Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

№832 12-18-октябрь, 2018-жыл


АТАКТУУ ТҮГӨЙЛӨРДҮН ЖЫЛДЫЗДАРЫ ТӨП КЕЛИШЕБИ?

Адам кайсы бир жылы, кайсы бир күнү, кайсы бир саат-секундда жарык дүйнөгө келет. Ал эми айрымдар күнүмдүк гана нерселерди окубастан, сүйүктүүсүн дал ушул жылдыз белгиси аркылуу толук таанып-билүүгө ашыгары талашсыз. Гезитибиздин бул санында кыргыздын шоу-бизнес чөйрөсүндөгү жылдыздардын түгөйлөрүнө, алардын астрологиялык айкаштыгына, шайкештигине көз салып көрдүк.

ҮЙЛӨНӨРДӨ ДА ЖУБАЙЫНЫН ЖЫЛДЫЗ БЕЛГИСИН КАРАП, КӨҢҮЛ БУРБАГАН МИРБЕК АТАБЕКОВ


Мирбек Атабеков – 11-август
Жылдыз белгиси – Арстан
Табияты – От

Мээрим Төлепберген – 8-февраль
Жылдыз белгиcи – Суу куяр
Табияты – Аба


Биринин табияты от, бириники аба болгондуктан бул жакшы айкалыш. Ырчы Мирбек Атабеков 11-августта туулган, жылдыз белгиси арстан. Көрсө, алар үйдө дагы арстан сыяктуу «падыша» болгонду жакшы көрүшөт экен. Себеби булар табиятынан эле баарына ээлик кылганды жакшы көрүшөт. Арстан мырзалар жаккан айымынын жүрөгүн багындыруу үчүн эмнени гана кылышпайт. Түркүн-түстүү гүлдөр, күтүүсүз белектер, кымбат ресторандар... Кыскасын айтканда, күчүн дагы, каражатын дагы аяшпайт. Убагында кыздар бекеринен Мирбек үчүн көз жаш төгүшпөгөн экен да. Себеби жогорудагы сапаттарга ээ мырзалардын жанында болуу бардык айымдардын кыялы болсо керек. Мирбектей романтик мырзанын жары болуу бактысы Мээрим Төлепбергенге буйруган. Ырчынын жубайынын жылдыз белгиси суу куяр. Бул айымдар мүнөзү жагынан ачык, шайыр келишет. Азыркы учурда шоу-бизнес чөйрөсүндө Мирбек Атабеков деген ысым өзгөчө орунду ээлей турганы талашсыз. Баарыбыз билгендей, арстан мырзанын үй-бүлөсүндө тапичкелер көбөйүп жатса, чыгармачылыгында ырлары көбөйүп, күйөрмандарын кубантып келет. Албетте, Мирбекти дайыма колдогон оң колу – бул анын жубайы. Учурда көргөн көздү кубанткан жубайлар 1 уул, 1 кыздын ата-энеси.

Мирбек мырзанын өзүнө байланышып жылдыз төлгөгө, алардын мамилеге болгон таасири тууралуу төмөндөгүдөй жооп алдык:

– Мен мындай нерселерге көп деле маани бербейм. Бирок окуп көрсөм баары эле туура келет. Үйлөнөрдө да Мээримдин жылдыз белгисин карап, көңүл деле бурбаптырмын. Кийин баш кошкондон кийин бул боюнча талкуу кылганбыз. Байкасак, ортодо экөөбүз кызыккан нерселер бар экен. Анан «аа, боло берет, жашай берели» деп койгонбуз (күлүп). Бирок чынында эле жылдыз белгимде айтылгандай романтикмин. Бул сапат, албетте, үй-бүлөдө, мамиледе чоң роль ойнойт.

КАЙЫН ЖУРТКА КАЙРЫМДУУ АСЕЛ КАДЫРБЕКОВА



Асел Кадырбекова – 19-март
Жылдыз белгиси – Балык
Табияты – Суу

Нурлан Насип – 10-сентябрь
Жылдыз белгиси – Бийкеч
Табияты – Жер

Нурландын табияты жер, Аселдики суу болгондуктан жакшы шайкештик. Себеби жер сууга муктаж. Эстрада ырчысы Нурлан Насиптин жылдыз белгиси бийкеч болсо, жубайы Асел Кадырбекованыкы балык. Балык белгисинде төрөлгөн айымдар өтө назик, боорукер келишет. Өзүнүн эле туугандарына гана жан тартпастан, кайын журтуна да тең караган акылдуу айым. «Балалуу үй – базар» демекчи, балык айымдар көп балалуу болгусу келет. Буюрса, 20 жылдан кийин Асел айым «Баатыр эне» төш белгисин алып калаттыр.

Ал эми бийкеч мырзалар эмгекчилдиги, түгөйүнө болгон камкордугу менен алардын жүрөгүн багындырышат. Нурлан мырза өтө камкор, түгөйүнүн көңүлүн көтөрүү үчүн керек болсо үй жумуштарын жасоого да даяр. Мүнөзүндө бир аз кыйкымчылдыгы бар. Кыз-жигит кезинде эле Нурлан «көпөлөгү» менен бирде кол кармашып, бирде таарынышып, акырында Кыргызстандын жети дубанына чейин дүңгүрөтө той берди. Эгерде астрология илимине таяна турган болсок, бул жылдыз белгисиндеги түгөйлөр 100 пайыз бири-бирин толуктап турушат. Ооба, сиз туура эле окудуңуз, 100 пайыз. Кыскасы, Нурлан менен Асел бири-бири үчүн жаралган адамдар.

Бул тууралуу Асел айымга кайрылып, төмөнкүдөй пикирин уктук:

– Мен да баары сыяктуу эле жакшы маалыматтар жазылса ишенем, жаман болсо ишенбейм. Биз Нурлан экөөбүз бири-бирибизге дал келебизби, ага маани деле берген эмесмин. Бирок окуп көрсөм, баары туура келет экен. Бийкеч мырзалар баарын үйгө алып келет жана үй-бүлөгө абдан бекем болушат. Мен болсо агым менен кеткен адаммын. Үй-иштерине жардам берерин билбейт экем, андайын байкай элекмин (күлүп). Балким, кийинчерээк ошондой болуп калар, биз азыр жаңы эле үй-бүлө куруп, көнүшүп жатабыз. Ата-энебиз менен чогуу жашайбыз, Нурландын мага жардам беришинин деле кажети жок. Апам экөөбүз баарына үлгүрөбүз. Үй-бүлөдө ар бир адам өзүнүн милдетин аткарса эле, баары жайында болот деп ишенем.

ЖЫЛДЫЗ БЕЛГИСИ МОТИВАЦИЯ БЕРГЕН «КРАСАВЧИК ЭРМА»


Эрмек Таалайбеков – 29- март
Жылдыз белгиси – Кой
Табияты – От

Бекзада Жолборсова – 2-октябрь
Жылдыз белгиси – Тараза
Табияты – Аба

От менен аба бири-бирин абдан жакшы түшүнөт. Аба бар жерде от жакшы күйөт. Тамашоучу Эрмек Таалайбековдун жылдыз белгиси кой. Көрсө, «красавчик Эрма» үй-бүлөдө «президенттик» милдетти аркалап, бийлик жүргүзгөндү жакшы көрөт экен.
Анын жубайы Бекзада Жолборсова тараза болгондуктан мүнөзү ачык, тынчтыкты, достукту жакшы көргөн айымдардан. Бекзада бекеринен Эрмектин колун кармабаган экен. Себеби тараза айымдардын «табитиндеги» мырзалар шаан-шөкөткө, чыгармачылыкка жакын ырчы-чоорчулар экен.

Ал эми астрологияга таянып жазылган маалыматтарга карата Эрмек мырзанын оюн билүү үчүн ага байланыштык:

– Менин жылдыз белгим кой. Бул нерселерге ишене бербейм. Бирок кой жылдызында төрөлгөндөр эң күчтүү, лидер жылдыз белгилердин бири деп айтылат. Анан каалайсыңбы, каалабайсыңбы ошондой болууга аракет кыласың. Бул адамга мотивация берет десем туура болот го. Ишенбесем дагы өзүм жөнүндө толук окуп маалымат алгам, 90 пайыз дал келүү бар экен. Бекзаданын жылдыз белгиси тараза, аты айтып тургандай эле жубайым эки жактагы салмакты кармап турат. Бирок чечкинсиз. Муну өзү деле моюнга алат. Анан көп жерден эле мен чечип коём да. Албетте, үй-бүлө башчысы чечкиндүү болсо, баары идеалдуу болот.

ЖОЛДОШУНУН ТАЛУУ ЖЕРИНЕН КАРМАГАН САМАРА КАРИМОВА


Асан Мансуров – 2-июль
Жылдыз белгиси – Бөйөн
Табияты – Суу

Самара Каримова – 10-апрель
Жылдыз белгиси – Кой
Табияты – От

От дагы, суу дагы табиятынан күчтүү болгондуктан бири-бирине оңою менен багынышпайт. Булар ынтымактуу жашаш үчүн түгөйлөрдүн бири сөзсүз кичүү болушу керек. Эгерде жашы тең болуп калса суу отту өчүрүп коюшу же от сууну буулантып жок кылышы толук ыктымал. Ырчы Самара Каримованын жылдыз белгиси кой болсо, жолдошу Асан Мансуровдуку бөйөн. Бөйөн мырзалар табиятынан үй-бүлөсүнө камкор болушат. Анан да бул мырзалардын эң талуу жерин айта кетпесек болбойт. Эсиңиздерде болсо Асан мырзанын гезитибизге берген маектеринин биринде «Самара менин туугандарымдын баарын өзүнө имерип алган. Мен жумуштар менен бошобогонгобу, туугандарым Самарага чалып, аны менен чечишет, сырдашышат. Тагыраагы, мен бош эмес кезде бийлик Самарада» деп айткан жайы бар эле. Көрсө, бул мырзалар ага жакын адамдарды, айрыкча ата-энесин сыйлап, ысык чайын бергендерди баалайт экен.

Ал эми Самара айым бөйөн мырзанын эң талуу жеринен кармаган тура. Анын үстүнө кой айымдар табиятынан лидер келишет. Түгөйлөрдүн ортосунда 23 жаш айырмачылыкка карабастан 2 уул, 1 кыздын ата-энеси болушту.


Кой жылдызындагы Самара айым жылдыз белгиге маани береби? Бул тууралуу өзү кеңири айтып берди:

– Мен жылдыз төлгөгө такыр маани бербейм, бирок окуп коём. Жакшы жаңылыктар болсо, сүйүнүп калам. Негативдүү маалыматтар жазылса «бул мага эмес экен» деп коём. Негизи эле маанай көтөрүү үчүн окуйм. Ишенип, жума сайын кууп окугандардын катарына кирбейм. Жылдыз белгим дагы, жылым дагы кой. Окуганыма караганда, мындай адамдар ийгиликтүү, лидер адамдар болушат экен.

Мага караганда жолдошум маани берип окуйт. «Мына мындай болуптур, тигиндей болуптур, көрдүңбү?» деп тамашалап, күлүп калат. Бирок канчалык деңгээлде маани берет, анысын билбейт экем. Жолдошум боюнча айтылган сөздөргө толук кошулам. Негизи эле абдан сыйчыл. Өзүнүн, менин ата-энемди сыйлап турат. Андыктан ортобуздагы сый мамиле кичи мамлекетибиздин бекемделишине чоң салым кошуп келет.

БИЙЛИКТИ КОЛГО АЛГАН НУРЗАТ ТОКТОСУНОВА


Максат Надырбеков – 27-август
Жылдыз белгиси – Бийкеч
Табияты – Жер

Нурзат Токтосунова – 2-июль
Жылдыз белгиси – Бөйөн
Табияты – Суу

Нурзат табиятынан суу, ал эми жолдошу Максат мырза жер. Бул эң идеалдуу шайкештик. Себеби суу менен жер бири-бирине абдан муктаж. Алпаруучу Нурзат Токтосунованын жылдыз белгиси бөйөн, ал эми жолдошу Максат Надырбековдун жылдыз белгиси бийкеч. Бул жылдыз белгилердин мүнөздөмөсүнө көз чаптырсак бири-бирине абдан төп келишкен түгөйлөр. Кызыгы, аягында келип бийликти бөйөн айымдар колго алышат. Бөйөн айымдар жакындарын, бүлөсүн ойлогон адам. Маанайы аба ырайындай эле бат-баттан өзгөрүлүп турат. Кандай гана жагдай болбосун жолдошунун ары жак-бери жагынан өтүп жатып, ынандырып, көндүрө алат. Бул үй-бүлөдө башкаларга салыштырмалуу чыр да аз болот. Бийкеч мырзалар тазалыкты жакшы көрүп, өздөрүн дагы таза алып жүрүшөт, чечим кабыл алууда «жети өлчөп, бир кес» деген принципти карманышат.

Ал эми «Заманыбыздын супер алпаруучусу» буга эмне деп жооп берет:

– Жо-ок, мен антип бири-бирибизге шайкеш келебизби деп деле көңүл буруп, карабайт экем. Кандайдыр бир деңгээлде чындыгы болушу мүмкүн. Бирок айрым кыздардын «мен аны сүйөм, бирок ал чаян да» дегени туура эмес болуп калат го. Мен тууралуу, Максат тууралуу айтылган маалыматтар туура эле экен. Чындыгында үйдө чыр жокко эсе, жок, такыр болбой эле койсунчу. Айтышат эмеспи, «чыр болгон үйдөн ырыскы качат» деп, андыктан ынтымакта эле жашайлы. 

«ЖЫЛДЫЗ БЕЛГИЛЕРГЕ КӨҢҮЛ БӨЛҮҮ КЕРЕК»

Негизи эле баш кошуп жатканда жылдыз белгилерге көңүл бөлүү керекпи? Бул суроону астролог Жанар Кадыралиевге узаттык.


– Жанар мырза, айтсаңыз, жылдыз белгилерге ишенип, маани берүү керекпи?
– Албетте, бул нерсеге көңүл бөлүү керек. Эгерде классикалык астрологияга таянсак, анда адамдардын туулган күндөрүн, туулган жылдарын, жадакалса саатын, планеталардын жайгашуусун эске ала турган болсок интернеттеги жазылган маалыматтар бир аз туура эмес болуп калышы мүмкүн. Себеби ал жерде жылдыз белгилерге карата жалпылап жазылган маалыматтар камтылган. Баш кошуп жаткан жаштар астрологиядан жалпы түшүнүгү бар адистерге кайрылып, алардан өздөрүнүн шайкештиги тууралуу билсе болот.

– Эгерде алардын жылдыздары келишпей калса кол үзүшөбү?
– Жок. Ал үчүн, жогоруда айтылгандай, алар жөнүндө бардык маалыматтарды карап чыгыш керек. 100 пайыз туура келет деп айтылган күндө дагы планеталардын жайгашуусу туура келбей калышы ыктымал, планеталары туура жайгашса алар толук түрдө тил табышып кетишет. Космостук мыйзам ченемдүүлүк боюнча, өзүңдөн мурунку жайгашкан жылдыз белгиден кооптонуу керек. Ал эми өзүңдөн кийинки жайгашкан жылдыз белгилер ийгилик алып келет. Анан үйлөнүп алгандар «менин жылдыз белгим туура келбейт экен» деп капаланышпасын, анткени, жогоруда айтып өткөндөй, планеталардын жайгашуусу өзгөчө орунду ээлейт. Андан сырткары асторологияда 4 табият бар – от, аба, жер, суу. Баарыбыз билгендей, от аба бар жерде жакшы күйөт. Ал эми жер менен суу бириккенде ылай жаралат дагы, андан үй курулуп, анын бийиктиги улам жогорулайт. Демек, булар бири-бирине пайда алып келет.

Жаңыл Ниязбекова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(10)
16.10.2018. 11:39 
Тайпасы:
Жаран
Комментарийлердин саны:
53
Катталган:
23-11-2017
Соӊку аракети:
30-04-2019 19:02
Жынысы:
Белгисиз
0
Админ башка жылдыз белгилер боюнча да маалымат берип коюнуздарчы.менин жылдыз белгим суу куяр.жолдошумдуку кой
Baiana2017 түзөттү 2018-10-16 11:40:21
16.10.2018. 12:33 
Тайпасы:
Супермодератор
Комментарийлердин саны:
441
Катталган:
22-02-2011
Соӊку аракети:
22-10-2019 17:47
Жынысы:
Белгисиз
Калаасы:
...
0
Baiana2017,саламатсызбы! Сунушуңуз тиешелүү бөлүмгө жеткирилди, рахмат.
16.10.2018. 14:29 
Тайпасы:
Жаран
Комментарийлердин саны:
4
Катталган:
10-08-2016
Соӊку аракети:
09-07-2019 23:51
Жынысы:
Белгисиз
Калаасы:
ош
0
admin_media,Биздикин да жазып кое аласыздарбы? Куйоом экооздуку да букачаар. Ал 15 -май, а мен 4-май. Жер,суу,от дегендерине тушунбойм...
16.10.2018. 11:46 
Тайпасы:
Жаран
Комментарийлердин саны:
129
Катталган:
20-04-2017
Соӊку аракети:
21-10-2019 22:00
Жынысы:
Белгисиз
+2
Жер мн от жөнүндө да маалымат берип койгулачы
16.10.2018. 12:05 
Тайпасы:
Жаран
Комментарийлердин саны:
2
Катталган:
05-02-2018
Соӊку аракети:
16-10-2018 12:17
Жынысы:
Белгисиз
0
Биздики Нурлан м.н Асельдикиндей жер м.н суу куйоом экообуздуку:)
16.10.2018. 13:05 
Тайпасы:
Жаран
Комментарийлердин саны:
72
Катталган:
24-01-2014
Соӊку аракети:
21-10-2019 16:29
Жынысы:
Белгисиз
Калаасы:
Москва шаары
0
Жер суү от кандай мааниде
16.10.2018. 22:49 
Тайпасы:
Жаран
Комментарийлердин саны:
326
Катталган:
14-11-2015
Соӊку аракети:
22-10-2019 16:31
Жынысы:
Белгисиз
Калаасы:
Ата-энемдин журогу...
+2
Айланайындар ушул экоону тынч койгулачы.Элдер деле тажап бутту.
17.10.2018. 04:21 
Тайпасы:
Жаран
Комментарийлердин саны:
30
Катталган:
26-05-2016
Соӊку аракети:
16-10-2019 14:25
Жынысы:
Белгисиз
Калаасы:
Коз жаштарга ишенбеген шаар
+5
Ушул жылдыз белгилер бир нерсени чечсечи!
Укмуш ишенип алгандар аман эле болсунда!
17.10.2018. 13:40 
Тайпасы:
Жаран
Комментарийлердин саны:
16
Катталган:
21-03-2017
Соӊку аракети:
30-08-2019 21:23
Жынысы:
Белгисиз
Калаасы:
Бишкек
0
мен балык куйоом эгиздер...экоосу 5 жыл 10жыл бирге жашашы мумкун бирок кийин айрым жолго тушот деп жазылыптыр бир жерде орустардын сайтында.Экообуз шайкеш эмес имишпиз.Айта бербейби.Эч качан ИШЕНБЕЙМ.
22.10.2018. 16:17 
Тайпасы:
Жаран
Комментарийлердин саны:
15
Катталган:
30-12-2013
Соӊку аракети:
27-02-2019 10:16
Жынысы:
Белгисиз
0
Булардын баары калп. Тагдырды жалгыз аллах маңдайга жазат.Ишенип маани берген ЧООҢ ШИРК!!! ЧООҢ КҮНөө!!! АЛЛАХЫМ өзүң кечире көр мусулман бир туугандарыбызды!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23087;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: