«Жылдын супер ырчы айымы» (Добуш берүү токтотулган)


Самара Каримова
24,2% (332)
Чолпон Талипбек
18,6% (256)
Айя Садырова
13,7% (188)
Сайкал Садыбакасова
12,3% (169)
Айжамал Кабылова
11,8% (162)
Айдана Дека
10,2% (140)
Анжелика
8% (110)
Гүлзат Мамытбек
1,2% (17)

Жалпы добуш (1374)


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Жанар Акаев: «Эл колдосо «ДЕМИЛГЕ» МЕНЕН ШАЙЛООГО БАРЫШЫМ МҮМКҮН»

№832 12-18-октябрь, 2018-жыл


Парламент депутаты Жанар Акаев «Демилге» деген кыймыл түздү. Кыймылдын максаты эмне? Кандай иштерди аткарат? Шайлоого даярдыкпы, же... Бул тууралуу депутат Акаев ой бөлүшөт.

– «Демилге» деген кыймыл түзүп, анын алгачкы иш-чарасын Орусиядан өткөрүп келдиңиз. Кыймыл түзүүдөгү максатыңыз эмне?

– «Демилге» кыймылын элдин көйгөйүн чечүүгө жардамдашалы, өкмөткө реалдуу сунуштарды берели деп түздүк. Өкмөттү сындап, кокодон алып же көзүн карап отура бергенден пайда чыкпайт экен. Андан көрө жаштар өз алдыбызча демилге көтөрүп, айрым маселелерди чет жердеги бизнесмен жаштардын, элдин колдоосу менен чечип, идеяларды ишке ашыра берели деген бүтүмгө келдик. Акыркы күндөрү ЖМКларда сырттагы Кыргыз мигранттары тууралуу сүзүп кетти, мушташты, бычактап салды деген негативдүү маалыматтар абдан көбөйүп кетти. Азыркы тапта мигранттар которгон акча өлкө экономикасынын өзөгүн түзүүдө. Алардын эмгегин баалап, дем берип, ыраазычылык билдирүү үчүн кыймыл 23-сентябрь – Мамлекеттик тил күнүнө туштап Москвада алгачкы маданий-спорттук иш-чарасын өткөрдү.

– «Демилге» келечектеги саясий партиябы? Жанар Акаев шайлоого камына баштады десе болобу?

– Москвада 2 миңдей адам жыйнап жолугушуу өткөрсөк «булар шайлоого даярдана баштады» деп дароо башка нукка бурушту. Бул шайлоого даярдык эмес. Бирок алдыбызда чоң саясий максаттарыбыз, улуу пландарыбыз бар экенин жашырбайбыз. Андыктан партия болуп шайлоого катышууну биз азыр жокко чыгарбайбыз. Эгер катарыбыз калыңдап, идея, демилгебизди колдогон адамдар көбөйсө, эмне үчүн шайлоого катышууга болбосун? Катышып, жетиштүү добуш алууга аракет кылсак болот.

– Москвадагы жолугушууда жаныңызда Бишкек шаардык кеңешиндеги «Мекеним Кыргызстан» фракциясынын депутаты Жанарбек Алымов жүрдү. Мындан улам «Демилгени» «Мекеним Кыргызстандын» түзүүчүсү деп айтылып, элге жайылып кеткен Икрамжан Илмиянов менен байланыштыргандар болууда...

– Иш жасап баштаган адамга бирөөнү жабыштыра калуу бизде адатка айланбадыбы. Бишкек шаардык кеңешинин депутаты Жанарбек Алымов менен он жылдан ашуун убакыттан бери таанышпыз. Орусиядагы мигранттарга иш-чара уюштуруу демилгесин ал көптөн бери айтып жүргөн. Москвага чогуу барып келдик, ал эле эмес, биздин идеяны колдойм деген бардык саясий күчтөргө биздин эшик ачык. Илмияновго таңуулаган карандай жалган, ал киши азыр мени колдомок тургай, өзүн коргоп калса чоң иш.

– Жанарбек Алымовдун «Ихлас» курулуш компаниясынын негиздөөчүсү Нурбек Осмоновдун иниси экени чынбы?

– «Ихластын» ээси Осмоновдор менен бир тууган экени чын, бирок анын курулуш компанияга тиешеси жок экенин так билем. Бирок биздин мамиле бизнести же жеке максаттарды көздөбөйт. «Мекеним Кыргызстан» партиясы менин колдоомо же жардамыма муктаж да эмес. Тескерисинче, шайлоого жакын саясий күчтөрдү бириктирүү максаты менде бар.

– Учурдагы парламенттеги абалга келсек, келерки шайлоого карата биригүүлөр боюнча сүйлөшүүлөр, сунуштар боло баштадыбы?

– Принципиалдуу маселелерде парламент бир тарапта, эл башка тарапта болуп калууда. Бул жерде эл дагы ойлонушу керек. «Кимдер мөңгүлөрдү талкалоого уруксат берди, кимдер элге каршы мыйзамдарды колдоду?» деп кийинки шайлоодо эстеши зарыл. Келерки парламенттик шайлоо боюнча парламентте «чай үстүндөгү» сүйлөшүүлөр башталды. Президент Сооронбай Жээнбеков шайлоого кайсы партияны алып чыгары белгилүү болгон соң сүйлөшүүлөр жанданып, саясий күчтөр багытын ачыктоого өтөт.

– КСДП фракциясы Кожобек Рыспаевди катарынан чыгарган жок. Муну менен КСДП партиясынын талабына «жок» деди. Сизди кайра фракцияга кошууга болбойбу? Болсо эмнеге ал иш жасала элек?

– Фракциядан чыгаруу маселесинде Кожобек Рыспаев экөөбүздүкү эки башка кырдаалга туш келди. Рыспаевге азыр бийлик тараптан колдоо бар экени жашыруун эмес. Мага болсо ал убакта бийликтен такыр колдоо болгон эмес, тескерисинче, мага президент баш болуп каарын төгүп турган. Ал күндөрү карапайым эл гана мага жан тартып турганын сезип турдум. Азыркыга чейин КСДП фракциясынын айрым депутаттары мени фракциядан чыгарууну колдоп беришкени үчүн ыңгайсыз болуп жүрүшөт. Мен азыр фракцияга кошулууга муктаж эмесмин, эч кимден суранбайм дагы. Анткени мен жаш болсом да убагында айткандарым азыр чын чыкты. Атамбаев бийликтен кеткенден кийин аны сындаган баатырлар көбөйдү. Ошон үчүн өз алдымча эркин депутат катары иш алып бара берем. «Фракцияга кошсок эле Жанардын оозу жабылат» деп ойлогондор жаңылышат.

– Сиз коррупцияга күнөөлөп жүргөн «Кыргыз темир жолу» ишканасынын жетекчиси Алмазбек Ногойбаев кызматтан алынды. Кызматтан алуу менен коррупция токтоп калабы?

– Бизде адамды кызматтан алуу – бул жазалоо деп түшүнүп калдык. Кызматтан кеткен адам да ишинен кол жууса трагедия катары кабыл алат. «Кыргыз темир жолу» ишканасындагы коррупциялык иштерди биз ММК өкүлдөрү менен чогуу далилдеп бердик. Ошондо да 3-4 ай жүрүп кызматтан алды. Ал өзүнүн карачечекей кызына ишканага таандык жерге мейманкана курдурган, күйөө баласы тендерден утат, ушундай адамдар менен өнүгүү, тазалануу болобу? Жок! Биз ушулар сыяктуу өз чөнтөгүн биринчи орунга койгон чиновниктер менен тынымсыз күрөшүшүбүз керек, биз баары бир аягына чыгарабыз.

– Сапар Исаковдун адвокаттары президенттик аппараттын бөлүм башчысы Нурсулуу Ахметованы да суракка алууну талап кылууда. Исаковду айыптоодо негизги илинчек болгон кызматтык катка Ахметованын да колу коюлган. Бирок ага эч кандай айып коюлбай, президенттик аппаратта иштеп жатат. Бул бийликтин кош стандарттуу мамилесиби?

– Коррупция менен күрөштө «өзүбүздүкү» деген тар түшүнүк болбошу керек, мындай күрөш ийгилик алып келе албайт. Дүйнөлүк практиканы караңыз, коррупция менен натыйжалуу күрөштөр «өң таанышка» карабайт. Армения, Грузия, Малайзия буга анык мисал. Бирок мен сиз айткан кишилердин айыбы болсо, президент Сооронбай Жээнбеков коргобойт деп ишенем. Ахметовабы, башкасыбы, күнөөсү болсо жоопко тартылышы керек. Боор ооруп, жердеш, тууган деп аяп жүрүп ушул акыбалга келдик.

– Өлкөнүн мамлекеттик карызы 4,7 миллиард долларга жетти. Тышкы карызды төлөө кыйынчылык жаратары эмитен эле эскертилип жатат. Сиз конкреттүү кандай коркунучтарды көрүп турасыз?

– Коркунучтар алыс эмес. Биздин сырткы карызыбыздын 45 пайызга жакыны Кытайдын «Эксимбанкына» болуп жатканы мени катуу ойлондурат. Кытай биздин улуу кошунабыз, бирок эсеп деген эсеп. Кытайга карызын төлөй албай кен байлыгын, жерин, кеме портторун берген өлкөлөр бар. Ошого чейин жетпешибиз зарыл, ал үчүн азыртан экономиканы көтөрүп, ишкана куруп, казынаны толтуруу жолдорун башташ керек. «Кумтөр» алтын кенинен гана көз каранды болуп отурабыз. Орто жана чакан ишкердикти өкмөт радикалдуу колдошу шарт. Карызды эч ким кечип жибербейт, төлөп гана кутулабыз.

– Парламент өкмөттүн 9 айлык ишинин жыйынтыгын качан угат? Абылгазиевдик өкмөттүн мындан аркы тагдыры депутаттарга белгилүү болуп калса керек?..

– Өкмөттүн отчётун укканда эмне? Парламент эч тоскоолдуксуз кабыл алып берет, аны сиз жакшы билесиз. Бул өкмөт кетсе, анан булардан мыкты бирөөлөр келет дегенге кепилдик барбы? Андай да жок. Менимче, бул өкмөт азырынча отставкага кетет дешке эрте, парламент тараптан да, президент тараптан да колдоо байкалып турат. Мухаммедкалый Абылгазиев популизмден алыс киши, чарбаны өз нугунда улантууда. Бирок кадр тандоодо көп катачылыктар кетүүдө, бул эми парламенттеги фракциялардан дагы көз каранды эмеспи. Бул өкмөт туруктуу иштеши мүмкүн деген ой пайда болду менде.

– «Коопсуз шаар» боюнча 5-аракеттин жыйынтыгы да жокко чыкканы турат. Коңшу өлкөлөр саналуу айларда ишке ашырган долбоор бизде 5 жылдан бери башталбай келе жатат. Өкмөттү шайлаган депутаттар деле ыңгайсыз болуп жатасыңарбы?

– Кошуна Тажикстан алты айда ишке салып койгон «Коопсуз шаарды» бизде жылдап ишке ашыра албай жатканыбыз уят. Тажиктерде азыр кылмыштуулук азайып, жол эрежесин бузгандар тарабынан төлөнгөн айып пулдардын саны өсүп, бюджетке пайда алып келүүдө. Бизде болсо тендердин ызы-чуусу, соттошууларга чекит коюу үчүн чечкиндүүлүк, саясий эрк жетишпей жатат. «Коопсуз шаарды» ишке ашырам деп уткан компаниялардын баары Кудайдан жөө качкан шылуундар болууда. Муну «Кыргызтелекомго» берсе, өзүбүздүн күчүбүздү колдонуп эле долбоорду ишке ашыруу мүмкүн.

– Конор же Хабиб? Беттеште кимисине жан тарттыңыз?

– Экөөнүн мушташын көргөн да жокмун, агрессивдүү, кан жыттанган мындай мушташтардын жактоочусу эмесмин. Муну көргөн жаштар спортту ушундай аёосуз мушташ деп түшүнүп жатышат. Биз олимпиадалык спортту пропаганда кылышыбыз керек. Жоон билек балдар минтип мушташып таанылбай, Олимпиададан өлкөсүнүн желегин желбиретип, улутунун атагын чыгарса кана?

Автандил Добулбеков
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  16 
Талкуу жабык.
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23318;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: