«Жылдын супер дуэти»

Жыйынтык

Башка сурамжылоолор


Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

БАЛА САТУУГА ШЕКТЕЛИП 5 ВРАЧ КАРМАЛДЫ. ОКУЯГА ДЕПУТАТТЫН ДА ТИЕШЕСИ БАРБЫ?

№830 28-cентябрь - 4-октябрь, 2018-жыл


Ушул жылдын 7-сентябрында Бишкек шаарында жаңы төрөлгөн ымыркай үчүн акча алып жатканда укук коргоо кызматкерлери тарабынан врач кармалган. Андан кийин дагы 4 дарыгер кылмышка шектелип кармалып, камакка алынган. ИИМдин маалыматына караганда, айыпталып жаткан бул дарыгерлер ата-энелерге жаңы төрөлгөн ымыркайларынын каза болуп калганын айтып, өлүк наристелердин сөөгүн көрсөтүп, алардын наристелерин сатып жүрүшкөн. Ымыркайлардын өлүктөрү аборт болгон балдар болушу мүмкүн экендиги айтылды. Мындан тышкары бул чырда Жогорку Кеңештин депутатынын да аты аталууда. Ансыз да ак халатчандарга күмөндүү караган калк бул окуядан кийин ишеничин жоготуп, жакасын кармап отурган чагы.

“БИЗДЕ БАЛА ТӨРӨТҮҮГӨ ШАРТ ЖОК”

Кармалгандардын арасында Бишкек шаарындагы №1 үй-бүлөлүк дарыгерлер борборунда иштегендер да бар. Кайрылганыбызда, аталган оорукананын башчысынын орун басары Бегайым Токтобекова төмөнкүлөрдү айтты:

– Биз профилактикалык дарылоо уюмубуз. Бизге боюнда бар аялдар каттоого туруп, балага 28 жума болгондон кийин каттоодон чыгып кетишет. Бала төрөтүп, аборт жасабайбыз. Андай шарттарыбыз да жок. Ал эми врачтар жеке клиникаларда иштеп жатабы, билбейм. Кармалгандар бир кишиден бир сом сурабаган, андай жаман ишке барбай турган врачтар. Бул маалымат тарагандан кийин кардарлардан да сурап, врачтар алардан ашыкча акча албагандыгын уктум.

“МЫНДАЙ МААЛЫМАТТЫ УГУП ТӨБӨ ЧАЧЫБЫЗ ТИК ТУРДУ”

Бишкек шаарынын №18 үй-бүлөлүк дарыгерлер борборунун башчысынын орун басары Абдималик Парханов да бул клиникада бала төрөтүлбөгөндүктөн ымыркай сатуу болушу мүмкүн эместигин айтат:

– Бала сатууга шектелип кармалган бир врач-гинеколог биздин клиникада 2003-жылдан бери иштейт. Жарым ставка менен иштеп жүргөн. Ал врач август айында эмгек өргүүсүнө чыккан. Августтун аягында жумушка чыгышы керек эле, чыккан жок. 4-сентябрда РИИБден аталган врачыбыздын кармалгандыгы тууралуу маалымат келди. Ал жеке клиникада да иштечү экен. Балким, жеке клиникада ошондой иштер менен алек болгондур. Бизде болушу мүмкүн эмес, катуу көзөмөл бар. Анан да бизде аборт жасалбайт, төрөт жүргүзүлбөйт. Мындай маалыматты угуп төбө чачыбыз тик турду.

Саламаттыкты сактоо министрлигинин маалымат кызматы учурда бул окуяны иликтөө боюнча жумушчу топ түзүлгөнүн билдирип, тергөөнүн кызыкчылыгы үчүн мындан башка маалымат бере албастыгын айтты.

“БАЛА САТЫП АЛГАНДАР ОРУСИЯНЫН ЖАРАНДЫГЫН АЛГАН КЫРГЫЗСТАНДЫКТАР”

Кармалган врачтарга карата 3 берене менен кылмыш иши козголгон. ИИМдин басма сөз кызматынын башчысынын орун басары Карима Аманкулованын билдиришинче, кармалган 5 адамдан башка да шектүүлөр бар:

– Дарыгерлерди кармоо учурунда автоунаалардан эч кандай ымыркайлардын сөөгү табылган эмес жана тергөө учурунда бул ишке чет элдик жарандардын эч кандай тиешеси жок экендиги аныкталды. Балдарды сатып алган жарандар Орусиянын жарандыгын алып, ошол жакта эмгектенип жүргөн кыргызстандыктар болуп чыкты.

Азырынча 3 факт: кармалган дарыгерлер тарабынан жаңы төрөлгөн балдардын сатылгандыгы жана балдардын төрөлгөндүгү тууралуу документтер даярдалып берилгендиги аныкталды. Ал эми төртүнчү факт – дарылоо менен мажбурлап мөөнөтүнөн мурда төрөтүп, тирүү төрөлгөн баланы чарчап калды деп, өлүгүн көрсөтпөй жана бербей коюу фактысы боюнча да кылмыш иши козголгон.

Бул факт боюнча Кылмыш-жаза кодексинин 116 (мыйзамсыз боюнан түшүрүү), 124 (адам сатуу) жана 350-берене (документтерди, мамлекеттик сыйлыктарды, штамптарды, мөөрлөрдү, бланктарды колго жасоо, даярдоо, сатуу же алардын жасалмаларын пайдалануу) менен кылмыш иши козголду.

“ДЕПУТАТ ВРАЧТАРДЫ БОШОТУП АЛАМ ДЕП ЧУРКАП ЖҮРӨТ”

ИИМ тергөөнүн кызыкчылыгына байланыштуу кеңири маалымат бере элек. Ал эми Самат Сапарбеков деген колдонуучу Фейсбуктагы өздүк баракчасына төмөнкүдөй маалымат жазды:

– Балдарды сатуу ишине гинекологдор гана эмес, өлкөдөгү жогорку кызматтардагы адамдардын да катыштыгы болгону маалым болду. Алар катардагы медицина кызматкерлеринин артын жаап турушкан жана ымыркайлардын сатылышы боюнча так пландары болгон. ММКда унаада табылган балдардын денелеринин айрым органдарынын жок болгондугу көрсөтүлгөн эмес. Ал органдарды чет жерлерге донор катары сатууга жетишишкен. Бул чоң акчалар. Кылмышка шектелип кармалган Э.Ч. менен Ж.Ө. №1 үй-бүлөлүк медицина борборунда жана жеке клиникада иштешкен. Ал эми жеке клиникада иштеген дарыгерлер Э.М. жана Б.Т. криминалдык бойдон алдырууларды жасап турушкан. Бизде болгон маалыматтарга ылайык, бул гинекологдордун өкмөттүн аппаратында жана Саламаттыкты сактоо министрлигинде чоң байланыштары бар, бул байланыштар болбогондо алар буга чейин эле темир тор артында болушмак. Мисалы, Э.Чны 2014-жылы эле бала сатуу фактысы боюнча УКМК кызматкерлери кармашкан. Бирок камашкан эмес. Ишти Башкы прокуратуранын деңгээлинде жаап коюшкан. Ал эми Ж.Өгө карата 2017-жылдын январь айында кылмыш иши козголгон. Аны жаңы төрөлгөн ымыркайды сатууга күнөөлөшкөн. Бирок ал 15 миң АКШ долларын берип кутулуп чыккан. Мындай кылыктарын, кылмыштуу өтмүшүн билип туруп аларга мамлекеттик ооруканаларда кайра эле кылмыштуу иш-аракеттерин улантууга мүмкүнчүлүк берип жатышат.

Бул 4 врач кармалганга чейин Бишкек шаарынын Свердлов районунан бир үйдү ижарага алышып, криминалдык абортторду жүргүзүп турушкан. Канча кардар, канча жашы жете элек кош бойлуу кыздар бул адамдардын колунан өткөнү белгисиз. Канчалар бул адамдардын күнөөсү менен ден соолугунан ажырады экен?..

Бала сатуу боюнча ишти Жогорку Кеңештин депутаты, социалдык маселелер, билим берүү, илим, маданият жана саламаттыкты сактоо комитетинин төрайымы Гүлкан Молдобекова жана саламаттыкты сактоо министринин мурдагы орун басары Амангелди Мурзалиев жетектешет. Мурзалиев азыр Чүй облустук ооруканасынын башкы врачынын ордун алуу үчүн чуркап жүрөт. Эгер ал бул кызматка келсе, анда оорукана ушул кылмыштуу топтун кызыкчылыгы үчүн иштей тургандыгы белгилүү. Президентке, Коопсуздук кеңешине, депутаттарга, элге кайрылгым келет. Мындай глобалдуу маселелерге көз жумууну токтоткулачы. Өлкөбүздү, улутту сактап, врачтар менен өкмөт балаңды органдарга сатпаган нормалдуу өлкөдө жашап, төрөп, кылмышкерлер эмес, чынчыл, таза адамдар башкарган өлкөдө жашагыбыз келет! Гүлкан Молдобекова жана Амангелди Мурзалиев учурда №1 үй-бүлөлүк медицина борборунун гинекологу Э.Чны СИЗОдон бошотуп алуу үчүн акча чогултуп жатышат. Аны актоо үчүн сотторго да чуркап башташты. Анткени Э.Ч. аны бошотуп албаса, бул ишке катыштыгы барлардын баарын ачыкка чыгарарын айтыптыр.

Биз жогорудагы маалымат тарагандан кийин ИИМге байланышканыбызда, бул маалыматта аты аталган дарыгерлердин бирөөсү гана кылмышка шектелип кармалгандыгын, калгандарынын тиешеси жок экендигин билдиришти. Ал эми постту жазган адам менен байланышып, маалыматтарды кайдан алгандыгын сурап төмөнкүдөй жооп алдык: “Бул маалыматтарды мага кармалган врачтар менен чогуу иштеген врачтар жөнөтүшкөн. Кайсы врачтар экенин алардын коопсуздугу үчүн айта албайм. Ал эми Гүлкан Молдобекова менен Амангелди Мурзалиевсиз мындай иштер ишке ашпай турганын бардык врачтар эле айтып жүрүшөт. Алардын катыштыгы бар экенине далилдерим бар, сот болсо айтып берчү күбөлөр да бар”.

“КУДАЙ АЛДЫНДА АКМЫН”

Бул посттон улам окуяга катыштыгы тууралуу сурап депутат Гүлкан Молдобековага кайрылып, жооп алдык:

– Мен бул постту көрүп таң калдым. 13-сентябрда өткөн жыйында Жогорку Кеңештин төрагасына кайрылып, “бала сатуу боюнча коомчулукта талаш-тартыштар жүрүп жатат. Өкмөткө, тиешелүү комитетке тапшырма берсеңиз, меселе каралып, изилденип, күнөөлүүлөр жоопко тартылсын” деп айткам. Ушул сөзүм бирөөгө жакпай калдыбы деп ойлоп жатам. Өзүмдүн көтөрүп чыккан маселемди колдонуп өзүмдү каралап чыгарышты. Мен ушак айткандарды жаман көрөм. Мындай күнөө тагуу мага катуу тийди. Андай ишке катыштыгым жок. Кармалган врачтарды таанысам Кудай урсун! Кудай астында акмын. Бул постту ким жазганын аныктоо үчүн тиешелүү органдарга тапшырма бердим. Менин күнөөмдү далилдеп берсе, эгер чын эле мындай ыплас ишке катыштыгым болсо, керт башым менен жооп берүүгө даярмын.


“БИР ЖЫЛ МУРУН ТӨРӨТ ҮЙҮНӨН ЖОГОЛГОН КЫЗЫМДЫ ТАБА ЭЛЕКМИН”

Бул окуя катталганда коомчулук мындан бир жыл мурун эгиз кыздарынын бирин төрөтканадан врачтар алып койгонун айтып чыккан Балыкчы шаарынын тургундарын эстеди. 2017-жылдын 6-июнунда Балыкчы шаардык ооруканасында көз жарган Махабат Намазбекова анын эгиз кыздарынын бирин дарыгерлер алып коюшкандыгын айтып чыркыраган. Гезитибиздин 766-санында төрөгөнгө чейин 7 жолу УЗИге түшүп, баарында эгиз кыздарды көрүп, даярданып жүрүп, 1 гана кызын кармап отуруп калганын айткан үй-бүлөнүн сөзүн врачтар жокко чыгарган. Ысык-Көл ОИИБинин маалымат кызматкери Сталбек Усубакунов "бул ишти иликтөө үчүн түзүлгөн комиссия бир эле бала төрөлгөндүгүн аныктагандыктан, кылмыш иши токтотулган" деп билдирди. Ал эми үй-бүлөнүн атасы Данияр Чыбыев дагы эле кызын издеп, аны табарына ишенип жүрөт:

– Мен 6-7 ай бул иш менен чуркап жүрүп, материалдык жактан кыйналып калдым. Иштешим керек болуп, бул иштин артынан түшкөнгө убактым тар болуп калды. Бирок ушул бойдон токтоп калбайбыз. Кызымды тапмайынча тынчыбайм. Кызымды тапкандан кийин милиция кызматкерлерин да сотко берем. Анткени алар жакшылап иликтесе жыйынтык чыкмак. Оюмча, аларды да бирөө басып койду окшойт. Тергөөнүн аягына чыгарбай ишти жогору жактан басып жатышат деп ойлоп калганымдын себеби – башында ИИМ, прокуратура, УКМК, Саламаттыкты сактоо министрлиги, баары жакшы изилдеп башташып, анан эле унчукпай калышты. Беттештирүү 2 врач менен гана болду. Бирок тергөөдө төрөткө 13 адам катышкан деп жүрөт. Башында 4 врач болчу, кийин көбөйүп кетти. Бул күбөлөрдүн санын көбөйтүү үчүн эле болду окшойт.

9 ай бою врачтар өздөрү УЗИден 2 жүрөктүн сокконун, 2 кыздын колун, баштарын көрсөтүп, эгиз экендигин айтышып туруп, аягында бул сөздөрүн танып кетишкени бизди шылдыңдагандай эле туюлду. Колубуздагы өздөрү берген кагаздар менен да эч нерсе далилдей албай жатпайбызбы. Азыр да кагаздарды, фактыларды чогултуп жатам. Өзүм аракет кылам. Бирок бизге окшогон карапайым адамдарга мындай мыйзамсыздык менен күрөшүү кыйын экен. Акыркы окуяларды карап, врачтар үчүн бала сатуу бизнес болуп калганбы деп ойлоп калдым. Врачтарга акча берсең жакшы карашарын баарыбыз билебиз. Төрөт үйлөрүндө “төрөтүү бекер” деп жазылганына карабай, ошол жазуунун түбүнө туруп алып акча алышат. Бербей коё албайсың. Анда карашпайт. Бербей койсо, меникиндей окуяга да туш болушу мүмкүн. Мен деле акча бермекмин. Балким, менден жакшы акча бергендер болуп калды окшойт деп ойлоп кетем. Бул окуядан кийин дагы биздин төрөтканада жаңы төрөлгөн балдардын өлүмдөрү катталган. Кийин жергиликтүү кеңештин депутаттарынын демилгеси менен башкы врач Тилек Айдаралиева кызматынан бошотулду. Бирок бир кишини кызматтан алуу менен маселе чечилбейт.

“БАГЫП АЛГАН КЫЗЫМДЫН ЭНЕСИН ТАПКЫМ КЕЛЕТ”

Врачтардын бала сатууга катыштыгы буга чейин эле болуп келгенин учурда Орусияда жашаган 65 жаштагы каарманым Канышай Касымова тастыктайт. Айтымында, мындан 26 жыл мурда Жалал-Абад облусунун Ноокен районундагы Массы айылындагы төрөт үйүнөн дарыгерлерге 1000 АКШ долларын берип, кыз багып алган.

– 1992-жылы 40 жашымда төрөт үйүнөн кыз багып алгам. Ал учурда менин үй-бүлөм, 1 уулум бар болчу. Бирок андан башка балалуу боло алган жокпуз. Кыздуу болуу тилегим көзүмдөн учуп турду. Ошондуктан мыйзамсыз иш жасап жаткандыгымды билсем да, врачтарга акча берип, кызымды алгам. Менимче, врачтар менин чоң суммадагы акча берүүгө шартым бар экенин билгенден кийин тобокелге барып, кызды 7 айлык кезинде эле төрөтүп алышкан. Ошол себептүү кызым алсыз болчу. Наристенин апасы андан баш тартканын айтышып, тил катын көрсөтүштү. Бирок энесинин эмне үчүн мындай жолго барганын билбейм, ал адам менен жолуккан эмесмин. Мен акчаны ошол кездеги Массы айылындагы төрөт үйүнүн жетекчиси Роза жана врач-гинеколог Бурул деген айымдарга бергем. Мага кызды багып алгандыгым тууралуу документ жасап беришти. Кызымдын күбөлүгүндө төрөлгөн күнү биз аны төрөт үйүнөн чыгарып кеткен күн – 10-апрель деп жазылган. Бирок кызым андан эрте төрөлгөн. Канчасы экенин так билбейм.

Ошентип наристелүү болдум. Кызым үчүн колумдан келгенин жасап, эч нерседен кем кылбай чоңойтконго аракет кылдым. Дос-туугандардан кыз багып алганымды жашырган жокмун. Кызым да эс тартканда бакма кыз экенин билди. Бирок мени кубантканы – бул кабарды оор кабыл алган жок.

Азыр кызым да апасын таап, аны менен көрүшкүсү келет. Мен да кызымды апасы менен табыштырып койсом деген тилегим чоң. Анткени жолдошум да, уулум да өтүп кеткен. Өзүм да коркунучтуу оору менен ооруп жүрөм. Кокус бир нерсе болуп кетсе, кызымдын бул жакта жалгыз калышынан корком. Себеби менин туугандарым башынан эле кызды багып алышыма каршы болушкан. Азыр да кызым менен катташпайт. Ал эми апасына ошол учурда бала керек болбогон болсо да, азыр кызын ойлонот болушу керек. Балким, издеп жүргөндүр. Бала төрөлгөндө колуна апасынын аты жазылган бирка жармаштырышат го. Ошол кагаздан кызымдын апасынын аты Бегимай экенин окугам. Былтыр ошол төрөт үйүнө барып, ал аялды издедим. Ошол эле врачтар иштеп жатышыптыр. Катталуу китебин карап, ал аялды таппай койдук. Окуп калса, биз байланышууга даярбыз. Ал эми азыркы өлкөдө талкууга кабылып жаткан бала сатуу болуп эле жүргөн көрүнүш жана боло берет. Муну түп тамыры менен жок кылуу, менимче, мүмкүн эмес. Анткени бул нерсе врачтарга акча алып келет. Анан да мендей болуп ар кандай тагдырга кабылгандар бала сатып алууга өздөрү кызыкдар болушат.

 

Эл арасында ар кандай тагдырга кабылгандар бар. Балалуу боло албагандар жогорудагы каарманым сыяктуу бала багып алууга аргасыз. Бирок мыйзамдуу түрдө бала асырап алуунун машакаты көптүгүнөнбү, айтор, бул маселени мыйзамсыз жол менен чечкендер токтобой келет.

Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(25)
02.10.2018. 10:02 
Тайпасы:
Жаран
Комментарийлердин саны:
1041
Катталган:
21-05-2012
Соӊку аракети:
14-11-2019 10:39
Жынысы:
Белгисиз
Калаасы:
Планета
+21
Детдомдо канчалаган балдар бар курсактары тоюп тойбой кыйналган. Ошолордон алып багып алсаңар өлөсүңөрбү? Роддомго келип бирөөнү баласынан ажыратып сыздатпай! Бул жерде ошол органдарын эле сатышкан акча үчүн адам кейпиндеги арам тамактар!!!
02.10.2018. 10:50 
Тайпасы:
Жаран
Комментарийлердин саны:
663
Катталган:
20-04-2017
Соӊку аракети:
14-11-2019 21:35
Жынысы:
Белгисиз
+12
Бул жагы ужас кинодон да ашып түшүптур го. Окуп тобо чачым тик турду. Эми ишти жакшылап карап чыгарып жибербей камагыла болбосо уланып кете берет. Төрөш да коркунучтуу болуп калды заманга жараша.
02.10.2018. 11:07 
Тайпасы:
Жаран
Комментарийлердин саны:
120
Катталган:
07-06-2018
Соӊку аракети:
07-06-2019 09:24
Жынысы:
Белгисиз
+12
маасыдагы райондук роддомда дагы деле бала сатып жүрүшсөчү бурул дегени дагы деле иштейт жакшылап териштириш керек ошон үчүн төрөттө жанында жакындары сөзсүз болуш керек булар ушундай бала сатып атышкандан кийин ишенич жок
Kymbatym түзөттү 2018-10-02 11:11:44
02.10.2018. 12:34 
Тайпасы:
Жаран
Комментарийлердин саны:
44
Катталган:
13-03-2011
Соӊку аракети:
14-11-2019 18:50
Жынысы:
Белгисиз
Калаасы:
Катар Доха
+9
Балдар уйуно жакында бир эжем барып уул алып багып,аламын деп барды болчу эжеме 100 адам кезек кутуп журушот бала багып алуу учун деп айтты.Балдар уйунон деле бала алып багып алыштын жолдору ото татаал экен.
02.10.2018. 12:52 
Тайпасы:
Жаран
Комментарийлердин саны:
144
Катталган:
05-03-2017
Соӊку аракети:
21-02-2019 22:10
Жынысы:
Белгисиз
+3
Тобоо биздин маасыда ушундай кылыктар болсо тобо чачым тик турду. Бизде эч ким деле баласын таштабайт эле. Жаш кыз болсо эрге тийип очор бачар болуп кеткен болсо чыкбаса керек
02.10.2018. 13:06 
Тайпасы:
Жаран
Комментарийлердин саны:
155
Катталган:
26-03-2014
Соӊку аракети:
11-11-2019 19:53
Жынысы:
Белгисиз
+5
Бироону сыздатып баласын тартып алып жатканда эмнени ойлоносунар? Журогунор айбандыкынан да жаман экен, баласын жоготуп сыздаган ата- эненин каргышы тийсин!
02.10.2018. 14:52 
Тайпасы:
Жаран
Комментарийлердин саны:
34
Катталган:
18-05-2016
Соӊку аракети:
11-11-2019 09:36
Жынысы:
Белгисиз
+8
Торолгондон олгонго чейин эле коррупция!
02.10.2018. 15:41 
Тайпасы:
Жаран
Комментарийлердин саны:
26
Катталган:
19-07-2014
Соӊку аракети:
26-02-2019 13:25
Жынысы:
Белгисиз
Калаасы:
ош
+6
Тообоо тообоо деп жакамды кармадым.Тообоо.Кичине бөбөктү мейли бирөөгө сатыптыр ал тирүү жашап жүрөт.а бирок ички органдарын кантип алышып.кантип чет мамлекетке донор кылып сатып жатышат.Кантип бөбөктү кескенге дити чыдаган.айбандар.желмогуздар.АЛЛАХ жазаласын силерди эгер ушунун баары чын болсо.
02.10.2018. 17:15 
Тайпасы:
Жаран
Комментарийлердин саны:
44
Катталган:
17-10-2017
Соӊку аракети:
06-05-2019 13:58
Жынысы:
Белгисиз
+6
Учурда кош бойлуумун окуп алып коркуп чыктым эсен-аман колума алып алсам экен деп.
02.10.2018. 20:39 
Тайпасы:
Жаран
Комментарийлердин саны:
348
Катталган:
07-09-2010
Соӊку аракети:
14-11-2019 20:33
Жынысы:
Белгисиз
+10
Апееей 18 поликлиника аборт жазабайбыз деп калпты карандай айтыптыр го. Балакеттей эле жазайт. Ужааасс каратып туруп калп айтышса, анда саткандары чын эле...
03.10.2018. 06:09 
Тайпасы:
Жаран
Комментарийлердин саны:
17
Катталган:
31-08-2016
Соӊку аракети:
14-11-2019 21:52
Жынысы:
Белгисиз
+5
arlekino,оа аборт жасабайбыз дептирго,мындан 6жыл мурда жасап эле атышчуле,анда бул клиника мыйзамсыз аборт жасашаткенда
02.10.2018. 21:28 
Тайпасы:
Жаран
Комментарийлердин саны:
61
Катталган:
02-04-2018
Соӊку аракети:
14-11-2019 21:07
Жынысы:
Белгисиз
+3
Бала керек болсо детдомдон алып баккыла сооп болот!Эки буттуу айбандарга арам акча берип эки бироолорду сыздатып боздотуп куноо иш кылбай эртен озунор окуносунор!Ошондо гана бул жаман иш токтойт!!!
03.10.2018. 00:04 
Тайпасы:
Жаран
Комментарийлердин саны:
45
Катталган:
11-05-2016
Соӊку аракети:
15-11-2019 04:13
Жынысы:
Белгисиз
+6
Чынын айтам крда жашагандан корком
03.10.2018. 02:43 
Тайпасы:
Жаран
Комментарийлердин саны:
68
Катталган:
18-02-2018
Соӊку аракети:
07-08-2019 17:57
Жынысы:
Белгисиз
-3
Машалла
03.10.2018. 11:05 
Тайпасы:
Жаран
Комментарийлердин саны:
4
Катталган:
21-09-2017
Соӊку аракети:
30-08-2019 14:47
Жынысы:
Белгисиз
+4
Жеке клиникаларда аборт жасабайбыз торотпойбуз деп кантип уялбай Калп айтышты? Бети жоктор. Врачтарга кунун тушпосун да колдорунан жакшылык келбей калды. Адам омурун сактабай эле кайра жок кылып жатышаат булар канча адамды сыздатышып
03.10.2018. 13:50 
Тайпасы:
Жаран
Комментарийлердин саны:
8
Катталган:
14-10-2011
Соӊку аракети:
05-07-2019 00:36
Жынысы:
Белгисиз
Калаасы:
москва
+4
Коррупция,коррупция!!! Качан бизде азаят экен ушул нерсе. Чындап эле роддомдон баштап жер алдына көмүлгүчө коррупцияга аралашат экенбиз да!!! Бирөөнү сыздатып багып алган жубайлар,бети жок врачтар кантип коркпой жашашат таң каласың. Детдомдон бала багып алуу жолдорун жеңилдетишкенде биздин чиновник сөрөйлөр,мүмкүн мындай көрүнүш жоголот беле!?
03.10.2018. 13:57 
Тайпасы:
Жаран
Комментарийлердин саны:
326
Катталган:
14-11-2015
Соӊку аракети:
15-11-2019 05:37
Жынысы:
Белгисиз
Калаасы:
Ата-энемдин журогу...
+4
Тообо кылдым акчаны коргондо срогунан эрте торотуп алып жатса.Кудайдан коркпогон адамдар экен.
03.10.2018. 22:25 
Тайпасы:
Жаран
Комментарийлердин саны:
13
Катталган:
25-06-2014
Соӊку аракети:
13-11-2019 03:22
Жынысы:
Белгисиз
Калаасы:
Кыргызстан
+5
Улан Эгизбаев иликтоочу материал болчу экен...аттин...
04.10.2018. 06:25 
Тайпасы:
Жаран
Комментарийлердин саны:
59
Катталган:
14-01-2015
Соӊку аракети:
11-11-2019 09:49
Жынысы:
Белгисиз
0
Багып алам деген ата энелерге да каргыш болсун. Жакшы кунду корбой калгыла. Бироону сыздаткан акмактар
06.10.2018. 21:57 
Тайпасы:
Жаран
Комментарийлердин саны:
1
Катталган:
26-05-2018
Соӊку аракети:
01-08-2019 02:37
Жынысы:
Белгисиз
0
Ал дейбиз бул дейбиз баарыбир акчалуулар акталып эч ким жообко тартылбай калат. Себеби мыйзам колунда жок катардагы карапайым элге эле иштейт. Акчалуулар менен бут зоокурлор креслодо бийлик башкарып калган.
06.10.2018. 23:48 
Тайпасы:
Жаран
Комментарийлердин саны:
186
Катталган:
23-02-2013
Соӊку аракети:
16-12-2018 12:10
Жынысы:
Белгисиз
+1
Animatorkg,ооба ошон учун Балыкчыдагы байкуш байкелер чурулдашып эле бир кызын таппай калышты.а Тилек деген кучтуу акущер жумушунан эмес крышасынан и акчасынан ал любойун ордуна коет экен.
06.10.2018. 23:46 
Тайпасы:
Жаран
Комментарийлердин саны:
186
Катталган:
23-02-2013
Соӊку аракети:
16-12-2018 12:10
Жынысы:
Белгисиз
+2
Балыкчыда Тилек деген шумдук да мен турун корбогом баары таанышат каалаганын кылат экен ал крышасы кучтуу,жогоруда айтып кеткен молдо киши таанышыбыз ошол байкуштарды да сыздатып койду Тилек деген акущер баарын оозун басып эгиз кыздын бироосун таппай коюшту. хотя Кудайдан корксонорчу врачтар ужас оз балдарынар деле бар го,бул деген арам тамак да зарпл.кутуп жашап деле журобуз го олбой эле.
08.10.2018. 12:22 
Тайпасы:
Жаран
Комментарийлердин саны:
8
Катталган:
30-08-2017
Соӊку аракети:
20-12-2018 20:00
Жынысы:
Белгисиз
0
Азыр кесерерова деген балаа чыккан, аялдар ошонучун озунор эле торогуло,без наркоз,козунор менен коруп эле 5-6 баланы европаны туурабай,кош бойлуулар эсен Аман коз жарып,наристененрди кучактап алгыла,кудайым женилинен берип,мен деле тортунчусун тородум 4кг200гр операция кылавыз дешип,конгон жокмун,жаныма эч Ким кирбеди,куйоом эшикте кутуп турду, айтайын дегеним баландын биринчин ынаалаганы,колдорун кывыратып кокурогундо жатканы,оозун ачкандары ар Бир кыймылы чон ырахатго,ошол минуталарга соз жок
08.10.2018. 12:30 
Тайпасы:
Жаран
Комментарийлердин саны:
8
Катталган:
30-08-2017
Соӊку аракети:
20-12-2018 20:00
Жынысы:
Белгисиз
0
Врачтар Аман эле болушсун, кудайдан коркпогон адамдар,башка жакшы медиктерди да жаманатты кылышып,уятсыздар,баарибир жазасын алышат да,эгиздердин Ата энесине айтаарым аракет кыла бериниздер балким табылып калат, телевидение айрыкча КТР ушуга окшогонду тартып,корсотсонор болотго рекламадан баштары чыкпайт, нормальный балдарын мн коротурган передача жок Бут эле саясат надаел уже,даже куудулдар саясаттан башка нерсени суйлошпойт,орустардын куудулдарына окшоп изденишпейт же баштары жетпейт
10.11.2018. 17:39 
Тайпасы:
Жаран
Комментарийлердин саны:
5
Катталган:
17-05-2018
Соӊку аракети:
04-12-2018 23:02
Жынысы:
Белгисиз
0
Бул акча деген адамды эмнеге гана алып барбайт. Баары акчанын изине түшүп канынан бүткөн баласын сатууга даяр! Аллахым кыргызыма ыйман, ынсап, баарынан адилеттүүк бере көр!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23199;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: