районундагы айылдардын биринде чоңоюп-өстүм. Өз атам Ноокаттан болот, ал 6 жашымда өтүп кетип, өгөй атанын колунда калдым. 8-классты бүткөндөн кийин Орусияга кетүүмө туура келди. Анткени чоңойгон сайын өгөй атанын үйүндө анын балдары менен батышып жашоо кыйын болот экен. Апам да көп ооруйт эле, бөйрөгүнө эле 3 жолу операция жасалган. Апам “кызым, сен турмуш кандай оор экенин түшүнүшүң керек. Мен жок жашоого көнүшүң керек” деп, мени Орусияга жөнөттү. Москвада 1 жылча жүрдүм окшойт, акыркы күндөрү апам түшүмө кирип, өзүмдү жаман сезип эле туруп алдым. Аны менен бир ай мурун сүйлөшкөн элем. Ошол боюнча байланыша албай койдум. Анан чыдабай Кыргызстанга келдим. Үйгө келсем апамдын каза болгонуна 1 жума болуптур. Суук кабарды укканда нес болдум, мурдумдан кан кетти. “Эмнеге мага айткан жоксуңар?” деп ыйласам, “сени кыйналбасын, келгенде эле угузабыз деп ойлодук” деп коюшту. Ошентип апамдын муздак ордун сыйпалаган боюнча калдым.

“АДИЛЕТ МЕНИ ДАГЫ БИР НЕЧЕ ЖОЛУ ЗОРДУКТАДЫ...”

– Апамдын бир эжеси, 2 иниси бар. Инилери Орусиянын жарандыгын алып, ошол жакта жашашат. Мени таежем алып кетти. Таежемдин эки кызы, бир уулу бар. Ошол уулунун Адилет (каармандын аты белгилүү себептерден улам өзгөртүлдү) деген мени менен тең баласы, анан бир кызы бар. Адилеттин ата-энеси Москвага кетти да, бир үйдө таежем, 2 небереси, анан мен калдык.

Таежем арак иччү, кээде жумалап үйгө келбей калар эле. Адилет мен ал үйгө баргандан баштап ары-бери өткөндө кармалап кетип мага тийише берчү. Ачуусу чукул эле, бир нерсе деп каяша айтсаң тура калып муунтуп же чаап жиберчү “жетимсиң, бар үйүңө кет” деп. Коркконумдан унчукпай жүрө берер элем.

Бир жолу таежем дагы ичип үйгө келбей калды. Кыш, январь айы эле, жылуулугуна карап баарыбыз бир бөлмөдө жатчубуз. Адилет телефондон уят видеолорду көрүп отурган. Бир маалда эле келип мени баса калып, ой-боюма койбой зордуктап салды. Таежемди таене дейм, Адилетке “сени таенеме айтам” деп эле ыйлап калдым. Ал “сага ким ишенет, билгениңди кыла бер” деп койду. Айтам деген менен андай нерсени айта албайт экенсиң. Кимге айтам, эч ким ишенбейт да?! Ошентип убакыт өтө берди, Адилет андан кийин да мени бир нече жолу зордуктады. Акыры боюма бүтүп калыптыр.

“ТАЕЖЕМ “ЖЕТИМ, МЕНИН ТӨРҮМДӨ ЖҮРҮП ТУУП КОЙБО” ДЕЧҮ. ОШОЛ СӨЗҮНӨ ПЕРИШТЕЛЕР ДУБА КЫЛГАН ОКШОЙТ”

– Ошол маалда таежемдин турмушка чыккан эки кызы тең ажырашып үйгө келип калышты. Ошондо гана үйдө ынтымак орноду. Адилетти болсо атасы Москвага чакыртып алды. Адилетке этек кирим келбей жатканын, боюмда бар экенин айтсам “менден эмес, анткени мен бала жасаганга жашмын” деп моюнуна албай койду. Алдырып салайын десем, “биринчи баланы алдырып салса кийин төрөбөй калат” дегенди уккам. 15 жашта элем, курбуларымдын бири да билчү эмес, анткени ичимди бек таңып алат элем. Орозо кармаганымда ичимдеги бала тыбырчылай берчү. Ошондо “ии, тирүү жүрөт” деп койчумун. Өзүм толугураак кыз болгондуктан, айланамдагылар “толуп баратасың” дегени эле болбосо, эч ким байкаган жок. Октябрь айы келип, мектептен “алма терем” деп суранып алдым. Ошентип октябрдын экисинде уулдуу болдум.

Таежемдикине келгенден баштап ал мага “жетим, менин төрүмдө жүрүп тууп койбо” деп айтар эле. Ошол сөзүнө периштелер дуба кылып койгонбу, билбейм, ушундай окуя болуп кетти. Ичим ооруп баштаганда “сен сокур ичеги болуп жатасыңбы, ооруканага алып барыш керекпи же төрөтканагабы?” деди. Мен ыйлап эле туруп бердим. Анан таежемдин кызы четке алып чыгып сураганда “Адилет зордуктап койгон, бала силердики” дедим. Ошентип төрөтканага барып, уул төрөдүм.

“БАЛАМДЫ БИРӨӨГӨ БЕРИП САЛЫШТЫ...”

– Милиция кызматкерлери келип, мени 1 жума төрөтканадан чыгарбай коюшту. “Ата-энеси жок, жашы жете элек кыз силердин үйдө жүрүп төрөп жатат” деп таежемдерди суракка алышты. Таежемдин кызы мага телефон чалып “менин макулдугум менен ушундай иш болду деп айт. Антпесең, Адилет да, апам да камалып кетет. Эгер алар камалса, өзүң дагы, балаң дагы тирүү калам деп ойлобо!” деди. Анын айтканын аткардым. Таежем төрөтканада “бала да, кыз да меники, экөөнү 18ге чыкканда үйлөнтүп коём, чөбүрөлүү болдум” деп жаткан. Мен “ии, балам аман-эсен чоңоёт экен” деп сүйүнүп калдым.

Үйгө чыгып келгендин эртеси таежемдин кичүү кызы сабап, мага “баланы бакканга шартым жок, эмизе албайт экем. Өз ыктыярым менен бердим” деп тил кат жаздыртып алды. Туугандардын баары мага каршы чыгып, “сен биздин баланы жаманатты кылдың. Башкадан эле төрөдүң” дей башташты. “ДНК тест кылдыргыла” дедим айлам кеткенде. Менин үнүмдү уккан жан болгон жок, баламды алып, бирөөгө берип салышты. Ким экенин, кайда алып кеткенин да айтпай коюшту. Балам менен бир күн эле болдум, ошондон бери аны көрө элекмин.

“БИР ЭМЕС, ЭКИ ЖУМАЛАП АЧКА КАЛГАН КҮНДӨРҮМ БОЛДУ”

– Барып арызданайын десем корком. Кайда барбайын, телефон чалып “каякка жеттиң?” деп жетер-жеткиче кайтарып, көзөмөлдөп турушат. Ошентип күндөр өтүп кетти. Таежем “улуу кызым карызга батып калды, Орусияга барып иштеп жардам бер” деп мага паспорт алып берип, Москвага жөнөттү. Эжемдикине баргандан кийин 5 күн пол жууп иштедим да, алган 5 миң рублду дароо колуна санап бердим. Биз менен чогуу батирде баш-аягы 15 киши жашачу. Алардын көзүнчө эле эжем мени шылдыңдап, “жетим болуп туруп төрөп алды” деп, дагы башка жаман сөздөрдү айта берди. Ошол жерде бейтааныш адамдар эмнени түшүнмөк эле?! Бир күнү эжем жумушка кеткенде кийимдеримди жыйнап алып чыгып кеттим. Кыргызстандан Москвага чогуу келген байке-эжелердин номерлерин алган элем. Бирөөсүнө “байке, мен эжем менен урушуп кетип көчөдө калдым, жардам бере аласызбы?” деп чалдым. Ал менин жетим экенимди билет эле. Кайрылуумду четке какпай батир таап бергени үчүн ага рахмат.

Ошол маалда футбол боюнча чемпиондукка даярдык болуп жаткан. Үч ай стадиондо иштедим, батиримдин акчасын жапканга жетерлик каражат тапчумун. Андан кийин жумуш табыш кыйынчылык жаратты. Паспортум болгону менен, көпчүлүк жерде “18ге чыга элексиң” деп жумушка албайт эле. Күнүмдүк майда-чүйдө жумуш чыкса иштеп калам. Бир эмес, эки жумалап ачка калган күндөрүм болду.

“МЕН АТАМ-ЭНЕМ ДЕП ЖҮРГӨН АДАМДАР МЕНИ БАГЫП АЛЫШКАН ЭКЕН”

– Баягы эжем менен дагы уруша кеттик. Ал “сени Кыргызстандан алып келиш үчүн 20 миң сом кетти, ошону төлө” дейт. “Ушуну кайсы бетиңиз менен айтып жатасыз? Менин тагдырымды талкаладыңар. Силердин балаңар мени зордуктады – бул бир. Баламды сатып жибердиңер – бул эки. Эми баарыңарды соттотом. Мен жөн калбайм, баламды издеп табам. Эми мен тарткан азапты силер тартышыңар керек” дедим. Эжем “Эгер колу-бутуң узарып калса, колуңдан келгенин кыл. Сенин бизге эч кандай жакындыгың жок. Сен бизге эч ким эмессиң. Сенин атаң да, апаң да башка. Кыйын болсоң ошолорду таап ал” деди. Көрсө, мен атам-энем деп жүргөн адамдар мени багып алышкан экен. Бир жолу апам “кызым, сени багып алганбыз” деп айтканда жаман болуп “апа, сиз тамашаладыңыз, ээ?” десем, “тамашаладым, албетте, менин эле кызымсың” деп койгон. Көрсө, мени аяган экен. Мени өз апам таштап кетип, азыр жашоом кандай болуп жатат? Балам да ошондой таштанды жашоо көрбөсө экен дейм, эртеңки жашоосуна кайгырам.

“БОЛОЧОК ЖОЛДОШУМДУН АЛДЫНДА ЖҮЗҮМ ЖАРЫК БОЛУШУН КААЛАЙМ”

– Орусияда жашаган таякемдикине барып, анын баласын карап туруп калдым. 7 ай жашадым. Анан алар өзүмдөн 18 жаш улуу адамга турмушка беребиз деп чыгышты. “Сен төрөгөн неме болсоң, башка ылайыктуу деле адам чыкпайт. Үй-жайы бар экен, ушуга турмушка чыга бер” дешти. “Өзүмдөн өзүм бузулуп кетип төрөгөн жокмун да. Менин укугум тебеленди. Сүйбөгөн адам менен кантип жашайм? Мени Кыргызстанга жөнөткүлө” дедим. Таякем колума 10 миң рубль берип, бул жактагы досуна жөнөттү, “ушул кызга каралашып тур” деп.

Келгенден кийин төрөтканада жүргөндө менин ишимди алып барган тергөөчүгө чалдым. Ал таежемди, Адилетти чакыртып суракка алды. Алар сурактан чыккандан кийин мени издеп башташыптыр.

Адилеттин карындашы менен сүйлөшүп турам кээде, ал мага чалып “айылдагылардын баары келгениңизди билет экен. Абайлаңыз, сизди издеп жатышыптыр. “Караларга” салып жок кылабыз” деп жатышат” деди. Аны тергөөчүгө айтсам, “азыр 1-2 иш бар. Аларды бүтүрсөм эле сенин ишиңди баштайм” деген. Ушинтип иштин чоюлуп келе жатканына 2 жылдын жүзү болду. Мендей зомбулукка кабылгандардын үнүн ким угат? Укугун ким коргойт? Баламды ким алып бере алат? Болгон максатым – баламды колума алуу. Баламдын кандай чоңойгонун да элестете албайм. Оюма өзүмдүн башыма келген оорчулуктар келе берет. Азыр бир байке “мага турмушка чык” деп жүрөт. Мурда үйлөнүп, балалуу боло албай ажырашкан экен. Ал “балаңды ал, кор кылбай багып алам. Ал баланын артынан дагы бала келсин” дейт. Бирок азыр турмушка чыгайын деген оюм жок, баламды өз колума алсам ыраазы элем. Эмнеге окуямды коомчулукка жарыялап жатам, анткени атымды тазалагым келет. Көчөдө басып жүрүп төрөбөгөнүмдү, мени күч колдонуп зордуктаганын далилдегим келет. Болочок жолдошумдун алдында жүзүм жарык болушун каалайм. Бардык эркектерге күнөө коюуга да болбойт, баарына кыз күнөөлүү деген ой да болбошун каалайм.

Асыл Орозбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(31)
23.10.2018. 10:18 
Тайпасы:
Жаран
Комментарийлердин саны:
1
Катталган:
02-08-2015
Соӊку аракети:
18-01-2020 20:35
Жынысы:
Белгисиз
Калаасы:
Ош
+57
Тооба кылдым чогулуп жардам бериш керек экен,жетим деп ардеке кылышканго ыйлагым келип кетти
23.10.2018. 15:34 
Тайпасы:
Жаран
Комментарийлердин саны:
137
Катталган:
05-01-2017
Соӊку аракети:
22-11-2019 21:08
Жынысы:
Белгисиз
+34
Missing-u,туура. Анан тиги тергоочудон да сурабайсынарбы супер. Эмнеге 2жылдан бери иш козгобойт??? Жообун кутобуз кийинки санда
23.10.2018. 10:39 
Тайпасы:
Жаран
Комментарийлердин саны:
16
Катталган:
21-03-2017
Соӊку аракети:
18-01-2020 22:34
Жынысы:
Белгисиз
Калаасы:
Бишкек
+35
байкуш аял заты...Бизде эмнегедир аял кишини аябай эле кордойбуз.Жетим болсо ата энеси жок болсо кудай барго баарын коруп билип турган...Арткы дуйнодогу жоопкерчиликтен коркушпайт бекен.Бирок жашоо кайтар дуйно дейт баары оз алчусун алат...Эч ким жоопкерчиликсиз калбайт.
23.10.2018. 11:05 
Тайпасы:
Кыймылы жок
Комментарийлердин саны:
31
Катталган:
20-10-2016
Соӊку аракети:
26-03-2019 10:36
Жынысы:
Белгисиз
+27
Эх ыйлагым келип кетти.Неге унчукпай журдун баштан.
23.10.2018. 11:35 
Тайпасы:
Жаран
Комментарийлердин саны:
64
Катталган:
07-05-2016
Соӊку аракети:
06-11-2019 12:46
Жынысы:
Белгисиз
Калаасы:
ГАЛАКТИКА
+23
Ыйлагам келип кетти((. Он гулунон бир гулу ачыла элек кыз. Башынан кандай гана сыноолор отуптур. Бактылуу болсон экен ылайым...
23.10.2018. 11:44 
Тайпасы:
Жаран
Комментарийлердин саны:
23
Катталган:
25-05-2016
Соӊку аракети:
23-12-2019 11:22
Жынысы:
Белгисиз
Калаасы:
Ош
+26
Эххх, байкуш. Биздин коңшу айылда болгон окуя. 2-3жыл мурун уккан элем.
23.10.2018. 12:17 
Тайпасы:
Жаран
Комментарийлердин саны:
7
Катталган:
20-12-2017
Соӊку аракети:
04-10-2019 12:40
Жынысы:
Белгисиз
+12
Ошон учун кыздардын ан сезимин которуу зарыл. Бир жагынан ушул кыздын окуясы коптогон жаш кыздарга сабак болуш керек. Адамдар баарыбыз окшошпуз. Айтмакчы, бироонун жашоосунан сабак алыш керек. Ушундай жамандыкты коруп, жакшылыка уйронобуз.
23.10.2018. 13:08 
Тайпасы:
Жаран
Комментарийлердин саны:
52
Катталган:
27-06-2018
Соӊку аракети:
19-01-2020 21:47
Жынысы:
Белгисиз
+31
Молодец кыз экен бирок, бир аз жардам берип колдоп койсо аркысын өзү эптеп кеткидей. Бактылуу болушуңа чын жүрөктөн тилектешмин, жакшыы жигитке турмушка чыгып бактылуу аял,эне бол сиңдим!
23.10.2018. 13:20 
Тайпасы:
Кыймылы жок
Комментарийлердин саны:
144
Катталган:
05-03-2017
Соӊку аракети:
21-02-2019 22:10
Жынысы:
Белгисиз
+18
Колубуздан келген жардамды берели. Чогулуп коомдо которуло турган тема экен.
23.10.2018. 13:45 
Тайпасы:
Жаран
Комментарийлердин саны:
148
Катталган:
14-11-2015
Соӊку аракети:
19-01-2020 23:04
Жынысы:
Белгисиз
Калаасы:
Ата-энемдин журогу...
+15
Журогум ооруп чыкты.Ичип кочодо жургон жан болсо бироонун эмес озунун баласына тарбия бере албагандан кийин,балдар уйуно эле откоруп берсе болбойт беле? Бешиктен бели чыга элек кыздын жашоосун талкалап,аз келгенине уруп-согуп,иштетип акчасын алып,кордоп.Жаш болсо да анча мынча нерсеге акылы жетет экен кызыды,ДНК дегенди мен 15 жашымда билбейт элем.Эми озуно бекем бол синдим сенин бул тагдырынды угуп оздорунчо боору ооруп ,жардам берген киши болуп сенден башка нерсе талап кылгандар толтура.
23.10.2018. 13:46 
Тайпасы:
Жаран
Комментарийлердин саны:
148
Катталган:
14-11-2015
Соӊку аракети:
19-01-2020 23:04
Жынысы:
Белгисиз
Калаасы:
Ата-энемдин журогу...
+13
Неге мынча аял затын физикалык жактан алсыз кылып жаратып койду экен? Ар бир баланы оз ата-энеси менен кыйнасын кудайым.
23.10.2018. 13:48 
Тайпасы:
Жаран
Комментарийлердин саны:
41
Катталган:
01-02-2015
Соӊку аракети:
12-12-2019 14:43
Жынысы:
Белгисиз
Калаасы:
Нарын, Ат-Башы
+15
Көп жашаган эмес көптү көргөн билет дегендей. Жапжаш туруп ою менен акылы менен чоноюптур да. Байкуш. Энени баладан,баланы энеден ажыратпасын. Сурак берчү күн да бар
23.10.2018. 14:10 
Тайпасы:
Жаран
Комментарийлердин саны:
45
Катталган:
14-02-2017
Соӊку аракети:
20-01-2020 03:18
Жынысы:
Белгисиз
+3
Эх кандай окунучтуу.Эне баланы эч км ажыратпасын
23.10.2018. 15:01 
Тайпасы:
Жаран
Комментарийлердин саны:
173
Катталган:
14-01-2015
Соӊку аракети:
19-01-2020 15:05
Жынысы:
Белгисиз
Калаасы:
Россия Иркутск ♥♥Озгон♥♥
+15
Супер инфо ушу кызга жардам берсенер жакшы болмок.
23.10.2018. 16:48 
Тайпасы:
Кыймылы жок
Комментарийлердин саны:
3
Катталган:
27-03-2014
Соӊку аракети:
02-05-2019 15:00
Жынысы:
Белгисиз
-34
Дамираны жакшы билбесем да ,бирок биз мн чогуу окуган болчу ,адашпасам 11-клда тороп койгучекти билген эмеспиз ,оа жетим деп эле ушунча кордолуптур ,бирок эстейм эжекелер,классташтар бааары кечип кеткен бул кыздан ,атыны атабагыла дешчу , берки бала да классташ эле башка клда окучу , бирок азр бирообузда байланышпайбыз ,себеби биздин атыбызды булгаган деп эххх бактылуу болсун
23.10.2018. 19:47 
Тайпасы:
Жаран
Комментарийлердин саны:
52
Катталган:
06-11-2016
Соӊку аракети:
19-01-2020 18:17
Жынысы:
Белгисиз
+24
ACMAH,ошо ежекелерин да оздорунун артын ойлогон да иштен айдалабыз деп дым дымм кылып
24.10.2018. 04:35 
Тайпасы:
Жаран
Комментарийлердин саны:
46
Катталган:
24-03-2016
Соӊку аракети:
23-08-2019 02:29
Жынысы:
Белгисиз
+14
ACMAH,ХХХХ ошон учун байланышпай журосунор акылынар болсо биринер ахывалын сурап койбойт беленер
Модератор admin_media түзөттү 2018-10-24 11:09:40
25.10.2018. 09:43 
Тайпасы:
Жаран
Комментарийлердин саны:
324
Катталган:
07-11-2016
Соӊку аракети:
19-01-2020 13:45
Жынысы:
Белгисиз
Калаасы:
Бишкек
+1
ACMAH,акылсыздар...Бироону сындасанар башынарга келет
23.10.2018. 17:43 
Тайпасы:
Жаран
Комментарийлердин саны:
14
Катталган:
04-12-2011
Соӊку аракети:
13-08-2019 05:07
Жынысы:
Белгисиз
Калаасы:
Sochi
+21
Ошол тергоочу ким? данныйын бергилечи? териштирели бул иш эмнеге 2 жыл созулуп кеткенин? ким деген тергоочу карап атты эле?
24.10.2018. 08:26 
Тайпасы:
Жаран
Комментарийлердин саны:
115
Катталган:
01-08-2011
Соӊку аракети:
16-01-2020 09:46
Жынысы:
Белгисиз
Калаасы:
Bishkek
+4
Аллахым жардам берсин. Коммент окусан личкама жазып кой. Колдон келишинче жардам берейин.
24.10.2018. 18:20 
Тайпасы:
Кыймылы жок
Комментарийлердин саны:
43
Катталган:
07-11-2017
Соӊку аракети:
20-12-2018 04:59
Жынысы:
Белгисиз
+6
Бул кызга юридический жардам бериш керекго, адвокат жалдап, ушу кантип болсун жетим деп эле ушунча кордошкон, укугу тебеленип тепселип калыптыр вообще бул кыздын, балким бироо жарым чыгаар жардам берген,
25.10.2018. 00:25 
Тайпасы:
Жаран
Комментарийлердин саны:
305
Катталган:
23-05-2015
Соӊку аракети:
19-01-2020 22:59
Жынысы:
Белгисиз
Калаасы:
Ордолуу Ош
+3
Акылдуу кыз экен,багын ачылсын ылайым
25.10.2018. 03:24 
Тайпасы:
Жаран
Комментарийлердин саны:
12
Катталган:
18-10-2017
Соӊку аракети:
23-07-2019 22:38
Жынысы:
Белгисиз
+2
Журогум ооруп,уйкум качып,ыйлагым келип жатам.Байкуш кыз.
25.10.2018. 11:26 
Тайпасы:
Жаран
Комментарийлердин саны:
3
Катталган:
12-06-2018
Соӊку аракети:
07-09-2019 11:05
Жынысы:
Белгисиз
+2
Баарын таап сотко бериш керек,бактылуу бол карындашым! Баары жакшы болот.
25.10.2018. 12:47 
Тайпасы:
Жаран
Комментарийлердин саны:
195
Катталган:
19-05-2014
Соӊку аракети:
18-01-2020 11:36
Жынысы:
Белгисиз
+4
Биринчи орунда атандын жашаган жерине барып тууган уругунан кимден багып алганын тактап тапсан, анан баланды изде дейт элем. Байкуш кыз кичине болуп туруп акылы тетик экен.
25.10.2018. 22:22 
Тайпасы:
Тартип бузгандар
Комментарийлердин саны:
8
Катталган:
18-07-2018
Соӊку аракети:
14-05-2019 11:07
Жынысы:
Белгисиз
Калаасы:
Баткен
+7
Мага тийсен алам тамашасы жок
27.10.2018. 13:05 
Тайпасы:
Кыймылы жок
Комментарийлердин саны:
3
Катталган:
23-05-2018
Соӊку аракети:
27-10-2018 16:10
Жынысы:
Белгисиз
+2
Elaman_Arypov,Эркек экенсин. Молодец. Сендей жигиттер бар дуйно сакталып турат.
27.10.2018. 00:32 
Тайпасы:
Жаран
Комментарийлердин саны:
26
Катталган:
13-03-2014
Соӊку аракети:
15-01-2020 00:37
Жынысы:
Белгисиз
Калаасы:
Ноокен р
+1
муну кылгандар, коруп билип туруп, ошол милиция, анан ошол айылдагы билгендер жардам кылбагандар Алланын астында жооп бересинер
27.10.2018. 13:31 
Тайпасы:
Жаран
Комментарийлердин саны:
312
Катталган:
15-08-2017
Соӊку аракети:
12-01-2020 09:22
Жынысы:
Белгисиз
+1
Таежесинде экен куноонун баары .Жетимсин деп жерип журуп жаш кыздын багын талкалаптыр .Балдары да озуно окшоп тарбиясыздар экен.Синдисинин багып алган кызы болобу,родной кызыбы кандай болгон кундо да жакшы мамиле кылса олобу .Жетимдин башын сыласа Аллах мин эселеп сооп берет деген соз бар элибизде
28.10.2018. 19:01 
Тайпасы:
Жаран
Комментарийлердин саны:
2
Катталган:
22-10-2015
Соӊку аракети:
06-07-2019 21:28
Жынысы:
Белгисиз
0
Аларга алланын каардуу азабы болсун
29.10.2018. 01:27 
Тайпасы:
Кыймылы жок
Комментарийлердин саны:
165
Катталган:
10-03-2016
Соӊку аракети:
02-06-2019 13:08
Жынысы:
Белгисиз
Калаасы:
Кыргызстан
0
Ошол айылда жашаган адамдар жардам бергендин ордуна кайра басынтасынар. Уят
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23471;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: