Архив
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ӨЛКӨ ИЧИНДЕГИ АВИАКАТТАМДАР ЭМНЕГЕ КЫМБАТ?

№816 22-июнь -28-июнь, 2018-ж.


Бишкек–Москва авиабагыты боюнча сапарга чыгып, бир күн эрте авиабилет алууга туура келип, билет баасы 5060 сомду (тамагы менен) түздү. Ал эми ушул күнү эле Бишкектен Ошко сапар алган жүргүнчүнүн билет баасы 3500 сом болгонуна күбө болдум. Бишкек–Москва авиажолу 2990 чакырымды түзсө, Бишкек–Ош аба жолу 305 чакырым. Аралыгында 10 эселик айырма болгон бул эки каттамдын билет баалары дээрлик бирдей. Менде эмне үчүн ички каттамдардын билет баасы кымбат деген суроо жаралды.

"ИЧКИ АВИАКАТТАМДАРДЫ ЖАЛАҢ ЖЕКЕ АВИАКОМПАНИЯЛАР ЖҮРГҮЗӨТ"
Бул суроону Кыргыз Республикасынын Транспорт жана жолдор министрлигинин Жарандык авиация бөлүмүнүн башкы адиси Арзымат Матмуратовго берип көрдүм. Ал "ички каттамдардын бааларынын кымбаттыгынын бирден-бир себеби – мамлекеттик учактын жетишсиздиги" деп түшүндүрдү.

– Арзымат мырза, өлкө ичинде учуунун баасы сырткы авиакаттамдардын билет баалары менен дээрлик бирдей болуп калганын байкоого болот. Бул жагдай эмнеден көз каранды?

– Ар кандай кырдаалдар кездешет. Кээ бир учурларда авиакомпаниялар ар кандай акцияларды уюштуруп, кардарларды өзүнө тартуу үчүн жарнама катары авиабилеттердин баасына пайыздык арзандатуу иштерин жүргүзүп турушат.

– Былтыр өлкө ичиндеги авиакаттамдардын билет баасын 4000 сомдон ашырбоо чеги коюлбады беле, бул тартип бүгүн да күчүндөбү?

– Жолдо унаа менен жүрүүдө кыйынчылыктар жаралгандыктан авиабилеттердин бааларын төмөндөтүү маселеси чыгып, министрлик тараптан жергиликтүү өлкө ичиндеги авиаташууларды аткарган авиакомпаниялар менен сүйлөшүү жүргүзүлүп, сиз айткан тартип макулдашылган. Биз авиакомпанияларга билеттердин бааларынын тарифин кандай коюу боюнча буйрук бергенге укугубуз жок. Болгону милдеттүү эмес түрдө сурана алабыз. Ошондуктан авиакомпаниялар менен аталган маселе боюнча сүйлөшүү жүргүзгөнбүз. Өлкө ичиндеги каттамдарды “Тез жет”, “Авиатрафик Компани” жана “Эйр Манас” болуп 3 жеке авиакомпания ишке ашырса, алардын баары министрликтин суранычына макул болушкан. Ага ылайык, министрликтин алдындагы Жарандык авиация агенттигинин тиешелүү буйругу чыккан.

– Ички каттамдарга болгон баа арзаныраак болушу үчүн мамлекеттик учакты ишке киргизсе болбойбу?

– Бул чоң маселе дейт элем. Мурда ички жана эл аралык багыттар боюнча мамлекеттик “Эйр Кыргызстан” авиакомпаниясы учууларды аткарып келген. Бирок азыркы учурда авиакомпаниянын учагы тиешелүү оңдоо иштеринен өтүп жатканына байланыштуу учууларды аткаруу мүмкүнчүлүгү жок болуп турат. Учурда ички каттамдарды ишке ашырып жаткан жеке авиакомпаниялар деле активдүү иштеп жатышат.

“МАЙ АЙЫНДА МУНАЙДЫН БААСЫ 10 ПАЙЫЗГА ӨСТҮ”
Жергебиздеги ички авиакаттамдарга болгон билет бааларына дүйнөлүк рыноктогу мунайдын баасы түздөн-түз таасирин тийгизерин Кыргыз өлкөсүнүн мунай сатуучулар ассоциациясынын аткаруучу директору Улан Кулов айтты:

– Кыргыз өлкөсүнө бардык мунай азыктар, алардын ичинен авиакүйүүчү майлары да Орусиядан келет. Мисалга алсак, ушул жылдын май айында эле 10 пайызга, ал эми жыл башынан бери 20-22 пайызга мунайга болгон баанын өскөнү байкалды. Мындай жагдай дүйнөлүк рынокто да орун алууда. Ушундан улам авиабилеттерге болгон баа жогорулоодо. Биздин өлкө жылына авиакаттамдар үчүн 100 миң тонна күйүүчү май керектейт.

“КЫЗЫКЧЫЛЫКТАР ОДОНО БУЗУЛСА ЧАРА КӨРҮЛӨТ”
Кыргыз Республикасынын Өкмөтүнө караштуу Монополияга каршы жөнгө салуу агенттигинин тармактарды жөнгө салуу башкармалыгынын башкы адиси Руслан Казаковдон агенттик кайсы учурда авиабилеттердин бааларын чегерүү ишине кийлигише аларын сурадык:

– Өлкө ичиндеги авиабилеттердин бааларын жөнгө салуу буга чейин биздин агенттикке тиешелүү болуп келсе, мамлекет ЕАЭБдин мүчөсү болгондон кийин анын шарттарына ылайык, авиабилеттердин баалары авиакомпаниялар арасындагы атаандаштык жана суроо-талапка ылайык коюлат. Кыргыз Республикасынын Мыйзамына ылайык, өлкөбүздөгү ички каттамдарды ишке ашырган ири авиакомпаниялардын үстүнөн экономикалык-статистикалык көзөмөл жүргүзүлүп турат. “Атаандаштык жөнүндө” мыйзамын бузуп, аталган компаниялардын бири башка ишкананын кызыкчылыгын кысымга алса же жарандардын кызыкчылыгын одоно бузса, мындай иштерде биздин агенттик кийлигишип, мыйзам түрүндө чара көрөт.

“ЖАЙКЫ СЕЗОНДО АВИАБИЛЕТТЕР КЫМБАТЫРААК САТЫЛАТ”
Кыргыз өлкөсүндөгү ички авиакаттамдарды жүргүзгөн “Эйр Манас” авиакомпаниясынын башкы директору Талгат Нурбаевдин айтымында, авиакомпания үчүн учуу канчалык узак болсо, ошончолук үнөмдүү болот. Ошентсе да аталган авиакомпания өлкө ичинде авиакаттамдарды байма-бай жүргүзүп келет.

– Авиабилеттердин бааларына учактарды сатып алуу, тейлөө, күйүүчү майдын наркы түздөн-түз таасир этет. Мындан тышкары билеттин баасы сезондон жана жүргүнчүнүн учуусуна канча күн калганынан көз каранды болот. Ошондой эле жай мезгилине салыштырмалуу кышында авиабилеттер арзаныраак сатылат. Авиациялык күйүүчү майдын жана учактарды тейлөө чыгымын эске алганда, жакын аралыкка салыштырмалуу орто аралыкка учуу компания үчүн үнөмдүү.

“БААЛАР ШАРТКА ЖАРАША КОЮЛАТ”
Бишкек–Исфана жана Ош–Тамчы авиакаттамдарынын билеттеринин наркынын нормадан кымбаттыгын аталган каттамдар боюнча иш жүргүзгөн “Тез жет” авиакомпаниясынын коммерция бөлүмүнүн жетекчиси Ангелина Халиулина төмөндөгүчө түшүндүрдү:

– Аталган авиакаттамдарга бизден башка компания учпайт. Исфана, Тамчы, Баткен, Жалал-Абаддын аэропортторунда бир канча ыңгайсыздыктар бар. Мисалы, учак конуучу тилкелер тар, аэропорттордун шарттары талапка дал келбейт. Ошондуктан жогору баа коюуга туура келет. 4000 сомдук чектөө Бишкек–Ош авиакаттамына гана тиешелүү.

Биздин өлкөдөгү ички авиакаттамдардын билет баалары жөнүндө билип жатып, башка өлкөлөрдөгү ички авиакаттамдардын билет бааларына көз жүгүрттүк. Билет баалары эки күн алдын ала алынып, 23-июнга (эконом класс) карата көрсөтүлгөн:

Мамлекеттин өзүнүн карамагында учагы жетишсиз болгон учурда, албетте, жеке компаниялардын учактары иш жүргүзөт. Ал эми жеке компаниялар билет бааларын киреше табуу үчүн өздөрүнө ылайык кылары турган иш. Бирок жогоруда салыштыргандай, Кыргыз өлкөсүнүн ичиндеги авиабилеттердин баалары бир кыйла жогору экени байкалып жатат. Демек, буга тиешелүү органдар көңүл бурушу керек деген тыянак чыгат.

Алтынай Тынышова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
26.06.2018. 11:27 
Тайпасы:
Тартип бузгандар
Комментарийлердин саны:
182
Катталган:
05-05-2018
Соӊку аракети:
05-09-2019 19:08
Жынысы:
Белгисиз
Калаасы:
Уч-Коргон
+2
3 000 акча менен Ошко 4-5жолу барып келесинго машина менен
26.06.2018. 11:29 
Тайпасы:
Тартип бузгандар
Комментарийлердин саны:
182
Катталган:
05-05-2018
Соӊку аракети:
05-09-2019 19:08
Жынысы:
Белгисиз
Калаасы:
Уч-Коргон
+2
Аргасыздан гана чыгат да кээ бир узак жолго чыдабаган улуу муундар, шашылыш жумушу барлар, силер болсо бетинерди бе# тонна кылып, асмандагы бааны айтып отурасынар
26.06.2018. 20:16 
Тайпасы:
Жаран
Комментарийлердин саны:
61
Катталган:
30-12-2016
Соӊку аракети:
21-10-2019 02:21
Жынысы:
Белгисиз
Калаасы:
жалал абад
+2
Ой тоба уялып койушса болмок жеке кампаниялар байып эле жатып калышканго
27.06.2018. 11:03 
Тайпасы:
Жаран
Комментарийлердин саны:
55
Катталган:
03-08-2013
Соӊку аракети:
18-10-2019 16:01
Жынысы:
Белгисиз
+1
ар шылтоону эле айтышат го
28.06.2018. 09:15 
Тайпасы:
Жаран
Комментарийлердин саны:
79
Катталган:
17-04-2013
Соӊку аракети:
11-10-2019 21:13
Жынысы:
Белгисиз
Калаасы:
Баткен
0
Бааларды арзандатып рейстердин санын көбөйтсө элдер көпчүлүгү авиакаттам менен эле каттамак. Мамлекеттик авиакаттам жетишсиз дегени жөн гана шылтоо. Мунун артында көп оюн бар. Дагы бир мисал темир жол каттамы да актабай жатат деп какшайт. Барып көрсөңөр баасы учак менен учкандан кымбат жана3 сутка жолдо жүрүшүң керек болот. Ким анда поезге чыкмак эле учак турганда. Баасын арзандатса жана жакшы шарттарын түзсө анан эл чыгат эле
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23044;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: