Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ҮЙДҮ ТЕЗ АРАДА ЖЫЛУУЛОО ЫКМАЛАРЫ

№832 12-18-октябрь, 2018-жыл


Суук түшүп, кыш жакындап келе жатат. Андыктан эл көмүр, отунун камдоого жапырт киришүүдө. Бирок үйдү жылуулабаса отун, көмүр, электр энергиясы үнөм болбостугу, үйдө жашаган адамдар да ооруп калышы бышык. Андыктан үйдү тез арада оңой ыкмалар менен кантип жылуулоого болорлугун Кыргыз мамлекеттик курулуш, транспорт жана архитектура университетинин жылуулук, газ менен камсыздоо жана желдетүү кафедрасынын профессору, техника илимдеринин доктору Эркин Боронбаев айтып берет.

ДУБАЛДЫ СЫРТЫНАН ЖЫЛУУЛОО

Пенопласт. Жакшы жылууланбаган дубалдан үйдөгү жылуулуктун 30дай пайызы чыгып кетет. Дубалды жылуулоодо пенопласт жана ага окшошу пеноплекс көп колдонулат. Аларды дубал эмне материалдан тургузулса да колдонууга болот. Арзан, жеңил, бирок өрткө туруксуз, бат күйөт. Эгер сыртынан кар, жамгырдан коргоо үчүн шыбалбаса, анда үбөлөнүп кетет. Жаман жагы – үйдүн ичинен там аркылуу чыгуучу нымды өткөрбөй өзүнүн ички бетинде кармап калат. Ошондуктан ным дубал менен пенопласттын ортосуна чогулуп муз, бубак тоңголок жаралып, жагымсыз жыт чыга баштайт.

Базальт жана айнек кебезинин пластиналары. Аталгандар өрткө туруктуу, узакка кызмат кылат, нымды өзүнө соруп алат. Дубал менен кебездин ортосунда жагымсыз жыт болбойт. Салмагы пенопластка караганда бир аз оор жана кымбатыраак. Бардык дубал түрлөрүнө жарай берет.

Элдик ыкма. Камыш менен жылуулоо. Алгач дубалдын сыртына аралары 70 сантиметрден кылынып рейкалар тике бекитилет. Жакшы кургатылган камыштарды 10-15 сантиметр калыңдыкта ар жеринен байлап, блокторду түзөбүз. Аларды дубалга коюп, бетине майда рейкаларды горизонталдуу түрдө уруп, сыртынан калың кылып шыбап салабыз. Жакшы жагы – бат, арзан бүтөт. Кемчилиги – өрткө туруксуз, кемирүүчүлөр зыян келтирет. Жакшы кургатылбаса чирүү коркунучу бар. Чирүүгө туруктуулугун жогорулатуу жана кемирүүчүлөрдөн коргоо үчүн жез же темир купоростун 3-5 пайыздуу эритмесин чачуу керек.

ТЕРЕЗЕНИ ЖЫЛУУЛОО

Үйдөгү жылуулуктун 20-25 пайызы терезеден чыгып кетет. Андыктан эски терезелерди жаңысына алмаштыруу кажет.

Жыгач терезе. Жыгач эскирип кажып кетсе, жылчыктар жаралып, жылуулук көп жоголот. Азыр көбү 2 катар терезе салышат. Курулуш көбүгү менен жылчык, тешиктерди бүтөөгө болот.

Пластик терезе. Адатта терезелер 2 катар болот. Бирок жылуулук кышта жакшы сакталышы үчүн 3 катарлуусун алсаңыз жаңылбайсыз. Пластик терезе эскирип кетсе, анын тыгыздоочу резинасын алмаштыруу керек. Анткени ал күндүн, нымдын таасири менен катып калат да, жылчыктан жылуулук чыкма болуп калат. Резинасын пластик терезе жасагандардан тапса болот.

СЫРТКЫ ЭШИКТИ ЖЫЛУУЛОО

Азыр сырткы эшиктер темирден жасалууда. Темир пластиналардын ортосундагы жылуулоочу катмар (материалдары кебез, пенопласт жана башкадан болот) жетишерлик өлчөмдө болбойт. Анын үстүнө эшиктин көп жерлеринде андай катмар жок болот. Ошол жерлерден жылуулук чыгып, ным, бубак болуп турат. Андыктан эшиктин сыртына жука жыгач тактай каптоо керек. Эшик оор болуп калганы менен, жылуулук жакшы сакталат.

Эшиктердин ортосундагы өтмө аралыкты – тамбурду куруңуз. Ал ич жакка муздак абанын, түтүндүн жана жыттын өтүшүнөн коргойт.

ШЫПТЫ ҮСТҮНӨН, ЧАТЫР ТАРАБЫНАН ЖЫЛУУЛОО

Курулуш көбүгү. Бул жакшы материал, болгону сыртынан ным өткөрбөөчү материал менен коргоо кажет. Болбосо күн, нымдын айынан үбөлөнүп калат. Үстүнөн басып жүрүүгө да болбойт, анткени борпоң, сынып басырылып калат.

Көбүк-бетон. Курамында цемент, алюминий пудрасы бар көбүк-бетонду шыптын сыртынан куюп койсо да жакшы. Бул нымды өзүнө чогултуп, аба ырайына жараша ал ным бууланып кетип турат. Мурун керамзитти көп колдонушчу, азыр ал Кыргызстанда чыгарылбайт, сырттан алынып келингендери кымбат.

ЖЭКтин күлү. Бул арзан болгону менен, адамга зыяндуу радиацияны, газдарды бөлүп чыгарат. Жакшы жагы – жылуулукту тосуп, чыгарбай турат.

Минералдык кебез. Муну менен шып арзан жана оңой жылууланат, чатыр ичинде басып жүрүүгө болбойт. Себеби кебез ныкталып, жылуулукту тосуп туруусу азаят. Нымга, өрткө туруктуу, бирок үстүн коргоо керек. Айта кетчү нерсе, чатыр алдындагы дубалдын чыгып турган жерлерин да минералдык кебез менен жабуу керек. Болбосо үйдүн дубалы менен шыптын ички бурчтарын көк басып баштайт. Көк эшиктин, терезенин бурчтарында да пайда болушу мүмкүн. Көк болсо адамга аллергия сыяктуу ооруларды алып келет.

Шыпты ичтен жылуулоого болбойт. Мисалы, пенопласт какса, андан үстүнкү катмарлардын арасы муз болуп калат.

ПОЛДУ ЖЫЛУУЛОО

Көбүк-бетон. Жер тамдарда полу топурактан болсо кээ бирлер көбүк-бетонду колдонушат. Куйгандан кийин ал камырдай көтөрүлөт. Үстүнө жыгач пол, ламинат, паркет койсо болот. Көбүк-бетонду куярдан мурда жерден ным өтпөшү үчүн кара кагаз (толь) төшөлөт. Көбүк-бетон 10-15 күндө кургайт.

Жыгач пол. Эгер пол жыгач тактайдан болсо, анда аны чыгарып, астына жылуулоочу катмар жасоо керек. Мисалы, пенопласт, камыш, рулондуу минералдык кебез. Бирок ошол катмар полдун тактайларына тыгыз тийип турушу зарыл. Болбосо жылуулукту сактоосу начар болуп калат.

Негизи пол астындагы топурак ным болбошу зарыл. Ошондуктан топурак үстүнө 7-10 сантиметр калыңдыкта шагыл төшөлүүсү керек.

Бетон пол. Пол бетондон куюлган болсо үстүнө көбүк-бетон куюлат, же рейкаларды коюп, алардын ортолоруна минералдык кебезди төшөп, үстүн тактай, паркет же ламинат менен жабуу керек.

ПАЙДУБАЛДЫ СЫРТЫНАН ЖЫЛУУЛОО

Пенополиуретандын борпоң эмес пластинкаларын колдонууга болот. Аларды бири-бирине жана пайдубалдын бетонуна тыгыз кылып бекитүү керек. Көбүктөнүүчү суюк материалдарды чачып жылуулоого болбойт.

МАНСАРД БӨЛМӨЛӨРДҮН ЧАТЫРЫНЫН ИЧИН ЖЫЛУУЛОО

Пенополиуретандын суюк түрүндөгүсүн (чачыратма) колдонуп жүрүшөт. Бул начар ыкма. Себеби чатырдын конструкциялары температуранын, шамалдын, жер титирөөлөрдүн таасири менен кыймылдап, куюлган катмар бузулат. Жылчыктар пайда болот. Минералдык кебез менен жылуулоо дурус.

Канымжан Усупбекова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(7)
16.10.2018. 09:43 
Тайпасы:
Жаран
Комментарийлердин саны:
52
Катталган:
27-07-2011
Соӊку аракети:
15-11-2018 15:01
Жынысы:
Белгисиз
Калаасы:
Россия
+2
камыш менен жылулоо аз акча керек болуш керек
16.10.2018. 10:37 
Тайпасы:
Жаран
Комментарийлердин саны:
31
Катталган:
30-01-2017
Соӊку аракети:
16-10-2019 17:47
Жынысы:
Белгисиз
+2
Мансард крышаны жылуулону кененирек жазгылач аябай керек болур жатат
16.10.2018. 12:33 
Тайпасы:
Жаран
Комментарийлердин саны:
38
Катталган:
11-01-2018
Соӊку аракети:
12-12-2018 11:27
Жынысы:
Белгисиз
Калаасы:
Кадамжай
+2
Өтө пайдалуу кеңеш үчүн рахмат)
16.10.2018. 22:53 
Тайпасы:
Жаран
Комментарийлердин саны:
32
Катталган:
08-05-2018
Соӊку аракети:
11-07-2019 18:29
Жынысы:
Белгисиз
+1
Биздин уй бышкан кирпичтен салынган дубалдар жайы кышы муздак, уйдун жылышы эле бир кыйын кенеш бериниздерчи?
16.10.2018. 22:54 
Тайпасы:
Жаран
Комментарийлердин саны:
32
Катталган:
08-05-2018
Соӊку аракети:
11-07-2019 18:29
Жынысы:
Белгисиз
0
Эмнеге жазсам кетбейт
20.10.2018. 21:10 
Тайпасы:
Жаран
Комментарийлердин саны:
198
Катталган:
03-05-2016
Соӊку аракети:
20-10-2019 21:59
Жынысы:
Белгисиз
0
Жакшы кеңештер экен.
21.10.2018. 03:24 
Тайпасы:
Жаран
Комментарийлердин саны:
6
Катталган:
06-02-2014
Соӊку аракети:
07-10-2019 23:07
Жынысы:
Белгисиз
0
Соонун
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: