Архив
897   898  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Оңолбек Каныбек уулу, волейболчу: «ТАИЛАНДДА ВОЛЕЙБОЛДУ ЖЫЛМАЙЫП ОЙНОШ КЕРЕК»

№790 22-28-декабрь, 2017-жыл


Кыргыз өлкөсүнүн волейбол боюнча курама командасынын оюнчуларынын сап башында тургандардын бири Оңолбек Каныбек уулу. Улуттук курамдын капитаны аталган спортчу волейболчулардын арасынан алгачкылардан болуп чет өлкөлүк клуб менен келишим түзгөн. Учурда ал Таиланддын 3 жолку чемпиону «Эйр Форс» клубунда ойнойт.


Туулган жери
– Ысык-Көл облусу, Тоң району, Оттук айылы
Туулган күнү – 17-август, 1991-жыл
Бою – 196 сантиметр
Салмагы – 98 килограмм
Үй-бүлөлүк абалы – Бойдок
Машыктыруучусу – Самат Догочиев, Мирлан Амантуров
Жетишкендиктери – Волейбол боюнча Азиянын аймактык чемпиондугунун «Мыкты оюнчусу» наамынын ээси, Борбордук аймактын тандоо турунун «Мыкты оюнчусу»,
Дүйнө чемпиондугунун 2-тандоо турунун «Мыкты оюнчусу».


– Оңолбек, алгач спортко кандайча келип калганың жөнүндө кеп кылсаң.
– Биз спортчулардын үй-бүлөсүбүз. Атам баскетболчу. Убагында жаштар курамында ойногон, спорт чеберине талапкер. Ал эми апам жеңил атлетика менен машыкчу. 7 бир туугандын бешинчисимин. Менден улуу агаларымдын баары эле волейбол ойношот, алардын ичинен эң жакшы ойногону эң улуу агам. Аны көрүп өсүп, ойногонун жактырып кумир тутчумун. Кийинчерээк «Жаңы муун» деген клуб ачылып, боюм узун болгондуктан мени ошол жакта машыгууга чакырышкан. Башында жөн эле кызыкканым үчүн барып жүргөн болсом, 1-курстан тарта бул спорттун түрүнө олуттуу карап, ойноп баштагам.

– Волейбол сени кандай өзгөчөлүгү менен жетеледи?
– Волейбол – эмоционалдуу жана кызыктуу оюн, ошонусу менен жактырам. Ар бир беттеш экшн менен коштолот деп айтсам болот. Оюндун өзүнө тиешелүү ырахаты бар. Шахмат сыяктуу эле интеллектуалдык өнүгүүгө жетелейт. Беттеш учурунда каршылашыңдын кандай комбинация аткарарын, топту кайда чабарын алдын ала сезишиң керек да, кантип коргонуудан тышкары кандай жооп кылып, кантип тосмо жасоо керектигин ойлонуш керек. Топ ылдам болгондуктан, бат жана туура чечим чыгарган жакшы. Бул спорт физикалык жактан күчтүүлүктү, атлетикалык жактан өнүгүүнү жана узун бойду талап кылат. Командалык оюн болгондуктан, ар бир оюнчу өзүнүн милдеттерин билиши керек. Волейбол залында 6 киши бирин-бири түшүнүшүп, колдоп туруусу да абдан маанилүү.

– Сенин милдеттериң кайсы?
– Мен диагоналдык чабуулчу амплуасындамын. Көпчүлүк учурда биринчи зонада экинчи сызыкта чабуул жасайм. Көтөрүп берген топту чабуул менен коштойм.

– Кандайча таиланддык клубда ойноп калдың?
– Быйыл жайында волейбол боюнча Дүйнө чемпиондугунун тандоо турунун 2-раундунда Кыргыз өлкөсү күчтүү атаандаштар менен кез келген. Ошол беттешке Азиянын Волейбол федерациясынын таиланддык өкүлү катышкан. Ал менин көрсөткөн оюнумду көрүп, «Эйр Форс» клубунда ойноого чакырды. Ойлонууга бир жумадай убакыт берген. Ал учурда мен ординатурамды өтүп жаткам. Өзүм медицина кызматкери болгондуктан, оюмда спорттук медицинага кетким келчү. Анан азыр жашмын, убакыт бар кезде ойноп, эл-жер көрүп, аны менен катар чет элдин спорттук медицинасын да көрүп келейин деп, сунушка макул болдум. Келишим 2018-жылдын апрель айында бүтөт.

– Эки өлкөнүн спортко болгон мамилесин салыштырып көрсөң.
– Алгач машыгууну баштаганда эле эки өлкөнүн волейболунун айырмасы сезилди. Мен келген клубда волейбол профессионалдык деңгээлде экен. Мисалы, мен Кыргызстанда жүргөндө волейболчу досторум машыгуу менен катар кошумча жумушта да иштеп жүрө берчүбүз. Бул жакта каражат жагынан маселе жаралбагандыктан, убакыт жана күчүбүздү жалаң машыгууга жумшайбыз.
Таиландда волейбол жакшы өнүккөн. Оюнчулары күчтүү. Беттештер болгондо көрүүчүлөр аябай көп келет. Волейбол клубдарынын атайын фан-клубдары да бар. Ал эми оюнун салыштырсам, булар утуп жатабы, утулуп жатабы, жылмайып ойношот экен. Биз, кыргыздар бир аз олуттуу болобуз го, бир жолу оюн учурунда упай ала албай жатканыбызга жиним келди эле, машыктыруучу «жигиттер сенин маанайыңды көрүп алып ойной албай жатышат» деп мени алмаштырып салган. Ошондон бери жылмайып ойноп жатам.

– Ошондой деңгээлге жетүү үчүн Кыргыз өлкөсүнүн волейболуна эмне жетишпейт деп ойлойсуң?
– Азыр бизде волейболдун деңгээли жакшы. Кубандыра турган тепкичтерге чыгып жатабыз. Бизде таланттуу волейболчулар көп. Аларда волейбол талап кылган эрк да, күч да, каалоо да бар. Биз башкаларга салыштырмалуу физикалык түзүлүшүбүз менен айырмаланып, дымагыбыз күчтүү келет. Ушул сапаттар менен кыргыз волейболун өнүктүрсө болот. Болгону шарт түзүлүп, финансылык жактан колдоо болсо гана кыргыз волейболун дүйнөгө көрсөтсө болот.

– Машыгуу менен гана алек болсоң, бир күнүңдүн тартиби кандай өтөт?
– Биз күнүнө 2 маал машыгабыз. Эртең менен 5:30дан 9:00гө чейин таңкы машыгууга барсак, ортодо тыныгуу болуп, саат түшкү 3төн кечки 6:30га чейин кечки машыгуу кылабыз. График менен бассейнге түшүп, физиотерапия алып турабыз. Ошентип, күн сайын кайталана берет. Кыскасы, бизге тиешелүү шарттардын баары түзүлгөн. Болгону ойноп, жакшы жыйынтык көрсөтүү керек.

– Бөтөн эл, бөтөн жерге көнүү да оңой болбосо керек?
– Ооба, сыртта жүргөндүн жаман жери – эл-жерди, ата-эне, бир туугандарыңды сагынасың. Бул жакка жаңы келгенде бир аз кыйналгам, азыр көнө баштадым. Таиландда күн ысык, абасы нымдуу. Мындай аба ырайына көнбөгөндүктөн, машыгуу учурунда ысыктан кыйналып калам. Бул жактагы командалаштардын баары эле англис тилин жакшы биле беришпейт экен. Азыр кол менен жаңсап, көз менен сүйлөшүп, эптеп болсо дагы бири-бирибизди түшүнүшүп калдык. Ал эми тамак-ашына көнүү татаалыраак болуп жатат. Мен Кыргызстандагыдай эле тамактарды жасап жегенге аракет кылып, атайын бодо малдын этин сатып келип, тамак жасайм. Бирок эттерин жегенде жыгач эле жеп жаткандай болосуң, биздин эттердикиндей даамы жок.

– Эми келечекке койгон пландарың менен бөлүшсөң.
– Келечекке пландарым көп. Эгер жакшы клубдардан чакыруу болсо, сунуштарын карап көрүп, ойной берейин деп жатам. Андан соң өзүмдүн каалоом менен кесибимди бирдей алып кетүү үчүн спорттук медицинаны өздөштүрөм.

– Маегиңе рахмат, ийгилик каалайбыз!

"Дүйнө чемпиондугуна тандоо турунда "Мыкты оюнчу" наамын алгам".
"Эл-жер көрүп, өнүгөйүн деп Таиландга келе бердим".


Алтынай Тынышова
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(12)
26.12.2017. 10:05 
Тайпасы:
Тартип бузгандар
Комментарийлердин саны:
371
Катталган:
31-05-2017
Соӊку аракети:
03-08-2019 07:55
Жынысы:
Белгисиз
+16
Жакшыыыыы. Супер,ар бир санынарда ушундай маанай которо турган ,кызыктуу макала чыгарсанар. Ырчылардан тажап деле калдык.
26.12.2017. 17:41 
Тайпасы:
Жаран
Комментарийлердин саны:
272
Катталган:
30-01-2012
Соӊку аракети:
21-11-2019 14:01
Жынысы:
Белгисиз
Калаасы:
самара
+7
Nanei,туптууура.Ырчынын да эптемейлери түшпөй калды.
26.12.2017. 11:22 
Тайпасы:
Жаран
Комментарийлердин саны:
260
Катталган:
11-01-2017
Соӊку аракети:
23-01-2020 02:59
Жынысы:
Белгисиз
+5
Атына затын жарашып онолуп кет.
26.12.2017. 11:26 
Тайпасы:
Жаран
Комментарийлердин саны:
873
Катталган:
17-04-2013
Соӊку аракети:
22-01-2020 21:28
Жынысы:
Белгисиз
Калаасы:
Баткен
+12
Ушинтип ар бир санда спортчулар жөнүндө маалымат берсе жакшы болмок. Ырчылардай эле бизде да спортчулар көп. Ырчыларды ар бир телеканалдан таңкы маектен көрө берип тажайбыз. Ушундай маектер көп-көп чыгып турса ага таасирленген жаштарыбыз да көбөймөк.
26.12.2017. 17:44 
Тайпасы:
Жаран
Комментарийлердин саны:
272
Катталган:
30-01-2012
Соӊку аракети:
21-11-2019 14:01
Жынысы:
Белгисиз
Калаасы:
самара
+3
Түктөрдүн Бешикташ фк да ойногон да кыргыз бала бар эле, ошол жөнүндө да кээңири маалымат бергилечи сураныч.Автандил болуш керек аты.
27.12.2017. 08:55 
Тайпасы:
Жаран
Комментарийлердин саны:
186
Катталган:
29-03-2014
Соӊку аракети:
22-01-2020 16:54
Жынысы:
Белгисиз
0
noeli, Автандил эмес, Мирлан Мурзаев.
26.12.2017. 17:59 
Тайпасы:
Жаран
Комментарийлердин саны:
1009
Катталган:
14-11-2015
Соӊку аракети:
23-01-2020 01:33
Жынысы:
Белгисиз
Калаасы:
Ата-энемдин журогу...
+3
Ийгилик!!! Онугуу!!!
26.12.2017. 20:23 
Тайпасы:
Жаран
Комментарийлердин саны:
97
Катталган:
09-04-2012
Соӊку аракети:
16-01-2020 21:24
Жынысы:
Белгисиз
+2
Ийгилик!
27.12.2017. 00:37 
Тайпасы:
Жаран
Комментарийлердин саны:
66
Катталган:
17-01-2011
Соӊку аракети:
23-01-2020 00:36
Жынысы:
Белгисиз
Калаасы:
Садагам Оштой жеримди..
+2
Красавчик го!) Ийгиликтер болсун !
27.12.2017. 15:08 
Тайпасы:
Кыймылы жок
Комментарийлердин саны:
9
Катталган:
26-12-2017
Соӊку аракети:
09-01-2019 08:00
Жынысы:
Белгисиз
+2
Ийгилик
28.12.2017. 03:29 
Тайпасы:
Жаран
Комментарийлердин саны:
156
Катталган:
13-05-2014
Соӊку аракети:
22-01-2020 21:34
Жынысы:
Белгисиз
Калаасы:
МО
+2
Жакшынакай бала экен)
30.12.2017. 21:50 
Тайпасы:
Жаран
Комментарийлердин саны:
10
Катталган:
28-07-2012
Соӊку аракети:
22-01-2020 08:59
Жынысы:
Белгисиз
Калаасы:
кадамжай
+1
Бою шик)))
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23503;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: