Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Зина Турдалиева, Бишкек шаарынын тургуну: “АКЧАСЫНЫН КЕРЕГИ ЖОК. БАЛАСЫН БЕРСЕ БАГЫП АЛМАКМЫН”

№832 12-18-октябрь, 2018-жыл


“Өз балдарымды кагып-силкип урушам, бирок Эрболго анте албайм. Себеби ал бирөөнүн баласы. Бирок өз баламдай жакшы көрөм...” Уулу Эрбол тууралуу айтып берип жаткан 32 жаштагы Зина айымды мен балапанын канатына калкалаган канаттууга окшоттум. Анда сөздү каарманым уласын.

“БАККАН АКЫМДЫ КОЙ, БАЛАНЫН ТАМАГЫ БАРБЫ ИШИ БОЛГОН ЖОК”

– Окуя 2,5 жыл мурда болгон. Бир тааныш кыз мага “бала багуучу болуп иштебейсиңби, акысын күнүнө 600 сом төлөп берет экен” деп калды. Ал убакта 5 жаштагы кызымды карап үйдө отурчумун, ойлондум да, макул болдум. Мага бул жумуш ыңгайлуу болчу, кызыма кошуп бага берсем, акча да тапмакмын. 4 айлык уул баланы апасы менин үйүмө алып келип берди. Наристенин апасы 1995-жылы туулган Диларамхон (Диля) деген өзбек улутундагы келин экен, “Оштун Он-Адыр айылынан болом” деди. Казак жигитине турмушка чыгып, коңшу мамлекетте жашап жүрүп, ажырашып кетип Бишкекке баса бериптир.

Алгачкы 5 ай баласын баккан акымды берип жүрдү, андан кийин эле жок болуп кетти. Менин акымды кой, баласынын жалаягы, тамагы барбы-жокпу иши болгон жок.

“БАЛАМДЫ БЕРБЕСЕҢ, СЕНИН КЫЗЫҢДЫ ӨЛТҮРӨМ ДЕП КОРКУТАТ”

– Диларамхон баласын Сардор деп чакырчу, бирок туулгандыгы тууралуу күбөлүгүндө аты Эрбол деп жазылган. Бизге да Эрбол деп чакырган ыңгайлуу болуп Эрбол атап алдык. Калп айтпасам, 3 жыл аралыгында апасы баласын баш-аягы 10 чакты жолу келип көрдү окшойт. Көчөдөн башка бирөөнүн кичинекей баласын көрсөң да ичиң элжирейт го. Диля келгенде өз баласын көзүнүн кыйыгы менен бир карап койчу да, телефонун чукулап отуруп алар эле. Мен “ай, балаңды карасаң боло, эркелетип, мээрим төксөң боло” деп эле жаман көрүнө берчүмүн. Ошентип жүрүп дайыны чыкпай калды. Бир күнү ачуум келип телефон чалып “бала кереги жок болсо мага бер” дедим. Кайдан, кайра “Эгер баламды бербесең, “Ош базарындагы” чөнтөкчүлөргө акча берип коём, алар сенин кызыңды өлтүрүп кетишет” деп коркутуп чыкты.

“АПАСЫ СОЙКУКАНАДА ИШТЕЙТ ЭКЕН”

– Бир жыл Эрболду баккандан кийин, өзүм төрөп калдым. Ошондо уят-сыйытты жыйыштырып эле Диляны издеп бардым. Тааныштарым аны базар жактан көргөнүн айтышты эле, барсам, “Ош базарынын” жанындагы Кулиев көчөсүндөгү сойкуканалардын биринде иштейт экен. “Эй, акчамды бербейсиңби?” десем, “акча жок болуп жатат, жумуш жакшы болбой эле” деп мени шылдыңдагансып 200 сом карматты. Анан “эже, Түркияга кетип жатам, акча таап сизге салып турам” деген, ошол бойдон дагы жок.

Түркияга баргандан кийин бир жолу телефон чалган, кийин кааласа менин номеримди блокко салып коёт, каалаган убакта кайра чыгарат. Акыркы убакта "ушул бойдон кетсе кетсин, баланы өзүм багып алам" деген ойго жетелене баштадым.

“ЭНЕСИ МЕНДЕН АЛЫП КЕТСЕ БАЛАМА ЖАКШЫ ЖАШОО КӨРГӨЗБӨЙТ ГО”

– Энеси жок деп жаш баланы кантип көчөгө таштайм? Балада эмне күнөө?! Эрболум “мамалап” эле турат, азыр 3кө чыгып калды. Берки балдарымды кагып-силкип, “ары тур, бери тур” деп урушуп коём. Эрболду анте албайм, көрсөм эле жүрөгүм бир башкача согуп, коргогум келип кетет. Азыр Эрбол үчүн бала багуучу жалдагам, кечинде жумуштан кийин шашып үйгө барам “бала багуучу уруп койбоду бекен, ыйлап калган жокпу” деп. Кызым да Эрболду жакшы көрөт, экөө аябай жакын. Кызым эртең менен мектепке даярданса кичинекей неме түшүнбөйт да, “эжем меники” деп ээрчип ыйлайт. Кызымдын, уулумдун кийимдерин кошо кийип эле чоңоюп келе жатат. Аны башкага бергенимди элестете албайм. Биринчиден, өзүмдү ойлойм кандай абалда калам деп. Экинчиден, ал кандай күнгө туш болот деп корком. Энеси менден алып кетсе жакшы жашоо деле көргөзбөйт го балама (Зина айым токтоно албай ыйлап жиберди).

“ЭРБОЛ 7 АЙЛЫК БОЛУП ТӨРӨЛГӨН ЭКЕН, КИЧИНЕСИНДЕ КӨП ООРУДУ”

– Эркек адамдын ой жүгүртүүсү башкача болот экен. Жолдошум күн сайын жемелейт “бирөөнүн баласын эмнеге багып отурасың, бер өз ата-энесине. Бала деген чоң жоопкерчилик, эртең бала ооруп же дагы башка нерсе болсо сен жооп бересиң, өзүң күнөөлүү болуп каласың. Баламды бербей жатат деп арыз жазса камалып кетесиң” деп. Бир чети анын айтканы деле туура.

Эрбол 7 айлык болуп төрөлгөн экен, кичинесинде көп ооруду. Бир канча жолу ооруканада жатып дарыланып чыктык. Жолдошум экөөбүз деле ашынган бай эмеспиз, батирде турабыз. Эрболдун дары-дармегине акча таппай канча кыйналдык. Ошондо энеси бир басып келип кабар алган жок. Ооруган баласын бир кайрылып көрбөгөн немени эне деп айтууга татыктуубу? Ушундай энелерди жоопкерчиликке тарта турган мыйзам барбы? Же энеси жок дегенде кат жазып койсо “Зина эже, болду бала мага кереги жок. Сиз багып алыңыз” десе, андан үмүтүм үзүлүп, санаам тынып калат эле. Мага акчасынын деле кереги жок, баладан баш тартса, энесинен жакшы багып алмакмын.

“АТАСЫ АЛМАТЫДА ДЫЙКАНЧЫЛЫК МЕНЕН АЛЕКТЕНЕТ ЭКЕН”

– Эрболдун атасын таап, байланышкам. Алматыда жашаган, дыйканчылык менен алектенген жигит экен. Ал вотсапптан жазып “баламды баккан акчаңызды төлөп берем, анан баланы алып кетем” деп айтат. 3 жылдык баккан акымды төлөй деле албайт го.

5-октябрда бир бейтааныш кыз телефон чалыптыр “Диля Бишкекте убактылуу кармоочу жайда жатат. Жардам бергиңер келсе дарегин берейин” деп. “Баласын бакканым аз келгенсип, өзүнө да жардам берейинби?!” деп урушуп коюп салгам. Бирок ошондон бери жанымды коёрго жер таппай, азыр келип колумдан жулуп кетчүдөй болуп түн уйкудан калдым, ишенсеңер. Санаам чыдабай ал кармалган РИИБге бардым. Тергөөчү менен сүйлөшсөм, Түркияга кеткенге чейин бирөө менен мушташып, анын машинасын талкалап салып качып кеткенин айтты. Түркиядан 5-сентябрда келери менен кармалып, азыр убактылуу кармоочу жайда экен, ноябрда соту болот дешти.

Эми энеси келип алып кетсе Эрбол кандай адамдын колуна түшөт? Мен өзүм ата-энеси жок чоңойгом, ошондуктан анын келечегин ойлоп бушайманмын. Канткенде баланы өзүмө алып кала алам? Энесинин кылык-жоругу үчүн аны энелик укуктан ажыратса да, баламды атасы алып кетип калат го? Алып кетсе мен бат-бат барып көрүп, кабар алып туруума мүмкүнчүлүк болобу?

“АТА-ЭНЕЛИК УКУКТАН АЖЫРАТЫЛГАН УЧУРДА ГАНА БАЛАНЫ БАГЫП АЛА АЛАСЫЗ”

Каарманыбыздын суроолоруна жооп алуу максатында юрист Калыйнур Батыралиевге кайрылып, төмөндөгүдөй жооп алдык:

– Баланы асырап алуу үчүн тиешелүү органга – Социалдык өнүктүрүү башкармалыгынын алдындагы Үй-бүлөнү жана балдарды колдоо боюнча бөлүмгө кайрылуу керек. Баланы багып алуунун өз эрежелери бар. Ата-энелери төмөнкүдөй болгон балдарды асырап алууга болот:

* каза болгон;

* баланы асырап алууга жазуу жүзүндө макулдук берүү жөнүндө арыз берген;

* ата-энелик укугунан ажыратылган жана калыбына келтирилген эмес;

* сот тартибинде аракетке жөндөмсүз, кайсы жерде экендиги белгисиз деп табылган же каза болду деп жарыяланган;

* ата-энеси ким экендиги белгисиз деп таанылган.

Сиздин абалыңызда, баланын ата-энесин ата-энелик укугунан ажыратып, анан багып алууга туура келет. Ата-энелик укуктан ажыратуу жөнүндө иштер ата-эненин биринин (же аларды алмаштыруучу адамдын), прокурордун арызы, ошондой эле жашы жете элек балдардын укугун коргоо милдети жүктөлгөн органдардын арызы боюнча каралат.

Атасы да, энеси да ата-энелик укуктан ажыратылган учурда гана баланы багып алууңузга мүмкүн. Ал эми бала ата-энесинин биринин колунда кала турган болсо, алар баланы сизге жолуктурабы же жолуктурбайбы, бул мамилени мыйзам жөнгө салбайт.

Асыл Орозбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(15)
16.10.2018. 09:44 
Тайпасы:
Жаран
Комментарийлердин саны:
12
Катталган:
20-06-2013
Соӊку аракети:
31-07-2019 19:49
Жынысы:
Белгисиз
Калаасы:
Алай
+38
Ушундай мээримдүү адамдар бар үчүн дүйнө кармалып турса керек...
16.10.2018. 10:18 
Тайпасы:
Жаран
Комментарийлердин саны:
272
Катталган:
28-05-2012
Соӊку аракети:
04-07-2019 00:32
Жынысы:
Белгисиз
Калаасы:
нарын
+41
Бироонун баласын багуу азыркы учурда ото кыйын эженин омуру узун болсун. Кудайдан болуп баланы сизге эле берип калса экен.
16.10.2018. 11:32 
Тайпасы:
Жаран
Комментарийлердин саны:
9
Катталган:
24-12-2016
Соӊку аракети:
07-10-2019 23:23
Жынысы:
Белгисиз
+26
Зинадай мээримдүү энелер бар болгула. Ушундай энелерге таазим.
16.10.2018. 13:56 
Тайпасы:
Жаран
Комментарийлердин саны:
6
Катталган:
07-05-2018
Соӊку аракети:
15-07-2019 13:03
Жынысы:
Белгисиз
+22
Бала төрөгөндуку эмес,баккандыкы деген туура да.сиздей мээримдуу аялдар көбөйө берсин элибизде,жерибизде.
16.10.2018. 14:19 
Тайпасы:
Жаран
Комментарийлердин саны:
304
Катталган:
30-05-2011
Соӊку аракети:
20-10-2019 17:59
Жынысы:
Белгисиз
Калаасы:
germahiya
+22
Тиги ХХХ бул баланын шорун агызат го алса кор кылып эптеп ушул эже эле алып калса экен...
Модератор admin_media түзөттү 2018-10-16 15:20:35
16.10.2018. 16:23 
Тайпасы:
Жаран
Комментарийлердин саны:
23
Катталган:
18-09-2017
Соӊку аракети:
30-08-2019 01:27
Жынысы:
Белгисиз
Калаасы:
Жакшы адамдар арасы...
+21
3 жыл бою баласын башка бироого таштап баса берген энени (атаны) эмнеге ата-энелик укугунан ажыратышпайт?...
16.10.2018. 18:29 
Тайпасы:
Жаран
Комментарийлердин саны:
384
Катталган:
28-09-2011
Соӊку аракети:
20-10-2019 18:03
Жынысы:
Белгисиз
+13
Эже башка туулгандыгы тууралу куболук алып алыныз озум тородум деп. 5-6мин берсениз бутот. Келсе менин балам деп койосуз. Же качып кетириз. Атасына деле бала керек болсо жердин жети кабатына болсода бармак. Значить сизге эле керек ал бала башка эч кимге кереги жок
17.10.2018. 00:18 
Тайпасы:
Жаран
Комментарийлердин саны:
183
Катталган:
17-09-2010
Соӊку аракети:
22-08-2019 14:00
Жынысы:
Белгисиз
Калаасы:
Бишкек-Ankara
+4
ainura220888, кайсы жерден 5-6минге бутот? Аяшым озу торогон балага куболук алалбай жатат))
17.10.2018. 11:24 
Тайпасы:
Жаран
Комментарийлердин саны:
325
Катталган:
14-11-2015
Соӊку аракети:
09-10-2019 02:21
Жынысы:
Белгисиз
Калаасы:
Ата-энемдин журогу...
+4
dina,Неге ала албай жатат? Мен жакында эле бироону уктум Москвадан бироо тороп таштаган баланы кыргызстанга алып барып,ошол жактан метиркасын алыптыр деп,Москвадан ала алган эмес экен эле.Акчанын кучуго баардык жерде эле.
16.10.2018. 22:55 
Тайпасы:
Жаран
Комментарийлердин саны:
165
Катталган:
10-03-2016
Соӊку аракети:
02-06-2019 13:08
Жынысы:
Белгисиз
Калаасы:
Кыргызстан
+1
Эхх ыйлатты го
17.10.2018. 11:26 
Тайпасы:
Жаран
Комментарийлердин саны:
325
Катталган:
14-11-2015
Соӊку аракети:
09-10-2019 02:21
Жынысы:
Белгисиз
Калаасы:
Ата-энемдин журогу...
0
Юристтин айтканы иштебей калдыгоо,откондо депутат айтты элего,бироо балдарын убактылуу ташиап кетсе,башкаларга сатып жиберишкенин.
17.10.2018. 13:00 
Тайпасы:
Жаран
Комментарийлердин саны:
193
Катталган:
19-05-2014
Соӊку аракети:
19-10-2019 14:04
Жынысы:
Белгисиз
0
Менин оюмда энеси уже кочодо калыптырда ошондо, сойкулук кылса, мушташса, жакында соту болсо баланы алса бага албайт ошого да албайт баласын. Алса да чонойгондо келип талашышы мумкун.
17.10.2018. 16:57 
Тайпасы:
Жаран
Комментарийлердин саны:
6
Катталган:
11-03-2018
Соӊку аракети:
07-10-2019 09:58
Жынысы:
Белгисиз
0
Кж болбонуз бала торогондуку эмес баккандыкы эгер сот сизге баланы калтырбаса ошол сот орган закон пакону менен жерге кирип кетсин
18.10.2018. 00:26 
Тайпасы:
Жаран
Комментарийлердин саны:
12
Катталган:
12-09-2017
Соӊку аракети:
07-03-2019 20:25
Жынысы:
Белгисиз
-5
Энесине берсин, бирөөнүн баласын эмне кылат. Баласы жок болсо бир жөн. Суу ичсе да энеси менен болсун.
19.10.2018. 19:23 
Тайпасы:
Жаран
Комментарийлердин саны:
157
Катталган:
04-03-2017
Соӊку аракети:
21-10-2019 07:38
Жынысы:
Белгисиз
0
Окмотко эле откоруп берсин озбек кызга алдангандан коро синдиниздин баласын убактылуу багып бербепсиз уй жайын кылганга жардам болмок. Бирок баккан бала ширин болот
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: