Архив
897   898   899   900   901   902   903   904   905   906   907   908   909   910   911   912  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ӨЛҮМДҮН ҮЧ ТҮСҮ (Миллионердин акча үчүн болгон курмандыгы, өлүмү, сүйүүсү тууралуу сериал)

№833 19-25-октябрь, 2018-жыл


(Башталышы өткөн сандарда)

Бауржан менен сүйлөшкөндөн бери бир топ күн өттү. Күндүз да балдарына, ишине алаксыйт. Түндө уйку көрбөй чыкчу болду. “Мүмкүн эмес” деди ичинен бир үн. “Балким, киши колдуу болгондур” дейт акылы. Ойлонгон сайын Аманды киши колдуу болуп каза болду деген божомол көбүрөөк реалдуулукка жакындап бара жатты. Бир жумадан кийин адвокат Жаныбекке жумушуна барды. Элинаны көрөрү менен анын көздөрүндө бир от пайда болот. Түшүнүксүз бир от...

– Кандайсың, кел...

– Келдим.

– Кофе берейинби же чай?

– Чай.

Катчысына чай беришин суранып келди. Элинаны тиктеп калды.

– Бауржан сени менен жолугушканын айтты. Сен баарын билесиң, туурабы? Ал...

Көзүнөн жаш айланып кетти.

– Мен уккандан бери уктай албадым. Баарын эстеп чыктым. Приступ кармап эле кете бере тургандай эмес болчу. Жаныбек, мен бул ишти таштай албайм. Мен арыз жазам. Кайрадан ишти карашсын.

– Биринчи колубузда ишендире турган нерсе болушу керек. Аман кайсы ооруканада каза болду, ошол жерден иликтешибиз керек. Мага баарын айтып берсең, экөөбүз бир нерсе ойлоп табабыз.

Көз жашын сүрткөн Элина ойлонуп калды.

– Кырсыкка кабылганга бир ай калганда ал Казакстанда иштеп жаткан алтын кенинен өз каалоосу менен бошонду. Ал кенди нөлдөн баштап өзү тургузган. Баары сыйлашчу. Ал тургай президенттин колунан сыйлык алган эле. Анан ортодон эле "ишимди таштайм" деди. Аман эч качан баштаган ишин орто жолдо калтырчу эмес. Ал жактан бошонуп келгенден кийин “Каркыра жайлоосуна барып эс алайынчы, башым ооруп жүрөт” деп калды. Мени балдар менен үйдө калуумду өтүндү. Чет өлкөгө кетмек, ишке чакырышкан. Колунда билети да бар эле. Ошентип кетип калды. Үч күн өткөндөн кийин мага анын каза болгонун айтышты. Жолдон жүрөгү кармап каза болгонун, алгачкы жардам көрсөтүшкөнүн айтышты. Нес абалда элем. Эч нерсени ойлогон жокмун. Коштошуу зыйнатына да катыша албадым, анткени эсим ооп калып жатты. Калганын өзүң билесиң.

– Алгачкы жардам көрсөткөн кайсы оорукана экен?

– Каракол шаары.

– Демек, ошол жерден баарын башташыбыз керек. Тезинен Каракол шаарына барып...

– Мен кантип барам? Балдарды кимге таштайм? Ишим эмне болот?

Жаныбек тиктеп турду. Оюна келген нерседен коркуп турду.

– Менин жакшы бир таанышым бар. Акчасына балдарды карап турганга макул болот.

– Ага төлөп бергенге акчам жок да...

– Ал жагын мага кой.

 

xхх

Жаныбек кайрадан ошол айылга келди. Аны көргөндө аял муңайым жылмайып алды.

– Кандайсыз?

– Жакшы.

– Сизге келдим. Элинага жардамыңыз керек.

Жаныбек болгон окуяны ага түшүндүрүп берди.

– Мен сизди таанышым деп тааныштырам.

– Ал ишенбейт.

– Эмнеге?

– Мен балдарды барып көргөм. Ошондо кызы менден чочулап ыйлап инисин алып кирип кетип калды. Ошондо ыйлап отурсам Элина көрүп калган эле. Ага бир нерселерди айткам, азыр да эсимде жок. Мени таанып калышы мүмкүн.

– Анда кандай кылсак?

– Мен ага өзүм барам.

 

ххх

Эртең менен күндүн көзү араң көрүнгөндө эле аял жолго чыкты.

– Зирек эже, борборго барасызбы?-деди алдынан чыккан коңшусу.

– Ооба. Кандайсың сен?

– Мага дары ала келесизби, Бишкектен табылат дешти эле.

Чөнтөгүндөгү кагазды сунган келин тигини тиктеп калды.

– Мен бүгүн келбешим мүмкүн.

– Аа, туугандарыңыз барбы шаарда?

Укпай калдыбы же жөн эле жооп бергиси келбедиби, Зирек үн каткан жок. Жаман көзү менен караган тиги келин аркасынан тиктеп кала берди. Зирек Элина иштеген цехке келди. Атайын келди. Кудай жалгап жумушчу күчү жетишпей жаткан экен, тез эле кабыл алышты. Элина ал күнү кечирээк келди. Аптыгып кирип келген кызы жан талаша кийим тиккен машинасына отурганын, эч кимге назар салбай иштеп жатканын көрдү. Дал маңдайында отуруп калган экен, уурданып кызын кароо менен алек. Жазы маңдайын, бакыракай көздөрүн, кырдач мурдун, шыпылдап эптүү кыймылдаган узун ак манжаларын тиктеп отуруу кандай гана ырахат эле. Эчен жыл сыртынан жалынып, караанын издеп келген каралдысы 2 метр жерде отурат!

– Тезден иштейли, бүгүн жетишишибиз керек... Сиз али баштай элексизби?- деген үндөн селт эте түштү. Муну Элина да укту. Башын көтөрүп тиктеп калды. Жанына келгенге чамасы жок эле, жылмая күлүп башын ийкеп койду. Ушу жылмаюудан эле денесине жылуулук тарагандай сезилди. Эс алуу учурунда Элина ага жакын келди.

– Кандайсыз, эсиңиздеминби?

– Жакшы,- апкаарып кетти Зирек. Көздөрүн ала качты.

– Акчаңызды уурдатып жибердим дедиңиз эле. Табылдыбы?

– Жок, ой, ооба... Табылды.

“Өзүңө кел” деп өзүн утуру урушуп жатса да денесиндеги майда калтыракты баса албай жатты.

– Азыр кала турган жериңиз барбы?

– Жок, бул жерде калуума уруксат беришти. Токмокто туугандарым бар. Алардыкынан келип кетиш оор болгондуктан түндө калсам болобу деп сурандым. Бир-эки күнгө уруксат беришти.

– Менин үйүмө келиңиз.

– Ия?

– Кенен деле үйүм жок. Бирок бул жерде калуудан көрө...

– Жок, убара болбо. Мен түндө да иштесемби дегем...

– Мейлиңиз, өзүңүз билиңиз. Баса, менин атым Элина. Сиздики Седеп болсо керек эле, ээ?

– Ооба, Седеп.

Элина башын көтөрө таң кала тиктеп калды. Эне-кыздын алгачкы таанышуусу ушундай өттү. Зирек Элинага таанышуу үчүн атайы бул планды ойлоп тапкан эле. Жүрөгү алып учуп турса да өзүн басып шек алдырбаганга аракет кылды.

 

ххх

Сыялы Туманов кызынын бөлмөсүнө жулунуп кирди.

– Сен кимсиң, ия? Сен үчүн менин башым канчага чейин жерге кирет? Сендей бала бергенчекти...

– Дагы эмне болду?

– Аман...

– Эмне Аман?

– Ишти кайра ачууга аялы арыз бериптир. Анын өлүмүн кайра чукулап башташыптыр.

– Анын жалгыз, жападан жалгыз мыйзамдуу аялы менмин! Уктуңбу? Экинчи айтпа, анын аялы деп айтпагын!

Кызы чаңырып жиберди. Ата менен кызы эчен жылдардан бери бири-бирине тике карай элек экен. Заар чачкан көздөрү менен бирин-бири жеп жиберчүдөй карап турушту.

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Башка сандарда:
Комментарийлер(4)
23.10.2018. 09:04 
Тайпасы:
Кыймылы жок
Комментарийлердин саны:
165
Катталган:
10-03-2016
Соӊку аракети:
02-06-2019 13:08
Жынысы:
Белгисиз
Калаасы:
Кыргызстан
-3
Биринчи
23.10.2018. 09:32 
Тайпасы:
Жаран
Комментарийлердин саны:
64
Катталган:
07-05-2016
Соӊку аракети:
22-05-2020 05:01
Жынысы:
Белгисиз
Калаасы:
ГАЛАКТИКА
+5
Аманды Тумановтор эле олтуруп коюшкан экен да. Акмактар! Элинага, балдарына эле жаман болду. Аягында Элина Жаныбек менен калат окшойт. Жанында апасы, балдары. Тумановтор турмодо чирисин, атасы да, кызы да!
23.10.2018. 11:02 
Тайпасы:
Жаран
Комментарийлердин саны:
196
Катталган:
19-05-2014
Соӊку аракети:
02-06-2020 11:30
Жынысы:
Белгисиз
+2
KOCMOC,менда ошентип ойлогом. Кызынан баш тартканы учун, кызынын конулу деп бир адамдын башын жептирда.
23.10.2018. 21:10 
Тайпасы:
Жаран
Комментарийлердин саны:
12
Катталган:
21-01-2017
Соӊку аракети:
28-04-2020 12:18
Жынысы:
Белгисиз
+1
Аман тирүү, көрөсүңөр го, Аман тирүү!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23968;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: