Архив
897   898   899   900   901   902   903   904   905   906   907   908   909   910   911  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ӨЗГӨЧӨЛӨНГӨН АКЧА БИРДИГИ ЖҮГҮРТҮҮГӨ ЧЫГУУДА

№785 17-23-ноябрь, 2017-ж.



2017-жылдын 17-ноябрынан тарта өлкөбүздүн жарандары жана коноктору үчүн жаңы чыгарылган 2000 сом номиналындагы улуттук валютанын алгачкы нумизматикалык эстелик банкноттору сунушталат. Бул акча бирдиги өзүнүн оригиналдуу дизайны, чектелген нускасы жана коргоо белгилери менен буга чейин чыгарылган улуттук валюталардан айырмаланат. Кыргыз Республикасынын Улуттук банкынын жетекчилиги жакында эле аталган акча бирдигинин бет ачарын өткөрүп, көпчүлүктү кызыктырып келе жаткан бир катар суроолорго жооп берди.

ЭСТЕЛИК БАНКНОТТУ ЖҮГҮРТҮҮГӨ ЧЫГАРУУ СЕБЕПТЕРИ

Эстелик банкнот өзүнө бир учурда эки тарыхый окуяны камтып, Кыргыз Республикабыздын көз карандысыздыгынын 25 жылдыгына жана 2018-жылы белгилене турган улуттук валюта – сомубуздун жүгүртүүгө чыгарылышынын 25 жылдыгына арналат. Ушул эки маанилүү тарыхый окуяларды даңазалоо үчүн Кыргыз Республикасынын Улуттук банкы көз карандысыз мамлекетибиздин тарыхындагы алгачкы эстелик банкнотту чыгарып жатат.

БАНКНОТТУН ӨЗГӨЧӨЛҮГҮ ЖАНА СҮРӨТТӨЛҮШҮНҮН МААНИСИ

Эстелик банкнот – кыргыз мамлекеттүүлүгүнүн пайдубалынын түптөлүшүн, байыркыдан бүгүнкү күнгө чейинки калыптануу жолун чагылдырган жана заманбап коргоо элементтерин камтыган, өзгөчөлөнгөн дизайнга ээ.
Банкноттун алдыңкы бетинде чачыранды урууларды бириктирип, түпкүлүктүү кыргыз элинин уюткусун кураган Айкөл Манас атабыздын Аккуласын минип, жоо-жарагы шайма-шай эл четинде, жоо бетинде турган элеси чагылдырылган. Кыргыз эли ыйык тутуп, табынып келген, жаман көздөн жана суук сөздөн коргоп, анын руханий дүйнөсүнүн көөнөрбөс кутуна айланган ыйык «Умай эне» белгиси, көчмөн элдин турагы – жакшы жашоо, байгерчиликтин, ырыс-ынтымактын символу боз үйдүн сүрөттөлүшү негизги сюжетти толуктап турат.
Кыргыз элинин басып өткөн жолун, жакшы жашоого умтулуп, жетишкен ийгиликтерин чагылдырган өмүр дарагы банкноттун арткы бетинин негизги сюжети. Аалам эгеси, асман тиреген «Хан-Тенгри» улуулукту, айкөлдүктү туу тутуп, алдыга үмүт артып жашаган, кайрат-күчү майтарылбас кыргыз элине мүнөздүү касиеттерди чагылдырса, көз жоосун алган көгүлтүр Ысык-Көлдүн керемет сүрөттөлүшүнүн алкагында канатын кере жайып учуп бара жаткан бүркүттүн элеси эркиндикти сүйгөн, тоскоолдуктарды тоготпой жиреп өтүп, сүр көрсөткөн, адилетсиздикке элдешпес кыргыз мүнөзүн чагылдырат.

НУМИЗМАТИКАЛЫК ЭСТЕЛИК БАНКНОТТУН БЕТ АЧАРЫ

Буга чейин эле коомчулукта 2 миң сомдук акча бирдиги чыгат экен деген маалымат тарап, көпчүлүк анын жүгүртүүгө чыгар саатын күтүп жаткан. Кыргыз Республикасынын Улуттук банкы элдин суроо-талабын көпкө жоопсуз калтырбай, атайын басма сөз жыйынын өткөрүү менен журналисттерди кызыктырган бир катар суроолорго жооп кайтарды. Улуттук банктын төрагасы Кубанычбек Кулматовдун айтымында, бул банкноттун дизайны боюнча маселе көпкө талкууланып, тигинен жасоо чечими кабыл алынган:
– Себеби башка акча менен чаташтырбоо керек. Аны бир учурда эле нумизматикалык жана катардагы акча катары колдонууга болот. Ал өлкөнүн аймагында башка банкноттордой эле соода каражаты катары күчкө ээ. Башка өлкөлөрдүн тажрыйбасы көрсөткөндөй, жүгүртүүдө банкноттун номиналы эстелик банкноттун номиналы менен бирдейлиги калктын көп адашып калуу учурларын жарата тургандыгын көрсөткөн. Анын үстүнө 1000 жана 5000 сомдуктардын аралыгынын алыстыгы ыңгайсыздык алып келе тургандыгын да эл айта баштаган. Ошондуктан калктын ушул пикири да эске алынды. Эстелик банкнот мамлекеттин маданиятын жана көз карандысыз өлкөнүн имиджин эл аралык деңгээлде таанытуу максатында чыгарылып жатат. Бирок бул банкнотторду терминалдар кабыл албайт. Техникалык жактан мүмкүн эмес, себеби бул банкнот бир тираж менен гана чыгарылды. Мындан ары толукталып кайра басылбайт.
Эстелик банкноттун өзгөчөлөнгөн дизайны тууралуу маалымдап жатып, Улуттук банктын Нак акча менен иш алып баруу башкармалыгынын жетекчиси Медина Аширалиева бул акча бирдиги Кыргыз мамлекеттүүлүгүнүн калыптануу тарыхын, байыркы замандан азыркы убакка чейинки өзгөрүүлөрдү чагылдыра тургандыгын айтты:
– Эстелик банкнотто чагылдырылган Манастын эстелиги жана ушул эстеликте көрсөтүлгөн «Манас» эпосунан алынган «Кулаалы таптап куш кылдым, курама жыйып журт кылдым!» деген үзүндү банкноттун негизги сюжетин түзөт. Банкнот бул төлөм каражаты гана эмес, мамлекеттин тарыхый-маданий мурасын жана улуттук колоритин чагылдырган мамлекетти таанытуучу, улуттук символика болуп эсептелет. 2000 сом номиналындагы эстелик банкнот Кыргыз Республикасынын аймагында расмий төлөм каражаты статусуна ээ жана төлөм каражаты катары милдеттүү түрдө кабыл алынууга тийиш. Мындай банкноттор акыркы эмес, ар кандай мааракелүү даталарга арналып дагы да чыгарып турабыз.
Ошентип, мамлекеттин басып өткөн жолундагы эки учурду элибиз эстеликке сактап калышына шарт түзүп, Кыргыз Республикасынын Улуттук банкы алгачкы эстелик банкнотту жүгүртүүгө чыгарды. Кыргызстандын тарыхында олуттуу мааниге ээ болгон мына ушул бурулуш учур калайык-калктын гана эмес, акча белгилеринде түшүрүлгөн сүрөттөлүштөрдө да түбөлүк сакталып калмакчы.

2000 СОМ НОМИНАЛЫНДАГЫ ЭСТЕЛИК БАНКНОТТУН НЕГИЗГИ КОРГОО БЕЛГИЛЕРИ

  • Түстүү голограмма
    Банкнотту сол жактан оң жагына же тескери кармап, жантайыңкы алып кароодо «25» деген сан улуттук оюу-чийимге айланып өзгөрөт.
  • Микрооптикалык тилке
    Банкнотту жантайыңкы алып кароодо тигинен жайгашкан тилкеде чагылдырылган сүрөттөлүштөр ар башка түстө, көлөмдө кубулуп, чагылышып көрүнөт.
  • Көмүскө сүрөттөлүш
    Банкнотту жантайыңкы алып кароодо түркүн түстүү тилкелер пайда болот.
  • Банкноттун арткы бетиндеги иридисценттик тилкеде канатын кере жайып учуп бара жаткан куштун эки түстө берилген элеси чагылдырылган.
  • Суу белгиси
    Ар тараптан чагылдырылып, түркүн түскө кубулуп көрүнгөн суу белгиси сандык номиналдын электротиби.
  • Өтмө регистр
    Банкноттун алдыңкы жана арткы бетинде бири-бирине дал келтирилип жайгаштырылган айырмалоочу белги. Жарыкка салып кароодо андан «2000» деген санды көрүүгө болот.

Айгүл Молдобекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
22.11.2017. 20:44 
Тайпасы:
Жаран
Комментарийлердин саны:
27
Катталган:
21-10-2017
Соӊку аракети:
18-02-2020 00:48
Жынысы:
Белгисиз
0
жакшы жакшы
23.11.2017. 00:07 
Тайпасы:
Жаран
Комментарийлердин саны:
74
Катталган:
14-02-2016
Соӊку аракети:
27-05-2020 20:04
Жынысы:
Белгисиз
0
Ошондо 2000сомду кадимки акчалардай эл арасында колдонобузбу же эстелик эле болуп калабы мен тушунгон жокмун
23.11.2017. 11:25 
Тайпасы:
Кыймылы жок
Комментарийлердин саны:
17
Катталган:
23-04-2017
Соӊку аракети:
08-11-2018 10:56
Жынысы:
Белгисиз
Калаасы:
Кыргызстан
0
Kuba-savai87, жугуртууго берилди дегенден кийин колдонобуз да...
23.11.2017. 19:22 
Тайпасы:
Жаран
Комментарийлердин саны:
26
Катталган:
22-04-2017
Соӊку аракети:
28-05-2020 22:16
Жынысы:
Белгисиз
0
Kuba-savai87,эстелик катары да сактасак болот
26.11.2017. 03:23 
Тайпасы:
Жаран
Комментарийлердин саны:
1
Катталган:
16-08-2017
Соӊку аракети:
13-12-2019 19:40
Жынысы:
Белгисиз
0
Дизайн жакшы болбоптур' акчага да окшошпойтко!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
23946;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: