«Жылдын супер актрисасы»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Баласынан айрылган эне: “УУЛУМДУ УЛУУ БАЛДАР САБАП ӨЛТҮРҮП КОЮШТУ”

№832 12-18-октябрь, 2018-жыл


Чүй облусунун Аламүдүн районуна караштуу Арчалы айлынын 16 жаштагы тургуну Арген Капасов мындан туура бир жыл мурун каза болгон. Маркумдун өлүмүнө шектелип 2 айылдашы кармалган. Аргендин жакындары кылмышка шектүү балдардын биринин милиция кызматында иштеген туугандары бар болгондуктан мыйзам чегинде жазаланбай калат деп чочулап жаткандыгын айтышат. Ал эми кылмышка шектүүлөр өздөрүнө эмнеге күнөө тагылып жаткандыгын түшүнбөй тургандыктарын билдиришти.

“ВРАЧТАР БАЛАМДЫН ӨЛГӨНҮН АЙТЫШКАНДА БУТУМ БАСПАЙ КАЛДЫ”

Венера Капасова үйүнөн эшикке чыкса эле уулу көмүлгөн мүрзө көрүнөт. Аны көргөн сайын көзүнүн жашын көл кылган эне бир жылдан бери сот болбой, шектүүлөр үй камагында жүргөнүн көрүп ичи сыздаарын айтат:

– 2017-жылдын 13-октябрында 10-класста окуган уулум Аргенден айрылып калдым. Ал күнү баарыбыз короодо огородду жыйнап жатканбыз. Арген мектептен келип, “апа, бир аз уктап алайынчы” деп үйгө кирген. Бир маалда үйгө кирсем балам жок. Көчөгө чыгып, ары жактагы ичке жолдо бир кыз менен сүйлөшүп турганын көрүп чакырдым. Ал “телефон кубаттандыргыч алып барам” деди. Бир маалда Зухридин аттуу бала “Арген желим жыттап алып жыгылып калды” деп келди. Жүрөгүм шуу дей түштү. Чуркап барсам баламдын бети-башынын баары суу болуп жатыптыр, жанындагы 2 бала суу чачып эс алдырабыз дешкен экен.

Балдар машина чакырып коюшуптур, аны менен ооруканага жөнөдүк. Жолдон баламдын оозунан “кышш” деген үн чыкты. Үзүлгөнү билинди. Жулмалап, кыйкырып жаттым. Бирок кантип уулумду жоготконго ишенип калмак элем. Болбой эле үмүттөнүп Бишкектеги №4 ооруканага алып бардык. Иним артымдан келип калды. Жандандыруу бөлүмүнө алып кирип, 5-10 мүнөткө жетпей ак халатчандар “балаңар жыгылганда эле жан берген экен” дешти. Күтүлбөгөн жерден мындай кабарды укканда иним эсин жоготуп жыгылып, менин болсо бутум баспай туруп калдым.

“БАЛАМДЫ ЖЕЛИМ ЖЫТТАДЫҢ ДЕП САБАШЫПТЫР”

– Баламдын жанында турган кыздын айтымында, мен уулумду чакырып кеткенден кийин алардын жанына 3 бала келиптир. Аларды көргөндө эле ал кыз качыптыр. Анткени Нургазыдан коркушат экен. “Ал жаман байке” деп жатат. Кыз качып баратып жолдон кайрылганда эле “дүңк” деген үн чыгат. Анан эле ошол Нургазы кыздын артынан келип, “желим жыттап турдуңар беле? Үйлөчү” дептир. Үйлөсө, “таза экенсиң, кете бер” деп коё берет. Нургазы кайра баламдын жанына барып, аны дагы урган окшойт. Уулум жыгылып калыптыр. Нургазы уулумду жолдо турган Зухридиндин жанына жетелеп барып, “желим жыттап алыптыр, карасаң кебетесин” дептир. Анан Зухридин дагы урганда балам кулап, ошол жерден эле жан берген экен. Зухридин “Аргенди менин жаныма араң жетелеп келди. Ошондо эле абалы начар болчу” деп жаткан.

“ЭКИ ЭКСПЕРТИЗАНЫН ЖЫЙЫНТЫГЫ АР КАНДАЙ ЧЫКТЫ”

– Мен баламдын сабалганын билген эмесмин. Балдар “желим жыттады” десе ошого ишенип жаман болуп жүрдүм. Ооруканага барганда дарыгерден “желим жыттаптырбы?” деп сурасам, ал “желим алыстан жыттанат, жыттабаптыр” деди. Уулумдун классташтарынан сурасам Арген желим жыттачу эмес экен.

Соттук-медициналык экспертиза дайындалып, 2 айдан кийин “жүрөк оорудан улам каза тапты” деген жыйынтык чыкты. Бул экспертизаны жасатып эле коюшкан. Анткени баламдын жүрөк оорусу жок болчу. Жыйынтыгына ишенген жокпуз, ошондо Аламүдүн РИИБи көз карандысыз экспертиза дайындады. Экинчисинде “катуу предметтин талуу жерге урулушунан улам каза тапты” деген жыйынтык чыкты. Анан 5-6 айдан кийин кылмыш иши козголду. Биз ошондо гана баламдын сабалганын билдик.

“НУРГАЗЫНЫН МИЛИЦИЯ КЫЗМАТЫНДА ИШТЕГЕН ТУУГАНДАРЫ КӨП”

– Зухридинге күнөөнүн баарын оодарып жатышат. Ага Нургазынын милицияда иштеген туугандары “сен моюнуңа алып тур, сени кайра чыгарып алабыз” дешиптир. Анан ал бала моюнуна алып коюптур. Кийин Зухридиндин ата-энеси Нургазынын үйүнө барышса, алар “Өз балаңарды өзүңөр чыгарып алгыла. Эч нерсе билбейбиз” деп коюшкан экен. Ошондон кийин гана кесилип кетерин билген Зухридин беттештирүүдө Нургазынын да күнөөсүн айтып, Нургазы 2 жолу, өзү 1 жолу урганын билдириптир.

Кылмыш иши башында Нургазынын үстүнөн 234-берене (бейбаштык) менен, Зухридиндин үстүнөн 101-берене (байкабастыктан өлүмгө дуушар кылуу) менен козголгон. Иш сотко өткөн. Башында судья Сагыналиев “эки адам бир ишти жасап жатса, эмнеге бөлүп карап жатабыз? Экөөнү бириктирип бир дело ачкыла” деген. Кийинки соттук отурумда ишти башка судья карап калыптыр. Эмне себептен судья алмашканын билбейбиз. Иш бириктирилген дешкен, бирок сот боло элек. Ар кандай себептер менен жылдырылып келе жатат. Менимче, ишти жапканга аракет кылышууда. Нургазынын милиция кызматында иштеген туугандары көп. Иш тергелген Аламүдүн РИИБинде да эки байкеси иштейт.

“КЕЧИРИМ СУРАП ҮЙГӨ КЕЛИШКЕН”

– 6-апрель баламдын туулган күнү болчу. Ошол күнү кылмышка шектүүлөрдүн жакындары кой союп, кийит көтөрүп куран окутуп келишти. Кечирим сурашты. Тырмактай балам жерде жатса, кантип кечирем? Ал жигиттер биз менен учурашып коюп, айылда ээн-эркин эле жүрүшөт.

Арген кээде балдарга жолугуп келгенде буттарында таяк менен чабылгандай издер болор эле. Сурасам, “зымга чалынып түштүм” деп койгон. Бир ирет "улуу балдар бутка тебет" деп айтып калды. Кайсы балдар экенин сурасам айтпай койгон.

Үйдөн чыксам эле уулумдун мүрзөсү маңдайымдан көрүнөт. Аны көргөн сайын жүрөгүм жанчылат. Соттон адилеттик күткөн жокпуз, жазасын жеңилдетип коюшат деп ойлоп жатабыз. Бирок биз ишти таштабайбыз. Жогорку органдарга, бийликке кайрыла беребиз. Күнөөлүүлөр мыйзам чегинде жазалансын.

“КАШКАР ЖУНУШАЛИЕВ ТУУГАНЫМ, БИРОК АГА ЭЧ НЕРСЕ АЙТКАН ЭМЕСПИЗ”

Кылмышка шектүү делген 24 жаштагы Нургазы менен 23 жаштагы Зухридинге жолукканыбызда алар Аргенди урган эмеспиз дешти:

Нургазы:

– Өзүмдүн инилерим менен тең кичинекей баланы кантип сабамак элем. Колум тийген эмес. Мени эмнеге күнөөлөп жатышат, билбейм. Сабасак денесинде көк ала болмок. Бирок анын денесинде көк ала жок болчу. Ал окуя болгон күнү Зухридин досум торпокторумдун ошол көчөдө жүргөнүн айтып телефон чалган. Баратсам Арген өзүнөн кичүү кыз менен көчөдө туруптур. Мен жакын калганда ал кыз басып кетти. Ага чейин бир ирет желим жыттап алган жаш кыздарды кармап алганбыз. Алардын арасында Арген да бар болчу. Ошондуктан дагы желим жыттап жатышат деп ойлоп Аргендин жанына барып, “Арген, өзүң жыттай бер. Бирок кичүү кыздарга жыттатпай эле кой да” деп айттым. Желим жыттаганын танып койгону менен, жыттанып эле турду. Арген ал кыздан телефон кубаттандыргыч алыптыр. Анан Аргендин үйүн көздөй экөөбүз чогуу бастык. Жолдон Зухридинге жолугуп калдык. Ошол убакта Арген кулап калды. Мен ага байке катары эле кеңеш айткам. Мурун биз деле тамеки чегип улууларга кармалып же качып жүрчүбүз. Ошондой эле нерсе болгон.

Милицияда иштеген аталаш агаларым бар экени чын. Зухридинди кармап кеткенин тоодо мал кайтарып жүрүп уктум. Аламүдүн РИИБине өзүм бардым. Барсам менден эч ким эч нерсе сураган жок. Кайра чыгарып коюшту. Аламүдүн РИИБинде 2 байкем иштейт. Бирок алардын менин ишиме кандай тиешеси бар? Мага жардам берсе өздөрү камалып кетпейби. Жардам беришкен жок. Экспертизага кийлигишкен жок. Ички иштер министри Кашкар Жунушалиев аталаш тууганым болгондугу үчүн ар кандай сөздөр чыгып жатат. Министр атабыз бул тууралуу эч нерсе билбейт, ага айткан эмеспиз. Милиция кызматкерлерине окуяны болгонун болгондой эле айтып бергем. Айылда мен тууралуу да жаман кептер тарады. Ачык айтайын, мен нашаа чегип көргөм, бирок азыр чекпейм. Адам баласы болгондон кийин баарын көрүш керек. Бирок желим жыттап көргөн эмесмин. Жакындарым Аргендин үйүнө 1 жолу эмес, 3 жолу барып келишти. Бирок алар эмнелерди сүйлөшүшкөнүн сураган деле жокмун.

Зухридин:

– Мен ошол күнү Арген менен Нургазыга жолдон жолугуп калдым. Арген ал учурда соо эмес болчу. Досум “Арген желим жыттап алыптыр, жыттап көрсөң” деп калды. Үйлөттүк, жыттанып турса да Арген “жыттаган жокмун” деди. Бир аздан кийин эле Арген кулап калды. Биз сабаган жокпуз. Тескерисинче, бетине суу сээп жардам көрсөттүк. Мен чуркап барып ата-энесин чакырып келдим. Досум унаа чакырып коюптур. Ошентип Арген менен апасын ооруканага жөнөттүк. Ал учурда Арген эсин жоготуп койгон. Кийин бала өтүп кетиптир деп уктук. Ошол күнү эле милиция кызматкерлери келип, түшүнүк кат жаздырып кетти. Арген эмнеден улам каза тапты айта албайм. Бирок желим жыттаганы чындык. Бул окуяга чейин Арген менен мамилем жок болчу. Саламдашып гана койчубуз. Биз мектепте окуп жүргөн кезде улуулардын тарбиялап турмайы бар болчу. Кийин бул жоголуп кеткен. Каза болгон кезде Аргендин жанында экөөбүздөн башка эч ким жок болгондуктан эле бизди кылмышка шектүү кылып кармап кетишти. Каза болгон күнү түшүнүк кат алып жатканда милиция кызматкерлери “баланын денесинде көк ала жок экен, эмнеге өтүп кетиши мүмкүн?” деп сурашкан.

2018-жылдын 27-март күнү милиция кызматкерлери мени көчөдөн колу-бутумду кайрып кармап кетишти. Суракка алышты. Мага ар кандай ыкма көрсөтүштү, “акыры моюнуңа алдырабыз” дешти. Мага ден соолук керек болчу. Ошон үчүн аларды сабаганга жеткирбей эле “бир жолу ургам” деп койдум. Ошентип кылмышты моюнума алып отуруп калдым. Ошондон улам эле азыркыга чейин мени сүйрөп жүрүшөт. Эми маңдайга жазганын көрөбүз. Күнөөсү жок камалып кеткендер деле көп экен.

“ЖАМАН ЖОЛГО БАРСАК, УЧУРАШПАСАК УЛУУЛАР УРУШУ МҮМКҮН”

Арген менен бир мектепте окуган теңтушу төмөнкүлөрдү айтып берди:

– Арген менен бир мектепте окуганбыз. Жакшы бала болчу. Биздин айылда акча же бир нерсе таап келүүбүздү талап кылган “дедовщина” жок. Бирок улуу байкелерге салам бербей өтүп кетсек, керсейип койсок, желим жыттап, тамеки чексек алар уруп коюшу мүмкүн. Мен Аргендин желим жыттаганын көргөн эмесмин. Жыттаса бизге деле сунуштамак деп ойлойм.

Перизат Музуратбекова

koom@super.kg

 



Небересин жоготкон Байыш Капасов: "Неберемди өлтүргөндөр көчөдө ээн-эркин басып жүрүшөт"

Автор: Илим Туратбек уулу
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -2 
Комментарийлер(13)
16.10.2018. 09:41 
Тайпасы:
Жаран
Комментарийлердин саны:
52
Катталган:
27-07-2011
Соӊку аракети:
15-11-2018 15:01
Жынысы:
Белгисиз
Калаасы:
Россия
+7
мектептерге тартип козомолчуу киргизиш керекко менимче
16.10.2018. 10:47 
Тайпасы:
Жаран
Комментарийлердин саны:
161
Катталган:
26-03-2014
Соӊку аракети:
03-12-2019 09:10
Жынысы:
Белгисиз
+25
Нургазы дегени туугандарын санап өтүптүр го, демек таянаар адамдары көп. Бирөөнүн баласын сабап тарбиялаганча, өзүн оңдоп алса болмок экен. Дагы чегип көргөм деп коёт...
16.10.2018. 12:47 
Тайпасы:
Жаран
Комментарийлердин саны:
10
Катталган:
12-04-2018
Соӊку аракети:
06-12-2019 09:12
Жынысы:
Белгисиз
Калаасы:
Жер шаары
+4
Желим эмне экен я?
16.10.2018. 17:58 
Тайпасы:
Жаран
Комментарийлердин саны:
603
Катталган:
09-09-2015
Соӊку аракети:
24-09-2019 16:58
Жынысы:
Белгисиз
+3
Syimyk.isaev,клей
16.10.2018. 14:09 
Тайпасы:
Супермодератор
Комментарийлердин саны:
7596
Катталган:
22-02-2011
Соӊку аракети:
06-12-2019 12:52
Жынысы:
Белгисиз
Калаасы:
...
0
Matahara1980, порталдын эрежелерин сактоону сунуштайбыз.
17.10.2018. 09:31 
Тайпасы:
Жаран
Комментарийлердин саны:
143
Катталган:
14-02-2016
Соӊку аракети:
04-12-2019 08:03
Жынысы:
Белгисиз
Калаасы:
Кыялдарда
+9
Нургазынын тууганы министр болсо,иштин буткону.Адилеттик жок бизде и болгон да эмес.Ошого баарына Кудай бар.Клей жыттагандан адам олот дегенди биринчи угушум.
17.10.2018. 13:35 
Тайпасы:
Жаран
Комментарийлердин саны:
360
Катталган:
01-03-2014
Соӊку аракети:
01-03-2019 15:59
Жынысы:
Белгисиз
Калаасы:
кара кулжа
+9
ошондо Министр инилерин бут эле органга киргизген болобу?
17.10.2018. 16:05 
Тайпасы:
Жаран
Комментарийлердин саны:
152
Катталган:
02-08-2015
Соӊку аракети:
06-12-2019 14:07
Жынысы:
Белгисиз
Калаасы:
Ош
+4
Клей ото коп жыттаса олушу мумкун.2жыл мурун болом 9-класс болчу уйго келип Бир комнатада бекинип ичинен жаап клей жыттап журуптур 3-куну Уй сасып кетти,карб деген нерсени жыттап журуптур озун жоготуп койгон реанимацияга тушуп озуно келген ошондо да жаман атка калгам сразу айтпай озун жоготкондо айттын деп. Ата энеге бала аппак коруно берет,достору да жыттайт десе уйундо уруш болот ошончун айтпай,опасно азыркы подростоктор
18.10.2018. 11:53 
Тайпасы:
Жаран
Комментарийлердин саны:
2
Катталган:
15-07-2018
Соӊку аракети:
18-11-2019 00:20
Жынысы:
Белгисиз
-1
Азыркы заманда бироого жакшылык деле кылып болбой калды мумкун тиги балдар чын эле жардам бергендир Ким билет Эми Бир алла тааладан башка.
20.10.2018. 12:28 
Тайпасы:
Жаран
Комментарийлердин саны:
76
Катталган:
08-02-2015
Соӊку аракети:
06-12-2019 00:46
Жынысы:
Белгисиз
+1
желимдин несин жытташат ХХХ жаштар
Модератор admin_media түзөттү 2018-10-22 09:18:04
21.10.2018. 09:51 
Тайпасы:
Жаран
Комментарийлердин саны:
28
Катталган:
08-04-2014
Соӊку аракети:
28-07-2019 21:43
Жынысы:
Белгисиз
0
Арты кайрылуу болсун
21.10.2018. 11:17 
Тайпасы:
Жаран
Комментарийлердин саны:
279
Катталган:
15-08-2017
Соӊку аракети:
15-11-2019 16:02
Жынысы:
Белгисиз
0
Желимди эмне учун жытташат же тамеки тарткандай кеппи
21.10.2018. 11:37 
Тайпасы:
Жаран
Комментарийлердин саны:
279
Катталган:
15-08-2017
Соӊку аракети:
15-11-2019 16:02
Жынысы:
Белгисиз
+1
Эне учун бала жоготуу канчалык оор экенин тушунобуз.Жашшабагырлар мин наалат силерге Нургазы мн Зухридин
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23288;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: