Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

МАМАЛАК (Атанын кызына болгон чексиз сүйүүсү тууралуу сериал)

№832 12-18-октябрь, 2018-жыл


Аңгыча мектептен Айназик чуркап чыкты. Азамат менен Айсулуунун ортосундагы ыңгайсыз жымжырттыкты кыз бузду. “Ата” деп кыйкырды ал чуркап келе жатып, колун булгалап. Айсулуу эми башка Айназикти көрдү. Бул бактылуу Айназик болчу.

– Ата,- атасынын кучагына урунду.

– Жаным десе...- кызынын төбөсүнөн жыттады Азамат. Айназик көз кыйыгы менен апасын карап койду. Жылмайып алган. Айсулуу да аны карап жылмайып койду. Атасы менен кызды карап туруп, ал туптуура кадам жасаганын түшүндү. Кандайдыр бир жылуу сезим ичин аралап кетти. Ошол туура кадамдан кадимкидей бир кемтик жери толгонсуп, кайдан-жайдан кубаныч пайда болду. Анан ошол кубаныч түрткү болдубу же туура кадам кылганына өрөпкүп кеттиби, Айсулуу биротоло буларды кубантып коюуну чечти.

– Мен жумушка барышым керек. Силер бир аз сейилдеп алып, анан үйгө баргыла. Үйгө жеткирип коёсуң да, Азамат?

– Ооба, ооба.

– Мейли анда.

– Мейли, жакшы бар.

Бурулуп басып кетти. Аны артынан кызы жана Азамат карап турганын сезип баратты.


ххх

– А сен эмне апама таарынгансыңбы?

– Жо-ок.

– Анда эмнеге ага көрүнбөй жүрдүң? Жолуктурбай коёт дедиң эле го?

– Чынын айтканда, мурда сен кичинекей кезде апаң мени таарынтып, а мен болсо апаңды таарынтып алгам.

– Ким биринчи таарынтты эле?

– Эми ал маанилүү эмес, кызым. Чоңдор ушинтип бири-бирин таарынта беришет.

– Акылсыздар десе.

– Ооба. Туптуура айттың. Акылсыздар.

– Эми таарынбай калдың да, ээ? Ал экөөбүздү жолуга бергиле деп уруксат берди го. Негизи апам аябай жакшы. Кээде эле Тимур байке ыйлатканда жини келип кетет.

– Жок, таарынбай элемин. Мурда таарынгам. Азыр баары жакшы. Жанымда сен барсың. Билесиңби, мен ушул күндү кандай күткөм. Экөөбүздүн ушинтип селкинчекте балмуздак жеп отурганыбызды кыялданчумун. Карачы, кандай сонун күн! Жаман күндөрдү мына ушундай сонун болгон бир күн жууп кетет. Толтура таарынычтардын баарын жууп кетет.

– Үчөөбүз десең, ата! Сен мамалакты унутуп коюп жатасың.

– А, ооба. Үчөөбүз ушинтип отурган күндөрдү кыялданчумун. Сен, мен, мамалак, кызарып батып бараткан күн, болор-болбос чыйкылдаган селкинчек жана балмуздак. Айтчы, мындан артык эмне бар, ээ, кызым?

– А эгер жаныбызда апам анан Байэл болсо, анда өтө супер болмок,- Азамат кызын карап жылмайып койду. Кызындагы тазалык, баёолук элжиретип жиберди.

– Кудайым сага бак берсе экен,- деди ал.



ххх

“Жадакалса жаман көз караш менен караган жок. Болбосо менин айымдан түрмөгө отурду. Жакшылыгын билбей көзүнө чөп салгам. Ал болсо жөн гана карап койду. "Кызыма жолугуп турсам эле болду" дейт. Таптакыр түшүнүксүз адам. Же ушинтип туруп дагы бир нерсе баштап жибереби?” Айсулуу күнү бою ушундай ойлор менен алпурушуп жатты. Байэлди бакчадан өзү алып, үйүнө келсе Айназик уктап жатыптыр. Кечке басып жүрүп чарчаса керек. Анын чачынан сылап, бетинен өпкөндө ойгонуп кетти.

– Атаң качан алып келди сени?

– Жана эле,- деди кыз көзүн ушалап.

– Ал мен жөнүндө эмне деди?

– Эч нерсе деген жок. "Апама таарындың беле?"
деп сурадым. Жок, эми таарынбай калдым деди.

– Мм...

– А сенчи? Сен ага таарынып жүрөсүңбү?

– Билбейм, кызым. Ал сени жакшы көрөт. Мурда ошону түшүнчү эмес окшойм. Сени жакшы көрүп жатса эмнеге таарынышым керек?

– А сен айтсаң, Тимур байке жакшыбы же атамбы?

– Бул эмне деген суроо? Тимур да сенин атаң. Байэлдин атасы.

– Жо-ок. Сага Тимур жагабы же атамбы?

– Түшүнбөдүм.

– Ой, ушунун эмнеси түшүнүксүз? Тимур жагабы же атамбы?

– Муну эмне атаң сура дедиби?

– Жо-ок. Мен болгону атам биз менен жашаса деп кыялдандым. Бирок сен аны жаман көрөсүң да. Сен Тимур эле дей бересиң.

– Мен атаңды жаман деле көрбөйм.

– Жакшы көрөсүңбү, ыя?

– Жок. Жакшы дагы көрбөйм.

– Айттым го, Тимурду жакшы көрөсүң?

– Тимур дебе, ал сенин атаң.

– Эх, сен атамды жакшы көрө алганыңда кандай сонун болмок. Ал күнүгө жаныбызда жүрмөк. Байэл да аны жакшы көрүп калмак. Чын. Атам да аны жакшы көрмөк. Менин атам деген... Э-эх.

– Менин атам деген со-онун киши да деп айтайын дедиң беле?

– Мм... Сен аны жакшы көрсөң го,- кыз кыялдана үшкүрүп койду. Айсулуу өзүнчө күлүңдөп алды.



ххх

Назик дагы тамак жасап алып, Айбек менен Азаматты күтүп отурат. Дээрлик 3 жылдан бери үйдө отуруп калган Назикке күйөөсү жумуштан келгенден кийинки убакыт өзгөчө баалуу. Керээли кечке 2 баласы менен алышат, анан Айбек келгенде азга болсо да убакыт токтоп калгандай туюлат. Экөө шашпай божурашып сүйлөшүп чай ичишет. А Азамат келгенден бери чай үстүндөгү андай баарлашуулар үйдө камалып отурган Назикке мурункудан да кызыктуураак болуп калды. Күйөөсү жана Азамат жумуштан келип ашканага киргенче Назик кадимкидей чый-пыйы чыгып кетти.

– Анан жолуктуңбу кызыңа?- деди ал жаңы эле отурган Азаматка.

– Ооба. Айсулууга да жолуктум.

– Ыя?- Айбек чочуп кетти.

– Ооба, жолуктум.

– Эч нерсе деген жокпу?- Назик сурады.

– Жок. Айназик түшүндүрүп койгон окшойт. Биз бир-экиден эле сөз сүйлөдүк окшойт. "Айназик менен жолугуп тур. Бирок аны алып кетип калба" дегендей айтты.

– Түштөн кийин түшүнүктүү болуп калган го? Сенин атыңды укканда жылан көргөндөй чочучу эле го?

– Билбейм. Анткен жок. Тескерисинче, мага көп нерсеге көзү жетип калган кишидей көрүндү. Токтоо.

– А сенчи? Сен көргөндө эч нерсе болгон жоксуңбу?

– Билбейм. Биринчи коркуп кеттим. Анан Кудай жалгап тигинтип айткандан кийин...

– Жок, мен аны сураган жокмун. Көргөндө эмне ачууланган жоксуңбу? Сенин көзүңө чөп салган киши, түрмөгө каматкан киши бет алдыңдан чыкты да. Анын айынан канча азап тарттың?

– Ооба, бирок алардын баары өттү да.

– Баары өттү деп унутуп коюуга болобу?

– Анан эмне кылуу керек?

– Жинди го могу,- Айбек кадимкидей ызаланып чыкты.

– Эй, сенин тагдырыңды талкалаган киши ошол го.

– А ким айтты менин тагдырым талкаланды деп?

– Үйүңдү өрттөп качтың, түрмөгө отурдуң, көзүңө чөп салды. Апаң... Койчу, Азамат?! Ошонун баарына Айсулуу күнөөлүү го.

– Антип күнөө издесек менден да көп күнөө табасың. Силерден да көп күнөө табууга болот. Бирок пайдасы эмне? Өткөн катачылыктарды чукуп чыгуу канчалык пайда алып келет?

– Экинчи андай катаны кайталабай каласың. Пайдасы ошол.

– А мен аларды кайталабайм. Мен азыр таптакыр башка кишимин.

– Жок, минткен болбойт, Азаке. Эркектик намыс болуш керек.

– Жок, Айбек, сен мени түшүнбөй жатасың. Билесиңби, мен абакта отурганда күндү эле көрүүнү кыялданган учур болгон. Жөн гана күндүн нурун сагынгам. Кызымды бир көрүп алсам дечүмүн. Мына, кызымды көрдүм. Сен азыр менин канчалык бактылуу экенимди сезбей жатасың. Мени өткөндү эстебейт дейсиңби? Кимдин өткөн күнүндө өкүнүч жок дейсиң? Бардыгында бар. Бирок биз өткөндө эмес, бүгүнкүдө жашап жатабыз да, туурабы? Өткөндү оңдогонго болбойт! А бирок бүгүнкүнү жакшы кылууга болот да. Өткөндү оңдоого мүмкүнчүлүк жок. А бүгүнкү күндү мыкты кылууга мүмкүнчүлүк бар. Менин ансыз да бактысыз күндөрүм көп болгон экен. Болду, мен эми аларды көбөйтпөйм. Мурунку таарынычтар менен жаңы күндү булгай берүү бул жиндичилик, менимче.

– Бирок...

– Бул талаш бүтпөйт, досум. Башкысы, мен бактылуумун.

– А бакыт деген эмне экен?- Назик Азаматты карап жылмайып алды.

– Билбейм, Назик... Бакытка аныктама бере албайм. Бирок кызым мектебинен чыгып чуркап келе жатса ошону карап дүйнөм түгөл боло түшөт. А бүгүн болсо чыйкылдаган 2 селкинчекте кызым экөөбүз термелип, ар кайсыны сүйлөшүп балмуздак жеп отурдук. Ал учурда таптакыр дүйнөнү унутуп койдум. Санаам тынч эле. Ошол убакыт ушунчалык жагымдуу болуп жатты... Ошол күндү мен канчалык кыялданып күткөнүмдү билсеңер го? Эх, жашоо сонун, достор! Сонун... Ишенип койгула!

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Башка сандарда:
Комментарийлер(13)
16.10.2018. 09:17 
Тайпасы:
Жаран
Комментарийлердин саны:
56
Катталган:
15-05-2013
Соӊку аракети:
02-10-2019 22:44
Жынысы:
Белгисиз
+5
Ох ыйлап алдым. Кандай гана сонун чыгарма.
Кыздын атага болгон суйуусу эч нерсеге Тен келе албайтко! Соз мн айта алгыс болот. Аалам бир тен, эн жакын Ата мн кыздын суйуусу бир тен. Жок, жогору турат бул суйуу. Мен атамы жанымдан да артык корот элем.
Раматылык атамы эстеп, озумун кичине кезими эстеп кеттим. Аллахым алтыным атамын жайы жаннатта болсун!
16.10.2018. 09:23 
Тайпасы:
Жаран
Комментарийлердин саны:
91
Катталган:
15-09-2015
Соӊку аракети:
17-06-2019 09:29
Жынысы:
Белгисиз
+5
Азамат эн туура айтыптыр, отконду эстегенден пайда жок, бир гана бугунку кун менен жашоо керек. Эртен эмне болушун да билбейсин. Ошондуктан жакындарыбызга кундо кубаныч тартуулайлы достор
16.10.2018. 10:34 
Тайпасы:
Жаран
Комментарийлердин саны:
22
Катталган:
27-07-2018
Соӊку аракети:
30-05-2019 09:47
Жынысы:
Белгисиз
+3
Эх кандай сонун создор. Эн сонун чыгарма тарбиялык мааниси терен. Автордун калеми курчуй берсин!
16.10.2018. 10:41 
Тайпасы:
Жаран
Комментарийлердин саны:
16
Катталган:
15-05-2016
Соӊку аракети:
22-10-2019 02:16
Жынысы:
Белгисиз
+4
Чыгарманы окуган сайын козумо жаш келет,Азаматтын кызына болгон суйуусуно, мээримине суктанам.Канчалаган аталар ботон бироонун баласы оз канынан жаралган балдарына мээрим бере албайт(таштап кетишет). Кээ бироолорго сабак болчу чыгара.
16.10.2018. 10:46 
Тайпасы:
Жаран
Комментарийлердин саны:
43
Катталган:
07-11-2017
Соӊку аракети:
20-12-2018 04:59
Жынысы:
Белгисиз
+1
Тимур кайда кеткен ?
16.10.2018. 10:46 
Тайпасы:
Жаран
Комментарийлердин саны:
36
Катталган:
26-01-2012
Соӊку аракети:
21-10-2019 15:07
Жынысы:
Белгисиз
Калаасы:
бишкек
+4
Азаматтай адамдар көп болсо экен,канча деген эне сүтү оозунан кете элек балдар болбогон нерсе үчүн кылмыш дүйнөөсүнө сүңгүп кирип жок болуп атышат.Кудай бизге ушундай сабыр бере көр.Чыныгы жашоодо бар болду бекен ушул адам.
arno2008 түзөттү 2018-10-16 11:38:57
16.10.2018. 12:30 
Тайпасы:
Жаран
Комментарийлердин саны:
137
Катталган:
05-01-2017
Соӊку аракети:
21-10-2019 19:02
Жынысы:
Белгисиз
0
Дагы бир жума)))
16.10.2018. 13:51 
Тайпасы:
Жаран
Комментарийлердин саны:
26
Катталган:
18-03-2013
Соӊку аракети:
21-10-2019 01:06
Жынысы:
Белгисиз
+2
Азамат кандай гана жакшы адамсын? Мен учун ото идеалдуу каарман да.
16.10.2018. 14:53 
Тайпасы:
Жаран
Комментарийлердин саны:
12
Катталган:
22-05-2018
Соӊку аракети:
23-02-2019 09:02
Жынысы:
Белгисиз
+1
Чыныгы жашоодо Азаматтай адамдар барбы мага ошол кызык???
16.10.2018. 18:34 
Тайпасы:
Жаран
Комментарийлердин саны:
39
Катталган:
31-12-2017
Соӊку аракети:
12-01-2019 19:05
Жынысы:
Белгисиз
+2
Азамат баардык жактан идеалдуу. Бирок чыныгы жашоодо эч ким мынчалык боорукер адамдык сапатты бийик койгон, акыл эстуу адам жок. Болсода чанда кезигет миллиондун ичинен. Бул чыгармага данк.
16.10.2018. 20:56 
Тайпасы:
Тартип бузгандар
Комментарийлердин саны:
10
Катталган:
22-02-2009
Соӊку аракети:
11-05-2019 19:28
Жынысы:
Белгисиз
0
Сонун чыгарма. Бирок куткон ото жаман болтат
17.10.2018. 00:42 
Тайпасы:
Жаран
Комментарийлердин саны:
11
Катталган:
24-04-2014
Соӊку аракети:
28-11-2018 08:39
Жынысы:
Белгисиз
0
Сонун
17.10.2018. 23:04 
Тайпасы:
Жаран
Комментарийлердин саны:
52
Катталган:
13-10-2017
Соӊку аракети:
18-01-2019 16:05
Жынысы:
Белгисиз
+1
Eh kandai soonun Adam atyna zaty jarawkan sabyrdyluugun soz mn aityp jetkire albaisyn Meerimduuluguchu suktanyp buto albai koidum
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23087;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: